TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 75

Hymn: 75
Verse: 1
Halfverse: a    जु॒षस्व॑ स॒प्रथ॑स्तमं॒ वचो॑ दे॒वप्स॑रस्तमम् ।
   जु॒षस्व॑ स॒प्रथ॑स्तमं
   जु॒षस्व स॒प्रथ॑स्तमम्
   जु॒षस्व स॒प्रथ॑स्तमं

Halfverse: b    वचो॑ दे॒वप्स॑रस्तमम् ।
   वचः दे॒वप्स॑रस्तमम् ।
   वचो दे॒वप्स॑रस्तमम् ।

Halfverse: c    ह॒व्या जुह्वा॑न आ॒सनि॑ ।।
   ह॒व्या जुह्वा॑न आ॒सनि॑ ।।
   ह॒व्या जुह्वा॑नः आ॒सनि ।।
   ह॒व्या जुह्वा॑न आ॒सनि ।।

Verse: 2
Halfverse: a    अथा॑ ते अङ्गिरस्त॒माग्ने॑ वेधस्तम प्रि॒यम् ।
   अथा॑ ते अङ्गिरस्तम
   अथ+ ते अङ्गिरस्तम
   अथा ते अङ्गिरस्तम

Halfverse: b     अग्ने॑ वेधस्तम प्रि॒यम् ।
   अग्ने वेधस्तम प्रि॒यम् ।
   अग्ने वेधस्तम प्रि॒यम् ।

Halfverse: c    वो॒चेम॒ ब्रह्म॑ सान॒सि ।।
   वो॒चेम॒ ब्रह्म॑ सान॒सि ।।
   वो॒चेम ब्रह्म सान॒सि ।।
   वो॒चेम ब्रह्म सान॒सि ।।

Verse: 3
Halfverse: a    कस्ते॑ जा॒मिर्जना॑ना॒मग्ने॒ को दा॒श्व॑ध्वरः ।
   कस्ते॑ जा॒मिर्जना॑नाम्
   कः ते जा॒मिः जना॑नाम्
   कस् ते जा॒मिर् जना॑नाअम्

Halfverse: b    अग्ने॒ को दा॒श्व॑ध्वरः ।
   अग्ने कः दा॒श्व॑ध्वरः ।
   अग्ने को दाशुअध्वरः ।

Halfverse: c    को ह॒ कस्मि॑न्नसि श्रि॒तः ।।
   को ह॒ कस्मि॑न्नसि श्रि॒तः ।।
   कः ह कस्मि॑न् असि श्रि॒तः ।।
   को ह कस्मि॑न्न् असि श्रि॒तः ।।

Verse: 4
Halfverse: a    त्वं जा॒मिर्जना॑ना॒मग्ने॑ मि॒त्रो अ॑सि प्रि॒यः ।
   त्वं जा॒मिर्जना॑नाम्
   त्वम् जा॒मिः जना॑नाम्
   तु॒वं जा॒मिर् जना॑नाअम्

Halfverse: b    अग्ने॑ मि॒त्रो अ॑सि प्रि॒यः ।
   अग्ने मि॒त्रः अ॑सि प्रि॒यः ।
   अग्ने मि॒त्रो अ॑सि प्रि॒यः ।

Halfverse: c    सखा॒ सखि॑भ्य॒ ईड्यः॑ ।।
   सखा॒ सखि॑भ्य॒ ईड्यः॑ ।।
   सखा सखि॑भ्यः ईड्यः ।।
   सखा सखि॑भ्य ईडि॑यः ।।

Verse: 5
Halfverse: a    यजा॑ नो मि॒त्रावरु॑णा॒ यजा॑ दे॒वाँ ऋ॒तम्बृ॒हत् ।
   यजा॑ नो मि॒त्रावरु॑णा
   यज+ नः मि॒त्रावरु॑णा
   यजा नो मि॒त्रावरु॑णा

Halfverse: b    यजा॑ दे॒वाँ ऋ॒तम्बृ॒हत् ।
   यज+ दे॒वान् ऋ॒तम् बृ॒हत् ।
   यजा दे॒वाँ ऋ॒तम् बृ॒हत् ।

Halfverse: c    अग्ने॒ यक्षि॒ स्वं दम॑म् ।।
   अग्ने॒ यक्षि॒ स्वं दम॑म् ।!। ।।
   अग्ने यक्षि स्वम् दम॑म् ।।
   अग्ने यक्षि सु॒वं दम॑म् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.