TITUS
Svan Chrestomathy (I: Upper Bal): Part No. 98

Text: 77 

Line of edition: 1

77. ტყვა̄̈ლს იმჟი̄ნ ჲრმეჲდახ


Line of edition: 2       ჯვინალდ აშხვ სოფელხა̈ნქა მე̄რმა სოფელთე ძვირდ გარ ჲა̈რ მოშ ღრდა ეშხვი
Line of edition: 3    მა̄რე. ეჯღ' ე̄რე მე̄რმე სოფლა̈რ ჩვარმეჲდახ ი ვოდე საჴსა̈რს დო იკადდახ ეჩი̄
Line of edition: 4    ქორშა̈რხა̈ნქა, ეჩქად ქა დე̄მ ფიშვდახ. ხოშა̄მ ლუმღვე̄ნს ხოშა̄მ საჴსა̈რს ხაკა̈დდახ
Line of edition: 5    ი ხოხვრა̄მ, მა̄̈ჲ ღალ ხობცნხ, ეჯას. საჴსა̈რს თვითონ მა̄რე̄მი მრმი მეზგე ხადა̄̈ს
Line of edition: 6    გდა ჟახა, მა̈ზუმვა̄̈ჲს მოშ რა̄̈ქვნინა, ეჩზუმს ხაკა̈დდა. წორდ ხოხვრა̄მ ლუგვნიშს
Line of edition: 7    ძვირდ გარ ჲა̈რ ა̈ჲა̄̈სგდა. საჴსრი მჴდა დაბა̈რ ხა̄დ ლეჰვდი, ადო წორა̈ ლუგვენთ
Line of edition: 8    ე̄ქა დეშ ხოჰა̄̈სგდა ქვინლმგენე ი გა̈ნზ. მეზგე ტყვეს ჩუ ჲრმეჲდა, ეჩქას ჭშ
Line of edition: 9    ხა̈რს ჴულვა̈რს ხადა̄̈სგდა, მურყვმა̈ დილეგთესგ' ა̄̈გნა, ჟიქა̄ნ კას ხაფრენდა ი სერ
Line of edition: 10    ნარჰი̄ ლაჴა̈დ დე̄მხა̈ნ ლა̈სვ. ალ დილეგს სანტყვი̄რ ხეჟხა̄̈ნ. ტყვეს ლადა̈ღისგა აშ
Line of edition: 11    ხვ კოკორა̈ჲს ხოკვა̄ნახ ჟაღვშა̄ლ ი ლეთრად მცხი ლიცი მქაფ ტებდი ლც ხათრ ახ.
Line of edition: 12    ხოჩა̄მ მა̈ნკი მეზგათე ლახ ხეჴდ̄ნო̄ლდა ტყვეს, ეჩქას ქორს გარ ხეყა̄̈დხ, ვოდე
Line of edition: 13    საჴსა̈რს ქა დო იკადდახ. ვო̄ბა̈შინ ტყვეს სოფალშვ ი ჲრმეჲდახ. ჴული ნადა̄̈სგუნღო
Line of edition: 14    აშხვ ლე̄თ აშხვ მეზგაისგ' ა̄რდა, მე̄რმა̄ ლე̄თ _ მე̄რმა მეზგაისგა ი ამჟი̄ნ ხერა̈სდ
Line of edition: 15    ხოჭა̈მხ მეზგან ი მეზგან. ხვა̄̈ინ ლმა̄̈რ, ერე ლახე მეზგე საჴსა̈რს ღალ ქა
Line of edition: 16    დოშ იჴდა, ეჩქას ხაფხა̈ჭდახ ტყვეს, სგ'ა̄̈ჲა̄̈სგდახ სა̈ვთე ი ეჩე ქა ჰო̄დდახ ქვინლმ
Line of edition: 17    გენა̄̈ლღა. ტყვე ღალ ჩიგარიშდ ჩუ სედენდა უსურმა̈ნს. ჲერხი ქა̄ჲ ლმჩი̄ჟა̄̈ლხ,
Line of edition: 18    ლახე უსურმა̈ნი ჯვრილს ჟი ლმკიდვინხ ი ჩუ ლმფიშრო̄ლინხ. ეჯჲარე ნაბერწ
Line of edition: 19    ყა̈რ ათხეჲ ვო̄ბა̈შ ა̈რიხ სა̈ვს ი ყა̈რჩას. ჲერხის მოგვა̈რ ჩუ ხორიხ ამე ი ვობა̈შინ
Line of edition: 20    ჴედნიხ შვა̈ნთე მინე გვა̈რშჲა̄̈დვი̄ ლათა̈რთე. ამხა̈ნისგა̄ჲ ინჴრინეხ მინე მოგვა̈რ მა̄რ
Line of edition: 21    ა̄̈ლსი ამჟი̄ნ ჩუ თერხ უშხვა̄რა თხუმ.

Line of edition: 22          მესტია




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.