TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 198

Text: 162

Line of edition: 40

162. მანგრი ლიჲსენი, ლიტფუ̄რე ი ლიჲსუ̄რე

Line of edition: 41       მა̄რე ჲედე მეზგე ლახე მანგა̈რს ა̈ჲსენი, ეჩქას ამის ფიშირ მა̄რე ხეჭვა^̄̈დი. ლრა^̄̈ქვედ,
Line of edition: 42    ჴა̈ნ ლი ლეჲსენი, ეჩქას ჴა̈ნ ლახე ნა̈მზურუნია̄ქ ლი, ეჩქას ქორისგა ალ
Page of edition: 139 Line of edition: 1    ჴა̈ნს, აშხვ დორა̈ჲ ჰარა̈ყს ი ლემზრა̈რს ჟი ხა̈მზრიხ ეჩის ე́ იმვა̈ჲშა ნაჟხა ჴა̈ნ
Line of edition: 2    იჲსენი. ჴა̈ნს ლა̈მზრჟი̄ნ მუჭვა̈რს ლეტვრა^̄̈რს ხალწენიხ. ჟი ნა̈მზურუნღო ლა̈ჲსას
Line of edition: 3    კინჩხჩუ̄ნ თა̈კვს ხაბემხ ისგდ ლუკვეშდს ი გუჰმყ ჟი ცხიპეხ, ეჩქა აშხვხა̈ნი
Line of edition: 4    თა̈კვს აშხვ ვეშგმე ჭშხქა ი̄ყიხ ი მე̄რმა _ მე̄რმახა̈ნიშ, ჲო̄რი მა̄რე ალ თა̈კვს ქა ხობიდხ.
Line of edition: 5    ჲერხი თხუმხა̈ნ ხოგვდურიხ ლა̈ჲსას ი ამჟი̄ნ ჩვაკა^̄̈ფიხ ალ თა̈კვშ. სგვებნეშ
Line of edition: 6    ი ვეშგმე ჭშხა̈რს ჟი ხოკულთხა̈ნიხ, ეჩქანღო წირს ჴიდეხ ი ამის ნებგვაჟი ი ნიჩვა̈რჟი
Line of edition: 7    ჟი ხალჯენიხ თა̈კვშ ი ჟი ხობიდხ თხვიმს ი კინჩხს, ერე მჲსენის ხოჩა ლა̈ჲსენ
Line of edition: 8    ხა^̄̈ც.

Line of edition: 9       მჲსენი სგა იხილწიე̄ლი მეჴრა^̄̈რს ი აშხვ ლერსგვან ტოტშვ ქა ხა̈ძგრი ყიაქა
Line of edition: 10    ლა̈ჲსას გა̈ჩს, ეჩქანღო ქა ხობიდ ი ქა ხოხნე ყიას. აშხვ შუნ ხარა̄გუნე, ეჯღ'ე̄რე
Line of edition: 11    ლა̈ჲსას ზისხ ქო̄ხჴეს მასა̈რდ. კიას ჩუქვა̄ნ ლა̈ზისხ ხოხლა ი ზისხ ეჩხა̄ვთე̄'სგა ღრი.
Line of edition: 12    აშხუნღო გაჩშვ კინჩხი თველს ჟი ხოქვცე მჲსენი ლა̈ჲსას. ამის ქვინი ლიქვცეს
Line of edition: 13    ხაყლეხ. ჩუ ლზიჰნღო თაკვა̈რს ქა ხაფშგ̄რეხ. ლა̈ჲსას ჯაჭა̈რჟი̄ნ ა̈გნეხ ი
Line of edition: 14    ეჩხა̈ნ-ამხა̈ნ ხეგნიხ ლატფურას. მა^̄̈ნკვი ქილჩა̈რხა̈ნჟი̄ნ გუჰთე̄'სგა ჟი ხოცვბეხ
Line of edition: 15    გვერა. ეჩქანღო გუჰხა̈ნჩუ ი ჭყონა̈რთეჩუ̄ნ ჩუ ცვიბეხ ტუფს ი ამჟი ლიტფუ̄რეს
Line of edition: 16    იბნეხ.

Line of edition: 17       ლა̈ჲსას ქ'ა̄ტფურეხ, ეჩქას გვერა ქ'ა̄კპო̄რეხ ნაკპო̄რუნვარშვ. ნაკპო̄რუნვა̈რ
Line of edition: 18    ზექიშ ლიხ, მეგრე კვა̈დლა̈რ. ქა ლკპო̄რა გვერა შგილჟი̄ნ ჲედ იშგნა^̄̈გ
Line of edition: 19    დე̄სგიხ ი ითხე ლა̈ჲსას ჩვა̈ჲსუ̄რეხ. მა^̄̈ნკვი მაშკა̈რს ხაბჴუ̄რეხ ი ჟი ხორკინეხ, ეჩქანღო
Line of edition: 20    ბარჯა̈რს ი ეჯჲა̈რსი ჟი ხორკინეხ. ამი ნაჩომუნღო ტა̈ნს ჩუ ბიჴვეხ ნე̄სგაჩუ̄ნ.
Line of edition: 21    გუჰჩუ ი ღვეშგიმხა̈ნ ფოყა̈რმყქა კა̄და̄ლშვ აყვლუ̄რეხ. ეჩქანღო ლა^̄̈ნქიპს
Line of edition: 22    სგა ხა̈თშიხ ძვერს ი ეჩჟი̄ნ ჟი ცხიპეხ, ეჯღ' ე̄რე ცქრ დო̄ს' ა̄ნჴეს ფა̈შხა̈ნქა.
Line of edition: 23    მა^̄̈ნკვი ფა̈ში ღვესა ხოკედხ. ამის ფიჩქჟი̄ნ ქა ფხიჟეხ ი ჯიმს ხა̈შდეხ. ეჩქანღო ყვიჟა
Line of edition: 24    ი პერშვდას ხოკედხ ი ჟი ხორკინეხ, მა̄დეჲ შიშდ ლატყბას ხა̈ხლინეხ. ეჩქანღო
Line of edition: 25    ფაშა̈რს ხოკედხ ი სგა̄შვირს მა^̄̈ჲ ნალგვარი ხა̄რ, ეჯას ჩი̄ ფა̈შ-ღვესაჟი̄ნ დე̄სგიხ ი
Line of edition: 26    ჩვაჯმიხ. სერ სა̈თფულა̈რს ხოკედხ. ალჲა̈რს ჩვახტუ̄რეხ, ჟი ხადე̄სგიხ ფა̈ში ღვესაჟი̄ნ
Line of edition: 27    ი ჩვაჯმიხ. მაგვა̈ჲვა^̄̈ჲ ლუგვა̈რ ლი ლა̈ჲსა, ეჩი̄ზუმ ღვესა ხაფსეხ ი ღვეშგმე პილს
Line of edition: 28    ფა̈ში ღვესა ქა ხაჭვე̄ნიხ ქამენქა, ჟ'აკრფხა̈ნიხ თა̈კვარშვ ი ჟი ხორკინეხ. ლესგა̈რს
Line of edition: 29    ქა ხაბჴუ̄რეხ ი ალჲა̈რსი ჟი ხორკინეხ. ამჟი̄ნ ფოყა̈რსი ქა ხოკდ̄რეხ. ჩუ სედნი
Line of edition: 30    ცხაპ გარ ი სა̈თფულა̈ ნახა̈რ. სა̈თფულა̈ ნახა̈რს შდა̄შვ დე̄სგიხ, ცხაპა̈ ძვერს ქა
Line of edition: 31    ხაქვცუ̄რეხ, ჟ'აკვბა̈დიხ ი სგა დე̄სგიხ ლჯიმს მეგრა̄მ ჭინჭლა̈რთე̄'სგა. ამის ჟ'აწლა̈ვიხ
Line of edition: 32    ი ეჩქანღო ქა ხორკინეხ. ალჲა̈რს ნალძიჰორვა̈რ ხაჟხახ ი ხვა̈ჲ ხა̈ნს გეჭნიხ.
Line of edition: 33    სერ ათხე ლა̈ჲსა ჩუ ლუშდბუნე ლი, მარე ლა̈ჲსას ხვა̈ჲ ლა̈ფშგა ხა̄რ ი ხვა̈ჲ ჯიჯვ
Line of edition: 34    ი ამის ჩი̄ მიჩა-მიჩა ჟახა̈ლ ხაჟხახ. ა̈ლჭემდ სგვებინხა̈ნ.
Line of edition: 35    ჩიქე თხვიმ. თხვიმს ხა̄რ: ჩარბა̈რ, კაპრა̈ჲ, კაკაფ, ჩუბე შდქა̈რ, ჟიბე შდქა̈რ.
Line of edition: 36    მანგა̈რს ი მა̈ნცინს მა̄მა ხა̄რხ, მარე ჟიქა̄ნ ლელგვიჲა̈რ ჩუ ხა̄გხ. კაპრა̈ჲ ი თხვიმ
Line of edition: 37    უშხვა̄რ ხელჯიხ, ეჯას ლაღა̄ჭა ხაჟხა. ნებგვა, ჩვენჩხ, თე̄მი გალვანა̈რ, შდმრარე
Line of edition: 38    ჴურვა̈რ, მუჭვა̈რ ი ალ თხვიმ სგა ხალჯა კინჩხს. კინჩხს ცხაპ ხალჯა ი ცხაპს ჰაკვა̈დ.
Line of edition: 39    სგა^̄̈ნჩუ̄ნ ლა̈ჲსას ხო̄ზ: ყვიჟე ი პერშვდა. ალჲა̈რს ხალჯა ყაყრი̄ნჯ. ფა̈შს ხალჯა ნა̈ქ,
Line of edition: 40    გვი, ყვან, მეგრე ჭინჭლა̈რ ი ნეცინ ჭინჭლა̈რ, ლა̈ირ, მუხურჲა̈შ, ჭაშრა ი ლაფუ̄ლა.
Line of edition: 41    ალა ჰოკერ ხა̄რხ.

Line of edition: 42       სგვებნე ჭიშხს ჩიქე ქილჩ ხა̄რ, ეჩქანღო ქილჩრე ნახ ჯიჯვა̈რ, ეჩქანღო ლიხ

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.