TITUS
Svan Chrestomathy (I: Upper Bal): Part No. 97
Text: 76
Line of edition: 22
76. ლაზრა̈შ
Line of edition: 23
ლაზრა̈შ ხაჟხა ნე̄სგუნა̈ ლახვისგა აშხვ ა̈დგილს. გულა̈ ჴარჴს ამხა̈ნჩუ̄ნ ლი ი
Line of edition: 24
ალა ლა̈ჭმა ლი ი ლალდა̈ღდი ხაღვე̄ნახ ჯვინალდ ნე̄სგუნა̈რს. აშხვ ლადა̄ღ ესნა̈რ
Line of edition: 25
ნესგუნა̈ მლდღას ლელდეღ ხაყახ ლახვს ი ლეჯვეგი̄, ამჟი̄ნ ესნა̈რ ბეჩვი̄ ოთარშა
Line of edition: 26
ხოშა ი მიჩ' ა̄ფხნეგა̈რ ლა̈ხზუ̄რთა̄̈ნხ გულა̈ ჴარჴქა. ალჲა̈რს ესნა̈რ ჟი ლმჴერე
Line of edition: 27
ხა̄რხ, ერე ნე̄სგუნა̈რს ჯვეგ ი ლელდეღ მა̈გ ლახვს ხაყახ. ლა̈დი ღნლადა̈ღ მირ
Line of edition: 28
ლი ი ხოშა̄̈ლ და̄̈რ ხაჭიმხ ლაჯოგს ი ხოხვრა̄̈ლ გარ ადზზეხ ლა̈დი მინე მქაფდ.
Line of edition: 29
ნა̈ბოზს მინი ჟი ლა̈ხცა̄̈დიხ ალ ხოხვრა̄̈ლს ი ექად მა̄მ ხა̈გვნებხ.
Line of edition: 30
ანჴა̈დხ ესნა̈რ ბეჩვი̄ ოთარშა ხოშა ი მიჩ' ა̄ფხნეგა̈რ ი ჟი ლაჲვა̈ზრეხ, ერე "ოდ'
Line of edition: 31
ე̄სერ ხოშა̄̈ლ ლა̈ხცა̄̈დიხ, ეჩქად ესერ ქა̄ვ აჩა̈დხ გულა̈ ჴარჴქა, სგა̄ვ ოთშგა̈ბხ მეჯ გვას,
Line of edition: 32
ჯვეგი სგვებინუ ლა̈ჲკვა̈რხ ი მეჯგვა̄ჲ". ალა ამჟი̄ნ ჩვემინხ ი ანჴა̈დხ გულა̈ ჴარჴქა.
Line of edition: 33
სგ' ა̄ხფე̄დლა̄̈ნხ, ეჩქას ხეწა̈დხ ამის მლდღა ი მა̈გ ლა̄ტვთ' ა̄ჩა̈დხ გვიე̄შნქა
Line of edition: 34
ქაუშე̄რ. ქა ლოხვყურდ' ე̄სნა̈რ ბაჩვ, ათღანე ჰერ თვეფს ი ოთარშა ხოშა ჩვადგა̈რ.
Line of edition: 35
ამჩიქდ მე̄რმა მლდღად სოფელ ჩვადბა̈ჟნეხ ი სოფელ ქ'ა̈დფადა̄ს. ალა ბეჩვილა̈რდ
Line of edition: 36
ჟ'ა̈ნმეჴრეხ. ლახფხიჭეხ ლდგა̈რს ი ღვეშგღ ესჭვე̄ნხ. აშხვ ა̈დგილს ესნა̈რ
Line of edition: 37
ზა̈რ რა̄̈ქვხ ი ალ ა̈დგილს ხაჟხა ათხე ლაზრა̈შ. ეჩქანღო ა̈დმო̄როვხ ესნა̈რ ჩუ ი
Line of edition: 38
ოთარშე̄რთე ბეგა̈რდ ხაკვდა ნე̄სგუნს ჩი ზავ ეშხუ კარვა ნამშა̈ჲ მეზგახა̈ნქა ი ეშ
Line of edition: 39
ხუ კათხ ჟა̈გ.
Line of edition: 40
ლენჯა̄̈რ
Page of edition: 70
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
