TITUS
Svan Chrestomathy (I: Upper Bal): Part No. 199

Page of edition: 140 Line of edition: 1    ლაგო̄ჯა̄ლა̈რ. ალჲა̈რს წახვ ხალჯა, წახვს _ ბარჯა̈ უ̄ღვა ი ღო ამის _ ბარჯა̈ და̈ფ.
Line of edition: 2    მე̄რმა სგვებნე ჭიშხსი ამჟი̄ნ ხა̄რხ.

Line of edition: 3       ღვეშგიმხა̈ნ ხა̄რ: ქილჩა̈რ, მიჩა ჯიჯვა̈რ, ლაგო̄ჯა̄ლა̈რ, წახვ, გა̄ნთხ, მა̈შკ ი
Line of edition: 4    ლათოლ. ამის ექრდა̄̈შხა̈ნ ყიმბრა̈რ ხა̄რ. აშხვხა̈ნი ყიმბ გა̄ნთხს ხალჯა ჯა̈რღვარშვ
Line of edition: 5    ი მე̄რმახა̈ნიშ _ ფოყს. ფოყს ხა̄რ ღილ. ალა მე̄რმახა̈ნი ამჟი̄ნ ლი. ჟი უჯბად ლესგი
Line of edition: 6    ლეღვა̈რს ხაჟხახ: ფესვ, ლესგრა ი კა̈ლვერ. კა̈ლვერ სგვებინქა̄̈ ლუგვა̈რს ხაჟხა
Line of edition: 7    ი მაჩენე გა̈მა̈შ ლი. აშ ქპა̈რს ხაჟხახ: ჰოკრი ქიპს ხაჟხა ლა̈ნქი ქიპ, ეჩქანღვე̄
Line of edition: 8    ქპა̈რს, ნე̄სგაქა̄̈შს, ნე̄სგა̄̈ ქპა̈რს ხაყლეხ ი თხვიმჲა̈ ქიპს თხვიმჲა̈ ქიპს ხაყლეხ,
Line of edition: 9    ჲერხი წირღვსი ხაყლეხ. ლაგო̄ჯა̄ლა̈რ ჲო̄რი ლიხ. მაშე̄ნე ბგი ლეღვ ლა̈ჲსას კინჩხქა
Line of edition: 10    ხა̄რ ი მაშე̄ნე მე̄ნშგვე _ სა̈თფულა̈ ნახა̈რს.

Line of edition: 11       გვერე ჩუ იფრი, ეჩქას ნაკპო̄რუნვარს ქა ხოკედხ. ეჩქანღო პილი ნა̈მყა̈რვსი
Line of edition: 12    ქა ხოკედხ გაჩშვ. ეჩქანღო ჟი იზმიხ ჩაფლა̈ ნამშარა აშხვ კამინვს ი აშხვ ცერს.
Line of edition: 13    ამი̄ ნამშარაჟი̄ნ ფაუს დე̄სგიხ ი გა̈ჩს ხა̈ჭმინეხ. ამნუშ გუდ ჴედნიხ, ოშვა̈ჲდ შველტ
Line of edition: 14    ხეფსი ჩაფლს. ხოშა̄მ ლა̈ჲსა̄̈ გვერა ხოფშირა შველტ ხექვცენი ი ხოხვრე̄მიშს _
Line of edition: 15    ხომრხელდა. ალ შოლტა̈რს ქა ხაჭკვრეხ. ხოჩა̄მ შველტს სემი ჩაფლ ხეფსი.
Line of edition: 16    ჩაფლს ნაჯვდი ხუღვე სემი კამინვ. მაშე̄ნე ლულგვენ ჰაკვდუ̄ლქა̄̈ ჩაფლ ლი ი
Line of edition: 17    ფოყა̈შ. ეჩქანღო ჰაკვდუ̄ლა̄̈ მაჭრა ი ფოყა̈ მაჭრა. მე̄რმა̄̈ლ მა̄მ ლიხ ეჯჲა̈რზუმ ლულგვენ.
Line of edition: 18    ჩაფლა̈ ლიშხბი ლახე ხაკუხ, სგვებნა̄ვ ქ'ა̄ხკნეხ, ღო ჩვაჰი̄ჭვიხ ი ეჩქანღო
Line of edition: 19    ჟ'ა̈შხბიხ ზურალა̄̈რ, მარე ჟი ლიშხბა̄ლვ ი ჩუ ლიჰი̄ჭვა̄ლ ჰირიკთე̄'სგა დე̄სგიხ ი
Line of edition: 20    ნა̈ჰრიკუნღო გარ ა̈ჰი̄ჭვიხ.

Line of edition: 21          ლენჯა̄̈რ




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.