Line of edition: 2
შვა̈ნს ობა̈შ მოლა̈რ ხა̄გხ ი ჲერხი ჟაგრა̈რ ლიხ. ალჲა̈რს მო̄შ-მო̄შ კა̈ლიბდ
Line of edition: 3
იჴმა̄̈რიხ ა̈ქმა̈რ ი ობა̈შინ ძღდ მაშედ ლიხ.
Line of edition: 4
1. სამტრა̈კი ძირ. ლახე მა̄რა მანცხ ხა̄რ, ეჩქას სამტრა̈კი ძირს ჩიქე
Line of edition: 5
ჩვაფრეხ, ეჩქანღო ჩვაყა̈ლხ ი ღო ჩვა̈ჯდა̈ჲეხ პინტჩუ̄ნ, ეჩქას გა̈ჩა̈ კაცხშვ აშხვ
Line of edition: 6
ჭიქ ლჯათე̄სგა სგა შიდეხ ალ ჟაგრა̈რს ი ჩუ გემხ შგილჟი̄ნ, ამეჟი̄ნ აშხვ ლე̄თ-
Line of edition: 7
ლადა̈ღ ჩუ ცვირეხ ი ეჩქანღო, ჟი მეტხანღო, ჩუ ხათრეხ მანცხია̄̈ მა̈ზგუვა̄̈რს.
Line of edition: 8
მა̄დხვა̈ჲ ხა̈ნუნღო ლიტხუნეს იბნე ი ხა̈შმხა̈ნქა ქა იწყლჲა̈ნი.
Line of edition: 9
2. მელე̄ნი̄ ძირ. ამსვა̄ლდს ი ჲედ ქვინლმგენა ლახე მაგვეშ ხეკვშენი,
Line of edition: 10
ეჩქას ჟი იბრჯეხ მელე̄ნი̄ ძირს, ეჩის ქა̄მენქა ქ'ა̄ხკნეხ, პინტჟი̄ნ ხაცვმიხ, ეჩქანღო
Line of edition: 11
ნამკვიშქა ქა ხაჭვე̄ნიხ ალ პინტს ი ჟი ხოკრფხა̈ნიხ. მელენი მასა̈რდ ხობგე ქა
Line of edition: 12
ლუჭვე̄ნს ი ოდე მიჩოვშ დო ხეფშგენი ი ხეთულჴვი. ეჩქად ქა დე̄მის ხა̈ფშგეხ. მიჩოვშ
Line of edition: 13
ერ ქა ხეფშგენი, ეჩქას ნამკივში ჟი ლჭა̈რ ლი. მელე̄ნის აჯაღ იზბიხ მუჭვდი
Line of edition: 14
მა̈ზგუვა̄̈რ ი ლიჴვშჲე̄ლს ხოჩა ხა̄რ ი ჩვანყუ̄რე.
Line of edition: 15
3. მთ. მა̄რა ლახე ქა̈რი მა̈ზიგ ხა̄რ ი ჩუ ლქრჲანე ლი, ეჩქას მთი
Line of edition: 16
ძირს იბრჯეხ, ეჯას ჩვახკნეხ, ჲერხის ნათხუმ ჰარა̈ყთე̄'სგა ხა̈ნჩდეხ ი ჲერხის
Line of edition: 17
ჟი იცვმიხ ი ჩუ იჰი̄ჭვიხ, მა̈ზგუვა̄̈რ იმვა̄̈ჲ ჲა̈ს ხა̄რ. ეჯას, ნათხუმს, სუმინ თრეხ ლადა̈ღისგა
Line of edition: 18
ხოშა̄მ ყოშვშ. ალა ქა̈რი მა̈ზგუვა̄̈რს ხოჩა̄მდ ხომჴერა.
Line of edition: 19
4. შვარა̈ ჟაგა̈რ. მა̄რა ლახე ლკა̈ც ი ჲედ მა ხა̄რ, ეჩქას ეჯა ჟი ხეშვ
Line of edition: 20
რი, ჩუ ხეწრა̈ნი ი ქა ხეშჲი. ამის შვარა̈ ჟაგრა̈რ ხაშიდ. ალა მელვ ლი, ყვითელ
Line of edition: 21
მუმღვა̈ჲა ხა̄რ ი ჲრჟი ბალიდა̈რ. ამის ქა იხვრიხ, ჩვაფრეხ ი ნეწვიდდ ჩვაყა̈ლხ.
Line of edition: 22
ეჩქანღო ლგრე̄მი ცილს ხა̈ნჩდეხ, ჟ'ათ̄თხეხ ი ჟი ხაცვმენიხ ლუშვა̈რ ა̈დგილჟი̄ნ,
Line of edition: 23
ეჩქანღო ჩუ ხოჭვე̄ნიხ ი ოდე მიჩოშ დო ხერშვი ქა, ეჩქად დე̄მის ხა̈ფშგეხ
Line of edition: 24
ნალჯაშუნს.
Line of edition: 25
ალ ჟაგრა̈რ მასა̈რდ ხოთლ̄რე ლეჭვე̄ნის, მარე ეჩი̄ზუმ ლა̈სრგებელი ხა̄რ.
Line of edition: 26
5. ნენზი მაშა̈ნ. ლახე მა̄რა ლქა̈ჩ ჩუ ხეურწყული ი ჩუ ხეთა̄რუნი,
Line of edition: 27
ეჩქას ეჩი̄ მწყლჲა̈ნიდ ნენზი მაშა̈ნს იჴმა̈რიხ. ლი ალა, ნენზი შვარს ერ ფისე
Line of edition: 28
ხა̄რ, ეჯა. ამის ჟი ხადე̄სგიხ ლქა̈ჩჟი̄ნ, მწბია მა̄მ ლი ი ლქა̈ჩს ქ'ა̄წყლჲა̈ნი ხოლა̄მ
Line of edition: 29
ვიდრობახა̈ნქა.
Line of edition: 30
6. მა̈რგიმიშვ. ალ ჟაგრა̈რ თვეთნე ლიხ ი ეშ ლეხკნე ლი. შომვა̄̈ჲ
Line of edition: 31
ლქა̈ჩს ხოლა ძვერი ხედო̄ლა ი ეჯას სგა ლიჴჩე ხაკუჩ, ეჩქას ა̈ქმა̈რ ალ ხოლა̄მ
Line of edition: 32
ძვერჟი̄ნ მა̈რგიმიშვს ხახკნეხ. ალა სგა ხესგვრიხ ხოლა̄მ ძვერს ი ოდე სგა დო ხა̈ჴჩე,
Line of edition: 33
ეჩქად აშ ხო̄შვ სგა ლქა̈ჩს. ალ ძვერი თა̄მა̈შდ ლიჴჩე სურუ თმის ი გარჯს
Line of edition: 34
ხოჴდე ლეგდ მერდა ი ოდე სგა დო ხეჴჩენი ხოლა ძვერ, ეჩქად ლიკი̄ლის ი ჰა̈ჲიდო
Line of edition: 35
დევს დე̄მ ხა̈ქვცუნე.
Line of edition: 36
7. მანცხია̄̈ ჟაგრა̈რ აჯაღდ სამტრა̈კნქა. ნათხუმ
Line of edition: 37
ჰარა̈ყთე̄'სგა ლგრე̄მი გვიგვს და̄̈სგდახ ი ეჯას ჲთრახ ჰამს ი ნა̈ბოზს.
Line of edition: 38
მანცხიას ხოჩა ხა̄რ ჟვი̄ნა̈შ, მყე̄ლიშ ი ღვამლა̈ ნანღველ.
Line of edition: 39
8. თე̄მი ჟაგრა̈რ. თე̄მი მასტუნაჟი̄ნ შვანა̈რ წრნი ი თვეთნა შაქა̈რს
Line of edition: 40
იხკნახ თე̄რა̈რთე̄'სგა. ეჩნქა აჯაღ თვის იცვმენდახ თე̄მი კილვა̈რქა, ზურა̄ლსი
Line of edition: 41
ხა̄შგუნახ ლისვს.
Line of edition: 42
ო̄ბა̈შინ მწყლჲა̈ნიდ წიწვიშ მა̄დხვა̈ჲ ქოქთაშსი იხჯნახ თე̄მი კილვა̈რქა.
Page of edition: 143Line of edition: 1
9. შდიქი მა̈ზიგი ეჩი̄ ლიმშედა̄̈ლ. ლახე მა̄რა შდიქ ხოკვშე
Line of edition: 2
(ხოშა ნაღა̈ლ ლელგვიჲა̄რს გარ ხა̈მთქვახ), ეჩქას შდიქი მა̈ზგუვა̄̈რ ჩინუკვი
Line of edition: 3
ჟაგრა̈რს ხა̈ჩომდა შდიქს, ერე იმვა̄ლაჟი̄ნ ქა̄თჟაგე̄ნს. მაშე̄ნე მაშედ ხებჟა̄̈ნ მა̈ქშდუნა̄̈
Line of edition: 4
კუნკვლა̈რ. მჰი მა̈ქშდუნა̄̈ კუნკვლა̈რს ჟ'ანზო̄რახ. ეჩქანღო ჟ'ასყენახ ჯვიდხა̈ნქა
Line of edition: 5
ფაყულდს ი ეჯას ჟი იგა̈მდა მა̈ზგუვა̄̈რ შდიქჟი̄ნ. ეჯას ჩუქვა̄ნჟი ჯო̄დი ნა̈ჴჩულა̈
Line of edition: 6
მასლს ხოსგვრა ეჩჟი̄ნ, ერე შდიქს სგა ხეთა̈ლ. ეჩქანღო წყილჲა̈ნ ლიცს
Line of edition: 7
ფაკანშვ სგვებინჩუ̄ნ იგა̈მდა. ამი̄ გა̈ნხა̈ნ ასტამშვ ღურჩა̈რს იგა̈მდა. მასლს ფაკა̈ნთე
Line of edition: 8
ხა̈ჩომდა ჩუბავ კა̈ცხს, ღურჩა̈რჟი̄ნ მა̈ქშდუნა̄̈ ჲთქა̈რს შიდა ი ჯა ჩუ ინჴო̄ლა̄ლდა
Line of edition: 9
ბგიდ. ფაკა̈ნ ი ღურჩა̈რ სგა̄̈ნჩუ ხოკვრა̄̈ნ ლუნჴო̄ლათე̄'სგა. ეჩქას მა̈ქშდუნა̄̈
Line of edition: 10
ითქა̈რ ჟი იბუ̄რღო̄ლდახ, ბირღვ ი კვამ მასლაჟი̄ნ ჟი ღრდახ შდქა̈რთეჟი̄ნ.
Line of edition: 11
ამჟი̄ნ არდა შდიქი მა̈ზგუვა̄̈რ, ოდე ღურჩა̈რ ჩუ დო დეგენდახ. ეჩქას ნანჴო̄ლუნს
Line of edition: 12
ქა იღრა, გვის ხაჰო̄ლდა ფაკა̈ნისგა̄̈ ლიცს ი ეჩე̄'სგა ეშხუ ლუთხვიმ მტლდა̈რ
Line of edition: 13
არდახ. ალ მა̈ქშდუნა̄̈ ლიბუ̄რღვე მე̄რმა შდქა̈რსი ხოჩა ხა̄დ ი ეჯჲა̈რხა̈ნჩუჲ
Line of edition: 14
ჩუ ჴიდა მტა̈რს.
Line of edition: 15
10. ლივფუნა̄̈ლ. მა̄რა ი ჲედ ზურა̄ლს ლახე ქა̈რ ხეზგუნო̄ლდა, ეჩი̄
Line of edition: 16
ჟაგრა̈რდ მაჩე̄ნე ლივფუნა̄̈ლ ხებჟა̄̈ნ.
Line of edition: 17
ქა იხვერდა გა̈ნჭვა̈შ ი ჰადრა̄̈ ბალა̈რს. ალჲა̈რს სგა შიდა ჩვეინთე ი ლიცდ
Line of edition: 18
(\\ ლიცშვ) ჟ'ა̈გვშილა. ალ ბალა̈რს ხვა̈ჲხა̈ნს აჯაბდა ჩვეინისგა. ლახე ხათა̈რდ',
Line of edition: 19
ე̄რე ჩუ ლუნკვშდე ლა̈სვ, ეჩქას სგ' ა̄̈გვშა ჯო̄დი ლასლატჲა̈ ღვებთე̄'სგა. ამე̄'სგა
Line of edition: 20
ზომშვ ჩვაცხა̄ნა, ერე სგა მეყვნა̄̈ლ მა̄რე ა̈თუს ჩუ მოშ ათგეჭე̄ნს. ამის ხათა̈რდ',
Line of edition: 21
ე̄ჩქას ქა̈რი მა̈ზგუვა̈რ სგა იყვნა̄ლდა ალ ღვებთე̄'სგა. მა̄̈ნკვი ზმშვ ა̈თუ ჩუ ხა̄დ
Line of edition: 22
ღალ, მარე ჩვაჭკრნა. ჟიქა̄ნ ნაბდა̈რს ი შართქვინს იქვა̄მდა ეჩჟი̄ნ, ერე ალჲა̈რ
Line of edition: 23
ლცშვ ჩუ დო̄სა ალჟირე̄ლესვხ ი სერ თხვიმ გარ ხოწვა̄̈ნ ქა ღვებხა̈ნქა. ლახე ნიჩვა̈რქა
Line of edition: 24
ვეფ მასა̈რდ ხეგნო̄ლდა, ეჩქას ლაყვრათე ღრდა ი ეჩე̄'სგა ვეფს იგნა.
Line of edition: 25
11. ჯაჭრე მა̈ზგი ჟაგრა̈რ. შომვა̄̈ჲ მა̄რა ჯაჭა̈რ ხეზგუნო̄ლდა,
Line of edition: 26
ეჩქას ჩი̄თე ხეკვჰენდა მა̄რე, "ნო̄თავ ესერ ხოჩა ლახა̄დ" , მარე ვეშგიმპილს ეში̄
Line of edition: 27
ჯიჰრა̄̈ ქაქ ხა̄დ ხოჩა.
Line of edition: 28
ალ ჯიჰრა̄̈ ქაქს მუშვა̈ნ ასყე̄ნა ამჟი̄ნ ა: ქა იცი̄რდა ჯიჰრა̄̈ ცილს. ეჯას ა̈გითე ჴიდა.
Line of edition: 29
ალ ცილს ხეკვეს ერე სგა̄̈ ცილი ჰა̈ბტკი სგა ხა̄რე̄ნს. ალ ცილს ცხვადვისგა
Line of edition: 30
ლცშვ ჩვა̈ნკვშდახ. ლუნკვშდანღო ცილა̈რს ქა ხა̈თიშდახ ი ამჟი̄ნ ჯიჰრა̄̈ ნანკოშდ
Line of edition: 31
შნ ხუღვა̄̈ნ მა̄რა. ლეგდმერდე ჩვაყვრა ი ალ გოშა̈რს მო̄ზნა̈ნ გარ იჩომდა. ეჩქანღონ
Line of edition: 32
ალ ჩუ ლუნკვშდა ჯიჰრა̄̈ ცილი ნაკოშდვს ჩვეინშვ ჟ'ა̈ფვი̄ნახ. ლუფვი̄ნანღო
Line of edition: 33
ფექს ხა̈შდახ ი ქაქს ასყე̄ნახ. ალ ქაქს ჯაჭრე მა̈ზგუვა̄̈რს ხა̄̈მნახ ი ხოჩა ხა̄დ.
Line of edition: 34
12. ხოლა ბნა̈ბ ი ეჩი̄ ლიმშედა̄̈ლ. ჲერხის ღალ ხოლა ბნა̈ბ
Line of edition: 35
ხა̈მთქვა. ამის ლექვა̄ვ ლეგჟვეჰს ხაყლეხ, ბა̄̈ლნჩუ̄ნ _ წელი ლაღვშვ მა̈ბზა̄̈რს,
Line of edition: 36
ბნა̈ბს ი ფხრა̄ნჭას.
Line of edition: 37
ხოლა̄მ ბნბი მა̈ზგუვა̄̈რს მა̄̈ნკვი ჩიქე ლიჯჯგნეს ხა̈ბნუნე, ეჩქანღო ლიკი̄ლის
Line of edition: 38
ი ლიზურჲე̄ლს იჩო. ბაჟ ქა ხო̄ზი ი იზურჲე̄ლ, მა̄მ ხოხალ, იმთე დო . ამჩიქქა სგა
Line of edition: 39
ხეჭვა̄̈დიხ მა̈გ, აზვიხ, ხატყციხ ი ხეტვი̄ლჲე̄ლხ. ჟახა და̄̈რ ხაყლე ი გიორგი, გიორგის
Line of edition: 40
ხეტვი̄ლჲე̄ლხ. ხვა̈ჲ ხა̈ნ ღრი ამე̄'სგა. ხოლა̄მ ბნბუვა̄̈რს ჩვაკა̄̈ფიხ ი ჩვა̈ყვნეხ
Line of edition: 41
იმვა̄ლაჟი̄ნ: ჲერ ჟა̈გს ხობთქუნეხ, ჲერ თვეფს აკვა̄ნე, ჲერ ძაგვს აცხვლე ი ხოტუ̄სეხ
Line of edition: 42
ნეფხვნაჟი̄ნ, ჲერხი აშხვ და̈შნა̈ჲს ჴიდეხ. ეჯ დაშნა̈ჲს ფანგვირ ხაჟხა. აშხვ ფოყხა̈ნ
Line of edition: 43
მა̄ლა̈შ ი თხე̄რე̄მი ნახა̈ზ ხა̄რ ჟი ლჭი̄რხ.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
