TITUS
Svan Prose Texts II (Lower Bal)
Part No. 153
Previous part

Text: 153 
Page of edition: 295 
Line of edition: 33 
CLIII. ჰასვშარობ


Line of edition: 34       ჰასვშარობ უფლიშერიშ მა̈ნკვიშ მჷიშს ხეხელივ. ამ ლა̈დელ სახუბ
Line of edition: 35    
მა̈გ ლასკარვ-ლასკარშვ ჰასვშა̈რს ხეთხელივ. სოფელს მჷწჰა ქა
Page of edition: 296  Line of edition: 1    
ხეჭმენივხ მინე-მინე ჰასვშა̈რს ა̈წჰივხ. ჰასვიშ. ჯვინელ ირივ
Line of edition: 2    
მა̈ხე, ქა და̈რ ხესდენივ: ლჷდგა̈რ ჲერვა̈ ლასვ, ჰედ ა̈გრევას მოდმა
Line of edition: 3    
ირდივ, ეჩა მჷქაფდ ჭა̈შ ესღჷრდ, მოდეი გეზალ.

Line of edition: 4       
ჰასვშა̈რე ლა̈ხელის სახუბ-სახუბჟი ლასკარვ მა̈გ ხეშდაბ. ხოჩა
Line of edition: 5    
ხოლა ლიხელი ლასკრა̈შ შის არდ. ქა კეჰნივ სოფელლისგა
Line of edition: 6    
შგურ ჟახათე ხადხ მეშყდე.

Line of edition: 7       
ჰასვშა̈რ ნებოზთე ესღჷრდხ ლასკარვ მა̈გ ლჷმარე ხეხელივ.
Line of edition: 8    
მეჴდა მეხელის ხეყჰალხ, ხოშა ირივ ხოხვრა, ლელმერითელისგა,
Line of edition: 9    
ჲესვა̈ს ლა̈ხრულალ ხად, ხირულდ ესღჷრდ. ეჩქანღვე შიშდ ჩულისგვრე
Line of edition: 10    
ხეჭმენივ. ჯვინელ ჰასვშა̈რს თხუმხენ ასგვრახ ხოშილ პა̈ტივღა. ლეთროშვ
Line of edition: 11    
ლეზობშვ ლისიპ მასკვბა̈შდ ქეხნივ. გვიანდ ჰასვშა̈რ ჟი იგნალხ,
Line of edition: 12    
ლერსგვანთე ისპივხ ლელმერია̈შ ლასკარვხენქა ლაღრალშვ ესღჷრდხ.


Next part



This text is part of the TITUS edition of Svan Prose Texts II (Lower Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.