Page: 254 Verse: 1 | შდუგვი, შდუგვი, ყასარილა, | თაგვო, თაგვო, ყასარელა, |
Verse: 2 | იმთე, იმთე? - ჭემ ლაშგომთე. | საით, საით? - თივის სათხოვრად. |
Verse: 3 | ჭემ მა̈ჲ ჯარ? - გიცრიშ. | თივა რად გინდა? - ვერძისთვის |
Verse: 4 | გიცა̈რ იმ ჯა̈ჩო? - მიჭვს ლა̈მყვიჩე. | ვერძი რას გიზამს? - რქას მომიტეხს. |
Verse: 5 | მიჭვ მა̈ჲ ჯა̄რ? - მჷშკიდიშ. | რქა რად გინდა? - მჭედლისთვის. |
Verse: 6 | მჷშკიდ იმ ჯა̈ჩომ? - გა̈ჩს ა̈მშკა̈̄დნე. | მჭედელი რას გიზამს? - დანას გამიჭედავს. |
Verse: 7 | გა̈ჩ მა̈ჲ ჯა̄რ? - მელეღვიშ. | დანა რად გინდა? - მეხორცისთვის. |
Verse: 8 | მელეღვ იმ ჯა̈ჩომ? - წვა̈დს ლა̈მხვიტე. | მეხორცე რას გიზამს? - მწვადს მომიჭრის. |
Verse: 9 | წვა̈დ მა̈ჲ ჯა̄რ? - ბოფშრეშ. | მწვადი რად გინდა? - ბავშვებისთვის. |
Verse: 10 | ბოფშა̈რ იმ ჯა̈ჩომხ? - შყა̈ჟვს ა̈მჷრმინეხ. | ბავშვები რას გიზმენ - მწყერს დამიჭერენ. |
Verse: 11 | შყა̈ჟვ მა̈ჲ ჯა̄რ? - ფა̈ტვა̈ მუხურჲე̄ლე. | მწყერი რად გინდა? - ფეტვის მომგროვებლად. |
Verse: 12 | ფა̈ტვ მა̈ჲ ჯა̄რ? - ქათლა̈ ლეშდე. | ფეტვი რად გინდა? - ქათმისთვის დასაყრელად. |
Verse: 13 | ქათალ იმ ჯა̈ჩომ? - წინწილს ლამჰედვნე. | ქათამი რას გიზამს? - წიწილს მომცემს. |
Verse: 14 | წინწილ მა̈ჲ ჯა̄რ? - ქათალჲა̄ქ. | წიწილა რად გინდა? - საქათმოდ. |
Verse: 15 | ქათალ იმ ჯა̈ჩომ? - ლჷგრა̈̄ლს ა̈მკვა̄ნე. | ქათამი რას გიზამს? - კვერცხებს დამიდებს. |
Verse: 16 | ლჷგრა̈̄ლ მა̈ჲ ჯა̄რ? - ქა ლეკვშუნე. | კვერცხები რად გინდა? - გამოსაჩეკად. |
Verse: 17 | ნამკვიშ მა̈ჲ ჯა̄რხ? - ქათლა̈რჲა̄ქ. | გამონაჩეკი რად გინდა? - ქათმებად. |