TITUS
Svan Chrestomathy (I: Upper Bal): Part No. 184
Page of edition: 128Line of edition: 1
შა̈რ ჟი ლკა̄ზმე ლი. ამჩიქდ ჲერხი ზურალა̄̈რ ი ჲედ ბოფშა̈რ ამსლა̄̈რიხ ლა̈ჯიშჲა̄ქს.
Line of edition: 2
მასლ ჲედ ნა̈ჴჩულა̈შ ლი ი მა̄დეი ზექიშ. ალ მასლს სგა ხოსგვრეხ ლამსლა̄̈რ
Line of edition: 3
ბარბელდვს ი ქუთუ̄ლჟი̄ნ ა̈სპუნეხ ი მასლს ქიპს ხაჭვე̄ნიხ. ქა ლმსლა მასლს
Line of edition: 4
მარქვთე̄სგა დე̄სგიხ ი ამის ზურა̄̈ლ ჟი ხა̈ჯიშ ლათხეჲს. ლა̈ჯიშჟი̄ნ ზურა̄ლ დაფა̈რს
Line of edition: 5
სგა ირყინე, შომვა̄̈ჲ ქიპს ქა იტხე ლათხეჲქა ი ქა̄მავ ხა̈რყინე, შომვა̄̈ჲ მარქვშვ
Line of edition: 6
ქა ლეტხე ხა̄რ ლაჯიშ. ამჟი̄ნ ქა ნა̈ჯიშვს, კვილის, უ̄ღვაქა ხაჭვე̄ნი.
Line of edition: 7
ლიჯიშ ქა ლუსრულანღო კულის ჟ'ატყვბა̄̈ლიხ ი ჰაბა̈რჟი̄ნ ჩვა̈კვლი̄ნეხ. ლაკვლინაჟი
Line of edition: 8
ჩვაბქვეხ ფიშრა̄მინ ტებდი ლცისგა ი საპენს ხოხჯნეხ. ეჩქანღო ხეგნიხ
Line of edition: 9
ჭშხვშ ი ა̈გვრი̄მბეხ, ვოდ ჩუ დო იკვლი̄ნი კული ეჩქად.
Line of edition: 10
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
