TITUS
Svan Chrestomathy (I: Upper Bal): Part No. 148
Text: 123
Line of edition: 39
123. ჰა̄̈რში გველჲაშა̈პი დაგრა
Line of edition: 40
ჰა̄̈რში ლახვისგა გველჲაშა̈პ ლმა̈რდ, ეჯკა̈ლიბ ფისრა̈ჲ ი ლტა̈ნ ჩუ ლმა̄̈რ,
Line of edition: 41
ერე ეშხუ ქვილმგენე აშხვ ნა̄პუდ ქა დეშ ხა̄რა. ერვა̄̈ჲ ქა ხადო̄ლნა ქვილმგენე ი
Page of edition: 101Line of edition: 1
მა̄რე, ჩი ჩუ ლმჴაცვინ ი ჩუ ლუმურტყვინ. ობა̈შ წყა̈ნ ი მა̄რცხ ოთდა ლატლიდ
Line of edition: 2
ი ლენჯა̄̈რდ ი ეჩავ ახჴედახ გვეშ, ერე ქვილმგენა და̄̈რ მოშ ლმჲა̄̈სგვინ ჰა̄̈რა̈შთე
Line of edition: 3
ლაჯოგდ ი ეჩხა̄ვ უჲად ზავლადა̈ღ ქვილმგენა ქუნ და̄̈რ მოშ ხა̈ცვრე. სურუ თმ'
Line of edition: 4
ა̄ხჴედახ სოფლა̈რს ღალ. ამ დვრექა ლმა̈რდ მეთხვჲა̈რ კა̄ხა̄ნ ჩამგელია̄ნ. ამის ი
Line of edition: 5
მე̄რმა მეთხვიჲარას ჩიგარ ხა̈კვდახ ალ გველჲშა̈პი ლიჴვესგ, მარე ქა ღალ და̄̈რ
Line of edition: 6
მოშ ლმპირვინ მაყალშვ ეჯღ, ე̄რე გველჲაშა̈პს ქა და̄̈რ მოშ ხა̈სდა̈ნვნა. ალ კა̄ხა̄ნ
Line of edition: 7
ჩიგარ ხა̈სიპ ესნა̈რ ალ გველჲაშა̈პს ი ხესხათა̄̈ლ, ერე იმვა̄ლაჟი̄ნ ოხსახთას დაგრა.
Line of edition: 8
აშხუნღვ' ე̄სნარ ჟ'ა̈ნმეჴრე შომვა̄̈ჲ ივჟუნო̄ლდა გველჲაშა̈პ. აშხვ ლადა̈ღ ესლოთმე
Line of edition: 9
გველოჲაშა̈პი ლი̄ვჟ', ე̄ჩქას ადჲე ეშხვი ჩვეინ მეშხა ფირვი ლჯე, ლა̄ჲე ი
Line of edition: 10
აჩა̈დ. ალ ლჯოშ გვეში ჩვეინ ჩვესიგ გველჲაშა̈პი ლავჟა̄̈ ფე̄დი̄ს, მიჩნე̄მ კიჩხ ა̈ნტა̄ბე,
Line of edition: 11
სგა ლა̈იგ გველჲაშა̈პა̈ თხუმთეჟი̄ნ. აჩა̈დ ამხა̄ვთეჟი̄ნ ი სემი ცხვი ხაჴიდ შდმ
Line of edition: 12
ლექვა, მიჩნე̄მ ჩვა̈ნსკინე ენასდ კიჩხჩუ̄ნ ი ლა̄ტვთ' ა̄ჩა̈დ. ამჟინ ფისრა̈ჲ გველჲაშა̈პ
Line of edition: 13
ჟ'ანჲა̈ცხ ი ლიღვეჭ ლოხვბინე კა̄ხა̄ნს. ალ ლაღვაჭჟი̄ნ გველჲაშა̈პ ლჯ' ა̄ხა̄სდ
Line of edition: 14
ი ამის ესსკვა̈დ. ეჩხა̄ვთე̄'სგა აჯაღ ხაჴიდ კა̈ხა̄ნდ ცხუვა̈რ ი გველჲშა̈პ ჩვადგა̈რ. ეჩი
Line of edition: 15
ჯიჯვს ეჩი̄ზუმ ახფას', ე̄რე ხოშა სიკვ ათხე̄ჲ ქა ხეთრა ჰა̄რა̈შ. ალ გველჲაშა̈პი დაგრა,
Line of edition: 16
მა̈ჲ საკვრელ, მასა̈რდ ათხი̄დახ ლატლა̈რს ი კა̄ხა̄ნა̈შდ ი მიჩა მესვფელა ლახვშდა̈რდ
Line of edition: 17
ლახვშდულდა̈ ლახულდ ი სგიმ ხოსჩქვარახ ი მა̄̈ნკვი ლა̈თხვჲართე ჩამგელა̄ნა̈რ
Line of edition: 18
ლმა̄̈რხ მე̄ზი ჰა̄̈რა̈შთე.
Line of edition: 19
მესტია
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
