TITUS
Svan Chrestomathy (I: Upper Bal): Part No. 159
Text: 134
Line of edition: 6
134. რუსე̄თხა̈ნ ჯიჯვი ლიჴდე ჯვინალდ
Line of edition: 7
აშხვ ზავ ნიშგვეჲრე მა̄რე ადჲეს სალდა̈თდ. ჲარვ ზავისგა ანღრდახ ლა̈ჲრა̈რ
Line of edition: 8
ცაგერთე̄'სგა ი ეჩა̈ნ ნა̈ჲ ნა̄დ ლეჴდე. ლიჭვდა̈ნი ბაპა̈რნქა და̄̈ს ხოხალდა ი
Line of edition: 9
ეჯჲა̈რ იჭვდა̄̈ნდახ სგანქა ნაჴა̈დვ ლა̈ჲრა̈რს. მე̄სმა̄მ ზავ აფხნეგხა̈ნ ლა̈ირ ოხჴა̈დხ,
Line of edition: 10
ერე მინე მა̄რ' ე̄სერ ჩვალდაგა̈რ რუსე̄თ. მა̈ჲ საკვრელ ლი, მასა̈რდ ლიკილჲე̄ლ ი
Line of edition: 11
ლილჭა̄̈ლ ა̈ნსყა̄̈ნ. "ჲაღო იმჟი ხოჩა ლაშდღვა̄ლა̈შ ი იმჟი მა̄დე"? ამი გ̄ნჩ-მ̄ნჩ
Line of edition: 12
ა̄ნსყა̄̈ნ. ერს ხაკფნხ ლაშდღვა̄ლა̈ ლიჩვემ ი ლდგა̈რი ჩუ ლიცვრე რუსე̄თ. ერს
Line of edition: 13
სგა ლი̄ზი ხაკფნ ი ჯიჯვი ქა ლიჴდე. ღვეშგიმ პილს ჩვასკა̈ბ სგა ლი̄ზი ი ქა ლიჴდე
Line of edition: 14
ჯიჯვა̄რეშ. ქ'ა̄ჰვედხ ეშხუ ნალჯვემ და̈ბ აშირ მანა̈თღა. ალ ვარჩხილ შუნ ლა̄̈ჲე
Line of edition: 15
ლდგა̈რი მუხვბე̄მ, სგა ლა̈ჲჴერნე ეშხუ ნიშგვეჲმყიშ ნასლდათვ. ეჯას ჩუ
Line of edition: 16
ხოცხნ ეჯ ქალა̈ქ ე̄, იმვა̄̈ჲ ადგან სალდა̈თ. სგ'ა̄ჩა̈დხ ესნა̈რ ალ ქალა̈ქთე, კიევ ხაჟ
Line of edition: 17
ხე̄ნა, ჟ'ა̈ნთხეხ ლდგა̈რი აფხნეგ ი ამნე̄მ ქა ლახთო̄ნე, იმვა̄̈ჲ ხეშდღვა̄̈ნ ლდგა̈რ.
Line of edition: 18
აშხვ ლე̄თ გუნ მუბვირჟი̄ნ ქ'ა̄ჩა̈დხ საფლა̈ვთექა მინ სემი, ჟ'ა̄ნბრჯეხ ლდგა̄̈რ
Line of edition: 19
მარე ეჯჟი̄ნ ლუდვაშე ლმა̄̈რ, ერე ძვერს სგა ლეფდა̄ლდ მა̄მ ხაყე̄ნა. ეჩქას ესნა̈რ
Line of edition: 20
ა̈ნკიდხ ჟი გაჩა̈რ ი ძვერს ლიტა̄ბე ლოხვბინეხ, სალდა̈თ ქ'ა̄დზზეხ ი ყუთ ახჴიდნა̄̈
Line of edition: 21
ვნეხ. ჯიჯვა̈რ ამხა̄ვთე̄'სგ'ესწკატეხ ი საფლა̈ვ უშხვა̄რ ლახტიხხ. ეჩქანღო შნ
Line of edition: 22
ლა̄̈ჲეხ ალა ი ა̈გით' ა̄ნჴიდხ. ჩო̄ლირ კუბ ოხტა̄ბახ, ეჩხა̄ვთე̄სგ' ე̄სვდახ ჯიჯვა̄̈რ ი
Line of edition: 23
ეჩჟი̄ნ ანჴიდხ. ლაშდღვა̄ლ ეჩქანღო გარ ათყერხ მიჩა ქორშა̈რდ.
Line of edition: 24
მლახ
Line of edition: 25
გ) საქმიანობა
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
