TITUS
Svan Chrestomathy (I: Upper Bal): Part No. 163
Page of edition: 110Line of edition: 1
ლეწვე̄ნე ლმა̄̈რლესვ ი ჲერვა̄̈ჲს თვეფ ხუღვა̄̈ნდა ი ხეკვა̄̈დ ლითოფ, ხა̈ფშვდა
Line of edition: 2
ლმშხილს. ქა̄̈მ მერდა̄ლას მეზგე ჰარა̈ყს ხოჴდა ი ხათრა. ჰარყი ნათუნუნღო მეზგა
Line of edition: 3
ლახე ლახი̄რულ ხა̄დ, მახეღვაჟა̈რ ლიხი̄რულს იბნახ, ჲერხი ლელკირს ახერხახ
Line of edition: 4
ი ხოჩიდდახ ლა̈კირთე̄'სგა. ლა̈კრი ჩუბე ლაგა̄̈გიჟი̄ნ ვარჩხილს და̄̈სგდახ ლაკვჰუ̄რა̄ლდ
Line of edition: 5
ი ეჯას ჲერვა̄̈ჲ ჴაფშვ ჟი იკა̈დდა, ეჩი̄შ ლა̈სვ.
Line of edition: 6
ქორს ლა̈ჲსა ჟი იჯბო̄ლდა, ეჩქას ჴელვანა̈რს, ლა̈კრი მგა̄ლას იშგან ლწსა
Line of edition: 7
მა̄რა ჩვასგვრახ ი ეჯ ლე̄თ ხა̄დხ ხინ, ხიჲად ხოჩა ბედ.
Line of edition: 8
ლირჰა̄̈ლთე მესვფელა ჩუ ფხეჟენდახ, ლა̈კრი მგა̄ლა̄ჲ ა̈გითე ღრდახ ი სერ
Line of edition: 9
ლა̈კრი ლიშხი მეზგა ი ჴელვანა̈რს გარ ხოწვუნდახ.
Line of edition: 10
ლა̈კირს ხო̄შვახ ჲარვ ლე̄თ-ლადა̈ღს ი სერ მა̄მ ხეკვა̈დ, კირ ჩუ იშხო̄ლდა. ლა̈კრი
Line of edition: 11
ნა̈შიხუნღო ჟი იზიმდახ ქორა̈ ლაგა̈მს ი ხუნი ლიბრჯეს იბნახ ო̄შთხვ ფოყჟი̄ნ.
Line of edition: 12
ხუნი ნაბრჯუნღო ზურალა̄̈რ ჟი იდბა̈შდახ ამეჩუნ ი ხემზრდახ ჩუბე ბუა̄სდა̈
Line of edition: 13
ღე̄რბათ ი სოლომნს, ერე "ხოჩა დოშდლა̈შ ოხსყე̄ნხ ალ ა̈დგილ ი ხოჩა ზგირ ოხვცხიპვნე̄ნხ".
Line of edition: 14
ხუნ ლადა̄̈სგჟი̄ნ ი ჟი იდბა̈შდახ ზურალა̄̈რ, ხუნი ლიდა̄ლა̄̈ლდ ჰარა̈ყს
Line of edition: 15
ხა̈მზრდა მეზგე სოლომნს, ერე "ხუნი ლიდე̄სგი ბედნიე̄რ ი მეგჭე ლმა̄̈რლესვ".
Line of edition: 16
სერ იბნახ ხუნი ლიდე̄სგის. ხუნი ნადა̄̈სგუნღო, ოდე გიმს ჟი დო ხოქა̄̈ბდა
Line of edition: 17
ნა̈ლგიმა̄ლვ, ეჩქად ფიკვიდ გარ იჩომდახ ლიგემს. ამი̄ ლიგა̄ლა̄̈ლდ კირი ჩუ იც
Line of edition: 18
ხა̄ნო̄ლდა. სგვებნავ ჟ'ასყე̄ნახ ლათქა̄რა̈რს ი ლა̈გრწყილა̈ვ ღვებს. ჩუ ლგა ჴვილას,
Line of edition: 19
ხუნს, ღვებნხა̈ნქა გირწყა̈ლს ხოფშვდახ. გირწყა̈ლ ხაჟხა ღვებისგა, დთხელდ
Line of edition: 20
ჟი ლჩდი̄ნა კირს ი ქვიშა. ალ გირწყა̈ლს ჩიავ სგა ხა̈ფშვდახ ეჩი̄ზუმს ე,
Line of edition: 21
მა̈ზუმვა̄̈ჲ სა̈ჭირო ლა̈სვ. ეჩქანღო ჭვა̈და̈ ლიგემს იბნახ. ეშხუ ჴელვა̈ნ სგა̄̈ნ ლა̈სვ
Line of edition: 22
მგემ ი მე̄რმე ქა̄მენ. ქა̄მენ, ჲერვა̄̈ჲ ხოჩე̄ლ მგემ ლა̈სვ, ეჯა ჲგა̈მდა ჭვა̈დს.
Line of edition: 23
ალჲა̈რს ჲერხი ბა̈ჩს ხოჴდახ ი ჲერხი _ ხა̈ლიკს კიცო̄რა̄ლშვ. აშხვ ლა̈გრწყ
Line of edition: 24
ლა̈ვს ჟი ჴიდახ ფიკვი ჭვა̈დდ, ეჩქას ჟი ითიქდახ. ლა̈გრწყილა̈ვ ოხვიშდ-უსგვა
Line of edition: 25
კამინვ ლა̈სვ.
Line of edition: 26
ლათქა̄რა̈რისგა სგვებნა̄ვ ჩვა̈გნახ თქს, ეჩქანღო ჩვა̈ჰი̄ჭვდახ ბერგარშვ ი
Line of edition: 27
ლა̈ხი̄რარშვ. თქს ღვები̄ლა̈რთე̄'სგა სგა და̄̈სგდახ, მთქას ქაფჩა̄̈ლ ხუღვა̄̈ნხ ი ეჯჲარშვ
Line of edition: 28
ჟი ითიქდახ, ეჩქანღო გირწყალს ხოფშვდახ ჴვილას. ხუნი ნადა̄̈სგუნღო
Line of edition: 29
აშხვ ფოყხა̈ნ, ხედვა̄̈ჲს მეზგე ილკვჰე, ეჩეჩუ̄ნ ყო̄რა̈ ჩუბე ლაგა̄̈გის დე̄სგი ი ამჟი̄
Line of edition: 30
ამეჟი̄ნ მა̈ჩვი̄ბი ყო̄რს ხოცვბე. აშხვ ლა̈გრწყილა̈ვს ქ'ა̄სრულეხ ი ამისი̄ ამჟი̄ნ
Line of edition: 31
ასრულეხ. ჲარვ ლა̈გრწყილა̈ვნღო ქორს ჲარვ ნახვწი ლაჴვრას ხოცვბეხ ი ალჲარე
Line of edition: 32
სა̈ხსი ქა ხა̈ცვრეხ ლაგა̈მჟი̄ნ. ჩუქვა̄ნ ალ ლაჴვრა̄̈ლსი ლაგა̄̈გია̈რს ხონხენიხ ი
Line of edition: 33
ჟიქა̄ნი̄. მე̄სმა̄მ ლა̈გრწყილა̈ვს ჩუ ჲგემხ, ეჩქა ყო̄რს ჟიბე ლაგა̄̈გის ხაგფენიხ ი
Line of edition: 34
სერ მა̈ჩვი̄ბ ჩუ ლგე ლი.
Line of edition: 35
ყორს ი ლაჴვრა̄̈ლს ნე̄სგაქა ლალცყნა̄̈ლს ხა̈ცვრეხ ლაცყანრე ლადა̄̈სგდ. მა̈ჩვი̄ბს
Line of edition: 36
ჩუ ჲგემხ, ეჩქანღო ჩუ ლიდ̄რი ხაკუჩ. დი̄რა̈რ სგვებნა̄ვ ჟი ლმა̄რე ხა̄რხ,
Line of edition: 37
ქა იზმიზ ქორა̈ ნაზიმს ქა ი მასა̄̈რს ქა ხაქვცუ̄რეხ დ̄რა̈რს. ლა̈დი̄რჟი̄ნ ნადა̈რ ი
Line of edition: 38
მუმურჯვა ხა̄რ ლეწვა̈ნი მეზგა, ადო ეშხვი ი ჲორი მა̄რე გარ დე̄მგვაშვ მოშ ხა̈ჩომხ
Line of edition: 39
დ̄რა̈რს, ეჩზუმვა̈რ ლიხ ალჲა̈რ.
Line of edition: 40
ლადი̄რჟი̄ნ ჩიქე საშვემ დი̄რს ხოდიხ. ალა ხაჟხა აშხვ დი̄რს. ნესგაქიი მა̄მ ხა̄̈ზ
Line of edition: 41
ლა̈იდ ი ჰა̈დურდ პილსი̄. ალა ლეჟა-ლექვაჟი̄ნ ხოზ ი ჟიბა̈ჲჩუ ლდა დ̄რა̈რს მნგ
Line of edition: 42
ჭვად ხემა̈რგ, ერე ლჭერ მო̄დ აჰლბნე̄დს დარბა̈ზჟი̄ნ ჭემი ლადა̄̈სგჟი̄ნ ი ლაზე-
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
