TITUS
Svan Prose Texts II (Lower Bal)
Part No. 163
Previous part

Text: 163 
Page of edition: 304 
Line of edition: 1 
CLXIII მეგრე დია̈რ


Line of edition: 2       მეგრა დია̈რს ლჷდგა̈რს ხონყახ. კვიდრ ჲერვა̈ ხად, კეშს ქა
Line of edition: 3    
ისპა, მარე ლა̈იდ ჩუ დეშ აკუნჩხივ ლჷღფჷრა ლერაქვ დეშ იქვამ,
Line of edition: 4    
ეჯი მეგრა დია̈რს ხონყა. ამკა̈ლიბ ა̈ხკუთვნივ, ეჯი ზურალხენიშ.
Line of edition: 5    
ნა̈თი-ნა̈თსა̈ვ ლასვ: გიგა̈შ გეზლირ, ნიბა̈შინ დინა გიგათელისგა, მესმაჟი
Line of edition: 6    
არდხ მუხენ, ეჯჲა̈რ.

Line of edition: 7       
მეგრე დირიშ მჷნყე მუკუნჩხის ხეტყუბივ. დია̈რს, კონჩხა̈რს იმგვა̈
Line of edition: 8    
იჩმუდხ, ჯია̈ ეჩეჩუ ამარა. ლენყე კეცენ მიჩა ქორხენ ოხღვანდ.
Line of edition: 9    
ეჩქანღე ლა̈სკეთიბ კონჩხრიშ მჷჩემ ხეშდაბ ჯი ხომა̈რჯვივ მეგრე
Line of edition: 10    
დია̈რ ლჷდგა̈რს ეჯშელდ ხენყივ, ვოშა ლინყე ა̈ხკუთვნივ, ეჯშელდ
Line of edition: 11    
ნა̈თი ოთსედნივ. დირიშ ნაზიმს აშვშალ გვა̈რიშს იჩმუდხ.
Line of edition: 12    
კვანკვალ ლაგვანა̈შ დია̈რცა̈ლ ჩუ ლასვ, საფუა̈რიშ ხოჩამდ ჩუ
Line of edition: 13    
ლუშდბუნე ლანყა-ლა̈ჭიჟი. მეგრე დია̈რს კონჩხრიშცახა̈ნ სკერშვ
Line of edition: 14    
ა̈დისგვხ, ლაჯგრიჟი ირივ აშ ლაფანაჟი.

Line of edition: 15       
მეგრე დია̈რ კონჩხრიშ დია̈რდ ღეშგიმ ხოჭამხ. ხოშა ლაღა̈ლ
Line of edition: 16    
ჲერვა̈ მჷნყე ლასვ, მჷდისგა̈ლიდ ეჯი ხეჭამ. დია̈რ მერმა ხაცუდ
Line of edition: 17    
კვიდოლშვ ჯი ა̈დისგა̈ლივ გარ. მეგრე დია̈რ კვა̈მს ხეჭამ. კვა̈მა̈შ.
Line of edition: 18    
ლჷგა̈ფ ფსვა̈ს ხად ქა მეკდე, მეგრა დია̈რს ეჯის ხოდისგვხ, კვა̈მ --
Line of edition: 19    ჟი აშვ დია̈რს.

Line of edition: 20       
მეგრე დირიშ მჷნყა ა̈ჲრა̈ყ იშგენ, ტაბა̈გჟი მა̈ წეს ლასვ, ეჯი
Line of edition: 21    
მოდმაგეშ ა̈ხკუთვნივ. მეგრე დია̈რ აშვ გარ ხაგდჷნ ლჷდგა̈რხენ, მარე
Line of edition: 22    
აშვ ქორა̈შ ლახ ირივხ ლავდილა ეჯკა̈ლიბ, ეჯჲა̈რ აშვ დია̈რს.
Line of edition: 23    
ოთნა̈ყისგვხ, ეჯი ჟი იმარგ. აშ ლატყუბალ დია̈რ ხოშილშალ
Line of edition: 24    
ლახ ირივ, ეჯი ხახვჩუნხ.

Line of edition: 25       
კონჩხრიშ ლაჩომს, აშვ დრევუნღვე, ხოშა ლაღა̈ლ მა̈გ ქა̈თყაჩ.
Line of edition: 26    
ეჩეგ-ა̈მეგ ჲერვა̈ ა̈დჩომუდ ათხეხის, ეჯი ჯვინელს აშგარ ხაჯოდ,
Line of edition: 27    
მარე ეჯღა̈ჲ იჩმუდხ.


Line of edition: 28 
ალი დავითიანი. ლახამულა.



Next part



This text is part of the TITUS edition of Svan Prose Texts II (Lower Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.