TITUS
Svan Prose Texts II (Lower Bal)
Part No. 81
Previous part

Text: 81 
Page of edition: 166 
Line of edition: 31 
LXXXI. სოსლან


Line of edition: 32       ოქრეშ ბაღათვირს ოქრეშ ა̈ნთროლ ხოგ. ამის მაროლს ხა̈ლჩუნე.
Line of edition: 33    ერვა ჟ'ა̈ნლეჩისგ, ჟგრს ხეჩო, ერვა დემ ა̈ნლეჩისგ, კინჩხს ხა̈ქვცე.

Line of edition: 34       ალი ა̈დკვიჰხ ვორხოგ სათანა̈ჲმ გეზლირდ. ალა̈რ ანჴა̈დხ ი
Line of edition: 35    ქა̈ნჷნგზარვა̈ნხ ი ლაჴვმის ჩი ლერთანხენ ხოქა̈ბიხ. ანღრიხ, ანღრიხ
Line of edition: 36    ალა̈რ ი სგანა̈დხ აშთეჲსგა ი: -- ჰა, მაგვა̈რ როქ ნაქამა̈რ ახჴედა

Page of edition: 167  Line of edition: 1    ი, ა̈ნთროლს როქ ჟი ემოშ ილჩეხ ე, მიჩა ლიფუსდს როქ მინს
Line of edition: 2    ხაჰვდი.

Line of edition: 3       ხოშა მუხვბემ ა̈ნფა̈შვდ ი: -- ჯი ესერ ჟი ხელჩენი ი, აშთეჲსგა
Line of edition: 4    ისგა მ'ა̈ნჴდენი, ჩვ ესერ ადგა̈რი.

Line of edition: 5       ჟი ხალიჩ ბა̈ზი: აჭნჷრი, აჩჷნგი, აშვპა̈რი. ირჰა̈ლ, ეჩქას ჩუ
Line of edition: 6    ლა̈ხუჟდა ეჯღაჲ ი ოქრეშ ბაღათვირიშ ვისგს ჰა̈ბ ეჯღაჲ ქოთღეხ.
Line of edition: 7    ჰამს: -- კინჩხიშ ლიქვცე როქ აღვე, კინჩხიშ ლიქვცე!

Line of edition: 8       ნენსგა̈შ მუხვბემ რა̈ქვე ი: -- ბა̈ზი ესერ ჯი ჟი ხელჩენი ი, ჟი
Line of edition: 9    დეშ ა̈ნჷნთხილისგ ე, აშხუდ ესერ ახქვიცე კინჩხს.

Line of edition: 10       ალი ჟ'ესლა̈ჩ ბა̈ზი. გუნ მეჲცხად ა̈რი, მარე ლეჰჷრმაშთე ჩუად
Line of edition: 11    (\ ჩუიდ) ლა̈ხუჟდა ამისი, ჰა̈ბ ქაიდ ოთღეხ. -- ათხე როქ ლიქვცე
Line of edition: 12    კინჩხიშ!

Line of edition: 13       ხოხვრა მუხვბემ ხა̈ქვე: -- ბა̈ზი როქ ჯი ხელჩენი ი მჷხა̈რ როქ
Line of edition: 14    სამ ჩი უშხუდ ახქვიცე კინჩხს. .

Line of edition: 15       ქაჩა̈დ ი შიშდ ჩუ ლა̈ჲუჟა ა̈ნთროლ ჩუქა. ლეჰჷრმაშს ლახთირ,
Line of edition: 16    ეჩქას ჟი ანჷგა̈ნ, ლჷმარად ლაირმ თეფ (უნდა: ცხვი). დეცე ჴომჟი
Line of edition: 17    ლაჴა̈დხ სიმქა̈რ, რაშა̈რს ჟი ხასგურხ. თეს ხოსტუნინეხ მარა, ეჯგვა̈რ
Line of edition: 18    ლესგდი ლიხ. ჩიქი აშხვ ხაჴიდ. ცხვი-ცჷპემდ, ღვე მერმა ი ღვე
Line of edition: 19    მესმა. ალარე ზისხ მინე-მინე პილატუკა̈რთე ჟ'ა̈ნგეშ ი ჯიბ ლექვ'
Line of edition: 20    ესდე. ალა̈რ ჟ'ესლა̈ჯ რაშა̈რს ი ხატყვეფ რაშა̈რს ი, იმხვახენ
Line of edition: 21    ანჴა̈დხ, ეშთე ოთძახლე.

Line of edition: 22       მჷხა̈რ ბაღათვირდ ლახედალ აჩვმინ ეჯგვა̈რ, ერე ამგვა̈რ და̈ს
Line of edition: 23    ხოჩვმინა. -- აშხვ დინაგეზალს ამის ესერ ხაბვდი (ხაჰვდი).

Line of edition: 24       ალ ბეფშვ ჰედურდ გუდმეცა̈რ ლი ი გუდ აჴა̈დ, ერე ალ სიმქა̈რ
Line of edition: 25    ლიხ ფუსდ ჩირხა̈ილა̈შ გეზლირ. მაჰრენ მუხვბემ [ისგა ლა̈ჲჴერნე ლახვბა
Line of edition: 26    ი] ესხრი ალა̈რთე. შუკვს ეშხუ მარე ლახხვიდ ი ათჩონ:
Line of edition: 27    -- ალი როქ ფუსდ ჩირხა̈ილა̈შ დინოლთე ესხრი ი მიჩ დემეგ ლახჭედნა,
Line of edition: 28    გუნ როქ უხლა მადე ლჷმა̈რა?

Line of edition: 29       ათხე ღეშდ ესტა̈ხ ი: -- აშ ი აშ, ამთ' ესერ ესხრი ი ლოხთიროღვ
Line of edition: 30    მოლე.

Line of edition: 31       -- აღვე, ისგ' ესერ აჩეს, ეჩქას ყორლისგ'ოღვ ლა̈ხშჷმ ი ეშხუ
Line of edition: 32    ფუსდ ჩირხა̈ილ ყორქ'ოღვ ა̈ნსგიდივ. ეჩქას ეჯარე ვა̈ზრა̈რ ესერ
Line of edition: 33    ა̈სკნეხ ყორქა ი აქა̈ნის ესერ ხოკედხ. ჯინემ ნო 'სერ აქა̈ნიოღვ
Line of edition: 34    ოხკიდ ი ნოჲ შიოღვ ლახემ.

Line of edition: 35       მაჰრენ მუხვბემ ტკისდ ამჟი ჩემინ. ალა̈რს დე ში ლახემ ი დე
Line of edition: 36    აქა̈ნი ოხკიდ.

Line of edition: 37       მერმა̈შჟი ამჟიიდ ჩემინ.

Page of edition: 168 
Line of edition: 1       -- მესმა̈შჟი ესერ ფუსდ ჩირხა̈ილ ჴედნი მიჩა ლა̈წცითე. კამინ
Line of edition: 2    ესერ ჯი ლი, კამინ დაშნა̈ ხა̈ბ ი კამინ თეფ. ჯი ესერ ისგოღვ
Line of edition: 3    აჩა̈დ ი ეჩა ლასგვრაჟ'ოღვ ესსგურდა ი კა̈ნჭოლოღვ ოსრეკ.

Line of edition: 4       ალი ამჟი ჩემინ ი ხოჩა ლეთ ანსყე ბა̈ზი ფუსდ ჩირხა̈ილდ.
Line of edition: 5    ამჟი ლიკვცელ ისმი.

Line of edition: 6       -- ფუსდ ჩირხა̈ილ, ეზერ ლეთ ლი, მარე სურუ კვა̈ც მებმი.

Line of edition: 7       -- ალი, მიშგვა ნავბედვრა, მიშგუ გეზლირ ოქრე{შ} ბაღათვირიშ
Line of edition: 8    ოქრეშ ვუსგ ა̈თმითქვა̈ნხ ჰა̈ბიშ ლაღეშგალს. ეჩხენ ესერ ამჟი
Line of edition: 9    ლახტეხახ. ამის ესერ ქა ერვა̈ ლა̈ხშედნი, ნენსგა̈შ გეზალს ესერ
Line of edition: 10    ეჯის ქა ხაჰვდი.

Line of edition: 11       ათხე ალარე ზისხ ლჷჯათეჲსგ' ესგვეშ, ჩუ ლახა̈შხ ი ჟ'ა̈ნჰედვ.
Line of edition: 12    რა̈ნხ.

Line of edition: 13       აშ ა̈ნთიშ ნენსგა̈შ გეზალ ი ეჯი ქა ლახემხ ალის. მარე ფუსდ
Line of edition: 14    ჩირხა̈ილდ ხა̈ქვე ი: -- ნენსგა̈შ გეზალს ესერ დეშ ხაჰვდი, ეჯი ჯგგრა̈გიშ
Line of edition: 15    ესერ ლი ი ჩვესერ ალერთნე.

Line of edition: 16       ამნემ ეჯღაჲ ალი ა̈დცხონე. ანღრიხ სემი ლახვბა ი ალ სიმაჭ.
Line of edition: 17    ჩვა̈თბურა̈ნხ ნენჩაჲსგა. ჲორი ლახვბა უშხუდ ადყურდახ ი ხეხვ-ჭა̈შ
Line of edition: 18    უშხუდ.

Line of edition: 19       ლა̈ჲსკორე ხოშა მუხვბემ, ერე: ."ნამარჴვ როქ დეშ ოთჩემნა,
Line of edition: 20    ხეხვ როქ მადმა ხაყა, მა̈ჲაქ როქ ლი მიჩა ნარდვ" ჟ'ანჷგა̈ნ ი მიჩა
Line of edition: 21    მუხვბე ბა̈ლდ ადგენე ი ალ ზურალა ჯი ლოხყურდა.

Line of edition: 22       ალი ნენსგა̈შ მუსვბემ ა̈დბა̈ჟ ი გუნ ხახჷრა. ჟ'ანჷგა̈ნ ი ხოშა
Line of edition: 23    მუხვბე ჩვადთხჷრჷლე ი ჯი ლოხყურდა ალ სიმაქს.

Line of edition: 24       ნენსგა̈შ მუხვბე ჟ'ანა̈ცხ ი: -- ალი ესერ მა̈ ხოჩვმინახ? -- ი ჯინემი
Line of edition: 25    ჩვადგა̈რ თხვიმ.

Line of edition: 26       ათხე ჯჷჷრა̈გ ან?ა̈დ ი: -- მიჩ როქ ქა ხოჰრა, მიჩეშთე როქ
Line of edition: 27    მად' ომჴედელი, ათხე როქ იმთ' ოთჩედნი?

Line of edition: 28       -- აა, მა̈დილ როქ ხერი, სამ როქ მარემ ნა̈ყვინ ლიცილდთექა
Line of edition: 29    ქა როქუ აფიშვდ!

Line of edition: 30       ალ ლჷცთექა ქაჩა̈დ ი სგაჩა̈დ ამთეჲსგა ი ლჷცემ პერდ ესპჷდ
Line of edition: 31    ი ჩვათვა̈ფ. ალი ლექვერიშ ღა̈რ ლექვ' ახჩიდინე ი ბაბას ლექვერ
Line of edition: 32    ჩოთოგა̈ნ. ანჴა̈დ ქა ბაბა ი ამელექვა (ემელექვა) სიმაქ ხაცყერა.
Line of edition: 33    ჟ'ახყვიფ ი ისგანჴიდ ი ჟ'ანტებდე, ქვინ ათცვირ. ბაბას მიჩა გე.
Line of edition: 34    ზალშალ ხორი. ჩვა̈დღანავ ი სემი ანთავე ჭაბიგვ. ეჯჟი ა̈დჷლხინეხ
Line of edition: 35    დადად ი ბაბად, ერე მინეშრიგ იმეგ ა̈რი.

Line of edition: 36       ამარე ყორჟი ლჷცემ ლაზვრი ლი ი ალ ჭაბიგვა̈რ ვოხრის ჩი
Line of edition: 37    ჭაჭა̈რჟი ხა̈ბჭკვეხ. ანჴა̈დ ეშხუ დადა ი ხა̈ქვე: -- მინს როქ იმ ხაჩმუნეხ,
Page of edition: 169  Line of edition: 1    მინე დადა ვორხოგ სათანა̈ს კაკა̈შ ნა̈ყროლ როქ ტჷტა̈შ
Line of edition: 2    ლაფთვიდ ხუღვა.

Line of edition: 3       ალ ბოფშა̈რდ ქუთა̈რ ახნაყვნეხ მინე დის ი ალა̈რ ხაჴიდხ
Line of edition: 4    ლუსვა̈რისგა: -- ქოვ ლა̈ჲკვიშ, მინე ლამუას მა̈ ხა̈ყრახ, ედო ლუსვა̈რს
Line of edition: 5    ესერ ქა ხა̈შხიხ.

Line of edition: 6       -- მინე ლამუა უშხვა̈რ ესერ ლახცჷრჷლენახ.

Line of edition: 7       ანღრიხ ათხე მინე დადა̈შთე. ყორისგ' ანღრიხ, ამჟი დადად
Line of edition: 8    [ხა̈ქვე]: -- ა̈ნსგი-ა̈ნსგი, დადა̈ ლადეღ სეფეთა̈რს, ა̈ნსგი-ა̈ნსგი, დადა̈
Line of edition: 9    ლადეღ ვირსპილდს, ა̈ნსგი-ა̈ნსგი, დადა̈ ლადეღ ბა̈დრილდს!

Line of edition: 10       ბა̈დრილდ ისგა მადე ანჴა̈დ: -- ამჟი ხოლა ჟახ' ესერ იმღ'
Line of edition: 11    ოთჟახა?

Line of edition: 12       -- იმღა ი სი ეჯგვა̈რ შდიქ ჯაგ, ეჯის ბაჩვ ხა̈ჴდე. ბა̈ჩ გეზალს
Line of edition: 13    ჯითავე ი ბა̈ჩ ბაჩვდ სედნი ი გვიშგე ნა̈თი დემის ხვეტნი ჟი.

Line of edition: 14       ათხე ისგანჴა̈დ ქორთე ბა̈დრილდ. ეჯგვა̈რს ითხვა̈რხ ალა̈რ,
Line of edition: 15    ეჯგვა̈რს, ერე მინე დადას თელს გარ ხამნეხ ი სოფელს ლაღვ ჟი
Line of edition: 16    ხამჟეღიხ. ამჟი ჩვა̈რიხ ი მინე ჩუქაქაჲსგა, ქჷნთჷზ ხაშხა, ალი იზგე.
Line of edition: 17    ალის ღობა̈რ ხოგ ი ალა̈რს ა̈თმითქვა̈ნხ ი იქვთერხ.

Line of edition: 18       ამნემ აშხვ ლადეღ ჩუ ხა̈წცე. ეჯგვა̈რ ლეთროლ ანსყ', ერე
Line of edition: 19    ჩვადშდჷმალე. დაშნა̈ ხოზ ამის ი სეფეთა̈რს, ვირსპილდს ჟ'ახქვიც კინჩხა̈რ ი
Line of edition: 20    ბა̈დრილდ ქოთჩა̈დ ყორქა. ყორჟი. ჩვესფა̈შდვ, შდიქ ბაჩვ ბაჴიდ, შდიქ
Line of edition: 21    ჟ'ოხშყა̈დ, ალი ზურალდ ოსსიპჷდ. [ქჷნთჷზდ] ბა̈დრილდს კინჩხ
Line of edition: 22    ჟ'ახქვიც. ზურალ ბაჩვდ ესპჷდ.

Line of edition: 23       ლჷდგარუ ჩვაშდვიხხ. ბა̈ჩ იცხემ, ინგრი ი რაგდი: -- ქჷნთჷზიშ
Line of edition: 24    დაშნიშ ნა̈ყირ მაკუ.

Line of edition: 25       ხაჴიდ აშხვ ლადეღ ქჷნთჷზდ დაშნა̈ ი ამხენქა ჭაბიგვდ ანსკინე.
Line of edition: 26    ალი ლერდიდ ხაყა ქჷნთჷზს: მიჩა ხოხალ. ჟ'ა̈ნიცხ ამნემ. ქჷნთჷზ
Line of edition: 27    ჩი ლადეღ დაშნა̈ს აშერე.

Line of edition: 28       ამის ხამბაჟ: -- დე, ბუა, მ'ა̈დჩემნა̈ნ ამგვა̈რიშ, ერე ჩი ლადეღ
Line of edition: 29    დაშნა̈ს ხაშერე ი ქა დეშ ხაშერე.

Line of edition: 30       -- ალი მა̈, ბუაღონ, ი ვორხოგ სათანა̈ჲშ ბოფშა̈რ ა̈ხმითქვა̈ნხ
Line of edition: 31    გვიშგე ლაღობს ი ჩუ ხვა̈წც აშხვ ლადეღ. ვირსპილდს ი სეფეთა̈რს
Line of edition: 32    (\ ზეფეთა̈რს) კინჩხა̈რ ჟ'ოხქუცირ ი ბა̈დრილდ ქა̈მჩა̈დ ყორქა. ეჩეჩუ
Line of edition: 33    შდიქ ოხშყა̈დ ლაფა̈შვდჟი. შდიქ ეჯი ზურალდ ოსსიპჷდ. ბა̈დრილდს
Line of edition: 34    კინჩხ ჟ'ოხვაქვც. ზურალ ბაჩვდ ესპჷდ. ბა̈ჩ ჩი ლადეღ ინგრივ ი
Line of edition: 35    "ქჷნთჷზიშ დაშნიშ ნა̈ყირ მაკუ"ს იშკადალ. ლაყვრ' ეჩეჟი მად ი
Line of edition: 36    დაშნა̈ ხვაჴდ ი ამჟ' ა̈მვერა̈ნ. ეჩხენქა ს'ახსკინ ი დაშნა̈ს ჴა̈ფ
Line of edition: 37    ლა̈ხყა̈დ.

Page of edition: 170 
Line of edition: 1       -- აღვე მი ლამწე დაშნა̈, მაგვა̈როღვ ხა̈სდ ოხშერა.
Line of edition: 2    ქა ლახწონე ი ლა̈ჲჭემ ლესგ ლექვა ი ეჯჟი ქა̈ნშერა̈ნ, ერე ნახუნსერ
Line of edition: 3    წეს დე ლი ი ხაჴიდ ქჷნთჷზს ი კინჩხ ჟ'ახქვიც. ქჷნთჷზიშ
Line of edition: 4    თხვიმ შინ ლაირმ ი ჟაჩა̈დ მიჩა დადა̈შთე. ყორისგ' ესხრი ი:
Line of edition: 5    -- დადა̈შ ლადეღ სოსლანს, დადა̈შ ლადეღ სოსლანს!

Line of edition: 6       ამნემ ლითხვა̈რ ა̈დბინე მიჩა დადა̈შხენქა. ნა̈თხვრა̈შ თ{ვ}ელშვ
Line of edition: 7    გარ ხორი მიჩა დადა.

Line of edition: 8       აშხვ ლადეღ ანჴა̈დ ქორთე ი მინე ქორს ბეჭედ ხაგ. ქაფ ჩვადკვა̈რ
Line of edition: 9    მიჩა ყორჟი ი დადას ხა̈ქვე:

Line of edition: 10       -- დადა, მა̈ ლი, გვიშგე ქორს ბეჭედ ხაგ, ალი?
Line of edition: 11    -- მა̈, დადაღო, ი ჲერეჩხავდ ათგენე ბეჭედ: მიჩა მარე როქ
Line of edition: 12    ლიდ ლა̈დიუნღვე.

Line of edition: 13       -- მა̈ზუ ჯვედიათე მეჩდე ირი ღვე?

Line of edition: 14       -- მა̈ზუ ი ჲერდილ ზაგა̈რქ' ესიზინი ათხე ა.

Line of edition: 15       ა̈თღვა̈ჭ სოსლან ამის ი ჲერდილ ზაგა̈რთეჟი ესხრი ჲერეჩხავ.

Line of edition: 16       -- ვო 'სერ, ჲერეჩხავ!

Line of edition: 17       -- ვოჰ' ესერ!

Line of edition: 18       -- მიჩა ყორა̈შ ბეჭდიშ მჷყერ ესერ ჯი ლჷმა̈რ მო? -- ი

Line of edition: 19       -- ჯი ესერ ლჷმა̈რელი ი მიჩ' ესერ მარე ლიხ ათხეუსღვე
Line of edition: 20    (\ ათხენღვე).

Line of edition: 21       -- აღვ' ესერ ჲერდილ ზაგა̈რ ეჩხენჩუშ მარე ჯინემოღვ ანჴიდ
Line of edition: 22    ი ამხენჩუშს ჯ' ესერ ა̈ნჴდე ი მჷშლადეღ ჩვ ესეროღვ ა̈დშიალხ.

Line of edition: 23       ანჴა̈დ სგა სოსლან ი დადა ლა̈ხჭედივ: -- მა̈ ჩემნ, დადაჯონ? --

Line of edition: 24       -- მა̈ ი აშ-აშ, მჷშლადეღ ესერ იშია̈ლხ.

Line of edition: 25       -- აღვე, დადაღო, ეჯის ბიქვიშ რა̈შ ხაყა ი ისგუ რა̈შს ჩვაყალვე
Line of edition: 26    ი ჟი ჯა̈წრე. სი ნა̈ჲხვრა̈შ კეშ ოხოშხბ ისგვა რა̈შს, ეჯი მჷშკიდთ'
Line of edition: 27    ათხა ი ვოშა ფა̈თვ ხაგ, ამშელდ ჯინჯილ ახრეკინ. ეჩქას
Line of edition: 28    ეჯის ა̈თყალვნინი ი ჟ'ოსჭენნე. ეჯი ლჷჴმა̈შ მარე ლი ი ლოხბიდნე
Line of edition: 29    აშთე რა̈შს ი კინჩხს ჟ'ახყვიჩე ი ეჩქას მაგვა̈რ ხირი.

Line of edition: 30       მჷშლადეღ ამჟი ჩემინხ მა̈გ. ჟ'აჩა̈დხ ი ანდღულინეხ რაშა̈რ
Line of edition: 31    უშხვა̈რთე. ჲერეჩხავიშ რა̈შს ათყალვნივ სოსლანიშ რა̈შიშ რიჩხდ
Line of edition: 32    ჟ'ოსჭენ. ოსჯეჯღ ი კინჩხ ჟ'ახყვიჩ. ადსკინე სოსლანდ ი კინჩხ ჟ'ახქვიც.
Line of edition: 33    [ რა̈შიშ ი ამიშ ] თხუმა̈რს დაშნიშ კა̈ცხ ოსრეკ ი ალა̈რ
Line of edition: 34    ისგოხჴიდ მიჩა დადას ი ეშხუ ლასგვრად ი მერმე ჭჷშხრე ლა̈გნად
Line of edition: 35    ხუღვა.

Line of edition: 36       -- ათხე, დადაღო, გვიშგე მონწირ მამაგვეშ ა̈რი, ქათლა̈შ
Line of edition: 37    ხჷნსგილდ ნომ' ა̈ჯღორვას, ეჯჷნქა.

Page of edition: 171 
Line of edition: 1       სოსლან აშხვ ლადეღ მინდერისგ' აყვრე ჩუ. იმხვალეხენ ხესმი:
Line of edition: 2    -- ჰა სოსლან, მი მალა̈ტ, სი იმღა დემ ჯალა̈ტ?!

Line of edition: 3       -- ჰა, გა̈ნთ' ადე, სი ქათლა̈შ ხჷნსგილ!

Line of edition: 4       ალი ეჯღაჲ ისგა ლოხყურდა. ა̈ხფიშვდ ჯჷჷრა̈გდ ჩა̈ლხ ჟიფშხენჩუ
Line of edition: 5    ი ჭაჭა̈რჩუ ხაჴიდ ი, ემოშ ხოშა ჟიბავ ლახტის, ჩუ ლახტიხ ი სოსლანს
Line of edition: 6    ფოყ ქათყვიჩ.

Line of edition: 7       მიჩა დადად ხა̈ქვე:
Line of edition: 8    -- ჰა, სოსლან, ათხე ამაბასვდ გვიშგე ლირდეს მადმა ხაყა,
Line of edition: 9    ეჯაბასვდთ' ოლჩედ, ედო.

Line of edition: 10       ათხე ჩვაჩა̈დხ ჩუბე აბუასდთე. ამეჩუ ეშდორი და̈ვ ხასგურხ უშხვა̈რ,
Line of edition: 11    ქრისდე ჩამაგა ჩუ ხოგხ.

Line of edition: 12       -- ჰე, მა̈ბგა̈რ სოსლან, ჟიბე აბუასდ ესერ უშპვა̈რ ლოხხვიტა,
Line of edition: 13    ჩუბ' აბუასდთ' ესერ იმღა ლახშდეხა მინს?

Line of edition: 14       -- სგა დო მისგვრედ ეჩა მჷქაფდ, ხოჩა და̈ვა̈რ!

Line of edition: 15       -- ისგათ იმ დემ ლა̈ჲსგვირისგდ, მა̈ბგა̈რჲათ სოსლან? ნა̈თ ლა̈კვჰალს
Line of edition: 16    ეჯდისგდ, ეჯის ჩვ ემოშ ხიჩო, ისგათ ჯისგვრედ, მადეჲ დემის.

Line of edition: 17       -- მა̈ ირი?

Line of edition: 18       -- მა̈ჲათ ი ჰამუნღვეჲათ ნებოზდ ზექ ა̈ნღვენი ი ეჯის ჟიქაქა
Line of edition: 19    ჟ'ეჯდისგდ, ეჯის ჟ'ოხბიდნისგდ, ეჯისჲათ ქ'ემოშ ხოსდენი ე.

Line of edition: 20       სგაჩა̈დ ამთეჲსგა ი ამის ხატყციხ მასა̈რდ ზაქვ ჟიქა ლეჟა. ჯი
Line of edition: 21    ჩხჷტდ ესპჷდ. ჟ'ახბიდნეხ, მინ კჷრკა̈ნდ ხაგხ მა̈გ ეშდორი და̈ვ.

Line of edition: 22       მერმა ლადეღ ჰამს [ხა̈ქვეხ]: -- ჰა, სოსლან, ქანჴედ აღვე ამხენქა,
Line of edition: 23    აშ ემმა ხა̈რი!

Line of edition: 24       სოსლან ქანჴად ამხენქა.

Line of edition: 25       -- ჰე, მა̈ბგა̈რილ სოსლან, აშიდ ხა̈რია?

Line of edition: 26       -- აშ ი ათხე მისგვრერ იმისა სგა?

Line of edition: 27       -- ამღაათ ლა̈ჲსგვირისგდა? ათხე ალ კოჯსათ ლოხყურდ ჩუქაჲსგა
Line of edition: 28    ი ნა̈ჲათ ლიხვრეს ლოხბინისგდ, ნებოზსჲათ ლჷა̈რ ქ'ემოშ
Line of edition: 29    ტეხნი ე, სგა ჯისგვრედ.

Line of edition: 30       ლოხყურდა სგა ი ჰამუნღვე ნებოზდ ხა̈ხვრეხ, ხა̈ხვრეხ ი ნებოზს
Line of edition: 31    ჩვანჴა̈დხ ი ლა̈ხშჷმხ: -- ვათ სოსლან!

Line of edition: 32       სოსლან ჟ'ა̈ხცჷყერა̈ნ კოჯა̈რჟი ი ხა̈ქვე: -- ათხე მისჷვრედ მო
Line of edition: 33    ეჯღაჲ?

Line of edition: 34       -- ამღაჲათ ლა̈ჲსგვირისგდა?

Line of edition: 35       -- აღვე იმღა?

Line of edition: 36       -- აღვეათ სალჯაბ ლჷჯაჲათ ჟ'ოხგემდ ი ეშთეჲსგათ სგაჲკვანედ,
Line of edition: 37    ჰამუნღვე ნებოზდ ხოლმესგვნიდ ი, ნებოზსჲათ ქ'ემოშ ჴედნი ეჩხენქ'
Line of edition: 38    ე, ისგაჲათ ლა̈ჲსგურისგდ.

Page of edition: 172 
Line of edition: 1       სგადკვა̈რხ. ჩხჷტდ ესპჷდ. ჰამუნღვე ნებოზდ ხოლმესგივხ. ნებოზს
Line of edition: 2    ლა̈ხშჷმხ ი ამხენჟი ანჴა̈დ ჟი, მამაგვეშ ხათჷმ, ეჯჟი,

Line of edition: 3       -- ჰა, ათხე მისგვრედ მო ეჯღაჲ ისგა? -- ი

Line of edition: 4       -- დემისჲათ.

Line of edition: 5       -- იმღა დემ მისგვრედ? -- ი

Line of edition: 6       -- იმღა ი ისგვა იშვს ი ჯიჯვსჲათ ფაქვდ ღეთ ოთგენისგდ, ეჯღა.

Line of edition: 7       -- ეზერ აღვე.

Line of edition: 8       ი ეშდორი და̈ვ მა̈გ უშხვა̈რ ხასგურხ ი ალა̈რს თხუმა̈რ ჩი უშხვა̈რ
Line of edition: 9    ლახხჷპჷრე.

Line of edition: 10       -- ჰა, დადა, ათხე ისგა ლახსგურდ აღვე ი სერ ისგა ლესგვრიდ
Line of edition: 11    ივალადეღ ამჟი ა.
Line of edition: 12    ისგა ლახსგურდახ ი ხოჩა ლირდ' ა̈დჴიდხ.


Line of edition: 13 
ნოკო პაკელიანი. ლანტელი. მ.ქალდანმა. 27.VII.1954



Next part


This text is part of the TITUS edition of Svan Prose Texts II (Lower Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.