TITUS
Svan Chrestomathy (I: Upper Bal): Part No. 149
Text: 124
Line of edition: 20
124. კე̄სრი ლფა̈შვდ
Line of edition: 21
ლახმლდ ლექვა̄̈ნ, იშგვიდ-არა ვერზ ხე̄ზნი, ეჩეჩუ̄ნ ათხე სემი მეზგე იზგე
Line of edition: 22
ი ჟახად შდხირ ხაჟხა. შდხირ ლეჟა̄̈ნჩუ̄ნ ჭალა̈ჲ ნაკრა ანღრი. ალი ჩუბეჴევჲა̈
Line of edition: 23
თანღი ძირისგა ხაზვიმ ი მასა̈რდ ხორი კალმახ. შდხირ ჟიქა̄ნ ჩი̄ხა̈ნ მეშხე ლემგა̈მ
Line of edition: 24
ლი, ძღდ გესმფევირ მეგმა̈რ ხა̄გხ, შდხირ ჟიქა̄ნ, გუნ ეზერ ჟიქან ლახვ ლი,
Line of edition: 25
გუნ ნაკ ი მასა̈რდ წვა ხოჩა ჩი ნუკვი მელვ. ალ ლახვისგა ჭაფვირი როქვ წვა, ადო
Line of edition: 26
იშგენ ნუკვი მელვ ცხა̈ჲ მა̈გ. ალ ლახვთე მე̄ზის შდხირხა̈ნჟი̄ნ ათხე̄ჲ ხებგვენიხ
Line of edition: 27
ვერი სტუ̄რა̈რ, ალჲა̈რ მჲროჟა ლიხ ი გუნ ხოჩა ლესგდი, მარე ქა̄მენქა გირწყა̈ლ
Line of edition: 28
მა̄მ ხა̄რხ. ალ ლახვე სტუ̄რრე ბედჟი̄ნ ათხეჲ ი̄მბვა̄̈ლხ ხოშა̄̈ლ ალ ამბა̈ვს ა: ლახვს
Line of edition: 29
ხაჟხა კე̄სრი ლფაშდვ (\\ ლფაშვდ).
Line of edition: 30
ჯვინალდ შვა̈ნს ლახვა̈რხა̈ნ კე̄სა̈რ ი მიჩა ლაშგა̈რ ახსგურე̄ნახ. ალა ლახვთე̄'სგა
Line of edition: 31
სგ'ა̄ხჴა̈დ̄ნე̄ნა, ეჩქას მასა̈რდ ლახლატა ეჩას ალა ი ჩვოთფაშვდა, ეჩქანღო ათჟახე̄ნა
Line of edition: 32
კე̄სრი ლფა̈შდვ ალას. ალ კე̄სა̈რს ნაღე̄შგა̄ლვ ჯვეგ შელდურ ხაყე̄ნა ი ალ
Line of edition: 33
ლახვისგ' ო̄თსა̈დგვმა. ჯა ჩვა̈მჴედლი შდხირი ნაკთეჩუ ი ამეჩუ̄ნ ალჩარვე̄ლი. ქა
Line of edition: 34
დე̄მთე ა̈მჩედ, ეჯღ'ე̄რე ლინთვ ყო̄რს ხა̈ბკე̄ნა. ლჯე̄მი ლა̈ჴდა ლახვხა̈ნ ხა̄რა ჟი მს
Line of edition: 35
ყე, მარე მასა̈რდ ჭირს ხაფსინახ ლჯე̄მი მჴდა̄ლა. კე̄სა̈რს ლახჟირნა მიჩა აფხნეგა̈რ
Line of edition: 36
ალ ჭირდ. ლოხვბინა ლისკო̄რა̄̈ლ: "იმჟი̄ნ ესერ ა̈ნსახთი, ერე მიჩა ლჯე̄მი
Line of edition: 37
მჴდა̄ლას ხოშა უგარჯვდ ხე̄რახ ლეჴდე ლჯე". ლმსკო̄რა̄̈ლ, ლმსკო̄რა̄̈ლ ი შომვა̄ლე
Line of edition: 38
ჟ'ოხვსკო̄რა, ერე "სტუ̄რა̈რუ ახსყა̈ვნე მიჩა ჯა̈რი მა̄რა ი შდხირხა̈ნჟი ლახვთე
Line of edition: 39
ჟი̄ვ ათლაჯვნე. ჟი̄ბ ხოშა მაშრივ ანსყე ლჯე̄მი ლა̈გვშად ი ჩვი̄ბ ღა̈რუ ლოხვსგურე
Line of edition: 40
ლჯე̄მი ლაჴა̈დდ". გაცხა̈ჲდ, ალა ამჟი̄ნ ხოჩვმინა.
Line of edition: 41
შდხირ ოყალვ მასა̈რდ ლმა̈რდ ი ამხა̈ნქა ჟ'ოხვსყა̈ვნა სტუ̄რა̈რ. ეჩქანღო
Page of edition: 102Line of edition: 1
ჟ'ოხვტყა̄ბა̄ლა ლა̈კირისგა. ამი̄ ნაჩომუნღო უშხვა̄რ ლოხვსგურა სტუ̄რა̈რ ი
Line of edition: 2
ჟ'ოთხვჲა̄̈სგვნა ლახვთეჟი̄ნ. ეჩე მეგჯვა სგა ლუმგოშვინხ ჟიქა̄ნ ლჯა, ჩუქვა̄ნ ღა̈რს
Line of edition: 3
სეგდა̄̈ლს ხა̈ხლინნახ ი ჟი ლმზო̄რინხ ლჯა.
Line of edition: 4
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
