TITUS
Rg-Veda: Rg-Veda-Samhita
Part No. 51
Previous part

Hymn: 51 
Verse: 1 
Halfverse: a    अ॒भि त्यम्मे॒षम्पु॑रुहू॒तमृ॒ग्मिय॒मिन्द्रं॑ गी॒र्भिर्म॑दता॒ वस्वो॑ अर्ण॒वम् ।
   अ॒भि त्यम्मे॒षम्पु॑रुहू॒तमृ॒ग्मिय॑म्
   अ॒भि त्यम् मे॒षम् पुरुहू॒तम् ऋ॒ग्मिय॑म्
   अ॒भि त्यम् मे॒षम् पुरुहू॒तम् ऋ॒ग्मिय॑म्

Halfverse: b    इन्द्रं॑ गी॒र्भिर्म॑दता॒ वस्वो॑ अर्ण॒वम् ।
   इन्द्र॑म् गी॒र्भिः म॑दत+ वस्वः अर्ण॒वम् ।
   इन्द्रं गी॒र्भिर् मदता वस्वो अर्ण॒वम् ।

Halfverse: c    यस्य॒ द्यावो॒ न वि॒चर॑न्ति॒ मानु॑षा भु॒जे मंहि॑ष्ठम॒भि विप्र॑मर्चत ।।
   यस्य॒ द्यावो॒ न वि॒चर॑न्ति॒ मानु॑षा
   यस्य द्यावः न वि॒चर॑न्ति मानु॑षा
   यस्य द्यावो न वि॒चर॑न्ति मानु॑षा

Halfverse: d    भु॒जे मंहि॑ष्ठम॒भि विप्र॑मर्चत ।।
   भु॒जे मंहि॑ष्ठम् अ॒भि विप्र॑म् अर्चत ।।
   भु॒जे मंहि॑ष्ठम् अ॒भि विप्र॑म् अर्चत ।।


Verse: 2 
Halfverse: a    अ॒भीम॑वन्वन्स्वभि॒ष्टिमू॒तयो॑ ऽन्तरिक्ष॒प्रां तवि॑षीभि॒रावृ॑तम् ।
   अ॒भीम॑वन्वन्स्वभि॒ष्टिमू॒तयो
   अ॒भि ई॑म् अवन्वन् स्वभि॒ष्टिम् ऊ॒तयः
   अ॒भीम् अवन्वन् सुअभि॒ष्टिम् ऊ॒तयो

Halfverse: b    ऽन्तरिक्ष॒प्रां तवि॑षीभि॒रावृ॑तम् ।
   अ॑न्तरिक्ष॒प्राम् तवि॑षीभिः आवृ॑तम् ।
   अ॑न्तरिक्ष॒प्रां तवि॑षीभिर् आवृ॑तम् ।

Halfverse: c    इन्द्रं॒ दक्षा॑स ऋ॒भवो॑ मद॒च्युतं॑ श॒तक्र॑तुं॒ जव॑नी सू॒नृतारु॑हत् ।।
   इन्द्रं॒ दक्षा॑स ऋ॒भवो॑ मद॒च्युतं
   इन्द्र॑म् दक्षा॑सः ऋ॒भवः मद॒च्युत॑म्
   इन्द्रं दक्षा॑स ऋ॒भवो मद॒च्युतं

Halfverse: d    श॒तक्र॑तुं॒ जव॑नी सू॒नृतारु॑हत् ।!। ।।
   श॒तक्र॑तुम् जव॑नी सू॒नृता आ अ॑रुहत् ।।
   श॒तक्र॑तुं जव॑नी सू॒नृतारु॑हत् ।।


Verse: 3 
Halfverse: a    त्वं गो॒त्रमङ्गि॑रोभ्यो ऽवृणो॒रपो॒तात्र॑ये श॒तदु॑रेषु गातु॒वित् ।
   त्वं गो॒त्रमङ्गि॑रोभ्यो ऽवृणो॒रप
   त्वम् गो॒त्रम् अङ्गि॑रोभ्यः अवृणोः अप
   तु॒वं गो॒त्रम् अङ्गि॑रोभ्यो ऽवृणोर् अप

Halfverse: b     ॑उ॒तात्र॑ये श॒तदु॑रेषु गातु॒वित् ।
   उ॒त अत्र॑ये श॒तदु॑रेषु गातु॒वित् ।
   उ॒तात्र॑ये श॒तदु॑रेषु गातु॒वित् ।

Halfverse: c    स॒सेन॑ चिद्विम॒दाया॑वहो॒ वस्वा॒जावद्रिं॑ वावसा॒नस्य॑ न॒र्तय॑न् ।।
   स॒सेन॑ चिद्विम॒दाया॑वहो॒ वस्व्
   स॒सेन चित् विम॒दाय अवहः वसु
   स॒सेन चिद् विम॒दाया॑वहो वसु

Halfverse: d    आ॒जावद्रिं॑ वावसा॒नस्य॑ न॒र्तय॑न् ।।
   आ॒जौ अद्रि॑म् वावसा॒नस्य न॒र्तय॑न् ।।
   आ॒जाव् अद्रिं वावसा॒नस्य न॒र्तय॑न् ।।


Verse: 4 
Halfverse: a    त्वम॒पाम॑पि॒धाना॑वृणो॒रपाधा॑रयः॒ पर्व॑ते॒ दानु॑म॒द्वसु॑ ।
   त्वम॒पाम॑पि॒धाना॑वृणो॒रप
   त्वम् अ॒पाम् अपि॒धाना अवृणोः अप
   तु॒वम् अ॒पाम् अपि॒धाना॑वृणोर् अप

Halfverse: b     अधा॑रयः॒ पर्व॑ते॒ दानु॑म॒द्वसु॑ ।
   अधा॑रयः पर्व॑ते दानु॑मत् वसु ।
   अधा॑रयः पर्व॑ते दानु॑मद् वसु ।

Halfverse: c    वृ॒त्रं यदि॑न्द्र॒ शव॒साव॑धी॒रहि॒मादित्सूर्यं॑ दि॒व्यारो॑हयो दृ॒शे ।।
   वृ॒त्रं यदि॑न्द्र॒ शव॒साव॑धी॒रहि॑म्
   वृ॒त्रम् यत् इन्द्र शव॑सा अव॑धीः अहि॑म्
   वृ॒त्रं यद् इन्द्र शव॒साव॑धीर् अहि॑म्

Halfverse: d    आदित्सूर्यं॑ दि॒व्यारो॑हयो दृ॒शे ।।
   आत् इत् सूर्य॑म् दि॒वि आ अ॑रोहयः दृ॒शे ।।
   आद् इत् सूर्यं दि॒वि आरो॑हयो दृ॒शे ।।


Verse: 5 
Halfverse: a    त्वम्मा॒याभि॒रप॑ मा॒यिनो॑ ऽधमः स्व॒धाभि॒र्ये अधि॒ शुप्ता॒वजु॑ह्वत ।
   त्वम्मा॒याभि॒रप॑ मा॒यिनो॑ ऽधमः
   त्वम् मा॒याभिः अप मा॒यिनः अधमः
   तु॒वम् मा॒याभि॑र् अप मा॒यिनो ऽधमः

Halfverse: b    स्व॒धाभि॒र्ये अधि॒ शुप्ता॒वजु॑ह्वत ।
   स्व॒धाभिः ये अधि शुप्तौ अजु॑ह्वत ।
   स्व॒धाभि॑र् ये अधि शुप्ता॑व् अजु॑ह्वत ।

Halfverse: c    त्वम्पिप्रो॑र्नृमणः॒ प्रारु॑जः॒ पुरः॒ प्र ऋ॒जिश्वा॑नं दस्यु॒हत्ये॑ष्वाविथ ।।
   त्वम्पिप्रो॑र्नृमणः॒ प्रारु॑जः॒ पुरः
   त्वम् पिप्रोः नृमणः प्र अ॑रुजः पुरः
   तु॒वम् पिप्रो॑र् नृमणः प्रारु॑जः पुरः

Halfverse: d    प्र ऋ॒जिश्वा॑नं दस्यु॒हत्ये॑ष्वाविथ ।।
   प्र ऋ॒जिश्वा॑नम् दस्यु॒हत्ये॑षु आविथ ।।
   प्र र्जिश्वा॑नं दस्यु॒हत्ये॑षु आविथ ।।


Verse: 6 
Halfverse: a    त्वं कुत्सं॑ शुष्ण॒हत्ये॑ष्वावि॒थार॑न्धयो ऽतिथि॒ग्वाय॒ शम्ब॑रम् ।
   त्वं कुत्सं॑ शुष्ण॒हत्ये॑ष्वाविथ
   त्वम् कुत्स॑म् शुष्ण॒हत्ये॑षु आविथ
   तु॒वं कुत्सं शुष्ण॒हत्ये॑षु आविथ

Halfverse: b     अर॑न्धयो ऽतिथि॒ग्वाय॒ शम्ब॑रम् ।
   अर॑न्धयः अतिथि॒ग्वाय शम्ब॑रम् ।
   अर॑न्धयो अतिथि॒ग्वाय शम्ब॑रम् ।

Halfverse: c    म॒हान्तं॑ चिदर्बु॒दं नि क्र॑मीः प॒दा स॒नादे॒व द॑स्यु॒हत्या॑य जज्ञिषे ।।
   म॒हान्तं॑ चिदर्बु॒दं नि क्र॑मीः प॒दा
   म॒हान्त॑म् चित् अर्बु॒दम् नि क्र॑मीः प॒दा
   म॒हान्तं चिद् अर्बु॒दं नि क्र॑मीः प॒दा

Halfverse: d    स॒नादे॒व द॑स्यु॒हत्या॑य जज्ञिषे ।।
   स॒नात् ए॒व द॑स्यु॒हत्या॑य जज्ञिषे ।।
   स॒नाद् ए॒व द॑स्यु॒हत्या॑य जज्ञिषे ।।


Verse: 7 
Halfverse: a    त्वे विश्वा॒ तवि॑षी स॒ध्र्य॑ग्घि॒ता तव॒ राधः॑ सोमपी॒थाय॑ हर्षते ।
   त्वे विश्वा॒ तवि॑षी स॒ध्र्य॑ग्घि॒ता
   त्वे विश्वा तवि॑षी स॒ध्र्य॑क् हि॒ता
   तु॒वे विश्वा तवि॑षी सध्रिअग् घि॒ता

Halfverse: b    तव॒ राधः॑ सोमपी॒थाय॑ हर्षते ।
   तव राधः सोमपी॒थाय हर्षते ।
   तव राधः सोमपी॒थाय हर्षते ।

Halfverse: c    तव॒ वज्र॑श्चिकिते बा॒ह्वोर्हि॒तो वृ॒श्चा शत्रो॒रव॒ विश्वा॑नि॒ वृष्ण्या॑ ।।
   तव॒ वज्र॑श्चिकिते बा॒ह्वोर्हि॒तो
   तव वज्रः चिकिते बा॒ह्वोः हि॒तः
   तव वज्र॑श् चिकिते बाहु॒वोर् हि॒तो

Halfverse: d    वृ॒श्चा शत्रो॒रव॒ विश्वा॑नि॒ वृष्ण्या॑ ।।
   वृ॒श्च+ शत्रोः अव विश्वा॑नि वृष्ण्या ।।
   वृ॒श्चा शत्रो॑र् अव विश्वा॑नि वृष्णि॑या ।।


Verse: 8 
Halfverse: a    वि जा॑नी॒ह्यार्या॒न्ये च॒ दस्य॑वो ब॒र्हिष्म॑ते रन्धया॒ शास॑दव्र॒तान् ।
   वि जा॑नी॒ह्यार्या॒न्ये च॒ दस्य॑वो
   वि जा॑नीहि आर्या॑न् ये च दस्य॑वः
   वि जा॑नीहि आरि॑यान् ये च दस्य॑वो

Halfverse: b    ब॒र्हिष्म॑ते रन्धया॒ शास॑दव्र॒तान् ।
   ब॒र्हिष्म॑ते रन्धय+ शास॑त् अव्र॒तान् ।
   ब॒र्हिष्म॑ते रन्धया शास॑द् अव्र॒तान् ।

Halfverse: c    शाकी॑ भव॒ यज॑मानस्य चोदि॒ता विश्वेत्ता ते॑ सध॒मादे॑षु चाकन ।।
   शाकी॑ भव॒ यज॑मानस्य चोदि॒ता
   शाकी भव यज॑मानस्य चोदि॒ता
   शाकी भव यज॑मानस्य चोदि॒ता

Halfverse: d    विश्वेत्ता ते॑ सध॒मादे॑षु चाकन ।।
   विश्वा इत् ता ते सध॒मादे॑षु चाकन ।।
   विश्वेत् ता ते सध॒मादे॑षु चाकन ।।


Verse: 9 
Halfverse: a    अनु॑व्रताय र॒न्धय॒न्नप॑व्रताना॒भूभि॒रिन्द्रः॑ श्न॒थय॒न्नना॑भुवः ।
   अनु॑व्रताय र॒न्धय॒न्नप॑व्रतान्
   अनु॑व्रताय र॒न्धय॑न् अप॑व्रतान्
   अनु॑व्रताय र॒न्धय॑न्न् अप॑व्रतान्

Halfverse: b    आ॒भूभि॒रिन्द्रः॑ श्न॒थय॒न्नना॑भुवः ।
   आ॒भूभिः इन्द्रः श्न॒थय॑न् अना॑भुवः ।
   आ॒भूभि॑र् इन्द्रः श्न॒थय॑न्न् अना॑भुवः ।

Halfverse: c    वृ॒द्धस्य॑ चि॒द्वर्ध॑तो॒ द्यामिन॑क्षत॒ स्तवा॑नो व॒म्रो वि ज॑घान सं॒दिहः॑ ।।
   वृ॒द्धस्य॑ चि॒द्वर्ध॑तो॒ द्यामिन॑क्षत
   वृ॒द्धस्य चित् वर्ध॑तः द्याम् इन॑क्षतः
   वृ॒द्धस्य चिद् वर्ध॑तो द्याम् इन॑क्षत

Halfverse: d    स्तवा॑नो व॒म्रो वि ज॑घान सं॒दिहः॑ ।।
   स्तवा॑नः व॒म्रः वि ज॑घान सं॒दिहः ।।
   स्तवा॑नो व॒म्रो वि ज॑घान सं॒दिहः ।।


Verse: 10 
Halfverse: a    तक्ष॒द्यत्त॑ उ॒शना॒ सह॑सा॒ सहो॒ वि रोद॑सी म॒ज्मना॑ बाधते॒ शवः॑ ।
   तक्ष॒द्यत्त॑ उ॒शना॒ सह॑सा॒ सहो
   तक्ष॑त् यत् ते उ॒शना सह॑सा सहः
   तक्ष॑द् यत् त उ॒शना सह॑सा सहो

Halfverse: b    वि रोद॑सी म॒ज्मना॑ बाधते॒ शवः॑ ।
   वि रोद॑सी म॒ज्मना बाधते शवः ।
   वि रोद॑सी म॒ज्मना बाधते शवः ।

Halfverse: c    आ त्वा॒ वात॑स्य नृमणो मनो॒युज॒ आ पूर्य॑माणमवहन्न॒भि श्रवः॑ ।।
   आ त्वा॒ वात॑स्य नृमणो मनो॒युज
   आ त्वा वात॑स्य नृमणः मनो॒युजः
   आ त्वा वात॑स्य नृमणो मनो॒युज

Halfverse: d    आ पूर्य॑माणमवहन्न॒भि श्रवः॑ ।।
   आ पूर्य॑माणम् अवहन् अ॒भि श्रवः ।।
   आ पूर्य॑माणम् अवहन्न् अ॒भि श्रवः ।।


Verse: 11 
Halfverse: a    मन्दि॑ष्ट॒ यदु॒शने॑ का॒व्ये सचाँ॒ इन्द्रो॑ व॒ङ्कू व॑ङ्कु॒तराधि॑ तिष्ठति ।
   मन्दि॑ष्ट॒ यदु॒शने॑ का॒व्ये सचाँ
   मन्दि॑ष्ट यत् उ॒शने का॒व्ये सचा
   मन्दि॑ष्ट यद् उ॒शने कावि॒ये सचाँ

Halfverse: b    इन्द्रो॑ व॒ङ्कू व॑ङ्कु॒तराधि॑ तिष्ठति ।
   इन्द्रः व॒ङ्कू व॑ङ्कु॒तरा अधि तिष्ठति ।
   इन्द्रो व॒ङ्कू व॑ङ्कु॒तराधि तिष्ठति ।

Halfverse: c    उ॒ग्रो य॒यिं निर॒पः स्रोत॑सासृज॒द्वि शुष्ण॑स्य दृंहि॒ता ऐ॑रय॒त्पुरः॑ ।।
   उ॒ग्रो य॒यिं निर॒पः स्रोत॑सासृजद्
   उ॒ग्रः य॒यिम् निः अ॒पः स्रोत॑सा असृजत्
   उ॒ग्रो य॒यिं निर् अ॒पः स्रोत॑सासृजद्

Halfverse: d    वि शुष्ण॑स्य दृंहि॒ता ऐ॑रय॒त्पुरः॑ ।।
   वि शुष्ण॑स्य दृंहि॒ताः ऐ॑रयत् पुरः ।।
   वि शुष्ण॑स्य दृंहि॒ता ऐ॑रयत् पुरः ।।


Verse: 12 
Halfverse: a    आ स्मा॒ रथं॑ वृष॒पाणे॑षु तिष्ठसि शार्या॒तस्य॒ प्रभृ॑ता॒ येषु॒ मन्द॑से ।
   आ स्मा॒ रथं॑ वृष॒पाणे॑षु तिष्ठसि
   आ स्म+ रथ॑म् वृष॒पाणे॑षु तिष्ठसि
   आ स्मा रथं वृष॒पाणे॑षु तिष्ठसि

Halfverse: b    शार्या॒तस्य॒ प्रभृ॑ता॒ येषु॒ मन्द॑से ।
   शा॑र्या॒तस्य प्रभृ॑ताः येषु मन्द॑से ।
   शा॑र्या॒तस्य प्रभृ॑ता येषु मन्द॑से ।

Halfverse: c    इन्द्र॒ यथा॑ सु॒तसो॑मेषु चा॒कनो॑ ऽन॒र्वाणं॒ श्लोक॒मा रो॑हसे दि॒वि ।।
   इन्द्र॒ यथा॑ सु॒तसो॑मेषु चा॒कनो
   इन्द्र यथा सु॒तसो॑मेषु चा॒कनः
   इन्द्र यथा सु॒तसो॑मेषु चा॒कनो

Halfverse: d    ऽन॒र्वाणं॒ श्लोक॒मा रो॑हसे दि॒वि ।।
   अ॑न॒र्वाण॑म् श्लोक॑म् आ रो॑हसे दि॒वि ।।
   अ॑न॒र्वाणं श्लोक॑म् आ रो॑हसे दि॒वि ।।


Verse: 13 
Halfverse: a    अद॑दा॒ अर्भा॑म्मह॒ते व॑च॒स्यवे॑ क॒क्षीव॑ते वृच॒यामि॑न्द्र सुन्व॒ते ।
   अद॑दा॒ अर्भा॑म्मह॒ते व॑च॒स्यवे
   अद॑दाः अर्भा॑म् मह॒ते व॑च॒स्यवे
   अद॑दा अर्भा॑म् मह॒ते व॑च॒स्यवे

Halfverse: b    क॒क्षीव॑ते वृच॒यामि॑न्द्र सुन्व॒ते ।
   क॒क्षीव॑ते वृच॒याम् इन्द्र सुन्व॒ते ।
   क॒क्षीव॑ते वृच॒याम् इन्द्र सुन्व॒ते ।

Halfverse: c    मेना॑भवो वृषण॒श्वस्य॑ सुक्रतो॒ विश्वेत्ता ते॒ सव॑नेषु प्र॒वाच्या॑ ।।
   मेना॑भवो वृषण॒श्वस्य॑ सुक्रतो
   मेना अभवः वृषण॒श्वस्य सुक्रतो
   मेना॑भवो वृषण॒श्वस्य सुक्रतो

Halfverse: d    विश्वेत्ता ते॒ सव॑नेषु प्र॒वाच्या॑ ।।
   विश्वा इत् ता ते सव॑नेषु प्र॒वाच्या ।।
   विश्वेत् ता ते सव॑नेषु प्र॒वाचि॑या ।।


Verse: 14 
Halfverse: a    इन्द्रो॑ अश्रायि सु॒ध्यो॑ निरे॒के प॒ज्रेषु॒ स्तोमो॒ दुर्यो॒ न यूपः॑ ।
   इन्द्रो॑ अश्रायि सु॒ध्यो॑ निरे॒के
   इन्द्रः अश्रायि सु॒ध्यः निरे॒के
   इन्द्रो अश्रायि सु॒धियो निरे॒के

Halfverse: b    प॒ज्रेषु॒ स्तोमो॒ दुर्यो॒ न यूपः॑ ।
   प॒ज्रेषु स्तोमः दुर्यः न यूपः ।
   प॒ज्रेषु स्तोमो दुरि॑यो न यूपः ।

Halfverse: c    अ॑श्व॒युर्ग॒व्यू र॑थ॒युर्व॑सू॒युरिन्द्र॒ इद्रा॒यः क्ष॑यति प्रय॒न्ता ।।
   अ॑श्व॒युर्ग॒व्यू र॑थ॒युर्व॑सू॒युर्
   अश्व॒युः ग॒व्युः र॑थ॒युः व॑सू॒युः
   अ॑श्व॒युर् ग॒व्यू र॑थ॒युर् वसू॒युर्

Halfverse: d    इन्द्र॒ इद्रा॒यः क्ष॑यति प्रय॒न्ता ।।
   इन्द्रः इत् रा॒यः क्ष॑यति प्रय॒न्ता ।।
   इन्द्र इद् रा॒यः क्ष॑यति प्रय॒न्ता ।।


Verse: 15 
Halfverse: a    इ॒दं नमो॑ वृष॒भाय॑ स्व॒राजे॑ स॒त्यशु॑ष्माय त॒वसे॑ ऽवाचि ।
   इ॒दं नमो॑ वृष॒भाय॑ स्व॒राजे
   इ॒दम् नमः वृष॒भाय स्व॒राजे
   इ॒दं नमो वृष॒भाय स्व॒राजे

Halfverse: b    स॒त्यशु॑ष्माय त॒वसे॑ ऽवाचि ।
   स॒त्यशु॑ष्माय त॒वसे अवाचि ।
   स॒त्यशु॑ष्माय त॒वसे अवाचि ।

Halfverse: c    अ॒स्मिन्नि॑न्द्र वृ॒जने॒ सर्व॑वीराः॒ स्मत्सू॒रिभि॒स्तव॒ शर्म॑न्स्याम ।।
   अ॒स्मिन्नि॑न्द्र वृ॒जने॒ सर्व॑वीराः
   अ॒स्मिन् इन्द्र वृ॒जने सर्व॑वीराः
   अ॒स्मिन्न् इन्द्र वृ॒जने सर्व॑वीराः

Halfverse: d    स्मत्सू॒रिभि॒स्तव॒ शर्म॑न्स्याम ।।
   स्मत् सू॒रिभिः तव शर्म॑न् स्याम ।।
   स्मत् सू॒रिभि॑स् तव शर्म॑न् सियाम ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.