TITUS
Svan Chrestomathy (I: Upper Bal): Part No. 178
Text: 144
Line of edition: 29
144. სა̈ვჲა̈ ლიჭმე
Line of edition: 30
შვანე ქვინლმგენე ხოდრა გვა̈რიშ ლი. ლუშნუ ჴანა̈რ ლუსუ ჴანრე ნა̈ხუმსარდ
Line of edition: 31
ხოხვრა ლიხ. ეჯჲარე ნამსგიდვინ ჩუხვა̈რს ხაჯეშხ. შვანა̈რ სა̈ვთე ღრდახ
Line of edition: 32
ლაჭმად, ეჩე ჲარვ დოშდულ მახა ა̈ჭმახ. ლიჭმეს, ანტყვსგა̈რ ხეჰვრენდახ, ეჩქას
Line of edition: 33
იბნახ ი ქ'ე̄ჩქას ხეყჩენდახ ე, შომვა̄̈ჲ ანტყვსგა̈რ ხეწდენდახ. და̈რ ი ჰა̄ვდა̈რ ნა̈ ხუმსა̈რ
Line of edition: 34
ხა̄დხ სა̈ვჲა̈რს ი ვებილადღა̈რს დე̄მის აჭმახ, ეჯღ'ე̄რე ეჯ ლადა̈ღ უსურმა̈ნი
Line of edition: 35
ლიგსვრე̄შ ლი. ეჯ ლადა̈ღ ჟაჴვრა̈ კვა̈დლა̈რ ლაქჩათე ხა̄დხ ლე̄ზი შვანა̈რს ი ეჯა̈რს
Line of edition: 36
იქჩახ გებნა̈რ ჩუქვა̄ნ ლენხენი ბალა̈სია̄ქდ. ობა̈შინ ხოლა̄მ მა̈ნკიშს ხეგნო̄ლდახ
Line of edition: 37
შვანა̈რ მჭმად, ლახე ჩუ მო̄მ ხოთრო̄ნდახ.
Line of edition: 38
ალ მა̄რე ძდდს ხოწრმი̄ნა ი ხოთმი̄ნა მჭმას ლა̈ჭმათე. მჭმი ლადა̈ღისგა აშხვი̄ლს
Line of edition: 39
გარ იშვმინა ლა̈დჲარა̄ლჟი̄ნ, ეჩქანღო ნა̈დჲარობენ მერჩლა̈რს იკვა̈თხდა.
Line of edition: 40
ლეზობდ ხოშა ლაღა̈ლ მეტხე მარწვენ ი ტტისგა ნანაყვ ფრი კვა̄̈შიჲა̈რ, ქრჯინ,
Line of edition: 41
ხუღვა̄̈ნხ. ობა̈შინ ლა̈ჲსასი ხოჲსენდახ სა̈ვჲა̈რ.
Page of edition: 124Line of edition: 1
ლა̈ჲსას მინ ა̈ჲსენდახ, ეჯღ' ე̄რე ქრისდია̄ნი ნა̈ჲსა̈ნვს უსურმა̈ნ დე̄მ იზბი.
Line of edition: 2
ობა̈შინ შვანა̈რ ხოლა̄მ მა̈ნკიშ თამა̄თას ლეზობთე̄სგა სამტრა̈კს ხონჩდახ,
Line of edition: 3
ეჯა სა̈ვჲა̈რს მა̄მ ხოთრახ ი დეშ ჴედნიხ გუდ ეჩი̄ ლინჩდეს.
Line of edition: 4
ალ სამტრა̈კ მე̄რმა ლადა̈ღ ეჯჟი̄ნ ლიტხუნეს ქა ხაბნა̈ვნა ეჯ ხოლა̄მ მა̈ნკიშს,
Line of edition: 5
ერე ლადგარა̄ლს ხა̈ბკინა. ლეგდმერდე ჩა̄ჟვ ხესგრო̄ლდა ი ა̈გითე ღრდა. სამ ი
Line of edition: 6
ო̄შთხვ ლადა̈ღ ჩვაყვრა ღალ ა̈გის ი ეჩქანღო გარ ჴედენდა ლა̈ჭმათე. ამი̄შ ი ამი̄
Line of edition: 7
ნე̄სგა შვანა̈რ მინე ბნა̈ბჟი̄ნ გარ ა̈ჭმახ ი ხოშა ლა̈შვმინა ხოჴდენდახ. ლიჭმე̄ დვრევს
Line of edition: 8
ქ'ა̄სრულახ შვანა̈რ, ეჩქას ნარდიე̄რს ხეშგომდახ.
Line of edition: 9
ნარდიე̄რ ეშხუ სემი ლზა̈ჲ ი მე̄რმა ჲორი ლზა̈ჲ ხაბნა̈რ ხა̄დხ ლეჰვდი, ეჩნქა
Line of edition: 10
ეშხუ ზა̄და გიცა̈რ, ღა̈რთ, ნაბა̈დ, ი ეშხუ ში ლეჯბირ. მარე ხოლა მა̈ნკიშ მეზგე
Line of edition: 11
ჩი̄ დე̄მ ხაჰვედდა ალ ჩუ ნაბაცვს ი ამნია̄̈ნიდ ტე̄ვაჲ ყალაჩხუფა ხოჩ̄დენდახ. იმჟი
Line of edition: 12
დო ლა̈სვ ჩუ ირგივა̄̈ლხ სერ ი ქა იმშვგვა̄ნახ. შვანა̈რ სგვებინ ირკა̈ლდახ ნა̈ქიმვ
Line of edition: 13
ხაბნა̈რს ი გიცრა̈რს, ი ა̈გითე ჴიდახ.
Line of edition: 14
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
