TITUS
Svan Prose Texts II (Lower Bal)
Part No. 168
Previous part

Text: 168 
Page of edition: 307 
Line of edition: 19 
CLVIII სგვირ


Line of edition: 20       სგვირ გვა̈რდ ქანა̈შ ლასვ. ხოჩა სგვირჲაქდ დადალ ქანს გარ
Line of edition: 21    იჩმუდხ. ქაჯდივხ ქასანახ ი ეჯჟი ა̈ლთახ ჩუ. სგვირიშ ქიპს ჩვაჯაბხ
Line of edition: 22    ი ეჩქანღვე, იმჟი კულის, ეჯჟი ქა̈ჯიშვხ ლა̈ჯშა̈რქა. სგვირიშ ლიჯიშ
Line of edition: 23    კულია̈შ ლიჯიშშალ გარჯ დემეგ ლასვ. ქიპ მეგჭე ხად, ეჩა ბედშვ
Line of edition: 24    ჩუ სურუ მერხალდუნ ე დე იმეგ ა̈ქვცენივ, მოდეი ჰედურდ დემის.

Line of edition: 25       სგვირ ჩუ ლეყფჷნე ლასვ, ოდო ეჯნურ ფჷრიდ სედნივ ი
Line of edition: 26    ლეჴმა̈რიდ დემეგ ხეყად, ლაყფჷნა ეჯკა̈ლიბ ხოშა მუქვიხ ბაჩა̈რჟი ხადხ.
Line of edition: 27    მჷყფჷნა შილისგა ხოჩა გვა̈რიშ წიროლ ხუღვანდ ი სგვირ ბაჩვჟი
Line of edition: 28    ჟი ლუჰურყვლენე ხოსდ, ეჯნა̈რ ჟიჟ ჩუ ხოგან. ლეყფჷნე სგვირ მჷჟირ
Line of edition: 29    ლასვ. ხოჩონ, ტებდი ლჷცშვ ირივ მჷჟირ, ეჯი. დრევნიდრევნ
Line of edition: 30    ლახა საპენშვ იშყვდუნივხ, ეჯი ლა̈თთენითე ლა̈იდ ხოჩა ხად.

Line of edition: 31       მჷყფჷნე ქა ლჷთმარე აყფჷნა, მჷსიპანე ისგა ხაგან, ეჯი ხოსიპანა
Line of edition: 32    ი ხოჩა მა̈რჯვდ ხოდისგვ. აშვ ლახა ხეფშენივ ლაყფჷნას, მერმე
Line of edition: 33    ხეცა̈დივ. ლიყფჷნეს ეჯკა̈ლიბ ლისგვრეშა̈რქა ხოდრახ. სვიფა̈რლისგა
Line of edition: 34    ლაყფჷნა ბაჩა̈რ ქა ხოთრონხ, ეჯჲა̈რ სერ ქა დემის იჰრივხ. სოფლიშ
Line of edition: 35    სგვირს ჩი ეჯჲა̈რჟი აყფჷნახ ი ლიყფჷნეს მა̈ხეღვაჟა̈რ აშ
Line of edition: 36    იცადუნალხ.

Page of edition: 308 
Line of edition: 1       სგვირს ჯვინალდ სურუ ლჷგენ ხა̈დენა: ზურალს ი ღვაჟმარა
Line of edition: 2    ხოშამ ი ხოხვრამ -- ჩი სგვირიშ ლერქვა̈რ ხა̈ქვმენა.

Line of edition: 3       სგვირს ლაყვრა̈შ ლერქვა̈რდ ემოშ ე ხოშამ იჴმა̈რივხ. სგვირიშ
Line of edition: 4    ლერშა̈რს ა̈სყივხ, შართქვლა̈რს ი ეჯკა̈ლიბს. ლინთვ მჷცხი ხემთქუნ
Line of edition: 5    სგვირს, მარე ზავლა̈დეღ გრილ ლასვ. ლერშ-ლერექვს ქამავ სგვირიშ
Line of edition: 6    ძაძროლსი ა̈სყივხ ი ნამშა̈რე ლაშყვდი ხადხ. სგვირს მჷთხელი.
Line of edition: 7    ვობა̈შ ხეყად. ათხეშ თავრობუნღვე სგვირს ქა̈თყაჩ მა̈გ.


Next part


This text is part of the TITUS edition of Svan Prose Texts II (Lower Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.