TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 179

Text: 145

Line of edition: 15

145. ლიცხეპ

Line of edition: 16       მეთხვჲარას მო̄შ-მო̄შ ნა̈ირდ ხა̈მთქვახ ლითხვჲარვ. ფარა̈რს ლინთვისგა ლიცხეპ
Line of edition: 17    ხა̈მთქვახ. ნა̈ბოზს მეთხვჲარა უშხვა̄რ ხა̈ბჟინეხ ი ჩუ სკიბეხ მე̄რმა ლა̈დღიშდ,
Line of edition: 18    ჰამა̈შდ, ლიცხეპს. ამის ამჟი̄ნ იჩომხ: მეცხეპ ეშდ ი მო̄დეჲ ხოფშირა მახეღვაჟა̈რ
Line of edition: 19    ღრიხ. სგვებნა̄ვ ჟი ლსა̄გე ხა̄რხ, იმვა^̄̈ჲ ნა̈ბოზს ჲერსკნარე ჯვეგ არდა ი ლირჰა^̄̈ლთე
Line of edition: 20    ჲერხი ჟიქა̄ნ ხეცა^̄̈დიხ, ზაგა̈რთეჟი̄ნ, ეშხუ ნაღა̈ლ აშხვ ფოყხა̈ნ ხეცა^̄̈დიხ ღა̈რს
Line of edition: 21    ი მე̄რმე ნაღა̈ლ _ მე̄რმა ფოყხა̈ნ, ამჟი̄ნ ნა̈თხვჲარა^̄̈ლს ნე̄სგათე იკვა̄ნეხ ლეთოფდ.
Line of edition: 22    ჩუ ირჰ' ე̄ჩქას ჲერსკნა̈რ ლაწევთექა ჴედნიხ ი ხობნეხ სამ ფოყხა̈ნ ლითოფს. ალჲა̈რ
Line of edition: 23    ღალ ა, ჲერსკნა̈რ ჩი̄თე იტვხ, მარე სგვებინხა̈ნ მეთვფა ხეხო̄ლიხ ი ადგა̈რიხ.
Line of edition: 24    ამჟი̄ნ, შომვა̄ლე, ჩუ ნასა̈დვ ჲერსკნა̈რ ქა ითშიხ ლა̄ტვს ი ღრიხ. ლდგარუნღო
Line of edition: 25    მეთხვჲარა ა̈გითე ჴიდეხ, ჩვატფუ̄რეხ, ჩვაშდბუნეხ ი ლეღვა̈რს ჩუ ი̄თა^̄̈ლიხ. ტუფ
Line of edition: 26    ი თხვიმ ეჩი̄შ ლ' ე̄, ჲერვა^̄̈ჲ ჩვადგა̈რი ი იშგან ჩი̄ მუგუდ ი̄თა̈ლიხ. ჲარვ-სამ ლადა̈ღუნღო
Line of edition: 27    ჟი იყვბა^̄̈ლხ, თხუმა̈რს, ჲესვა^̄̈ჲ ალჲა̈რ ათხვი̄დხ, მინ გარ დე̄მ იჴმა̈რიხ ი სგა
Line of edition: 28    ჴიდეხ ლა̈მზრთე. ლიმზირს ლაჴვა̈მისგა იჩომდახ, ლადბა̈შისგა, აგიხა̈ნ ლესკრა̈რს
Line of edition: 29    ჴიდეხ. ალჲა̈რს სგა^̄̈ნ ნა̈თხვჲარე̄მი ლეღვ ხეჩდახ. ქორხა̈ნ აჯაღ ეჩნქა ნატუ̄სუნს
Line of edition: 30    ი ლეტვრა^̄̈ლს ჴიდეხ. ლეტვრა^̄̈ლს ჟ'ატვრეხ, თხუმა̈რს მუჭვა̈რჟი̄ნ ხალწენიხ,
Line of edition: 31    თხუმა̈რ ქა ლჭა̄რვე ლიხ. ა̈გიხა̈ნ ნა̈ჴიდვ ზედა̈ში ხუღვეხ თვით შედ ნათხუმ ჰარა̈ყ.
Line of edition: 32    ალ ლესკრა̈რს, ჰარა̈ყს ი თხუმა̈რს ჟი ხა̈მზრიხ აფსა̈თს ი ჯგრა^̄̈გს. ეჩქანღო
Line of edition: 33    ლეტვრა^̄̈ლს ჩუ დე̄მის დიგეხ, ოდე მინოვშ დო ჴეჩნიხ. ჩუ ისგვრიხ, ჲერვა^̄̈ჲ ხაკა̈ფხ,
Line of edition: 34    ეჯას ქ'ა^̄̈წჰიხ ი ხოჩა̄მ ლარდას ასყე̄ნეხ, ხა̄რხ ლა̈ხი̄რულ. ისგ ტაბგობჟი̄ნ კირჲა̄ლეს
Line of edition: 35    ყლეხ ლაღრალშვ. ჩი̄ ღერთა̈რს ი ლაჴვმა̈რს ჟ'არშვნიხ ი ეჩქანღო კირჲა̄ლეს
Line of edition: 36    ხა̈ჭმინეხ. ეჩქანღო აჯაღდ თრეხ ი იხირვილხ ი ნა̈ბოზს ჩუ ფხეჟნიხ.

Line of edition: 37          ლენჯა^̄̈რ

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.