TITUS
Svan Chrestomathy (I: Upper Bal): Part No. 118
Text: 95
Line of edition: 35
95. შარგია̄ნშა ხოშა
Line of edition: 36
ლატლის ლამშგედხა̈ნ ოხო̄ზი შვანე ხოშა ჭალა̈ჲ. ეჩხა̈ნთე ხოხვრა̄მ სოფელს
Line of edition: 37
ლა̈ჰილ ხაჟხა. ლა̈ჰილს ლექვა̄̈ნჩუ̄ნ ზუგვლა̄̈დჟი̄ნ ლაჴვმი̄ ნამრიღვ ლგ. ჯვინალდ
Line of edition: 38
ლა̈ჰილისგა და̄̈რ ლმზიგ. ალ ლაჴვმი̄ ფე̄დიას ეშხუ მეზგე ლმზიგ ი ჟახად შარგია̄ნშა
Line of edition: 39
ხაჟხე̄ნახ. ალა ლატლი̄ სოფელს ქა ლთიშ ხა̄რახ მბჟინად, ლახ' ე̄სა ოთარშა
Page of edition: 83Line of edition: 1
ა̈ნი̄ზინიხ ლა̈ჰლა̈ ჭალა̈ჲ ლაღე̄შგა̄ლთე. ალ ლა̈ჰლა̈ ალა̈ჲ ლატლი̄ ლი. ხვა̈ჲ
Line of edition: 2
ლა̄რა̈ლ ი ცხეკა̈რ ზიხ ამე. ეჩქას ხაკუჩ სოფელდ ქა ლოხვბა̈ჟნე̄ნს. ალა, გაცხა̈ჲდ,
Line of edition: 3
ამჟი̄ნ ლუმჩვემ.
Line of edition: 4
ალ შა̈რგია̄ნშე̄რ ხოშა̄მ ძღდ ხოჩა ლიზგე ხა̄რა ი ჰა̈ზვისგა ლაჴვა̈მ ხაგნე̄ნა.
Line of edition: 5
ალ ლაჴვა̈მს ჲელ მჲე̄რეშ ხაჟხე̄ნა. ღვეშგმავ სერ ჩვალლაქდე̄ლი. ეჩზუმ ათღვესე̄ნა
Line of edition: 6
გვი, ერე ოხვსკორა ალ ლაჴვა̈მჟი̄ნ მურყვმა̈ ლიგემ ი, გაცხა̈ჲდ, სგა̄ხა̄რა ამი̄
Line of edition: 7
ლაგა̈მს. ჟ'ოხვმა̄რა კირ, ქვიშე, ბა̈ჩ ი იშგენ ბა̈რგ ი ჟ'ოხვმა̈გბა ჴელვანა̈რ. ალჲა̈რდ
Line of edition: 8
მასა̈რდ ლოხჰოდა ნალგიმა̄ლვი̄რ. სერ, გაცხა̈ჲდ, ხოჩა მურყვამ ოთგახ ალ
Line of edition: 9
ჴელვანა̈რს. სამ ზავ ახკვედახ ალ მურყვმა̈ ლაგა̈მს, მარე ძღდ ხოჩა ლესგდი ათმარჯვახ.
Line of edition: 10
ქა ნაზგრნღო ხო̄ქვახ ჴელვანა̈რს: "ჰე, ხოჩა მა̄რე, ჟი̄ვ ესერ ა̈ნწვე̄ნე
Line of edition: 11
მინე ნაშდაბვ. ჩია̄̈გუ ხოჩა̄მდ გვი ლახვე̄მ ი ლახე ხოჩა ნა̈ლგიმა̄ლვ ლახბაჟნდე̄დს,
Line of edition: 12
ეჩქ' ე̄სერ ჩუ̄ვ ათხვი̄დ მინე საჩქვა̈რს".
Line of edition: 13
ჯვინალდ ი ათხე̄ჲ, ნაჴლვანვი̄რს ქა̄მენჩუ̄ნ, ლახე ხოჩა̄მ ნა̈ლგიმა̄ლხ ცვირეხ
Line of edition: 14
ჴელვანა̈რ, ეჩქას მეზგე საჩქვა̈რს ხაჰვდი.
Line of edition: 15
შა̈რგია̄ნშე̄რ ხოშა̄მ ლოხვტი̄ხა: "მიჩა ფუსდ ჲელს ჟი ნომმა̄ვ ოხვჴმრა̈ვნა
Line of edition: 16
მინე ნა̈ჭი̄რვ ი ნაშდაბვ, ალ მურყვამს ჯა ჩვადსინჯვი, დე̄მგვაშ ოხვცხი̄დი, ეჩქ'
Line of edition: 17
ე̄სერ მიჩნე̄მ მინ ხოჩა̄მ გუჟი̄ნ მო̄დ აფუშდეს".
Line of edition: 18
ამჟი̄ნ ესნა̈რ ალა ჟ'აჩა̈დ მურყვამთეჟი̄ნ, ჟ'ა̈ნწვე̄ნა̄ლე ლაგვბანდა̄̈ლ, ჟიბე
Line of edition: 19
ლაგვბანდა̄̈ შდურვა̈რხა̈ნქა ქ'ა̄დსგი̄დრა̄ლე ესნა̈რ ჩი̄თე, ლატლი მურგვა̈ლს ქა
Line of edition: 20
ხოსგდი ი გუნ ეზერ ნაშდაბვ ლახბაჟნ ი გუნ ხოჩა გვი ლოხო̄სდ, მარე ჲელს გუნ
Line of edition: 21
ათხ̄რე̄ნა მიჩა თხუმჟი̄ნ მურყვმა̈ ლიგემ, ალ მა̄რე ჩვალმა̄̈ზ ი ეჩქას მურყვამ
Line of edition: 22
ჩვოთრი̄ღვა ი ალ მა̄რე̄ჲ სგ' ო̄თნახა. ეჩქანღო ეჯ მეზგე ჟ'ა̈მხვეტლი ი და̄̈რ ა̈მსედელი.
Line of edition: 23
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
