ARMAZI
Kartlis Cxovreba II
Part No. 495

Page of edition: 495  Line of edition: 1    ფიცხლად მდევნელნი და განლაღებულნი მათ ზედა. ამას ზედა შეწუხნა შაჰ-ისმაილ,
Line of edition: 2    და შემოუტივეს შაჰ-ისმაილ და სპათა მისთა ყარაყოინლუთა.

Line of edition: 3    მაშინ დაშთეს ქართველნი წინათ-კერძო და უკანა მათსა შაჰ-ისმაილ და სპანი
Line of edition: 4    მისნი, რამეთუ ფრიადისა ომისაგან მაშურალთა ქართველთა, \ რაც ოდენ ძალ-ედვათ,
Line of edition: 5    ძლიერად ბრძოლა უყვეს, და განგრძობასა შინა ომისასა იძლივნეს სპანი ქართველთანი.

Line of edition: 6    \ მაშინ ივლტოდა მეფე ლუარსაბ და მივიდა ზემო ქართლს, და კუალად ენება
Line of edition: 7    შეკრება სპათა და ბრძოლად არამედ ვერღარა უძლო ადრე შეყრა, რამეთუ დაიფანტნეს
Line of edition: 8    ქართველნი.

Line of edition: 9    და წარმოვიდა შაჰ-ისმაილ და გარე-მოადგა ციხესა ტფილისისასა და ბრძოლა
Line of edition: 10    უყო ძლიერად. მაშინ აღუთქუეს ნიჭი დიდი ციხისთავსა მას ტფილისისასა, და ესრეთ
Line of edition: 11    მოინდო ციხისთავი იგი, და მისცა ციხე. და დაიპყრა ციხეცა და ქალაქი, და ქმნა
Line of edition: 12    მრავალი ბოროტი. შემუსრნა წმიდანი ეკლესიანი, და შეაგინნეს სიწმიდენი, და მრავალნი
Line of edition: 13    ხატნი და ჯუარნი წარყვნეს. და თჳთ შემუსრა ჴელითა თჳსითა სიონთა
Line of edition: 14    ღმრთისმშობელი და განძარცუა მრავალფასი სამკაული, ქართველთა მეფეთაგან სასოებით
Line of edition: 15    შემკული; ამან უღმრთომან მიჰყო წარმდებად ბილწი ჴელი თჳსი და შემუსრა,
Line of edition: 16    და უფასონი იგი თუალნი და მარგარიტნი თჳთ წარიღო, და წმიდა იგი ფიცარი
Line of edition: 17    განაშიშულა მძლავრმან უსჯულომან შაჰ-ისმაილ, და დასდვა თავსა ზედა განსავალსა
Line of edition: 18    მას ჴიდისასა, რომელ არს ციხესა შინა ტფილისისასა.

Line of edition: 19    და შეიპყრნეს მრავალნი \ ქრისტეანენი, და მიჰკრიბეს ჴიდსა მას ზედა და მძლავრებით
Line of edition: 20    აიძულებდეს ფერჴითა დათრგუნვად ხატსა მას. რომელთამე ქრისტეანეთა ფრიად უარ-ჰყვეს
Line of edition: 21    განსლვა ჴიდსა მას ზედა და დათრგუნვად ხატსა მას წმიდისა დედოფლისა
Line of edition: 22    ჩუენისასა, და მრავალთა აღირჩიეს სიკუდილი და არა დათრგუნეს ხატი იგი, და
Line of edition: 23    წარეკუეთნეს წმიდანი და ყოვლად ქებულნი თავნი მათნი, და აწ იმოთხვენ ყუავილთა
Line of edition: 24    მათ შინა დაუჭნობელთა, წმიდათა ორმეოცთა მოწამეთა თანა. ხოლო რომელნიმე
Line of edition: 25    ქრისტეანეთაგანნი მომედგრდეს უძლურებითა ჴორცთათა და დაკლებულ იქმნეს სასუფეველისაგან,
Line of edition: 26    რამეთუ ვერა-რა ივაჭრეს, და განვიდეს კრებისაგან ცალიერი.

Line of edition: 27    ხოლო ოდეს აღასრულა ყოველივე სიბოროტე თჳსი მძლავრმან უსჯულომან
Line of edition: 28    შაჰ-ისმაილ, მაშინ გარდაუტევეს ხატი იგი წმიდისა დედოფლისა ჩუენისა ღმრთისმშობელისა
Line of edition: 29    მდინარესა მას შინა მტკუარსა და წარიღო ხატი იგი წყალმან მან, და განვიდა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.