TITUS
Svan Chrestomathy (I: Upper Bal): Part No. 160

Text: 135 

Line of edition: 26

135. ლილკირა̄̈ლ


Line of edition: 27       მეზგე ლიგმა̄̈ლს ხამურჯ', ე̄ჩქას სგვებნა̄ვ კირს, ქვიშა, ბა̈ჩს, მეგემს ი ლელკირს
Line of edition: 28    იმა̄რე. ჩიდ მა̈ნკვი ლა̈კირს ჲგემ. ლა̈კრი ლაგა̈მჟი̄ნ მუმურჯვას იწე̄ნე მელკი
Line of edition: 29    რა̄̈ლ მეზგე. ჩიქი კირი ლაგა̈მ ფათქს აბრჯეხ მა̈ზუმვა̄ჲ ხაკა̈ფხ, ეჩი̄ზუმს. ეჩქანღო
Line of edition: 30    ფათქისგა ისგხეჟი̄ნ გრკიდ ბაჩვშ ჲგემხ ი ეჩქანღო სერ კირი ლიგემს იბნეხ.
Line of edition: 31    ჲო̄რი სგა̄̈ნჩუ̄ნ ა̈რი სგა̄̈ნ მგა̈მდ ი იშგენ ქა̄მენ ხაშდბახ ლიგემს ი კირი კულრე
Line of edition: 32    ლინგჭვეს. ხოშა̄მ კულა̈რს ეშ ხოწბინეხ სგა̄̈ნჩუ̄ნ ი ეჯჲა̈რს ქა̄მენ მოშდა̈ბ ჩვა̈ნგჭე
Line of edition: 33    კირშვდ. ეჩქანღო ქა̄მენქა ხა̈შდეხ ხონცინა̄მ კირს. ამჟი̄ნ ჟი ჴედნი ჟი̄ბა̄რ, ეჩქას
Line of edition: 34    ეშხუ მა̄რე გარ სედნი სგა̄̈ნჩუ̄ნ ლა̈კირისგა ი ეჯ, ა̄̈მსგვენა̄̈ლი სგა̄̈ნ ლა̈კრი ლიგემს.
Line of edition: 35    ამჟი̄ნ ღვეშგმე პილს სგა̄̈ნჩუ̄ნ მერდა თხვიმ გარ ხოწვა ი ალა ეჩის ჩუ იყვფე ლა̈
Line of edition: 36    კირხა̈ნჩუ̄ნ, ეჩქას ცუყვბას ხა̈ტყციხ ჟიქა̄ნჩუ̄ნ ი ლა̈კირ სგა̄̈ნჩუ̄ნ ჩუ ლგე ლი.
Line of edition: 37    სგა̄̈ნჩუ̄ნ მერდე ქა ჴედნ', ე̄ჩქას სერ და̄̈ს ხაყვლუ̄ნი ლა̈კრი ლირეღვდ. ჟიქა̄ნ ჰა̄ლ
Line of edition: 38    მოშ ხუღვეხ, ეჩის ჩი̄ ჟი ხადე̄სგიხ. ლა̈კირხა̈ნქა ოდე სგა̄̈ნჩუ̄ნ მერდე ქა დო ჴედნი,
Line of edition: 39    ეჩქად ეშ გარ იფუნჩულა̄̈ლ მა̈გ. ეღჯ, ე̄რე კლთხი ჰერ ესერ ხოლა ხა̄რ ლა̈კირს
Line of edition: 40    ჩუ ლაგამჟი̄ნ ი ლირეღვდ ესერ ლი ლემყა̈ლვ. ლა̈კრი ლიგემს საკუთარდ ქ'ა̄სრუ-
Page of edition: 107 Line of edition: 1    ლეხ, ეჩქას სგა̄̈ნჩუ̄ნ მა̄̈ნკვი̄ მერდე სგა̄დ ღრი ლა̈კირთე̄'სგა, აშხვ ბოთლიკ ჰა
Line of edition: 2    რა̈ყს ჟი ხა̈მზრი სოლომნს ი ეჩქანღო ლემასგვ ა̄შვე ი ქა ჴედნი. მშჲა̈რ ქა იბრა̄̈ლხ,
Line of edition: 3    ლაკირისგა ლემასგვ ქ'ა̄ღუ̄ზეხ ი ეჩქანღო ჩუ იდჲარა̄̈ლხ ი ჰარა̈ყს ჲთრეხ. ნა̈ბოზს
Line of edition: 4    მეზგე ლა̈ჲსას ა̈ჲსენი. მუმურჯვას ქ'ა̄წსი ი მასა̈რდ ხინს ასყე̄ნე. სოფლი ხოხვრა̄̈ლ
Line of edition: 5    ქა̄მენჩუ̄ნ ლელკირს ახე̄რხეხ, ხოკვილცხა̄̈ლიხ ლა̈კირს რიჰდ. ეჯჲა̈რსი ჰარა̈ყ ხუღვეხ
Line of edition: 6    ლეთრად. ქორს ჰა̈დურდ გუნ ქეიფ ი მაშდმა̄რობ ხა̄რხ. ლა̈კირს ჲარვ ლე̄თ-ლადა̈ღ
Line of edition: 7    ხოშვეხ.

Line of edition: 8          ლენჯა̄̈რ




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.