TITUS
Svan Chrestomathy (I: Upper Bal): Part No. 57
Text: 42
Line of edition: 23
42. ნახოვშ ლ̄დგა̈რი ლირშვნი-ლიფა̄ნე
Line of edition: 24
თოფშვ ლქა̈ჩ ლახე უჟგუ̄ნად იდგარო̄ლდა ღალ ი ეჩქას, ჩუ ნაშდუღუნღო,
Line of edition: 25
მო̄შ-მო̄შ სა̈ხმახა̈რს ხა̈ჩომდახ ესმსედა̄̈ლ, მარე ჩუ ლიშდღვა̄̈ლდი ლა̈სვ ლეწიხ
Line of edition: 26
აჯაღდ მო̄შ გოშა̈რ.
Line of edition: 27
ლაშდღვა̄ლთე მე̄ზი მეზგე, ჟეღს მა̈გ სგა იჭმინა ლაშდღვა̄ლთე, ეჯღა ერე ეჯასი
Line of edition: 28
ხეთხო̄ლდა ეშხვი-ჲორი ნა̄პუ. ლდგა̈რი ფუსდ ჲერვეშდ ღეთ ქაბა̈ბს-ლაშდღვა̄ლა̈
Line of edition: 29
დიჲა̈რს ჩვაკვშუ̄რა ი ლეჲდუ̄ნიდ და̄̈სგდა. ლეჲდუ̄ნი̄ მჲე̄სგი ქა ითშო̄ლდა
Line of edition: 30
ი ამის ხა̈ბრა̈ჲახ ლეჲდუ̄ნის.
Line of edition: 31
ლაშდიღვთ' ე̄სყა̄̈დხ ლდგა̈რ, ეჩქას ლეჲდუ̄ნი̄ მეჲესგის წრნი ბაშლყ ჟი
Line of edition: 32
ხა̄გა̈ნ თხუმჟი̄ნ, ჴე̄რჲა̈რ ბარჯა̈რჩუ̄ნ ხოთხა̈ფ , ლეჲდუნი კალთჲარდ ხოჭო̄ნა̄̈ნ ი სგვებინ
Line of edition: 33
ესღრდა. ამის ჟეღ მა̈გ სგა ხეჭვა̄და̄̈ნ ი ალ მა̄რე ჩუ ხოშდა ნეც-ნეცინდ ნაკვშუვა̈რს.
Line of edition: 34
ამის ჟეღა̈რ სგა ხეჭვა̄დო̄ლდახ ი ხა̄დხ ღი̄ნჯ-მი̄ნჯ. ჟეღა̈რს ლიღ̄მბა̄̈ლი
Line of edition: 35
ხოჩ̄დენდახ ალ ლეჲდუ̄ნი̄ ლაღე̄შგა̄ლს. ამჟი̄ნ საფლა̈ვთე ლიჰა̄ლვ ლეჲდუ̄ნის ჩუ
Line of edition: 36
ხოშდახ ჟეღა̈რს ამი̄ მჲე̄სგი.
Line of edition: 37
ლდგა̈რ ღვეშგიმ ა̈ხყა̄̈დხ. ლიკი̄ლი, ლიტფუ̄რა̄̈ლ ი ლილჭა̄̈ლ ქა ლუღუ̄ზე
Line of edition: 38
ლა̈სვ.
Line of edition: 39
ჟეღა̈რ იღ̄მბა̄ლხ, ეჩქას ფუსნა̄̈დუჲ სგა ხეჩ̄და̄ლხ ლაწენა̄ლს ი მინს ხოჩ̄დენდახ
Line of edition: 40
ლიყა̄̈რჲე̄ლ.
Line of edition: 41
ლდგა̈რი სერდე ხოხვრა გარ ხა̄დ ჩი̄ ეჩქას ი ალჲარე ლაზა̈ვს ხეკვა̈დ მა̈გ ჟი.
Page of edition: 43Line of edition: 1
ათხე̄ჲ ხაჭთეხ ჟეღი მყერს, ჟეღი ფუსნა̄̈დუ: "მიჩა ლეჲდუ̄ნისუ ესერ იზბი ალ ჟეღ,
Line of edition: 2
ჟეღი ნა̈ყრიე̄რ".
Line of edition: 3
ლდგა̈რს ჩვაშდიღვდახ, ეჩქანღო მე̄რმა ი მე̄სმა ლადა̈ღჟი̄ნ ყვიჟს ა̈ჲსენდახ
Line of edition: 4
ამი̄ საფლა̈ვჟი̄ნ ი ქა ხოფა̄ნახ.
Line of edition: 5
ეჩის ქა̄მენჩუ̄ნ, ნახოშ ნადგარვს მო̄შ ლიფა̄ნე ხეკვა̈დ. ლახე თოფშვ ნადგარვს
Line of edition: 6
ფინდიხ სგა ხესდენდა ტა̈ნისგა, ეჩქას ლე̄თშვ ეჩი̄ საფლა̈ვხა̈ნჟი̄ნ მიჩა მუჭურფსელის
Line of edition: 7
ლიკი̄ლი ხესმო̄ლდა. ეჩქა ამის ჟი იბრჯახ, ფინდიხს ქა ხოკა̈დდახ ი ეჩქანღო
Line of edition: 8
სერ ეჩი̄ საფლა̈ვხა̈ნჟი̄ნ ლიკი̄ლი მა̄მ ისმო̄ლდა ი ლდგა̈რ ჟი იშვმინა.
Line of edition: 9
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
