TITUS
Svan Chrestomathy (I: Upper Bal): Part No. 139
Text: 114
Line of edition: 22
114. ჯვინელ ხერსტავობ
Line of edition: 23
მაშე̄ნე თხვიმ ბა̄̈ლნჟი̄ნა̈ თა̈ვსუფა̈ლ შვა̈ნისგა ჴეობ ლა̈სვ. ჴევ აშხვ ა̈დგილს
Line of edition: 24
(ხოშა̄მ ლაღა̈ლ მესტია̄̈ სეტისგა) ინზო̄რა̄ლდა. ეჩეჩუ ობა̈შ ხოჩა მა̄რე იბნა ლი̄მბ
Line of edition: 25
ვა̄̈ლს ი ხვა̈ჲ პასიხვ იჴი̄დო̄ლდა. ჴევ ქა იმვა̄̈ჲ ახქვიცა, ეჯას ჟი და̄რ მოშ აჟვმ,
Line of edition: 26
ჩუ ლეჩვემ ხა̄დ. სოფელისგა ეშხვი თხვიმ ხეყა̄̈დ ჩი̄. ეჩნქა ითშო̄ლდახ ხერსტავ
Line of edition: 27
ა̈რ. ხერსტავა̈რს სოფელ ამჟი̄ნ ითიშდა: ჩიქე სოფელ მოხელა̄̈შ ი ხერსტავრე მთ
Line of edition: 28
შის ითიშდა ქა, ეჯღ'ე̄რე აშხუდ მა̈გ ჟი იტა̄̈ვინო̄ლდა ი ლაგას დე̄მგვაშ მოშ ხა̈განა.
Line of edition: 29
მთშია̈რ ქა ღრდახ შდა̄შვ, ჩუ ისგვრო̄ლდახ ი იბნახ ლითშის. უბა̈ნხა̈ნქა
Line of edition: 30
ეს ჲორი ითშო̄ლდა, ეს _ სემი, იმხა̈ნქა ეშხვი. მა̄̈ჲ უბა̈ნისგა ხოფშირა მეზგე იზგე,
Line of edition: 31
ეჩხა̈ნქა ხოფშირა ითშო̄ლდა. ხეჩნქა მთში მა̄რა̄̈ლ, ერვა̄̈ჲ მაშე̄ნე ტე̄ვა̈ჲ ი მოხელა̄̈
Line of edition: 32
ნა̄̈ქვა უჩვმინა ლა̈სვ, ეჯასი ითშიდახ: ღვ'ე̄სერ მიჩი̄ ალას გარ ხა̄ჩვმუნი ნა̄̈ქვს
Line of edition: 33
ი ხეჰვნარვნი მა̈გ ეჩჟი̄ნ, ე, იმვა̄̈ჲჟი ჯა ხოჰვნა̈რდა ჩი̄. ეჩქანღო ჴედნიხ ი სოფელს
Line of edition: 34
ქა ხოგცხა̈დიხ, ერვა̄̈ჲ ლთიშ ლიხ. ალჲა̈რს, ა ხერსტავა̈რს, ჟი იყვბა სოფელ, ქ'ა̄̈ჲა̄̈სგდახ
Line of edition: 35
ლაჴვა̈მთე, ქა ითიშდახ ხოჩა̄მ მგრცა̈მის ი ჩვამბა̈ნდახ სოფლი ნა̈ჲრთგულაჟი̄ნ.
Line of edition: 36
მგრცა̈მი ხაყლა: "სოფლიშ მა̄̈ჲ ხოჩა̄მდ ჴედენდე̄დს, ეჯას გარ მო̄დ
Line of edition: 37
ხეშდა̈ბხ, მინე ხოჩა̄მდ სოფლი ხოჩა მო̄დ ა̈ნცხე̄ნახ, ჟიხი ი ჩუხი ჩუ ჲა̈რ ესყედა̄ნახ
Line of edition: 38
ი მუგუქა მო̄დ ესღრდე̄დხ, ნა̄̈თი ი მეჰერ მუგუდ მო̄დ ესყედა̄ნახ, ალ ხა̈ტ აშხვ
Line of edition: 39
ესერ ქა̄ვ ხაბა̄ჴუნ ი მე̄რმაჟი̄ნ წინწილშა̄ლუ ა̈შგრეხ! " ეჩქანღო ხერსტავა̈რ
Line of edition: 40
ხეშდაბხ მინე გვაშვ. ხოწივდახ ნა̈ვრიე̄რი ლიქვცე, სოფლი მუჟვმე̄მი ლიჲბა̄̈რი
Line of edition: 41
ქვითი ლიჲბა̄̈რი, ნეცინ ნაცვა̄ლვარე ლისყე̄ნე, და̈ბ-ლა̄რაისგა ლა̈ცლა̈ვჲა̄ლ, და̄ბ-ლა̄რაისგა
Line of edition: 42
ჰა̄̈ღვრა̄̈ ლიმწვინე ი ამკლიბ გოშა̈რ, ოდე ქა დო იცა̄დო̄ლდახ.
Line of edition: 43
მესტია
Page of edition: 96
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
