TITUS
Svan Chrestomathy (I: Upper Bal): Part No. 186
Page of edition: 130Line of edition: 1
ჩყი ცილს იცი̄რდახ. სგვებნა̄ვ ჩვა̈ნკვშდახ ბალყჩი ცილს მასა̈რდ. ცილა̈რს ქა შიდახ
Line of edition: 2
ჩუ ნანკოშდუნღო ი ეჩქანდო ნანკოშდთე̄'სგა ჩუ ლყალ ჯერა̈ბს ი ტყვალს
Line of edition: 3
და̄̈სგდახ. ალჲა̈რს ხოჩა̄მდ ჟ'ანჩდი̄ნახ ი ეჩქანღო სგადა̄̈სგდახ კვილის ჩვეინს,
Line of edition: 4
ხედვა̄̈ჲსგა ლაღფჲა̈რ ი კვილი არდახ, ჟი ხორკინახ ლემასგვჟი̄ნ ი ა̈ფვი̄ნახ, ოდე
Line of edition: 5
ხათა̈რდახ ეჩქად. ეჩქანღო ქა იტხახ კვილის ი ჩუ და̄̈სგდახ ლანწ̄რად. ნანწ̄რნღო
Line of edition: 6
ჩვაშყვედდახ, ჟ'აფკვახ, ჟ'ა̈გვრიზდახ ი ამჟი̄ნ ჩუ იშხვინდახ, ოდე ლეშხბიდ
Line of edition: 7
დო ხეკვა̈დხ.
Line of edition: 8
ჟი ლიშხბა̄ლა̄̈ლდ ობა̈შინ ჟი იკა̈დდახ კვილის ი მე̄რმა ფოყთე ჟ'ა̈გვრიზდახ.
Line of edition: 9
ლაგვრიზჟი̄ნ მჟირ ტვეტსდ ხა̈ჭმინახ. ალას ფიშრა̄მინ იჩომდახ, ეჯღ'ე̄რე, ფიშრა̄მინ
Line of edition: 10
მჟირ ტვეტი ლიჭმინე ი ქა ლიტხე ლაგვრუზუშ კვილის ქა̄გოსპა ი ჩვა̈ნსგლა.
Line of edition: 11
* *
Line of edition: 12
*
Line of edition: 13
სგვირი ლიჯიშ კული̄ ლიჯიშშა̄ლ ლა̈სვ, მარე ლა̈ლთაჟი̄ნ ლანჩროვშ ალთახ
Line of edition: 14
ქა ლსნა ქანს ი ჟი მა̄მ ანჩრახ, დე̄ჲ ჩვა̈კვლი̄ნახ. უკვლინა ი უქრშა სგვირს ლაშყვდა̄̈რდ
Line of edition: 15
ი ბიდა̈რდ იჴმა̈რდახ. ლერქვა̈რდ ლახე ხეკვა̈დდახ, ეჩქას სგვირს მამფვა
Line of edition: 16
ლცთ'ა̄და̄̈სგდახ. ქა იტხახ, ჩუ და̄̈სგდახ ხოშა̄მ ტფხელ ბაჩვჟი̄ნ ი წირშვ აქრშახ
Line of edition: 17
ეჩქად, ოდე ხოჩა̄მდ ჩუ დო იქრშო̄ლდა ი იმე̄შგო̄ლდა. ეჩქანღო ჟ'ა̈ფკვახ,
Line of edition: 18
ღო ჟ'აგვრიზდახ ი ლუგვრუზანღო ფიკვიდ აქრშახ მუსგვენ წირშვ ტხფელ ბაჩვჟი̄ნ
Line of edition: 19
ეჩქად ე, ოდე ჩუ დო ითთვენო̄ლდა. ეჩქანღო ეჩხა̈ნქა ლერქვა̈რს იშხებდახ.
Line of edition: 20
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
