TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 61

Text: 46

Line of edition: 32

46. ლიწვრი

Line of edition: 33       მა̄რა ლახე მა̄რე ხოლა̄მდ ჩვაქჩენი ლადგა̈რჲაშვ თოფშვ ი მა̄დეი იშგან
Line of edition: 34    ნახოშ, ლქა̈ჩს ჩვაყვნეხ ქორს. მა^̄̈ნკვი ზურალა^̄̈რ ლიკი̄ლჲე̄ლს ასყე̄ნეხ ი ლიწრა^̄̈ლს
Line of edition: 35    ი ლიზრზეს ხობნეხ მქჩენის ი მიჩა ქორს ი სამხუბს. ღვაჟა̈რ თხვიმნა̈კუშ
Line of edition: 36    ჩუ სგურხ. ამჟი̄ნ მესვფელა̄ჲ ჴედნიხ კილ ლა̈კვჰათე. სგა ხაქორქოცახ მა̈გ ლეგ
Line of edition: 37    მერდა ლქა̈ჩს. აშხუნღო ჩუ იდა^̄̈წყი მა̈გ ი ჩუ ისგვრიხ. ლქა̈ჩცახა̈ნ ერხი გარ
Line of edition: 38    სგურხ. ჯვინალდ შიშდ ა̈ქიმს ჴიდა მა̈გ. ეჯა ჟი იწვე̄ნა ლქა̈ჩს, ჩუ ხოლჯა̈შდა, ეჩქანღო
Line of edition: 39    ლიღვჭარა^̄̈ლს ხობნა მეზგა. მა^̄̈ნკვი ხეჭიჭდ აშხვ ქვილმგენ'ა^̄̈ჲა^̄̈სგი, ლახე
Line of edition: 40    ჟ'ანხოჩვი, ეჩქას იშგენ ფა̈ს ხა̄რ ლეჰვდი. ჩი ლე̄თ მლგენიდ გვეში ლი ქორ. ერ
Line of edition: 41    იცგ̄ნა^̄̈ლ, ერ ჭუ̄ნირს აშმე, ერ ჩა̈ნგს აშმე, ერ იმჟი̄ნ ისდუნე ლეგდ მერდა ი ერ
Line of edition: 42    იმჟი̄ნ. ღვეშგმეპილი დვრევ ხოჴდენი ლქა̈ჩს, ეჩქას ჩვაშგვრა̄ნე მიჩა ლეშგვრა̄-
Page of edition: 46 Line of edition: 1    ნა, ერე: "ჯ' ე̄სერ უწვრად ნომა̄ვ აცვირხ". ეჩქანღო იბნე ლიქუ̄ნავა^̄̈ლს ი ჩუ ღალ
Line of edition: 2    იდგა̈რი. ლდგა̈რს ვიშკ-პილს ჩუ ხონჭუ̄რეხ, ეჩქას ზურალა^̄̈რ ლიკი̄ლჲე̄ლს ი ლიტფუ̄რა^̄̈ლს
Line of edition: 3    იბნეხ ი ღვაჟა̈რ _ ლიგვა̈ნეს. ერხი გუნ სგახი̄შ ზურა̄ლ ყაბა̈ ნა̈თსა̈ვს დე̄მის
Line of edition: 4    იცვრე, ეჩჟი̄ნ იტფუ̄რე ჩი̄ ჩუ. მე̄რმა ლადა̈ღ ჴედნი მა̈გ მესვფელ ლაგვა^̄̈ნათე.
Line of edition: 5    სოფელისგა ზურა̄ლ ი ღვეჟმა̄რე და^̄̈რ სედნი ლდგა̈რი ჩუ უგვა^̄̈ნად. ქორა̈ ღვაჟა̈რ
Line of edition: 6    ფაყვა̈რს დე̄მის იკედხ ლაგვა^̄̈ნაჟი̄ნ ი ლაშდიღვჟი̄ნ. ალ' ე̄ჩი̄ ლა̈ნშა̈ნ ლ', ე̄რე
Line of edition: 7    ღვაჟა̈რ შგურა^̄̈ლ ლიხ ი ოდე დო ჩვა̈დწორეხ მინე ლ̄დგა̈რს, ეჩქად ფაყვა̈რს
Line of edition: 8    დე̄მის იკედხ ი დე̄ჲ ხა̄რხ ჩუ ლაკა̈დ, ადო ეჩქას აჯაღ ხოშა̄მ ხენტრა^̄̈ლხ მა̈გ. ქალაცვა̄ლი
Line of edition: 9    დე̄შა ხა̄რხ, ადო ლაცვა̄ლჟი შიშდ უწვრა-უთხე̄ლას ხეწრა^̄̈ლხ მა̈გ. ქა იმვა^̄̈თე
Line of edition: 10    ღრიხ, ჩიჲა^̄̈გ ნახე ხა^̄̈ბხ: "ნო̄თავ ესერ ა̈ნდარეხ ჲა̈რ ლედგა̈რიდ მინე მდგა̈რი
Line of edition: 11    ნა^̄̈თჲა̈რ ".

Line of edition: 12       ლდგა̈რს ჩვაშდღვიხ, ეჩქას ლდგა̈რი მაშე̄ნე ძირიშ (გეზალ ი ჲედ მუხვბე)
Line of edition: 13    საფლა̈ვჟი̄ნ ლაწვრია̈ თვეფს აკვა̄ნე, ეჩქანღო ლაშდღვა̈ლს იჩომ ი სოფელს ეჩჟი̄ნ
Line of edition: 14    ფიშვდე.

Line of edition: 15       მა̄როშ ნადგარვ მა̈გ ჩუ მა̄მა იწვრი. ერხის ხოჩა მა̄რა^̄̈ლ ხეზელა^̄̈ლხ უშხვა̄რ
Line of edition: 16    ნე̄სგა ი ჩვასყე̄ნეხ ლედგა̈რი̄შ ი მდგა̈რი̄ ქორშა̈რს ი ნა^̄̈თჲა̈რს. ლაწვერთე ლახე
Line of edition: 17    ჲა̈რ ღრიხ, ეჩქას ქორშა̈რს მეხვბარა̈რ ი ლა̈დჲა̈რხანი სგახი̄ ნა^̄̈თჲარი̄ ხონჴრიხ მო
Line of edition: 18    შიყდ. ლახე ლედგა̈რიდ ჲა̈ს მოშ იკვა̄ნეხ ჲედ მდგა̈რის, მა̄დეჲ ეჩი̄ ქორშა̈რს, ეჩ
Line of edition: 19    ქას თვეფ ხაკუჩ ერე ქორა̈ სგახი̄შდ ხაჴდეს ლედგა̈რის. სგახი̄შ ლიხ ჲედ გეზალ
Line of edition: 20    ი ჲედ მუხვბე, მე̄რმა^̄̈ლ მოშიყდ ხონჴრიხ, ლახე ნაწორუნღო ლედგა̈რი̄ ქორშა̈რ ი
Line of edition: 21    ნა^̄̈თჲა̈რ ფა̄და̈სშვ ა̈ხღვეჭნიხ, ეჩქას ეჯჲა̈რე მუვჩენი ლიხ ი ღვეშგდ მტხე. ლაწ
Line of edition: 22    ვერჟი̄ნ სგა უფგოვშ ხეჴვსგენიხ ლედგა̈რის ი თვეფს ხატყციხ, ეჩქანღო ლა̄ტვთე
Line of edition: 23    ყერხ. ლაყა^̄̈რჲა̄ლისგა̄ჲ ამჟი̄ნ იჩოხ. ერვა^̄̈ჲ ლეყერ ხა̄რხ, ეჯას სგა ხეჴვსგენიხ, ჟი
Line of edition: 24    ხატყციხ ღვეშგიმხა̈ნ ჲედ ფაუს, ჲედ მიჯვრას ი ჲედ ხანჯა̈რს ი ეჩქანღო ლა̄ტვთე
Line of edition: 25    ყერხ. ლეყერს მუზვი ჩვაზვენი ი მყერ ხოშა ლაღა̈ლ ჰა̈დვირდ ღრი ქორთე, მარე
Line of edition: 26    ეჩეჩუ̄ნ ლუზრობ ლახე ლი, ნა^̄̈თია̈რ ხეტხენიხ უშხვა̄რ მყერიშ ი ლეყერიშ
Line of edition: 27    ი ძღდ ქაჩა̄რობ ხეფსი. ფიშრა̄მინ თვით ეშდ, მა̄დეი ხოშა იჩქო̄ლდა ეჩხა̄ვ-ამხა̄ვ
Line of edition: 28    ი ეჩქანღო დაგრობ ხეფსო̄ლდა.

Line of edition: 29       მუწვრა ა̈გითე შვიდებდ ჴედნიხ, ეჩქას მინე ლეწვრი̄ საფლა̈ვჟი̄ნ თოფა̈რს აკ
Line of edition: 30    ვა̄ნეხ. ჯვინალდ ხეჯრავა^̄̈ნხ, ერე ალ თოფრე ჰერ ესერ საფლა̈ვთე̄სგა სგა ხესმი ლეწვრის
Line of edition: 31    ი ეჩქანღვ' ე̄სერ გარ ოხგა̈დ რჰიისგა ლირდე, ადო ექად ესერ მუბვირისგა
Line of edition: 32    გარ ა̈რი შდა̄შვ. ეჩქანღო სგა ჴედნიხ ქორთე, სგახიქა^̄̈ ნა^̄̈თია̈რს ქ'ა^̄̈წსიხ ი
Line of edition: 33    ლა̈ხჲადა̄ლს იჩოხ.

Line of edition: 34          მესტია

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.