TITUS
Rg-Veda: Rg-Veda-Samhita
Part No. 77
Previous part

Hymn: 77 
Verse: 1 
Halfverse: a    क॒था दा॑शेमा॒ग्नये॒ कास्मै॑ दे॒वजु॑ष्टोच्यते भा॒मिने॒ गीः ।
   क॒था दा॑शेमा॒ग्नये॒ कास्मै
   क॒था दा॑शेम अ॒ग्नये का अ॑स्मै
   क॒था दा॑शेम अ॒ग्नये का अ॑स्मै

Halfverse: b    दे॒वजु॑ष्टोच्यते भा॒मिने॒ गीः ।
   दे॒वजु॑ष्टा उच्यते भा॒मिने गीः ।
   दे॒वजु॑ष्टा उच्यते भा॒मिने गीः ।

Halfverse: c    यो मर्त्ये॑ष्व॒मृत॑ ऋ॒तावा॒ होता॒ यजि॑ष्ठ॒ इत्कृ॒णोति॑ दे॒वान् ।।
   यो मर्त्ये॑ष्व॒मृत॑ ऋ॒तावा
   यः मर्त्ये॑षु अ॒मृतः ऋ॒तावा
   यो मर्ति॑येषु अ॒मृत ऋ॒तावा

Halfverse: d    होता॒ यजि॑ष्ठ॒ इत्कृ॒णोति॑ दे॒वान् ।।
   होता यजि॑ष्ठः इत् कृ॒णोति दे॒वान् ।।
   होता यजि॑ष्ठ इत् कृ॒णोति दे॒वान् ।।


Verse: 2 
Halfverse: a    यो अ॑ध्व॒रेषु॒ शंत॑म ऋ॒तावा॒ होता॒ तमू॒ नमो॑भि॒रा कृ॑णुध्वम् ।
   यो अ॑ध्व॒रेषु॒ शंत॑म ऋ॒तावा
   यः अ॑ध्व॒रेषु शंत॑मः ऋ॒तावा
   यो अ॑ध्व॒रेषु शंत॑म ऋ॒तावा

Halfverse: b    होता॒ तमू॒ नमो॑भि॒रा कृ॑णुध्वम् ।
   होता तम् उ+ नमो॑भिः आ कृ॑णुध्वम् ।
   होता तम् ऊ नमो॑भिर् आ कृ॑णुध्वम् ।

Halfverse: c    अ॒ग्निर्यद्वेर्मर्ता॑य दे॒वान्स चा॒ बोधा॑ति॒ मन॑सा यजाति ।।
   अ॒ग्निर्यद्वेर्मर्ता॑य दे॒वान्
   अ॒ग्निः यत् वेः मर्ता॑य दे॒वान्
   अ॒ग्निर् यद् वेर् . मर्तिआ॑य* दे॒वान्

Halfverse: d    स चा॒ बोधा॑ति॒ मन॑सा यजाति ।।
   स च+ बोधा॑ति मन॑सा यजाति ।।
   स चा बोधा॑ति मन॑सा यजाति ।।


Verse: 3 
Halfverse: a    स हि क्रतुः॒ स मर्यः॒ स सा॒धुर्मि॒त्रो न भू॒दद्भु॑तस्य र॒थीः ।
   स हि क्रतुः॒ स मर्यः॒ स सा॒धुर्
   स हि क्रतुः स मर्यः स सा॒धुः
   स हि क्रतुः स मरि॑यः स सा॒धुर्

Halfverse: b    मि॒त्रो न भू॒दद्भु॑तस्य र॒थीः ।
   मि॒त्रः न भू॑त् अद्भु॑तस्य र॒थीः ।
   मि॒त्रो न भू॑द् . अद्भु॑तस्य र॒थीः ।

Halfverse: c    तम्मेधे॑षु प्रथ॒मं दे॑व॒यन्ती॒र्विश॒ उप॑ ब्रुवते द॒स्ममारीः॑ ।।
   तम्मेधे॑षु प्रथ॒मं दे॑व॒यन्ती॑र्
   तम् मेधे॑षु प्रथ॒मम् देव॒यन्तीः
   तम् मेधे॑षु प्रथ॒मं दे॑व॒यन्ती॑र्

Halfverse: d    विश॒ उप॑ ब्रुवते द॒स्ममारीः॑ ।।
   विशः उप ब्रुवते द॒स्मम् आरीः ।।
   विश उप ब्रुवते द॒स्मम् आरीः ।।


Verse: 4 
Halfverse: a    स नो॑ नृ॒णां नृत॑मो रि॒शादा॑ अ॒ग्निर्गिरो ऽव॑सा वेतु धी॒तिम् ।
   स नो॑ नृ॒णां नृत॑मो रि॒शादा
   स नः नृ॒णाम् नृत॑मः रि॒शादाः
   स नो नृ॒णाअं नृत॑मो रि॒शादा

Halfverse: b    अ॒ग्निर्गिरो ऽव॑सा वेतु धी॒तिम् ।
   अ॒ग्निः गिरः अव॑सा वेतु धी॒तिम् ।
   अ॒ग्निर् गिरो अव॑सा वेतु धी॒तिम् ।

Halfverse: c    तना॑ च॒ ये म॒घवा॑नः॒ शवि॑ष्ठा॒ वाज॑प्रसूता इ॒षय॑न्त॒ मन्म॑ ।।
   तना॑ च॒ ये म॒घवा॑नः॒ शवि॑ष्ठा
   तना च ये म॒घवा॑नः शवि॑ष्ठाः
   तना च ये म॒घवा॑नः शवि॑ष्ठा

Halfverse: d    वाज॑प्रसूता इ॒षय॑न्त॒ मन्म॑ ।।
   वाज॑प्रसूताः इ॒षय॑न्त मन्म ।।
   वाज॑प्रसूता इ॒षय॑न्त मन्म ।।


Verse: 5 
Halfverse: a    ए॒वाग्निर्गोत॑मेभिरृ॒तावा॒ विप्रे॑भिरस्तोष्ट जा॒तवे॑दाः ।
   ए॒वाग्निर्गोत॑मेभिरृ॒तावा
   ए॒व अ॒ग्निः गोत॑मेभिः ऋ॒तावा
   ए॒व अ॒ग्निर् गोत॑मेभिर् ऋ॒तावा

Halfverse: b    विप्रे॑भिरस्तोष्ट जा॒तवे॑दाः ।
   विप्रे॑भिः अस्तोष्ट जा॒तवे॑दाः ।
   विप्रे॑भिर् . अस्तोष्ट जा॒तवे॑दाः ।

Halfverse: c    स ए॑षु द्यु॒म्नम्पी॑पय॒त्स वाजं॒ स पु॒ष्टिं या॑ति॒ जोष॒मा चि॑कि॒त्वान् ।।
   स ए॑षु द्यु॒म्नम्पी॑पय॒त्स वाजं
   सः ।!। ए॑षु द्यु॒म्नम् पीपयत् स वाज॑म्
   स ए॑षु द्यु॒म्नम् पीपयत् स वाजं

Halfverse: d    स पु॒ष्टिं या॑ति॒ जोष॒मा चि॑कि॒त्वान् ।।
   स पु॒ष्टिम् याति जोष॑म् आ चि॑कि॒त्वान् ।।
   स पु॒ष्टिं या॑ति जोष॑म् आ चि॑कि॒त्वान् ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.