TITUS
Svan Chrestomathy (I: Upper Bal): Part No. 122
Text: 99
Line of edition: 11
99. გივნშა გვეგნ
Line of edition: 12
ჯვინალდ ერ ლიჲმახვა̄̈ლ ლმა̄̈რ, ეჩქა გივნშა გვეგნ ი მიჩ' ა̄ფხნეგა̈რ ა̈მჩედე̄ლიხ
Line of edition: 13
ელითე ლა̈ჲმახვა̄ლდ. ამეჩუ̄ნ მლივ მრზა ჟ'ოხვდარახ ლერმიდ ი ჩვოთრმახ.
Line of edition: 14
ეჩქანღვ' ე̄სნა̈რ ლიბურკილე ლოხვბინეხ მრზას. მრზად ხა̄̈ქვ: "მინ მა̄რა̄̈ლ,
Line of edition: 15
მიჩ ესერ მა̄მ ხაკუჩ ჟი ლიკულთხა̈ნი, ჯ'ე̄სერ უკულთხანადი̄ სგა ხონჴრი".
Line of edition: 16
მარე მა̄დ ოთჯრვეხ, ჟ'ანკულთხნეხ, ჩვანჴიდხ მესტიათე ი ჴულ ათდეხ. ეჩქანღო
Line of edition: 17
ოთჭირეხ ელითე მრზა̄̈ სამხუბს ი ქორშა̈რს: "მრზ' ე̄სერ მინს ოთრმახ ი საჴსა̈რუ
Line of edition: 18
ანმა̄რეხ, ადო ეჩქად ესერ ამჟი ხერმიხ ჩუ დილეგისგა". ელარუს ოხვჭირახ:
Line of edition: 19
"მა̈ზუს ესერ ხეშგვემხ წორს?" "მა̈ზუმვა̄̈ჲდ ესერ მა̄რე̄მი ქვინ ხაჯეშ, ეჩი̄ზუმს".
Line of edition: 20
მრზა̄̈ ქორშა̈რდ ი ნა̄̈თია̈რდ ქ'ა̄̈დჴიდხ ესნა̈რ ო̄შთხვ ჴა̈ნ, ო̄თშხვ ფირვ,
Line of edition: 21
ჲო̄რი ხოშა კიბდვენ ლეზვებ ი წყილნი ბალთა.
Line of edition: 22
ეჩქას წესდ ლმა̈რდ, ერე შომვა̄̈ჲ ტყვეს ქა ლუმფიშვდინხ, მრმა̄ლა, ტყვე
Line of edition: 23
ი ტყვე̄მი ნა̄̈თიჲა̈რ უშხვა̄რ ხამბანა̄ლახ საყდა̈რისგა უშხვა̄რა̈ ნაჲრთგულაჟი̄ნ. ალ
Line of edition: 24
მრზა̄ჲ ქა̄ფიშვდხ ესნა̈რ გვეგნდ ი მიჩ' ა̄ფხნეგა̈რდ ი უშხვა̄რ ლოხვჴერდახ მა̈გ
Line of edition: 25
საყდა̈რთე უშხვა̄რ ნე̄სგა ლამბანა̄ლთე, ერე "ამუნღო ნა̈ჲრდგული გარ მო̄დ ლა̄ჲჲახ
Line of edition: 26
უშხვა̄რ ნე̄სგა ი ალ ლირმი გუხა̈ნ ჰე̄სა ჲა̈რდ ლა̈ჲჩშეს". ლამბანა̄ლჟი̄ნ მრზა̄̈
Line of edition: 27
სგახიქა̄̈ აშხვ ნა̄̈თის ხო̄ქვა: "ესვა̄̈ჲ ესერ მრზა̈შდ მა̄̈ნკვი ლარმეჲჟი̄ნ სგ'ო̄ხფხიჭა,
Line of edition: 28
ეჩი̄ცახა̈ნ ესერ შემინდუ ხა̄რ ხა̈ტ ი მე̄რმა̄̈ლს ესერ სგა ხემბანა̄̈ლ ნა̈ჲრთგულაჟი̄ნ".
Line of edition: 29
ალ'ე̄სნრ მიჩ' ა̄ფხნეგა̈რს ათსისტკნხ ი ხა̄ქვხ მინეშდ: "ხოჩ' ე̄სერ ჯა მა̄მ
Line of edition: 30
ლი ი მინ ესერ სგა ხემბანა̄̈ლხ, ჯ'ე̄სერ მა̈ჲ ნა̈ხუმსა̈რ ლი". ალ მა̄რ' ე̄სნა̈რ აფხნეგა̈რდ
Line of edition: 31
ქა მა̄მგვეშ ახა̄̈ქვი̄სგვნეხ. ამის უშხვა̄რ ლა̈ხნაბნა̈ნხ მა̈გ. ეჩქანღო სერ ხა̈ტ
Line of edition: 32
ჩვოთგი̄ჭახ ი უშხვა̄რ ხოჩა̄მდ ხეჩდახ.
Line of edition: 33
მესტია
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
