TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 185

Text: 150

Line of edition: 11

150. ლიჴლტა̈რი

Line of edition: 12       ლიჴლტა̈რის შვა̈ნისგა ზურალა̈რ გარ იჩომდახ ი ათხეჲ ეჯჲა̈რ იჩოხ, მარე
Line of edition: 13    ჲერხი გარ, ეჯღ' ე̄რე და^̄̈რმა ხა̈ხვტინე თანვ მამჭირშვ.

Line of edition: 14       ლეფშვდა ღველჲა̄ქს ზურა̄ლ მა̈ნკვი ქ'ა̄სტღუნე ხოჩა̄მდ. მე̄რმა ლადა̈ღ ჟი
Line of edition: 15    ლუფკვანღო ქ'ა^̄̈ფშვდე. ამჟი̄ნ კვილია̄ქ მა̈ტყს ჟი ინზო̄რე, ეჩქას ჩიქე ჩვაბძღნე
Line of edition: 16    ი ეჩქანღო ჩვა̈ფთი ლა̈ფთი̄რჟი. ნაფა̈თვუნღო ჩვაპტყნე ი კალა̈რდ ასყე̄ნე, ცხიკთე̄'
Line of edition: 17    სგა დე̄სგი ჟი ლწკა̈ტდ. ეჩქანღო ლილთეს იბნე ჩე̄რიშვ ი ჩერშდოვშ. ჩე̄
Line of edition: 18    რის ჩუქვა̄ნ ლაქრჩა̈ნ ხოგ.

Line of edition: 19       ზურა̄ლს ლახე მა̈ტყ მასა̈რდ ხუღვე, ეჩქას ჩუ ინდენი ი ქა ხაწახ მლთა, მა̈ზუმვა^̄̈ჲ
Line of edition: 20    ხაწხ. ალჲა̈რ ა̈ლთეხ ნა̈ბოზუნღო რიჰდ. ჰამს მიჩა-მიჩა ქორთე ღრი მა̈გ.
Line of edition: 21    ჟი ნალა̈თვ ჩერია̈რს, ლათ̄თა^̄̈ლს, ჲარვ სგა დე̄სგი კარვათე̄'სგა, ზურა̄ლ ქიპი
Line of edition: 22    კაცხა̈რს კინთქა ქ'ა^̄̈ყხე ი იბნე ჲარუ ფად ლუყვბა ქიპი კვიკვდ ლისყე̄ნეს. ამის
Line of edition: 23    ლინტვლა^̄̈ლი ხაჟხა. ჟი ლლთა ქიპს ჟ'ანტვლა^̄̈ლი ი კუკვა̈რდ ასყე̄ნე, ეჩქანღო
Line of edition: 24    ჟ'ანჩრე. ლანჩრად ლანჩრა^̄̈ ჩერი-ჩერშდა ხუღვე. ალ ჩე̄რი ლა̈ლთა^̄̈ ჩე̄რიდ ხოჯვდა̄ჲ
Line of edition: 25    ლი ი ხონგრა̄ჲ. ჩერშდა̄ჲ ხვა̈ჲშვ ხოშა ლი ი ზექხა̈ნქა ლი ჟი ლტა̄ბე.
Line of edition: 26    ზურა̄ლ ლანჩრაჟი̄ნ კლთხიჟი ისგვრი, კვიკვ კარვაისგა ხო̄ზ, ქიპს ქა ხახრზა̈ნი
Line of edition: 27    ჩე̄რის, ჟიქა̄ნ ჩე̄რის ჩერშდამყ ჟი ლჭი̄რხ ხა̄რ სევდ. ამის ჭილ ხაჟხა. ამ
Line of edition: 28    ჭილქა ჟი ხაბემ ქიპს, ჩე̄რის ქუთულჟი ჟ'ასპუნე ი ჩუ ფიშვდე ჩუბა̄ვ. ამჟი̄ნ ქიპ
Line of edition: 29    ჟი იშდრა̈ნი. ზურა̄ლ, ხათერ ეჩქას, ალ ლნჩრა ქიპს ქა ხაჭვე̄ნი ჩე̄რშდა ჩუქვანქა
Line of edition: 30    ჩე̄რის. ამჟი̄ნ ანჩრე, ოდე სვრილ ლანჩრას ჟი დო ანჩრე. ეჩქანღო ალ ლანჩრას
Line of edition: 31    რის კვიკვდდ იტხე ქა ი მე̄რმა ლანჩრას ანჩრე. ამჟი იჩო, ოდე ლენჩრე ჩუ დო
Line of edition: 32    ხოშთხენი.

Line of edition: 33       ობა̈შინ ლანჩრას ლაღბაბა^̄̈რთე იტხე ლათდვი̄რშვ. ალა ჩალყვდ ლი ჟი მსყე.
Line of edition: 34    ზურა̄ლ ჟი ხაფგენი ლაღბაბა^̄̈რს ალ ღბა̈ბს ი ეჩქანღო ქა იტხე კვიკვდ. ალ
Line of edition: 35    კუკვა^̄̈რ ჟი მსყე ი ლმა̄რე ხუღვე, ეჩქას ჩვაყვლუ̄რე: ლაჯიშს მო̄შ ცვირე ი ლათხეჲს
Line of edition: 36    _ მო̄შ.

Line of edition: 37       ხოჩა̄მ და^̄̈რჟი̄ნ ქა^̄̈მ კალვისგა ი ჲედ ლალჩაისგა ი მა̄დეი ხოლა̄მ და̈რჟი̄ნ ქორისგა
Line of edition: 38    ზურა̄ლ წამა̈რს ხოსვა^̄̈ლი ოხვიშდს. თვით ჲარვ _ სგვებინხა̈ნ სგა-ქაჟი̄ნ ი
Line of edition: 39    აშხვ _ ვეშგიმხა̈ნ. უშხვა̄რნე̄სგა სგვებნეშ ი ღვეშგმე წამა̈რს ეჩი̄ზუმს ხო̄ზნე უშხვა̄რთე,
Line of edition: 40    მა^̄̈ზუმვა^̄̈ჲია̄ქ კვილი ქიპ ხუღვე. ეჩქანღო ლათდვი̄რს ა̈ჲე̄სგი ყა^̄̈რიშ. ალა
Line of edition: 41    ჯო̄დი ლი, ჰა̈დვირხნსგა̄მ ალა̈ბზუმ ი ჲო̄რი ფუტუ ხა̄რ აშხვ პილხა̈ნ. ალჲა̈რქა
Page of edition: 129 Line of edition: 1    ქა^̄̈ყხე ქპა̈რს ი ალ წამა̈რს ესჭიმ ი ქიპს ჟი ხაჭვე̄ნი ალ ოთშხვ წამს ი მე̄ხვშდა ქა̄მენქა
Line of edition: 2    გარ ხა̈ცხპე. ამჟი̄ნ ათდვი, ოდე ლათხეჲ ქიპ ჩუ დო ხოშთხენი, ეჩქანღო აშხვხა̈ნ
Line of edition: 3    ჟი იყვზე, ჟი ლთვედ ქიპს ხობნე ლიჩულყვეს ი ამჟი̄ნ ჟ'ა̄სყე̄ნე ჩალყვს.
Line of edition: 4    ოშვა̈ჲდ ჩალყვ ლი, ეჩშელდ ჭითხ ხეფსი კვილის. ნამშარე̄მიშს გუდ ჴედნიხ შელდშვ
Line of edition: 5    ი ამბა̈ვშ. ოშვა̈ჲდ შელდ ლი ი ამბა̈ვ, ეჩი̄ზუმ მაშრი გა̈ნ ხა̄რ კვილის. ალ ჩალყვს
Line of edition: 6    ჩიქე ლა̈ლჯვმა̈რქა იტხეხ ი ღო ლაცხნი̄რქა ი ამჟი̄ნ ჩუ დე̄სგი. ათხე ლა̈ჯ
Line of edition: 7    შა̈რ ლი ლეკა̄ზმე. ლა̈ჯშა̈რ ზექიშ ლი. ამის სგვებინხა̈ნ ჲო̄რი ზექ ხოსა̈რ ი ჟიბავ
Line of edition: 8    ჟი ლსკრე ხა̄რ უღვა^̄̈ ლასვა̈მდ. ლა̈ჯიშჟი̄ნ ლა̈ჯშა̈რს ჩუ გემ ზურა̄ლ. ლა̈ცხნი̄რხა̈ნქა
Line of edition: 9    ქა ხოწვა, ეჯ ქპა̈რს თაკულდა̈რ ხა^̄̈ბხ ჟი ლაყვბად ი ალჲარშვ სგა ხალჯენი
Line of edition: 10    უ̄ღვას. ალ უ̄ღვას ჟი ხოსვემხ აშხვხა̈ნ სგვებნე ზექს. უ̄ღვას აშხვხა̈ნ ო̄შთხვ ჴურუ
Line of edition: 11    ხა̄რ, მე̄რმა ზექს აშ ლა̈გჭა ხა̄რ უ̄ღვა^̄̈ მე̄რმა პილიშ. ჩა̄ლყვს ღვეშგიმხა̈ნ სგა ხალჯენიხ,
Line of edition: 12    ნე̄სგაჩუ̄ნ ლა̈ლჯვმა̈რ ი ლა̈ცხნი̄რ არიხ. ალჲა̈რს ღვეშგიმხა̈ნ მჯიში ლასგვრა
Line of edition: 13    ხა̄რ მსყე. ლა̈ლჯვმა̈რს ჟიქა̄ნქა ჯო̄დი თაკულდა̈რ ხა̈ბხ, ალჲა̈რს საკნზელა̈რ, ხაჟხახ.
Line of edition: 14    სა̈კნზელა̈რ ჟი̄ბა̄ვ ხა̈ბხ ლეჯიში მგჭად, ერე მეწვინქა ქა ლგ̄თხად არდე̄დს.
Line of edition: 15    ჩუქვა̄ნ აჯაღდ ჲორი თაკულდა̈რ ხა̈ბხ. ალჲა̈რს სა̈ფრჴელა̈რ ხაჟხახ ი ღვეშგმავ ლა̈ჯშა̈რს
Line of edition: 16    სგა ხალჯახ, მარე ეჩჟი̄ნ, ერე გიმთეჩუ̄ნ დოშ ლესვხ ჩუ მეჩდე. ალჲა̈რჟი̄ნ
Line of edition: 17    ლა̈ჯიშჟი̄ნ ზურა̄ლ ცერა̈რს ხაგემ მა̈ჲ აშხვ ი მა̈ჲ მე̄რმა, ამჟი̄ნ ლეჯიშ ჩუ იყვლუ̄რი.
Line of edition: 18    ლახე მარქვშვ ლათხეჲს ხა̈ჯიშ ზურა̄ლ, ლეჯიშ ხეკვეს ერე ეჩშელდინ ყველენდე̄დს
Line of edition: 19    ჩუ, ოშვა̈ჲდინ ქიპ ღრი ლა̈ჯიშდ.

Line of edition: 20       ლა̈ჯიშ ქიპს ლამსლა̄რშვ ქანა̈შ ი ჲედ თვეფილა̈ჲ მასლა̈რჟი̄ნ ჟი ხამსლიხ
Line of edition: 21    ქიპს, მა̈ზუმვა̄ჲს ისკ̄დვნე მარქვ, ეჩი̄ზუმს. ალ მასლს მარქვთე̄'სგა დე̄სგიხ. მჯიშ
Line of edition: 22    ზურა̄ლ სგა ხესგვრი ლა̈ჯშა̈რს. ლაცხნი̄რს ჟიქა̄ნ ი ჩუქვა̄ნ დაფა̈რ ხა̄რ. ალ დაფა̈რსი
Line of edition: 23    ხა^̄̈ბხ ჲო̄რი საკნზელა̈რ. სგვებინხა̈ნ ზურა̄ლ ქ'ა̄და̄წყე ლეჯიშს, ქ'ა^̄̈ყხე მარქვს
Line of edition: 24    ლაცხნი̄რიშ ი დაფრეშ ი ლა̈ლჯვმა̈რი უშხვა̄რ ნე̄სგაქა ი სგა ირყინე დაფა̈რს ი ლაცხნი̄რს
Line of edition: 25    მიჩეშთე. ამი̄ ნაჩომუნღო აშხვ ჭიშხი ცერშვ აშხვ საფრჴელს ჩუბა̄ვ ხობიდ
Line of edition: 26    ი ლჯიშ ჩუ იყვლუ̄რი, ეჩქანღო აჯაღდ ა̈ქვჭე მარქვს ი აჯაღდ სგა ირყინე დაფა̈რს
Line of edition: 27    ი ლაცხნი̄რს. სერ ამჟი̄ნ იჯიშ ოდე ჩუ დო შდეხნი ლეჯიშ.

Line of edition: 28       ლახე ლეჯიშს ლა̈ლჯვმა̈რი ქა ლა̈ქხა მო̄მ ხა̄რ, ეჩქას ჩალყვს ფიშვდე აშხვქა
Line of edition: 29    ი ქა ნა̈ჯიშვს უ̄ღვას ხაჭვე̄ნი. ამჟი̄ნ იჯიშ სერ ქა კვილის. ლიჯიშ ქა ისრული, ეჩქას
Line of edition: 30    ნა̈ჯიშვს ი ღვეშგმეპილს ქა სედნი მა̄დხვა̈ჲ უჯშა, ხედვა^̄̈ჲს სერ ქა ლა̈ჯიშ მო̄მ ხა̄რ,
Line of edition: 31    ეჩას ქა ხა̈ქვცე ზურა̄ლ თრქადშვ. ამის ხაჟხა ჩუ ლიყვლუ̄რე. ლაყვლუ̄რაჟი̄ნ მარე̄მი
Line of edition: 32    ლისგდის მა̄დ ხაყა, ეჯღა ერე ლათრაჟი̄ნ ესერ ლიტხუნე ხოხალ.
Line of edition: 33    ქა ნამსა̈დვ უჯშა ქიპს ნა̈ხტულ ხაჟხა ი ალა ჟი ხემა̈რგხ ქიპდ ოსრიშ ი იშგნე̄მი
Line of edition: 34    ლაშხებდ. ქა ლჯიშ კვილის ჟ'აგვრუზი ზურა̄ლ ი ჩუ დე̄სგი. ეჩქანღო ჩვეინშვ
Line of edition: 35    ლიცს ხორკინე, კვილის ჟ'ატყვბა^̄̈ლი სამ ი ოშთხვდ, ეჩქანღო სგა^̄̈ყხე ა̈თუ
Line of edition: 36    ლცთე̄'სგა ი ჩვა̈ჟრე. ალ მჟირ კვილის ჩუ დე̄სგი ქა ლსპა ჩა̈ვჟი̄ნ, ჟი ხეგნი
Line of edition: 37    ჭშხარშვ ი იბნე ლიკვლი̄ნეს. ლა̈კლი̄ნაჟი̄ნ ეჩხა̈ნ-ამხა̈ნ ფავა̈რ ხუღვე
Line of edition: 38    თხვიმი ლა̈გჭად, ერე ჩუ მო̄დ ა̈დკა^̄̈ფს. ლა̈კვლი̄ნაჟი̄ნ კვილის ჭშხარშვ ხაზელა̄ლვნე
Line of edition: 39    ლეჟა̄ჲლექვა ჩა̈ვჟი̄ნ ი ჟი ხაკუ ეზერ ხა̈ნს: ოშთხვ-ოხვიშდ სა̄თს ი ხოშა̄მი̄.
Line of edition: 40    ჩუ ნა̈კული̄ნუნღო ჟი ლუტყვლა̄ლა კვილის ჩვატყც̄რე ი ჟ'აგვრუზი. ეჩქანღო ქა
Line of edition: 41    ხოთხფე ჟი ლა̈ფკვას. ჟი ლუფკვანღო ჟი̄დ აგვრუზი ი ლაგვრიზჟი̄ნ მჟირ ტვეტს
Line of edition: 42    ხა̈ჭმინე ი ეჩჟი̄ნ ესჭიმ ლაგვრიზს. კვილის ლახე ლიღფენი ხაკუჩ, ეჩქას ჯვინალდ
Line of edition: 43    ტყვალს ჴიდახ. ტყვალ მეშხე ტყრ ლი ი ხოლა ქვინ ხოჴან. ჯერა̈ბს იკვშახ ი ბალ-

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.