ARMAZI
Kartlis Cxovreba II
Part No. 502

Page of edition: 502  Line of edition: 1    ჭორასს გაღმართ; და იყო იგი მდინარე ჭორახი აღდიდებულ, და ვერღარა განვლეს
Line of edition: 2    იგი ცხენებითა გურიელმან და სპათა მისთა.

Line of edition: 3    მაშინ მივიდეს გონიას, და იწყეს შენება ციხისა; და გამაგრდენ ოსმალნი და
Line of edition: 4    იწყეს მძლავრება, ამოსწყჳტეს ჭანეთი, და თჳთ დაიპყრეს. ხოლო გურიელმან ითხოვა
Line of edition: 5    შეწევნა ბაგრატისაგან და დადიანის ლეონისაგან. მაშინ დადიანმან შემოიყარა სრულიად
Line of edition: 6    აფხაზნი და ოდიშარნი, და წარვიდა.

Line of edition: 7    ხოლო ბაგრატცა წარავლინა ძმა თჳსი ვახტანგ, და სპანიცა იმერელნი წარატანნა
Line of edition: 8    კაცი ხუთასი. და აუწყა ბაგრატ ძმასა თჳსსა ვახტანგს: "ამას წადიერ იყავ,
Line of edition: 9    რათა არა ჰყონ დადიანმან და გურიელმან ერთობა. და უკეთუ იგინი გაერთდენ, მრავალი
Line of edition: 10    ბოროტი გუეწიოს ჩუენ მათ მიერ, და ეცადე, რომე დადიანი არ შეეყაროს
Line of edition: 11    გურიელსა", რამეთუ მაშინ იდგა დადიანი თუალსა რიონისასა.

Line of edition: 12    და ვითარცა მივიდა ვახტანგ საჯავახოს, მიუმცნო დადიანსა, ვითარმედ: "შენცა
Line of edition: 13    უწყი, ვითარცა მე ფიცი ვარ შენი და არა-რას დაგიფარავ. ესე უწყოდე, რამეთუ ძმამან
Line of edition: 14    ჩემმან ბაგრატ და გურიელმან შეთქმულება \ ყვეს შენ ზედა; და თუ მოხვალ
Line of edition: 15    გურიას, ღალატი ნებავსთ შენი. მაშინ სცნეს რა ესე მეგრელთა მოშიშართა, არღარა
Line of edition: 16    ინებეს წამოსლვა გურიას, და მივიდა ვახტანგ როსტომ გურიელთანა ბათომს.

Line of edition: 17    ხოლო ვინათგან არღარა მოვიდა დადიანი, ვერღარა შეუძლო გურიელმან ბრძოლად
Line of edition: 18    ოსმალთა, და ვერცაღა განვიდეს გაღმა, რამეთუ არა აქუნდათ ნავები. მაშინ
Line of edition: 19    ოსმალნი უფროსღა განძლიერდეს, და აღაშენეს ციხეები. ხოლო წარმოვიდა ვახტანგ
Line of edition: 20    იმერეთს.

Line of edition: 21    ამისა შემდგომად მიიცვალა ბაგრატ, მპყრობელი იმერეთისა, და დამარხეს გელათს.

Line of edition: 22    და დაიპყრა იმერეთი ძემან მისმან გიორგი.

Line of edition: 23    და ეპყრა როსტომს გურია წელსა ი~ბ, და მიიცვალა იგიცა, და დაეფლა შემოქმედს.

Line of edition: 24    და ესხნეს ძენი სამნი, და უხუცესსა ეწოდა გიორგი და ესე დასუეს გურიელად.

Line of edition: 25    ხოლო ესუა ასული როსტომ გურიელისა ძესა დადიანისასა ცოლად. და შემდგომად \
Line of edition: 26    სიკუდილისა მისისა განუტევთ ქალი იგი ძემან დადიანისმან და ქმნა დიდი
Line of edition: 27    ბოროტი, რამეთუ ბიძასა თჳსსა წაართუა ცოლი და თჳთ შეირთო ცოლად.

Line of edition: 28    და გამოჴდა ხანი რამე და კუალად ერთობა ყვეს გიორგი \ გურიელმან და
Line of edition: 29    დადიანმან ლეონ. და შეირთო გურიელმან ასული დადიანისა ცოლად, და შემდგომად
Line of edition: 30    მცირედისა მანცა განუტევა ასული დადიანისა, და იძია შური.

Line of edition: 31    სცნა რა ესე გიორგი, მპყრობელმან იმერეთისამან, მაშინ ეზრახა გურიელსა და
Line of edition: 32    ყვეს ერთობა. რამეთუ ჰყვა მას სძალი ქურივი, და მისცა იგი ცოლად გურიელსა
Line of edition: 33    გიორგის შურად დადიანისა, და იწყეს მტერობად დადიანისა. და ვერღარა შეუძლო
Line of edition: 34    წინააღდგომა მათი დადიანმან, და მეოტად წარვიდა სტამბოლს, და მოაჯე ექმნა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.