TITUS
Rg-Veda: Rg-Veda-Samhita
Part No. 76
Previous part

Hymn: 76 
Verse: 1 
Halfverse: a    का त॒ उपे॑ति॒र्मन॑सो॒ वरा॑य॒ भुव॑दग्ने॒ शंत॑मा॒ का म॑नी॒षा ।
   का त॒ उपे॑ति॒र्मन॑सो॒ वरा॑य
   का ते उपे॑तिः मन॑सः वरा॑य
   का त उपे॑तिर् मन॑सो वरा॑य

Halfverse: b    भुव॑दग्ने॒ शंत॑मा॒ का म॑नी॒षा ।
   भुव॑त् अग्ने शंत॑मा का म॑नी॒षा ।
   भुव॑द् अग्ने शंत॑मा का म॑नी॒षा ।

Halfverse: c    को वा॑ य॒ज्ञैः परि॒ दक्षं॑ त आप॒ केन॑ वा ते॒ मन॑सा दाशेम ।।
   को वा॑ य॒ज्ञैः परि॒ दक्षं॑ त आप
   कः वा य॒ज्ञैः परि दक्ष॑म् ते आप
   को वा य॒ज्ञैः परि दक्षं त आप

Halfverse: d    केन॑ वा ते॒ मन॑सा दाशेम ।।
   केन वा ते मन॑सा दाशेम ।।
   केन वा ते मन॑सा दाअशेम ।।


Verse: 2 
Halfverse: a    एह्य॑ग्न इ॒ह होता॒ नि षी॒दाद॑ब्धः॒ सु पु॑रए॒ता भ॑वा नः ।
   एह्य॑ग्न इ॒ह होता॒ नि षी॑द
   आ इ॑हि अग्ने इ॒ह होता नि सी॑द
   एहि अग्न इ॒ह होता नि षी॑द

Halfverse: b     अद॑ब्धः॒ सु पु॑रए॒ता भ॑वा नः ।
   अद॑ब्धः सु पु॑रए॒ता भ॑व+ नः ।
   अद॑ब्धः सु पु॑रए॒ता भ॑वा नः ।

Halfverse: c    अव॑तां त्वा॒ रोद॑सी विश्वमि॒न्वे यजा॑ म॒हे सौ॑मन॒साय॑ दे॒वान् ।।
   अव॑तां त्वा॒ रोद॑सी विश्वमि॒न्वे
   अव॑ताम् त्वा रोद॑सी विश्वमि॒न्वे
   अव॑तां त्वा रोद॑सी विश्वमि॒न्वे

Halfverse: d    यजा॑ म॒हे सौ॑मन॒साय॑ दे॒वान् ।।
   यज+ म॒हे सौ॑मन॒साय दे॒वान् ।।
   यजा म॒हे सौ॑मन॒साय दे॒वान् ।।


Verse: 3 
Halfverse: a    प्र सु विश्वा॑न्र॒क्षसो॒ धक्ष्य॑ग्ने॒ भवा॑ य॒ज्ञाना॑मभिशस्ति॒पावा॑ ।
   प्र सु विश्वा॑न्र॒क्षसो॒ धक्ष्य॑ग्ने
   प्र सु विश्वा॑न् र॒क्षसः धक्षि अग्ने
   प्र सु विश्वा॑न् र॒क्षसो धक्षि अग्ने

Halfverse: b    भवा॑ य॒ज्ञाना॑मभिशस्ति॒पावा॑ ।
   भव+ य॒ज्ञाना॑म् अभिशस्ति॒पावा ।
   भवा य॒ज्ञाना॑म् अभिशस्ति॒पावा ।

Halfverse: c    अथा व॑ह॒ सोम॑पतिं॒ हरि॑भ्यामाति॒थ्यम॑स्मै चकृमा सु॒दाव्ने॑ ।।
   अथा व॑ह॒ सोम॑पतिं॒ हरि॑भ्याम्
   अथ आ व॑ह सोम॑पतिम् हरि॑भ्याम्
   अथा व॑ह सोम॑पतिं हरि॑भ्याम्

Halfverse: d    आति॒थ्यम॑स्मै चकृमा सु॒दाव्ने॑ ।।
   आ॑ति॒थ्यम् अस्मै चकृम+ सु॒दाव्ने ।।
   आ॑ति॒थ्यम् अस्मै चकृमा सु॒दाव्ने ।।


Verse: 4 
Halfverse: a    प्र॒जाव॑ता॒ वच॑सा॒ वह्नि॑रा॒सा च॑ हु॒वे नि च॑ सत्सी॒ह दे॒वैः ।
   प्र॒जाव॑ता॒ वच॑सा॒ वह्नि॑रा॒सा
   प्र॒जाव॑ता वच॑सा वह्निः आ॒सा
   प्र॒जाव॑ता वच॑सा वह्नि॑र् आ॒सा

Halfverse: b     आ च॑ हु॒वे नि च॑ सत्सी॒ह दे॒वैः ।
   आ च हु॒वे नि च सत्सि इ॒ह दे॒वैः ।
   आ च हु॒वे नि च सत्सी॒ह दे॒वैः ।

Halfverse: c    वेषि॑ हो॒त्रमु॒त पो॒त्रं य॑जत्र बो॒धि प्र॑यन्तर्जनित॒र्वसू॑नाम् ।।
   वेषि॑ हो॒त्रमु॒त पो॒त्रं य॑जत्र
   वेषि हो॒त्रम् उ॒त पो॒त्रम् यजत्र
   वेषि हो॒त्रम् उ॒त पो॒त्रं य॑जत्र

Halfverse: d    बो॒धि प्र॑यन्तर्जनित॒र्वसू॑नाम् ।।
   बो॒धि प्र॑यन्तर् जनितर् वसू॑नाम् ।।
   बो॒धि प्र॑यन्तर् जनितर् वसू॑नाम् ।।


Verse: 5 
Halfverse: a    यथा॒ विप्र॑स्य॒ मनु॑षो ह॒विर्भि॑र्दे॒वाँ अय॑जः क॒विभिः॑ क॒विः सन् ।
   यथा॒ विप्र॑स्य॒ मनु॑षो ह॒विर्भि॑र्
   यथा विप्र॑स्य मनु॑षः ह॒विर्भिः
   यथा विप्र॑स्य मनु॑षो ह॒विर्भि॑र्

Halfverse: b    दे॒वाँ अय॑जः क॒विभिः॑ क॒विः सन् ।
   दे॒वान् अय॑जः क॒विभिः क॒विः सन् ।
   दे॒वाँ अय॑जः क॒विभिः क॒विः सन् ।

Halfverse: c    ए॒वा हो॑तः सत्यतर॒ त्वम॒द्याग्ने॑ म॒न्द्रया॑ जु॒ह्वा॑ यजस्व ।।
   ए॒वा हो॑तः सत्यतर॒ त्वम॒द्य
   ए॒व+ हो॑तर् सत्यतर त्वम् अ॒द्य
   ए॒वा हो॑तः सत्यतर त्वम् अ॒द्य

Halfverse: d     अग्ने॑ म॒न्द्रया॑ जु॒ह्वा॑ यजस्व ।।
   अग्ने म॒न्द्रया जु॒ह्वा यजस्व ।।
   अग्ने म॒न्द्रया जु॒हुवा यजस्व ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.