TITUS
Rg-Veda: Rg-Veda-Samhita
Part No. 79
Previous part

Hymn: 79 
Verse: 1 
Halfverse: a    हिर॑ण्यकेशो॒ रज॑सो विसा॒रे ऽहि॒र्धुनि॒र्वात॑ इव॒ ध्रजी॑मान् ।
   हिर॑ण्यकेशो॒ रज॑सो विसा॒रे
   हिर॑ण्यकेशः रज॑सः विसा॒रे
   हिर॑ण्यकेशो रज॑सो विसा॒रे

Halfverse: b    ऽहि॒र्धुनि॒र्वात॑ इव॒ ध्रजी॑मान् ।
   अहिः धुनिः वातः इव ध्रजी॑मान् ।
   अहि॑र् धुनि॑र् वात इव ध्रजी॑मान् ।

Halfverse: c    शुचि॑भ्राजा उ॒षसो॒ नवे॑दा॒ यश॑स्वतीरप॒स्युवो॒ न स॒त्याः ।।
   शुचि॑भ्राजा उ॒षसो॒ नवे॑दा
   शुचि॑भ्राजाः उ॒षसः नवे॑दाः
   शुचि॑भ्राजा . उ॒षसो नवे॑दा

Halfverse: d    यश॑स्वतीरप॒स्युवो॒ न स॒त्याः ।।
   यश॑स्वतीः अप॒स्युवः न स॒त्याः ।।
   यश॑स्वतीर् अप॒स्युवो न स॒त्याः ।।


Verse: 2 
Halfverse: a    आ ते॑ सुप॒र्णा अ॑मिनन्तँ॒ एवैः॑ कृ॒ष्णो नो॑नाव वृष॒भो यदी॒दम् ।
   आ ते॑ सुप॒र्णा अ॑मिनन्तँ॒ एवैः
   आ ते सुप॒र्णाः अ॑मिनन्त एवैः
   आ ते सुप॒र्णा अ॑मिनन्तँ एवैः

Halfverse: b    कृ॒ष्णो नो॑नाव वृष॒भो यदी॒दम् ।
   कृ॒ष्णः नो॑नाव वृष॒भः यदि इ॒दम् ।
   कृ॒ष्णो नो॑नाव वृष॒भो यदी॒दम् ।

Halfverse: c    शि॒वाभि॒र्न स्मय॑मानाभि॒रागा॒त्पत॑न्ति॒ मिह॑ स्त॒नय॑न्त्य॒भ्रा ।।
   शि॒वाभि॒र्न स्मय॑मानाभि॒रागा॑त्
   शि॒वाभिः न स्मय॑मानाभिः आ अ॑गात्
   शि॒वाभि॑र् न स्मय॑मानाभिर् आगा॑त्

Halfverse: d    पत॑न्ति॒ मिह॑ स्त॒नय॑न्त्य॒भ्रा ।।
   पत॑न्ति मिहः स्त॒नय॑न्ति अ॒भ्रा ।।
   पत॑न्ति मिह स्त॒नय॑न्ति अ॒भ्रा ।।


Verse: 3 
Halfverse: a    यदी॑मृ॒तस्य॒ पय॑सा॒ पिया॑नो॒ नय॑न्नृ॒तस्य॑ प॒थिभी॒ रजि॑ष्ठैः ।
   यदी॑मृ॒तस्य॒ पय॑सा॒ पिया॑नो
   यत् ईम् ऋ॒तस्य पय॑सा पिया॑नः
   यद् ईम् ऋ॒तस्य पय॑सा पिया॑नो

Halfverse: b    नय॑न्नृ॒तस्य॑ प॒थिभी॒ रजि॑ष्ठैः ।
   नय॑न् ऋ॒तस्य प॒थिभिः रजि॑ष्ठैः ।
   नय॑न्न् ऋ॒तस्य प॒थिभी रजि॑ष्ठैः ।

Halfverse: c    अ॑र्य॒मा मि॒त्रो वरु॑णः॒ परि॑ज्मा॒ त्वच॑म्पृञ्च॒न्त्युप॑रस्य॒ योनौ॑ ।।
   अ॑र्य॒मा मि॒त्रो वरु॑णः ।!। परि॑ज्मा
   अर्य॒मा मि॒त्रः वरु॑णः ।!। परि॑ज्मा
   अर्य॒मा मि॒त्रो वरु॑णः परि॑ज्मा

Halfverse: d    त्वच॑म्पृञ्च॒न्त्युप॑रस्य॒ योनौ॑ ।।
   त्वच॑म् पृञ्चन्ति उप॑रस्य योनौ ।।
   त्वच॑म् पृञ्चन्ति उप॑रस्य योनौ ।।


Verse: 4 
Halfverse: a    अग्ने॒ वाज॑स्य॒ गोम॑त॒ ईशा॑नः सहसो यहो ।
   अग्ने॒ वाज॑स्य॒ गोम॑त
   अग्ने वाज॑स्य गोम॑तः
   अग्ने वाज॑स्य गोम॑त

Halfverse: b    ईशा॑नः सहसो यहो ।
   ईशा॑नः सहसः यहो ।
   ईशा॑नः सहसो यहो ।

Halfverse: c    अ॒स्मे धे॑हि जातवेदो॒ महि॒ श्रवः॑ ।।
   अ॒स्मे धे॑हि जातवेदो॒ महि॒ श्रवः॑ ।।
   अ॒स्मे धे॑हि जातवेदः महि श्रवः ।।
   अ॒स्मे धे॑हि जातवेदो महि श्रवः ।।


Verse: 5 
Halfverse: a    स इ॑धा॒नो वसु॑ष्क॒विर॒ग्निरी॒ळेन्यो॑ गि॒रा ।
   स इ॑धा॒नो ।!। वसु॑ष्क॒विर्
   सः ।!। इ॑धा॒नः वसुः क॒विः
   स इ॑धा॒नो वसु॑ष् क॒विर्

Halfverse: b    अ॒ग्निरी॒ळेन्यो॑ गि॒रा ।
   अ॒ग्निः ई॒ळेन्यः गि॒रा ।
   अ॒ग्निर् ई॒ळेनि॑यो गि॒रा ।

Halfverse: c    रे॒वद॒स्मभ्य॑म्पुर्वणीक दीदिहि ।।
   रे॒वद॒स्मभ्य॑म्पुर्वणीक दीदिहि ।।
   रे॒वत् अ॒स्मभ्य॑म् पुर्वणीक दीदिहि ।।
   रे॒वद् अ॒स्मभ्य* पुर्वणीक दीदिहि ।।


Verse: 6 
Halfverse: a    क्ष॒पो रा॑जन्नु॒त त्मनाग्ने॒ वस्तो॑रु॒तोषसः॑ ।
   क्ष॒पो रा॑जन्नु॒त त्मना
   क्ष॒पः रा॑जन् उ॒त त्मना
   क्ष॒पो रा॑जन्न् उ॒त त्मना

Halfverse: b     अग्ने॒ वस्तो॑रु॒तोषसः॑ ।
   अग्ने वस्तोः उ॒त उ॒षसः ।
   अग्ने वस्तो॑र् उ॒तोषसः ।

Halfverse: c    स ति॑ग्मजम्भ र॒क्षसो॑ दह॒ प्रति॑ ।।
   स ति॑ग्मजम्भ र॒क्षसो॑ दह॒ प्रति॑ ।।
   स ति॑ग्मजम्भ र॒क्षसः दह प्रति ।।
   स ति॑ग्मजम्भ र॒क्षसो दह प्रति ।।


Verse: 7 
Halfverse: a    अवा॑ नो अग्न ऊ॒तिभि॑र्गाय॒त्रस्य॒ प्रभ॑र्मणि ।
   अवा॑ नो अग्न ऊ॒तिभि॑र्
   अव+ नः अग्ने ऊ॒तिभिः
   अवा नो अग्न ऊ॒तिभि॑र्

Halfverse: b    गाय॒त्रस्य॒ प्रभ॑र्मणि ।
   गा॑य॒त्रस्य प्रभ॑र्मणि ।
   गा॑य॒त्रस्य प्रभ॑र्मणि ।

Halfverse: c    विश्वा॑सु धी॒षु व॑न्द्य ।।
   विश्वा॑सु धी॒षु व॑न्द्य ।।
   विश्वा॑सु धी॒षु व॑न्द्य ।।
   विश्वा॑सु धी॒षु व॑न्दिय ।।


Verse: 8 
Halfverse: a    आ नो॑ अग्ने र॒यिम्भ॑र सत्रा॒साहं॒ वरे॑ण्यम् ।
   आ नो॑ अग्ने र॒यिम्भ॑र
   आ नः अग्ने र॒यिम् भर
   आ नो अग्ने र॒यिम् भर

Halfverse: b    सत्रा॒साहं॒ वरे॑ण्यम् ।
   स॑त्रा॒साह॑म् वरे॑ण्यम् ।
   स॑त्रा॒साहं वरे॑णियम् ।

Halfverse: c    विश्वा॑सु पृ॒त्सु दु॒ष्टर॑म् ।।
   विश्वा॑सु पृ॒त्सु दु॒ष्टर॑म् ।।
   विश्वा॑सु पृ॒त्सु दु॒ष्टर॑म् ।।
   विश्वा॑सु पृ॒त्सु दु॒ष्टर॑म् ।।


Verse: 9 
Halfverse: a    आ नो॑ अग्ने सुचे॒तुना॑ र॒यिं वि॒श्वायु॑पोषसम् ।
   आ नो॑ अग्ने सुचे॒तुना
   आ नः अग्ने सुचे॒तुना
   आ नो अग्ने सुचे॒तुना

Halfverse: b    र॒यिं वि॒श्वायु॑पोषसम् ।
   र॒यिम् वि॒श्वायु॑पोषसम् ।
   र॒यिं वि॒श्वायु॑पोषसम् ।

Halfverse: c    मा॑र्डी॒कं धे॑हि जी॒वसे॑ ।।
   मा॑र्डी॒कं धे॑हि जी॒वसे॑ ।।
   मा॑र्डी॒कम् धेहि जी॒वसे ।।
   मा॑र्डी॒कं धे॑हि जी॒वसे ।।


Verse: 10 
Halfverse: a    प्र पू॒तास्ति॒ग्मशो॑चिषे॒ वाचो॑ गोतमा॒ग्नये॑ ।
   प्र पू॒तास्ति॒ग्मशो॑चिषे
   प्र पू॒ताः ति॒ग्मशो॑चिषे
   प्र पू॒तास् ति॒ग्मशो॑चिषे

Halfverse: b    वाचो॑ गोतमा॒ग्नये॑ ।
   वाचः गोतम अ॒ग्नये ।
   वाचो गोतमि अ॒ग्नये ।

Halfverse: c    भर॑स्व सुम्न॒युर्गिरः॑ ।।
   भर॑स्व सुम्न॒युर्गिरः॑ ।।
   भर॑स्व सुम्न॒युः गिरः ।।
   भर॑स्व सुम्न॒युर् गिरः ।।


Verse: 11 
Halfverse: a    यो नो॑ अग्ने ऽभि॒दास॒त्यन्ति॑ दू॒रे प॑दी॒ष्ट सः ।
   यो नो॑ अग्ने ऽभि॒दास॑त्य्
   यः नः अग्ने अभि॒दास॑ति
   यो नो अग्ने ऽभि॒दास॑ति

Halfverse: b    अन्ति॑ दू॒रे प॑दी॒ष्ट सः ।
   अन्ति दू॒रे प॑दी॒ष्ट सः ।
   अन्ति दू॒रे प॑दी॒ष्ट सः ।

Halfverse: c    अ॒स्माक॒मिद्वृ॒धे भ॑व ।।
   अ॒स्माक॒मिद्वृ॒धे भ॑व ।।
   अ॒स्माक॑म् इत् वृ॒धे भ॑व ।।
   अ॒स्माक॑म् इद् वृ॒धे भ॑व ।।


Verse: 12 
Halfverse: a    स॑हस्रा॒क्षो विच॑र्षणिर॒ग्नी रक्षां॑सि सेधति ।
   स॑हस्रा॒क्षो विच॑र्षणिर्
   सहस्रा॒क्षः विच॑र्षणिः
   सहस्रा॒क्षो विच॑र्षणिर्

Halfverse: b    अ॒ग्नी रक्षां॑सि सेधति ।
   अ॒ग्निः रक्षां॑सि सेधति ।
   अ॒ग्नी रक्षां॑सि सेधति ।

Halfverse: c    होता॑ गृणीत उ॒क्थ्यः॑ ।।
   होता॑ गृणीत उ॒क्थ्यः॑ ।।
   होता गृणीते उ॒क्थ्यः ।।
   होता गृणीत उ॒क्थियः ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.