TITUS
Svan Chrestomathy (I: Upper Bal): Part No. 71
Text: 54
Line of edition: 35
54. ჭათა ი თე-ჲ ჰა̈ყბა
Line of edition: 36
შვანა̈რს ჭათად ი თე̄-ჲ ჰა̈ყბად ხატა̈რდ ხო̄შა̄ჲ ხაყვლვი̄ნდახ ჯვინალდ.
Line of edition: 37
ჲერხი თემა̈რს და̄̈ვა̈ ნაჭათვ ხაჟხახ ი ლა̈დი̄ჲ ეჩას ხატუ̄ლიხ მე̄რმე მესვფელა.
Line of edition: 38
და̄̈ვა̈ ლიჭთუნედ სურუ ხაყვლი̄ნდახ შვანა̈რს. ეჩნქა მაშე̄ნე სოფლი ამნიდ ხაყ
Line of edition: 39
ლუ̄ნიხ. ჲერვა̄̈ჲ სოფელს თხუმ ჟი ხა̈სსგე, ეჯას სოფელ ღნლადა̈ღ ლა̈მზრჟი̄ნ ა
Line of edition: 40
შხვ ჰერჟი̄ნ ჩვაჭვთუნე ი ეჩქანღო ეჯ მეზგე სგვებდ დე̄მის ღრი.
Page of edition: 53Line of edition: 1
ჲერხი ქა მეკვჰე ლა̈სვხ, ერე ხოლა ნაჭათვ ხა̄დხ. მა̈გ ხექა̄ბუნა̄ლ ეჩი̄ ჭათას ი
Line of edition: 2
გუ̄შ ხა̄დ, ერე ლიჭთუნე̄ მქაფდ ჩუ იმჟი̄ნ ოთმა̈ზრე̄ნს. ჲერვა̄̈ჲ სოფლი ნა̈სკიბსვ
Line of edition: 3
დე̄მ ხესკბენდა ი ჲედ ლიჭმეს იბნა ხუ̄ნკვი, ჲედ ლელდაღვ დე̄მ აკვა̄ნა ქა ლა̄რა̄̈ლხა̈ნქა,
Line of edition: 4
ეჯასი ჩვაჭთუნა სოფელ. ლიჭთუნე ეჩქად ხემთქვ̄ნხ ე, ოდე ლეჭთუნე მეზგე
Line of edition: 5
ჟი დო იჰდრა მიჩა ნაჩომს ი სოფელს სგა დო ხეჴრა̄ლ ჰარაყშვ. ეჩქას სოფელ
Line of edition: 6
ჟი ხოკა̈დდა ჭათას. ჲერვა̄̈ჲ ლაჴვა̈მს ა̈კვშა ი ხატა̈რს ატდუფუ̄რი̄ს, ჲედ იშგან გა̈ნზს
Line of edition: 7
ა̈დქვითა̈რდა, ეჩი̄ მუჩვემი ლაჭთუნა ლადა̈ღს ჟი იცხა̈ტდახ, ხეჴ̄რა̄ლხ ლაჴვა̈მს
Line of edition: 8
ლა̈ჲსოვშ ი ჰარაყვშ, ერე მიჩა მუკვშად ივალადა̈ღ შვალა ნო̄მჟი̄ნ ოხვჴი̄დე̄ნს
Line of edition: 9
ი ლერთანთე გარ ოხვსიპვნე̄ნს.
Line of edition: 10
ბა̄̈ლნჩვი̄შს ლახმლდრე ჭათად ხაყვლუ̄ნიხ მაშე̄ნე. ლახე ალ სოფელ ჩუ
Line of edition: 11
ჲა̈ს აჭთუნეხ, ეჩქას ზურალა̄̈რ ი ღვაჟა̈რ ჰანწა̄̈რ მარდა̈რს ა̈ჲე̄სგიხ, სგა ხეგნიხ
Line of edition: 12
ჯგრა̄̈გი ლაჴვა̈მს ი ხატუ̄ლიხ კლთხიდ: "შიშდ ესერ ჟი̄ვ ესთენე მინე ჭათა მინე
Line of edition: 13
ლეჭთუნა, ადო ალ მარდარშვ ესერ რიღვეხ ლუხუნდ". ჭათანქა თე̄-ჲ ჰა̈ყბადი მე̄
Line of edition: 14
ვარ ხაყლუ̄ნიხ შვანა̈რს.
Line of edition: 15
ხოჩა̄მ ლესგდი ქვინლმგენა ი ბეფშვს ქიზუმბურა̈ჲს ხაბემხ, "ღვ' ე̄სერ თე
Line of edition: 16
მა̄დ ლა̈ხგენი".
Line of edition: 17
ხოჩა̄მ დაბა̈რისგა ჩი̄რხუვარ ზიხ, თ'ე̄სერ მა̄დ ლა̈ხგენი ამე̄სგა̄̈ მაჴა̈დს. ჲერხი
Line of edition: 18
ხოლა̄მ თე̄მიშდი ხოთრახ ი "ალ მა̄რე̄მიშ იჲედ ზურა̄ლა̈ ნა̈სგიდშვ შიშდ ესერ ხო
Line of edition: 19
ლა̄მ გუჟი̄ნ არდვნე მა̄რა".
Line of edition: 20
ეჩის ქა̄მენჩუ̄ნ ხოლა ნალხვიჲჲ ესვა̄̈ჲ ხა̄რ, ეჩი̄ ლიხვჲესი გუნ ხექა̄ბუნა̄ლ მა̄̈ნვი
Line of edition: 21
მუშვა̈ნ მა̄რე. ამკა̈ლიბდ ქა მეკვჰე ჲერვა̄̈ჲ ლი, ეჯა ლახე ხეხო̄ლა გზა̄̈ვრთე მე̄ზის,
Line of edition: 22
ეჯა ჟი ხოჭვე̄ნი ეჯ ლადა̈ღ ქორთე ი გზა̄̈ვრთე მა̄მ ღ̄რი. ჲერვა̄̈ჲ ზურა̄ლ
Line of edition: 23
სუტდ ა̈რი ი სერთხი̄ ლახე მეჩი ლი, ეჩი̄ ჭათასი გუნ ხექა̄ბუნა̄̈ლ მა̈გ.
Line of edition: 24
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
