TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 50

Hymn: 50
Verse: 1
Halfverse: a    उदु॒ त्यं जा॒तवे॑दसं दे॒वं व॑हन्ति के॒तवः॑ ।
   उदु॒ त्यं जा॒तवे॑दसं
   उत् उ त्यम् जा॒तवे॑दसम्
   उद् उ त्यं जा॒तवे॑दसं

Halfverse: b    दे॒वं व॑हन्ति के॒तवः॑ ।
   दे॒वम् वहन्ति के॒तवः ।
   दे॒वं व॑हन्ति के॒तवः ।

Halfverse: c    दृ॒शे विश्वा॑य॒ सूर्य॑म् ।।
   दृ॒शे विश्वा॑य॒ सूर्य॑म् ।।
   दृ॒शे विश्वा॑य सूर्य॑म् ।।
   दृ॒शे विश्वा॑य सूरि॑यम् ।।

Verse: 2
Halfverse: a    अप॒ त्ये ता॒यवो॑ यथा॒ नक्ष॑त्रा यन्त्य॒क्तुभिः॑ ।
   अप॒ त्ये ता॒यवो॑ यथा
   अप त्ये ता॒यवः यथा
   अप त्ये ता॒यवो यथा

Halfverse: b    नक्ष॑त्रा यन्त्य॒क्तुभिः॑ ।
   नक्ष॑त्रा यन्ति अ॒क्तुभिः ।
   नक्ष॑त्रा यन्ति अ॒क्तुभिः ।

Halfverse: c    सूरा॑य वि॒श्वच॑क्षसे ।।
   सूरा॑य वि॒श्वच॑क्षसे ।।
   सूरा॑य वि॒श्वच॑क्षसे ।।
   सूरा॑य वि॒श्वच॑क्षसे ।।

Verse: 3
Halfverse: a    अदृ॑श्रमस्य के॒तवो॒ वि र॒श्मयो॒ जनाँ॒ अनु॑ ।
   अदृ॑श्रमस्य के॒तवो
   अदृ॑श्रम् अस्य के॒तवः
   अदृ॑श्रम् अस्य के॒तवो

Halfverse: b    वि र॒श्मयो॒ जनाँ॒ अनु॑ ।
   वि र॒श्मयः जना॑न् अनु ।
   वि र॒श्मयो जनाँ अनु ।

Halfverse: c    भ्राज॑न्तो अ॒ग्नयो॑ यथा ।।
   भ्राज॑न्तो अ॒ग्नयो॑ यथा ।।
   भ्राज॑न्तः अ॒ग्नयः यथा ।।
   भ्राज॑न्तो अ॒ग्नयो यथा ।।

Verse: 4
Halfverse: a    त॒रणि॑र्वि॒श्वद॑र्शतो ज्योति॒ष्कृद॑सि सूर्य ।
   त॒रणि॑र्वि॒श्वद॑र्शतो
   त॒रणिः वि॒श्वद॑र्शतः
   त॒रणि॑र् वि॒श्वद॑र्शतो

Halfverse: b    ज्योति॒ष्कृद॑सि सूर्य ।
   ज्यो॑ति॒ष्कृत् असि सूर्य ।
   ज्यो॑ति॒ष्कृद् असि सूरिय ।

Halfverse: c    विश्व॒मा भा॑सि रोच॒नम् ।।
   विश्व॒मा भा॑सि रोच॒नम् ।।
   विश्व॑म् आ भा॑सि रोच॒नम् ।।
   विश्व॑म् आ भा॑सि रोच॒नम् ।।

Verse: 5
Halfverse: a    प्र॒त्यङ्दे॒वानां॒ विशः॑ प्र॒त्यङ्ङुदे॑षि॒ मानु॑षान् ।
   प्र॒त्यङ्दे॒वानां॒ विशः
   प्र॒त्यङ् दे॒वाना॑म् विशः
   प्र॒त्यङ् दे॒वानाअं विशः

Halfverse: b    प्र॒त्यङ्ङुदे॑षि॒ मानु॑षान् ।
   प्र॒त्यङ् उत् एषि मानु॑षान् ।
   प्र॒त्यङ्ङ् उद् एषि मानु॑षान् ।

Halfverse: c    प्र॒त्यङ्विश्वं॒ स्व॑र्दृ॒शे ।।
   प्र॒त्यङ्विश्वं॒ स्व॑र्दृ॒शे ।।
   प्र॒त्यङ् विश्व॑म् स्व॑र् दृ॒शे ।।
   प्र॒त्यङ् विश्वं सुव॑र् दृ॒शे ।।

Verse: 6
Halfverse: a    येना॑ पावक॒ चक्ष॑सा भुर॒ण्यन्तं॒ जनाँ॒ अनु॑ ।
   येना॑ पावक॒ चक्ष॑सा
   येन+ पावक चक्ष॑सा
   येना पवाक चक्ष॑सा

Halfverse: b    भुर॒ण्यन्तं॒ जनाँ॒ अनु॑ ।
   भु॑र॒ण्यन्त॑म् जना॑न् अनु ।
   भु॑र॒ण्यन्तं जनाँ अनु ।

Halfverse: c    त्वं व॑रुण॒ पश्य॑सि ।।
   त्वं व॑रुण॒ पश्य॑सि ।।
   त्वम् वरुण पश्य॑सि ।।
   तु॒वं व॑रुण पश्य॑सि ।।

Verse: 7
Halfverse: a    वि द्यामे॑षि॒ रज॑स्पृ॒थ्वहा॒ मिमा॑नो अ॒क्तुभिः॑ ।
   वि द्यामे॑षि॒ रज॑स्पृथ्व्
   वि द्याम् एषि रजः पृ॒थु
   वि द्याम् एषि रज॑स् पृ॒थु

Halfverse: b    अहा॒ मिमा॑नो अ॒क्तुभिः॑ ।
   अहा मिमा॑नः अ॒क्तुभिः ।
   अहा मिमा॑नो अ॒क्तुभिः ।

Halfverse: c    पश्य॒ञ्जन्मा॑नि सूर्य ।।
   पश्य॒ञ्जन्मा॑नि सूर्य ।।
   पश्य॑न् जन्मा॑नि सूर्य ।।
   पश्य॑ञ् जन्मा॑नि सूरिय ।।

Verse: 8
Halfverse: a    स॒प्त त्वा॑ ह॒रितो॒ रथे॒ वह॑न्ति देव सूर्य ।
   स॒प्त त्वा॑ ह॒रितो॒ रथे
   स॒प्त त्वा ह॒रितः रथे
   स॒प्त त्वा ह॒रितो रथे

Halfverse: b    वह॑न्ति देव सूर्य ।
   वह॑न्ति देव सूर्य ।
   वह॑न्ति देव सूरिय ।

Halfverse: c    शो॒चिष्के॑शं विचक्षण ।।
   शो॒चिष्के॑शं विचक्षण ।।
   शो॒चिष्के॑शम् विचक्षण ।।
   शो॒चिष्के॑शं विचक्षण ।।

Verse: 9
Halfverse: a    अयु॑क्त स॒प्त शु॒न्ध्युवः॒ सूरो॒ रथ॑स्य न॒प्त्यः॑ ।
   अयु॑क्त स॒प्त शु॒न्ध्युवः
   अयु॑क्त स॒प्त शु॒न्ध्युवः
   अयु॑क्त स॒प्त शु॒न्ध्युवः

Halfverse: b    सूरो॒ रथ॑स्य न॒प्त्यः॑ ।
   सूरः रथ॑स्य न॒प्त्यः ।
   सूरो रथ॑स्य न॒प्तियः ।

Halfverse: c    ताभि॑र्याति॒ स्वयु॑क्तिभिः ।।
   ताभि॑र्याति॒ स्वयु॑क्तिभिः ।।
   ताभिः याति स्वयु॑क्तिभिः ।।
   ताभि॑र् याति स्वयु॑क्तिभिः ।।

Verse: 10
Halfverse: a    उद्व॒यं तम॑स॒स्परि॒ ज्योति॒ष्पश्य॑न्त॒ उत्त॑रम् ।
   उद्व॒यं तम॑स॒स्परि
   उत् व॒यम् तम॑सः परि
   उद् व॒यं तम॑सस् परि

Halfverse: b    ज्योति॒ष्पश्य॑न्त॒ उत्त॑रम् ।
   ज्योतिः पश्य॑न्तः उत्त॑रम् ।
   ज्योति॑ष् पश्य॑न्त उत्त॑रम् ।

Halfverse: c    दे॒वं दे॑व॒त्रा सूर्य॒मग॑न्म॒ ज्योति॑रुत्त॒मम् ।।
   दे॒वं दे॑व॒त्रा सूर्य॑म्
   दे॒वम् देव॒त्रा सूर्य॑म्
   दे॒वं दे॑व॒त्रा सूरि॑यम्

Halfverse: d    अग॑न्म॒ ज्योति॑रुत्त॒मम् ।।
   अग॑न्म ज्योतिः उत्त॒मम् ।।
   अग॑न्म ज्योति॑र् उत्त॒मम् ।।

Verse: 11
Halfverse: a    उ॒द्यन्न॒द्य मि॑त्रमह आ॒रोह॒न्नुत्त॑रां॒ दिव॑म् ।
   उ॒द्यन्न॒द्य मि॑त्रमह
   उ॒द्यन् अ॒द्य मि॑त्रमहः
   उ॒द्यन्न् अ॒द्य मि॑त्रमह

Halfverse: b    आ॒रोह॒न्नुत्त॑रां॒ दिव॑म् ।
   आ॒रोह॑न् उत्त॑राम् दिव॑म् ।
   आ॒रोह॑न्न् उत्त॑रां दिव॑म् ।

Halfverse: c    हृ॑द्रो॒गम्मम॑ सूर्य हरि॒माणं॑ च नाशय ।।
   हृ॑द्रो॒गम्मम॑ सूर्य
   हृद्रो॒गम् मम सूर्य
   हृद्रो॒गम् मम सूरिय

Halfverse: d    हरि॒माणं॑ च नाशय ।।
   ह॑रि॒माण॑म् च नाशय ।।
   ह॑रि॒माणं च नाशय ।।

Verse: 12
Halfverse: a    शुके॑षु मे हरि॒माणं॑ रोप॒णाका॑सु दध्मसि ।
   शुके॑षु मे हरि॒माणं
   शुके॑षु मे हरि॒माण॑म्
   शुके॑षु मे हरि॒माणं

Halfverse: b    रोप॒णाका॑सु दध्मसि ।
   रो॑प॒णाका॑सु दध्मसि ।
   रो॑प॒णाका॑सु दध्मसि ।

Halfverse: c    अथो॑ हारिद्र॒वेषु॑ मे हरि॒माणं॒ नि द॑ध्मसि ।।
   अथो॑ हारिद्र॒वेषु॑ मे
   अथ उ हारिद्र॒वेषु मे
   अथो हारिद्र॒वेषु मे

Halfverse: d    हरि॒माणं॒ नि द॑ध्मसि ।।
   ह॑रि॒माण॑म् नि द॑ध्मसि ।।
   ह॑रि॒माणं नि द॑ध्मसि ।।

Verse: 13
Halfverse: a    उद॑गाद॒यमा॑दि॒त्यो विश्वे॑न॒ सह॑सा स॒ह ।
   उद॑गाद॒यमा॑दि॒त्यो
   उत् अगात् अ॒यम् आदि॒त्यः
   उद् अगाद् अ॒यम् आदि॒त्यो

Halfverse: b    विश्वे॑न॒ सह॑सा स॒ह ।
   विश्वे॑न सह॑सा स॒ह ।
   विश्वे॑न सह॑सा स॒ह ।

Halfverse: c    द्वि॒षन्त॒म्मह्यं॑ र॒न्धय॒न्मो अ॒हं द्वि॑ष॒ते र॑धम् ।।
   द्वि॒षन्त॒म्मह्यं॑ र॒न्धय॑न्
   द्वि॒षन्त॑म् मह्य॑म् र॒न्धय॑न्
   द्वि॒षन्त॑म् मह्य* र॒न्धय॑न्

Halfverse: d    मो अ॒हं द्वि॑ष॒ते र॑धम् ।।
   मा उ अ॒हम् द्विष॒ते र॑धम् ।।
   मो अ॒हं द्वि॑ष॒ते र॑धम् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.