ARMAZI
Kartlis Cxovreba II
Part No. 501

Page of edition: 501  Line of edition: 1    ამასვე ქორონიკონსა ციხისჯუარიდამ აწყურისა ღმრთისმშობელი ტყუედ წაასუენეს
Line of edition: 2    იმერეთს.

Line of edition: 3    ხოლო სცნა რა საქმე ესე ხვანთქარმან სულთან სულეიმან, წარმოვიდა იგიცა
Line of edition: 4    ძალითა მრავლითა და გულისწყრომითა მესხთა ზედა.

Line of edition: 5    მაშინ შაჰ-თამაზ ვერღარა უძლო წინააღდგომად მისსა და მოიპოვა მზაკუარება
Line of edition: 6    ესე, და მიუმცნო ოთარს \ შალიკაშვილსა სიტყუანი გულისწყრომისანი. მიუწერა წიგნი
Line of edition: 7    რისხვისანი, და ექადდა მოკუეთასა თავისასა, და სრულიად იავარ-ყოფასა ქუეყანისა
Line of edition: 8    მათისასა. ამ\ისთჳს \ მოსწერა ესე წიგნი, რომ ოთარს მიეგზავნა ხვანთქრისათჳს,
Line of edition: 9    რომ შაჰ-თამაზ ჩემი მტერია და ესრეთ მექადვისო, და მით მორჩომოდა ხვანთქარსა.

Line of edition: 10    ვითარცა მიუვიდა წიგნი იგი ოთარსა, მეყსეულად წარუვლინა წიგნი სულთან
Line of edition: 11    სულეიმანს, და მიუმცნო სიმართლე თავისა თჳსისა და უბრალო-ყოფა მისლვისათჳს
Line of edition: 12    ყაენისა.

Line of edition: 13    მაშინ მიხედა ღმერთმან მესხთა, და შეიბრალა სულთანმან და წარვიდა სახიდ
Line of edition: 14    თჳსად სულთანი, და წარვიდა ყაენიცა. ხოლო ბაგრატს, მპყრობელსა იმერეთისასა,
Line of edition: 15    აქუნდა შური დიდი დადიანისა, რამეთუ მაშინ ოდეს შეება ურუმთა ბაგრატ, ესე დადიანი
Line of edition: 16    არა თანამწე ეყო მას. ამისთჳს განიზრახა და მოაწვია დადიანი ლეონ ჭალასა
Line of edition: 17    ხონისასა, და ღალატად შეიპყრა იგი ბაგრატ მპყრობელმან იმერეთისამან და პატიმარ
Line of edition: 18    ჰყო. მაშინ მიუმცნო გურიელსა საქმე ესე, და აწვია იგი განლაშქრებად ოდიშსა ზედა
Line of edition: 19    და აღუთქუა ნახევარი ოდიშისა.

Line of edition: 20    ხოლო გურიელმან არა უსმინა და თქუა გულსა შინა თჳსსა: "ვინათგან ოდიშიცა
Line of edition: 21    დაიპყრას, განლაღნების და მერმე აღიძრვის ჩემ ზედაცა ბოროტის-ყოფად უეჭუელად".

Line of edition: 22    ხოლო რაჟამს სცნა ბაგრატ არა მოსლვა გურიელისა, მაშინ ენება თუალების
Line of edition: 23    დაწვა დადიანისა და არღარა ინება, და ჰყვანდა იგი პატიმრად გელათს სამრეკლოსა
Line of edition: 24    შინა.

Line of edition: 25    მაშინ ათაბაგმან ქაიხოსრო, სცნა რა შეპყრობა დადიანისა, აღძრა ჩხეიძე ხოფილანდრე
Line of edition: 26    და გააპარა დადიანი, და მიიყვანა ათაბაგთანა. \ ხოლო ათაბაგმან და გურიელმან
Line of edition: 27    წარიყვანეს და გააბატონეს იგი ოდიშს, და კუალად იპყრა დადიანმან ოდიში.

Line of edition: 28    ამისა შემდგომად გაუწყრა ხვანთქარი გურიელსა, და მოიჴსენა ძჳრი პირველი,
Line of edition: 29    რაჟამს იგი თანაშემწე ეყო ბაგრატს, და მოსწყჳდნეს სპანი მრავალნი ხვანთქრისანი.

Line of edition: 30    ამისთჳს წარგზაინა სპანი მრავალნი გურიასა ზედა, და მოვიდეს ბათომს, და იწყეს
Line of edition: 31    შენებად ციხისა. მაშინ შემოიკრიბა სპა თჳსი გურიელმან და წარვიდა მათ ზედა, და
Line of edition: 32    მისცა ღმერთმან ძლევა და გაემარჯუა გურიელსა. დაუტევეს ბათომი, და შევიდეს
Line of edition: 33    ზღუასა შინა ნავებითა. და აღუდგეს მათ ღელვანი მძაფრნი, და განყარნა იგინი


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.