TITUS
Svan Chrestomathy (I: Upper Bal): Part No. 138
Text: 113
Line of edition: 39
113. ოთარშა ნაჭვლაშ
Line of edition: 40
ეჩქას მი მახე ქემქეთ გარ ხვა̈სვ. ოთარშე̄რს მასა̈რდ ხვალტნდა̈ს ი აფხნეგდ
Line of edition: 41
მინჴრინახ, ლახე იმთე ღრდახ. მიე მასა̈რდ ხვაცხნა̈ს ოთარშე̄რთე ი ა̈გის ლირდეს
Page of edition: 95Line of edition: 1
ეჯჲა̈რმყ მიცხა̄̈ნდა. აშხვ ზავ ჯა̈ნსუხდ ოთარშე̄რ მიჩა დაჩვირ ადწვი̄ლე ყა̈რჩათე,
Line of edition: 2
დუდაშე̄რთე. ეჯჲა̈რ ეჩეგ ლა̈სვხ ფუსდ ი ყა̈რჩა მინე შნისგ' ა̄რდა. ლინჭვლაშა̄ლე
Line of edition: 3
დვრევ ანჴა̈დ, ეჩქას ა̈დჰერხ დუდაშე̄რემ ყა̈რჩათე ნაჭვლაშა̈ ლაკა̈დდ. ოთარშა
Line of edition: 4
ჟ'ა̈ნმა̄რა̄̈ნხ. სემი ღეთ მინ აჩა̈დხ: მოსოსტრ, ბექრბი ი ჯა̈ნსუხ. ეჩნქა ფა̈მლი
Line of edition: 5
მა̄რა̄̈ლ ლა̈ჲჴერნეხ. მიე სგა ლა̈მფხანგეხ ი ოჩა̈დდ ყა̈რჩათე. ეჩეჩუ̄ნ მე̄რმა ნუკვიშდ
Line of edition: 6
ხა̈მთქვე̄ნახ მუშგვრი̄ სა̈ხ. ოთარშა ლარდა̄̈ლთე̄'სგ' ა̄დჲეხ ი ნა̈ჲ ეშხვი ოთა̈ხ ლან
Line of edition: 7
ვე̄მხ ლარდად. ლა̈ჲსა̈ლ აზიჰხ. ლეღვი ი დიარ ლეზობდ ხამვა̄̈ჲ მოშ ნეკვა̈დ, ეჩჟი̄ნ
Line of edition: 8
ნუღვა̄̈ნ, მარე გა̈ჩ მა̄მ ხახლე̄ნახ ეჩეგ ლეღვ ლაზობჟი̄ნ ი შია̈რშვ ხვიზობდად. ლეთრად
Line of edition: 9
ორა̄̈შ ი სრა ჰა̄ლ მოშ ნეკვა̈დ, ეჩჟი̄ნ ნუღვა̄̈ნ. სამ ლადა̈ღ ამჟი̄ნ ხვარდად ი
Line of edition: 10
ხოჩა̄მდ ჟ'ა̈ხშვემდ. მე̄შთხვამ ლადა̈ღ ქ'ა̄̈ნკიდხ ოთარშე̄რემ ნაჭვლაშდ: ერვეშდ
Line of edition: 11
ხოშა ჴა̈ნ, ეშდოხვიშდ ხოჩა ლქშაგუ ყვა̈რვილ, სემეშდ ლუღვინ ფირვ, აშირ ლნღეშტ
Line of edition: 12
დაჴლ ი აშირ გიცა̈რ. ეჩნქა სემეშდ ღეთ თვით სემი ლზა̈ჲ ხაბნა. ეშხვი
Line of edition: 13
ხაბნა ი გიცარ ლეზიზდ ლანვე̄მხ. ლა̈ხვრეყდ ალი მა̈გ ჯვეგ ი ლა̈ხვბინედ ლიჴედ.
Line of edition: 14
დუდაშე̄რემ ხოშა̄მ ბაჩვმუყვ მინე ფა̈მლია̈რ ლა̈ნჴერნეხ, დუდაშე̄რემ ბა̈ჩა ბოგმუყვ
Line of edition: 15
ანგენეხ ი ამეჩუ̄ნ ჩვა̈თყულუ̄რა̄̈ნდ. ოთარშე̄რ ჲეშდ ღეთ ხონჴერდახ აფხნეგა̈რდ
Line of edition: 16
მე̄რმე მესვფელა ი ეჩნქა ფა̈მლჲა̈რ. ბა̄ზი ხოშა̄მ ბაჩვმყ ხვარდად სადგვემდ. ნე̄სგაჲსგა
Line of edition: 17
ხოშა ლემესგ ოხვა̄შვედ ი ნა̈ჲ ქვინლმგენა̄̈ლს ი მა̈ნცინს გრკიდ ლა̈ხვცხა̈პდ
Line of edition: 18
მლჩად. მე̄რმა ლადა̈ღ აშხვ თანა̈ღს ქ'ა̄̈ხვთანღედ ი უზღვადთე̄'სგა შვიდებდ
Line of edition: 19
ონჴვიდდ ქვინლმგენა̄̈ლ. ბა̄ზ' ამეჩუ̄ნ ხაბნ' ა̄̈ზვიჰდ ი ამი̄ ლეღ ა̈ხვმა̄რედ.
Line of edition: 20
მე̄შთხვა ნა̈ბოზს გარ ონჴვა̈დდ ეცერთე̄სგა ი ჰა̈ზვ ჟ'ოხვტტნედ კუმაშშვ.
Line of edition: 21
ლატლი
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.