TITUS
Svan Chrestomathy (I: Upper Bal): Part No. 197
Text: 161
Line of edition: 12
161. ლიფკანა̄̈რი, ბარქშარეშ ი კათხრე ლიჩვა̄̈ლი
Line of edition: 13
ლიფკანა̄̈რი ჩი̄ მა̄მ ხოხალ ი ამი მოხელ ჲერხი გარ ლა̈სვხ, ათხე და̄̈რშა̄ლ ხაშდბა
Line of edition: 14
ამკა̈ლიბა̈რს, ეჯღ'ე̄რე იშგენ ჭიქ ი შედ-მაკვედ ხუღვე ჩი̄ჲ ი ზექი ფაკნა̈რს ი
Line of edition: 15
კათხა̈რს და̄̈რმა ხაგვა̄̈ვი ქორისგა, კვანჩხვა̈რ ი კო̄ბა̈რ ჰა̈დურდ ჩუ მეთვფე შა̄ლ ლიხ.
Line of edition: 16
ლაფკანა̄̈რს ამჟი̄ნ ასყე̄ნეხ: ჲარვ სგელ ფიცა̈რს სგვებინხა̈ნ ჟი ხოქვი̄ლშტა̄̈ლიხ
Line of edition: 17
ი კაჩ გემხ. ეჯჲა̈რს ლუქვი̄ლშტა̄̈რმყქა ლფტ̄რე ხა̄რხ ი უ̄ღვა ხოსვა. ეჩი
Line of edition: 18
ღვეშგიმქა აჯაღ მაშრი ფიცა̈რ ხაშკა̄და ი ეჩეჟი̄ნ მფკანა̄̈რი ხასგურ აშხვხა̈ნ ი მე̄რმახა̈ნ
Line of edition: 19
ფიცრა̈რს სგა ხო̄სვხ ჲო̄რი მურგვა̈ლ ზექი ნა̈ქვცუვა̈რ. ეჯჲა̈რს სგვებინხა̈ნ
Line of edition: 20
მა̄დხვა̈ჲ ლფტ̄რილა̈რ ხა̄რხ. აშხვ მურგვა̈ლ სკრე ბერჟლ ხოსგურ ლეჩვემ ფაკნი
Line of edition: 21
ლა̈გჭად აშხვხა̈ნ.
Line of edition: 22
მფკანა̄̈რი ხოშა̄მ ლაღა̈ლს ბალყჩი ფაკნა̈რს ატა̄ბე, მეგრა ბალყჩი ფენურ
Line of edition: 23
კუდურს ჩუ ცილე ისგდ ზსყის. ეჩხა̈ნქა, აშხვ ნა̈ცილვხა̈ნქა, ხერხვშ ქა იქვცე
Line of edition: 24
ფაკა̈ნჲაქს ი ეჩქანღო ჟი აკლპეტვი ფაკნი მაჯო̄ნდ. მფკანა̄რის ასალ ხუღვე. ამის
Line of edition: 25
ჯო̄დი ჭვემ ხა̄რ ი ჭვემს ქა̄მე პილს სკრე ბერჟლ ხოსგურ. მფკანა̄რი ფაკა̈ნჲა̄ქს
Line of edition: 26
ნე̄სგაჟი̄ნ მუგუდ ჟი იზმი, ერე ხოშა-ხოხვრა ი ხონგვმა ი ხოჰშა დო̄მხა̈ნ ლესვ ი
Line of edition: 27
ნე̄სგაჩუ̄ნ ალ ასალს ჟი ხოსვემ. ეჩქანღო ლაფკანა̈რს ერ ეჩხა̈ნ-ამხა̈ნ ჲო̄რი ზექი
Line of edition: 28
ნა̈ქვცუვა̈რ ხოსგურხ, ეჩხა̄̈ვთე̄'სგა სგა ხოსგვრე ალ ფაკა̈ნჲა̄ქს. აშხვხა̈ნ ფაკა̈ნს ქა̄
Line of edition: 29
მე პილს ნე̄სგაისგა ხოხვრა ბერჟლ ხესგვრი, მე̄რმა, ნაქვიცს, ასლა̈ თხვიმს ერ
Line of edition: 30
ბერჟა̈ ნა̈ქვცულ ხოსგურ, ეჯა ხოსო̄ლი სგა. ეჩქანღო მფკანა̄̈რი ა̈სპუნე ქა ამის
Line of edition: 31
ი ეჩავ ქა ჴიდე, ერე ჰალალდ ი მარჰალდ სიპ ალ ფაკა̈ნჲა̄ქ, ეჩქანღო ასლა̈ ჭვემქა
Line of edition: 32
ქა ხაჭვენი ჯო̄დი თა̄სმა̈, ლა̄რტყშა̄ლ გვერე̄მი ჯო̄დი ნა̈კიდვს. ამის ეჩხა̈ნ-ამხა̈ნ მარყონჯა̈რ
Line of edition: 33
ხა̄რხ. იო̄რი მა̄რე სგა ხესგვრიხ სგვებინისგა ი მა̈ჲ ეშხუ ხობიდხ ალ თა̄სმას
Line of edition: 34
ი მა̈ჲ _ მე̄რმე.
Line of edition: 35
მფკანა̄̈რის ჭირა̈ხ ხუღვე ი ამნოვშ ხოჭი̄რხი ფაკა̈ნს, ჩიქე ქა̄მენ ხა̈ჩო ფაკნი
Line of edition: 36
სა̈ხს, ეჩქანღო სგა̄̈ნ ხოჴვი̄რი, ნე̄სგაისგა ყვაბალ ხესდენი. ქა ლზგრანღო ალ
Line of edition: 37
ყვაბალს ქა ხა̈ყვჩეხ ი ფაკა̈ნ მსყე ლი.
Line of edition: 38
ბარქშა̈ლს ი კათხა̈რსი ამჟი იჩვა̄̈ლდახ მფკანა̄რა.
Line of edition: 39
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
