TITUS
Svan Prose Texts II (Lower Bal)
Part No. 160
Previous part

Text: 160 
Page of edition: 301 
Line of edition: 31 
CLX ლჷდგა̈რიშ სკა̈მ


Line of edition: 32       მა̈ხე ლჷდგა̈რიშ სკა̈მს მიჩა ღეშდ მესედ მა̈გ ამარა. მუჟღვირხენ
Line of edition: 33    ი ლინთვლისგა ა̈დდაგრივ, ეჩა სკა̈მს თანფა̈შ დეშდიშ ამარახ ი

Page of edition: 302 
Line of edition: 1       თანაფუნღვე ნაჴაცვს ლიმრიე ლა̈დეღ ხომარას. თანაფხენ ლიმრიედ
Line of edition: 2    ქა ლიქხე ჟი ხემარგხ ი, ჲესვა̈ს გვი ოხჰერნა, ლიმრიეხენ თანაფთე
Line of edition: 3    ქიხა.

Line of edition: 4       ლჷდგა̈რიშ სკა̈მს კონჩხა̈რჟიშშალ ამარახ, ზურალს ზურალა̈შ
Line of edition: 5    შვიმჟი ი ღვაჟმარა -- ღვაჟმარემ. ბეფშიშ სკა̈მსი ჟ'ამარახ, ლაგვანას
Line of edition: 6    ემოშ ადა̈ისგვ ი ლიფანეს, მოდეი ლა̈იდ ბჟღერ ლახა ირივ, ეჩა
Line of edition: 7    სკა̈მჷლდს დემ ხამარუნახ. ლჷმარე სკა̈მ ქოხღვანდხ მიჩა ლემარე
Line of edition: 8    ლჷდგა̈რიშ საფლა̈თექა. ეჲ ლა̈დეღ სოფელ ლჷდგარუს ეჯღა̈ჲ ხოფანა
Line of edition: 9    ი ნაფანუნ ოხღვანდ ჩი.

Line of edition: 10       თანფა̈შ ი ლიმრიეშ ლა̈დღა̈რს ლჷდგარვიშ უფანად და̈რ ფიშვდა
Line of edition: 11    ი, ჯვინელ ლჷდგა̈რ ირივ ა მა̈ხე, მა̈გ ლეფანე ლასვ. ლიმრიე ლა̈დღიშ
Line of edition: 12    ლეფანად მეთხვრა ლა̈თხვართე ესღჷრდხ. ჲერხი ნაგზი, მოდეი ხოშა
Line of edition: 13    ხეზნივ, ეჩქას ხენჴრენივხ უშხვარ ი ჯედიათე ღგრდახ: ლა̈კვცურიი
Line of edition: 14    ლაღვშური ა̈დგია̈რთე. იმ ჩვადგა̈რივხ, ეჯის ჩი მეგვიდ ითა̈ლივხ ი,
Line of edition: 15    ეშვი ნა̈თხვრა̈შ თხუმჷნქა, მოკა̈რქს მერმემ ნახონსორ ნა̈თი მოდმა ხეჰვდივ.
Line of edition: 16    ამჟი ანღჷრდხ ქორთე ი, ხოჩა ფოყლახა ხადხ, სოფლიშ ლესმინად
Line of edition: 17    თოფა̈რს აკვანახ ი "კირჲალე"ს ყჷლახ.

Line of edition: 18       ლა̈თხვართე თანფერი ამჟი ესღჷრდხ. სერთხი მეზგა სკა̈მ ხად
Line of edition: 19    ლემარე, ეჩქას გუნ ხოცხონ ლაჯგრიჟი ნა̈თხვრა̈შ (ღვაშა̈შ, კვიცრა̈შ, ჰედ
Line of edition: 20    ჰერსკნიშ) თხვიმი ხედივ, ი სკა̈მდ მჷწირველი ნა̈პვრ ხებმივ,
Line of edition: 21    ეჯი.


Next part


This text is part of the TITUS edition of Svan Prose Texts II (Lower Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.