TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 170

Text: 141

Line of edition: 30

141. ლიჴნი, ლილა^̄̈ში, ლითჲე̄ლ, ლიკლა̈ვჲე̄ლ, ლიშყვდი, ლიფრე,

Line of edition: 31          ლილგუჰე̄რი, ლიფექ, გვიზ, ლირბიე̄ლ ი იშგენ გოშა̈რ
Line of edition: 32    მეზგე მუჟღვერ ლუვო̄ბა და̈ბს ჩვაქვთუნე, მადე̄ი, ლუფხვს, ი ეჩქანღო ჩვაჰუნწვი
Line of edition: 33    მა̈ზუმვა^̄̈ჲ ჰა̈ნწ ხორი, ეჩნუვშ. ლინთვისგა ჰა̈ნწს ქ'ა^̄̈ი დაბართე ი ჟი ხაგემ ჰუყვდ,
Line of edition: 34    ერე ზუნე ქა ნომ ახნწრე̄ნს ჰა̈ნწს. ალას ეჯღა იჩომ, ერე ნეცინდ ლფ
Line of edition: 35    ხჟ̄რა ჰა̈ნწს ზუნე ქა ხო̄ზი ი აშხვ აგიჩუ გარ ღრი ი ჩჲავ დეშ ხესგვრი გიმს.
Line of edition: 36    მა^̄̈ჭვია̄ქ დაბა̈რს მუჟღვერ სკვე̄რდ ხადე̄სგიხ ჰა̈ნწს, შომვა^̄̈ჲ ლადა̈ღ ლიჴნის
Line of edition: 37    ხამურჯვიხ, ეჩქას ა̈ჰწი, სკო̄რა̈რს ქა ხოფხჟეხ ი ეჩქანღო და̈ბს ჩვაჴნიხ. ლიჴნის
Line of edition: 38    ჩუქვა̄ნჟი̄ნ იბნეხ. ხათერხ მჴნ', ე̄ჩქა ჴანა̈რს ჟი ხაშვმინნეხ ი მინი ჟი იშვმინეხ.
Line of edition: 39    ეჩქანღო აჯაღდ იბნეხ ლიჴნის ი ამჟი̄ნ ქ'ა^̄̈ზრეხ ლიჴნის. ეჩქანღო მლა^̄̈ში ფაყვს
Line of edition: 40    ჩუ იკედ, ლა^̄̈შის ლალა̄შთე̄'სგა დე̄სგი ი მა^̄̈ნკვი ყლე: "ღე̄რბეთ, ბა̈რქია̈ნ ჩვემნ ამზავი
Line of edition: 41    ნიშგვეჲ ნაჴანვ-ნალა̄შვ" ი ვიშკვს ლეჟავ იჩო ი ამჟი̄ნ იბნე ლილა^̄̈შის. ლეჟა^̄̈
Line of edition: 42    პილდ ლეჟა ღრი, ეჩქას ჟი ხოჭვე̄ნი ი ლექვა^̄̈ პილდ ალა^̄̈ში. ამჟი̄ნ და̈ბს ჟი ილა^̄̈ში
Line of edition: 43    ი ლალა^̄̈შს ჩუ ჲგემ.
Page of edition: 117 Line of edition: 1    ეჩქანღო ჴანა̈რს ლაჭა^̄̈დი̄რს ხობემხ, ეშხუ ხოჟვეღ ი მერმე ჟი ხასგურ. ამჟი̄ნ
Line of edition: 2    ჟი იჭა^̄̈დიხ და̈ბს ი ნა̈ბოზს ა̈გითე ღრიხ. სერ მა^̄̈ჲ მუჟღვრეში ლეჴნიდ ხაკა̈ფხ, ეჯას
Line of edition: 3    ქ'ა̄ჴნიხ. მა^̄̈ჭვა ლიჴნი გვიანდ გარ ხა̈მთქვახ, ხოშა^̄̈მ ლაღა̈ლს ბარბლა̈შჲე̄რ, ეჯღ'
Line of edition: 4    ე̄რე ეჩქა^̄̈ში ნაჴანვ მა^̄̈ჭვა̈რს ხოჩა ხეფსიხ. ხვა^̄̈ინ ლ' ე̄რე მა^̄̈ჭვს მუს მეჴდანღო̄ჲ აჴნიხ.
Line of edition: 5    მუსს ჩიქე ქ'ა̄ლღა̈ხიხ ი ეჩქანღო ჩვაჴნიხ და̈ბს, ამჟი ლიჴნის ხოშა ჭირ ი გარჯ
Line of edition: 6    ხაკუჩ, მარე მაჴად ხოჩა ხა̈მთქვა ამ ჩიქქა^̄̈ ნაჴანვს.

Line of edition: 7       ლინთვისგა ზავლადღი ნაზორ ჰა̈ნწს ჩი̄ დაბა̈რთ' ა^̄̈იხ ი ჰუყვა̈რდ ხაჰყვეხ. ლინთვისგა^̄̈
Line of edition: 8    ნაზორს ლუფხვს ა̈იხ დაბა̈რთექა ი დაბა̈რს ლახე მუს მასა̈რდ ხა^̄̈ზ, ეჩქასი
Line of edition: 9    ჰუყვდ ხადე̄სგიხ. ამჟი̄ნ ლიჰუნწვი ქა იზგრი. თებურვა̈ლისგა, ლახე ხოშა მუსობ
Line of edition: 10    ლი, ეჩქას დაბა̈რს, ხუ̄ნკვი̄ ლეჴნიდ მა^̄̈ჲ ხაკა̈ფ მეზგა, ამჟ ა: ედ ლეკვცენ ლი, მა̄დეი
Line of edition: 11    ლერეგვ, ეჯას ვერს ხა̈შდეხ მეჯა̈რქა. ამის ხაჟხა ლიდცვე. ამის ეჯღა იჩოხ,
Line of edition: 12    ერე ვერ მუსს ხუ̄ნკვიდ ა̈ჰნე ი ლეჴნიდი ხუ̄ნკვიდ ისყი და̈ბ. ლეჭმინს, ლესმინდს,
Line of edition: 13    ლეფტვიშს ი იშგან მამა ხაკუ ლიდცვე, ეჯღ' ე̄რე კვეცნარეშ ი როგვარე ლიჴნა̄ლა̄ლვ
Line of edition: 14    მუს ჩუ იჰნი ი სერ ამღა დე̄მის ჲა̈რ ადცვ', ა̄დო ეჩქას დაბა̈რ ჩუ იბგიხ ი ხოლა
Line of edition: 15    ლეჴნი ლიხ. ლუფხვს ნადაცვ დაბა̈რ ჩუ იჩვფიხ ი იფკვიხ, ეჩქას იბნი ლიჴნი.
Line of edition: 16    ლელჴნია̄ლდ მეზგე ჟ'ამა̄რე ლაჴნია̈ ბა̈რგს: ღა̈ნწვიშს, ამის ხა̄რ ღა̈წვში ბერ
Line of edition: 17    ი ძვიჰე. ძვიჰე ჟი მენკვე ლი ნესგაქა, ღვეშგიმხა̈ნ ქუთუ̄ლ ხა̄რ მაშრიდ ი ზმშ დთხალდ
Line of edition: 18    ლტა̄ბე. ამის ჩუ ხოსვემხ თხუმთეჩუ მეფტა ბერჩუ̄ნ, ქუთუ̄ლს ღვეშგიმხა̈ნ
Line of edition: 19    ხატყვბეხ ლაგვდირს. ეჯა ჩვექი (\\ ქუთუ̄ლა) ნაკლა̈თხი ლი ი ლაგვდირ სგა ხა̄რ.
Line of edition: 20    ამის ი ქუთუ̄ლს ბერ ჩუქვა̄ნქა ჭვინთს ხოსვემხ ი ჟიქა̄ნჩუ ჩვათლრეხ ეჩჟ'
Line of edition: 21    ე̄რე ლაქვთუნა̄ლ მოდ ხა^̄̈ც. ლაგვდირს ყა^̄̈რი ლახკნ ხორიკ ნეცინ თა̈კვშ. ალ' ე̄ჯღ'
Line of edition: 22    ე̄რე ბერ ლახე ვერს იცვმენი, ეჩქას ამნოვშ ქ'ა̄ხკნეხ და̈ბა ჟა̄ბეშ ი ჩვა̄ბე პილს-
Line of edition: 23    ძვიჰე თხუმხა̈ნ ხოშა სკრე ლი ი თხუმხა̈ნ (სგვებინხა̈ნ) ჩუ მეფტე ხა̄რ წემში ლა̈თხ
Line of edition: 24    პინად. წემა̈შ ჲერს თა̈კვა̈შ ხუღვე ი ჲერს გვერე̄მიშ ჟი ლშდრა̈ნ. უღვა ხოშა ჯო̄დი
Line of edition: 25    ლი. ალ'ე̄ჯღა ლ', ე̄რე ჴანა̈რს ხოხვრა გარჯ ხა̄რხ ეჩნოვშ ლიჴნი. უღვას ნე̄სგაქა
Line of edition: 26    წემში ლაბა̈მ ხა̄რ ი ეჩხა̈ნ-ამხა̈ნ ლასვმანა̈რ ხოსვხ. ლასვმანა̈რს თხუპვა̈რ ხა̈ბხ.
Line of edition: 27    ბერს სგვებინხა̈ნ ქა ლსკრე ხა̄რ ი ეჩე̄'სგა მკრას ხოსვემხ. მკრა ჰა̈ლ ხოშა ლი,
Line of edition: 28    ეჩზუმშვ ხოშა ბა̈რქიჲა̈ნ ნაჴანვ ხა̄რ. ბერს ნე̄სგაჟი ჟი მეკდე ხა̄რ გვიგვ ი პილა̈რქ
Line of edition: 29    ხოდთხელა ლი. ალას ეჯღა იჩოხ, ერე მკრა^̄̈ ნა̄ზვქა ხოშა̄მ ი ხოჰშა̄მდ აჴნი გიმს.
Line of edition: 30    ჟ'ამა̄რეხ ლეთხვმა̈რს. ლეთხვმა̈რ ჲედ გვერე̄მიშ ლი ჩუ ლუჰიჭვ, მა̄დე̄ჲ თაკვა̈შ.
Line of edition: 31    ეჩხა̈ნ-ამხა̈ნ მუჭვარე ლა̈რკინა ხა̄რ.

Line of edition: 32       ბერგა̈რს ხოშა ლაღა̈ლ სგა̄ნქა ჴიდახ, მარე ლახე ჩუ ჴეჩნიხ, ეჩქას ამეჩუ̄ნა̈
Line of edition: 33    მშკდა̈რს ხაშკა̄დუნეხ, მა̄დე̄ჲ ჯვინელს ჟი ხალდა^̄̈სგუნეხ. ბერგა̈რს ჭომა̈რს სგა
Line of edition: 34    ხოსგვრეხ ი ამჟი̄ნ ჟ'ამა̄რეხ ლელჴნია̄ლვდ. ესვა^̄̈ ბერგ მომ ხუღვ', ე̄ჩას
Line of edition: 35    ლაღვა^̄̈ნი̄რ ხუღვე. ალ ლაღვა^̄̈ნი̄რ ზექხა̈ნქა ლი მე̄სყე ბერგი მაჯო̄ნდ, მარე
Line of edition: 36    ძღდშვ ხოშა გვა̈მი ლი, მარე კიცხა̈რს ხოშა̄მ აფთქუ̄რე. ამჟი̄ნ მეზგე ჟ'ამა̄რე
Line of edition: 37    ლელჴნია̄ლვ ბა̈რგ-ნაბა̈რგს.

Line of edition: 38       ლელფხუ̄შად ლახე ჯვინელ ლაჭა^̄̈დი̄რს მამ ხაყა, ეჩქას მახა ლაჭა^̄̈დი̄რს ასყე̄ნეხ.
Line of edition: 39    მა^̄̈ნკვი გარვს ატა̄ბეხ. ალა ეშხუ ჴა̈ლ ღეთ ლი ნაჯვდან ი მეგრე ლი, ამის ნე̄სგაქა
Line of edition: 40    ჟი ხოკედ გვიგვს ი ღა̈რს ხა̈ჩომ. ამის სამ ადგილჩუ ი მადეი ოხვიშდ ა̈გიჩუ
Line of edition: 41    ჩუ ხოფტე სიფრითშვ. ამის ეჯღა იჩვ, ე̄რე წირხრე ლასყე̄ნა ხა̈ც სა̈ბრი ლა̈ნგჭვად.
Line of edition: 42    ეჩქანღო ცხეკთე ღრი. ეჩე ჟი ითხე̄ლი ლცა̈გ ბარყვენდი კვადლა̈რს, მა̄დეი ღამვლი
Line of edition: 43    აშხლა̈რს. ალჲა̈რს ა̈გის მუგუდ ჟ'ასყე̄ნე ი ღვებისგა სგა ხოსგვრე ლაჭა^̄̈დი̄რი

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.