TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 86

Hymn: 86
Verse: 1
Halfverse: a    मरु॑तो॒ यस्य॒ हि क्षये॑ पा॒था दि॒वो वि॑महसः ।
   मरु॑तो॒ यस्य॒ हि क्षये
   मरु॑तः यस्य हि क्षये
   मरु॑तो यस्य हि क्षये

Halfverse: b    पा॒था दि॒वो वि॑महसः ।
   पा॒थ+ दि॒वः वि॑महसः ।
   पा॒था दि॒वो वि॑महसः ।

Halfverse: c    स सु॑गो॒पात॑मो॒ जनः॑ ।।
   स सु॑गो॒पात॑मो॒ जनः॑ ।।
   स सु॑गो॒पात॑मः जनः ।।
   स सु॑गो॒पात॑मो जनः ।।

Verse: 2
Halfverse: a    य॒ज्ञैर्वा॑ यज्ञवाहसो॒ विप्र॑स्य वा मती॒नाम् ।
   य॒ज्ञैर्वा॑ यज्ञवाहसो
   य॒ज्ञैः वा यज्ञवाहसः
   य॒ज्ञैर् वा यज्ञवाहसो

Halfverse: b    विप्र॑स्य वा मती॒नाम् ।
   विप्र॑स्य वा मती॒नाम् ।
   विप्र॑स्य वा मती॒नाअम् ।

Halfverse: c    मरु॑तः शृणु॒ता हव॑म् ।।
   मरु॑तः शृणु॒ता हव॑म् ।।
   मरु॑तः शृणु॒त+ हव॑म् ।।
   मरु॑तः शृणु॒ता हव॑म् ।।

Verse: 3
Halfverse: a    उ॒त वा॒ यस्य॑ वा॒जिनो ऽनु॒ विप्र॒मत॑क्षत ।
   उ॒त वा॒ यस्य॑ वा॒जिनो
   उ॒त वा यस्य वा॒जिनः
   उ॒त वा यस्य वा॒जिनो

Halfverse: b    ऽनु॒ विप्र॒मत॑क्षत ।
   अनु विप्र॑म् अत॑क्षत ।
   अनु विप्र॑म् अत॑क्षत ।

Halfverse: c    स गन्ता॒ गोम॑ति व्र॒जे ।।
   स गन्ता॒ गोम॑ति व्र॒जे ।।
   स गन्ता गोम॑ति व्र॒जे ।।
   स गन्ता गोम॑ति व्र॒जे ।।

Verse: 4
Halfverse: a    अ॒स्य वी॒रस्य॑ ब॒र्हिषि॑ सु॒तः सोमो॒ दिवि॑ष्टिषु ।
   अ॒स्य वी॒रस्य॑ ब॒र्हिषि
   अ॒स्य वी॒रस्य ब॒र्हिषि
   अ॒स्य वी॒रस्य ब॒र्हिषि

Halfverse: b    सु॒तः सोमो॒ दिवि॑ष्टिषु ।
   सु॒तः सोमः दिवि॑ष्टिषु ।
   सु॒तः सोमो दिवि॑ष्टिषु ।

Halfverse: c    उ॒क्थम्मद॑श्च शस्यते ।।
   उ॒क्थम्मद॑श्च शस्यते ।।
   उ॒क्थम् मदः च शस्यते ।।
   उ॒क्थम् मद॑श् च शस्यते ।।

Verse: 5
Halfverse: a    अ॒स्य श्रो॑ष॒न्त्वा भुवो॒ विश्वा॒ यश्च॑र्ष॒णीर॒भि ।
   अ॒स्य श्रो॑ष॒न्त्वा भुवो
   अ॒स्य श्रो॑षन्तु आ भुवः
   अ॒स्य श्रो॑षन्तु आ भुवो

Halfverse: b    विश्वा॒ यश्च॑र्ष॒णीर॒भि ।
   विश्वाः यः च॑र्ष॒णीः अ॒भि ।
   विश्वा यश् चर्ष॒णीर् अ॒भि ।

Halfverse: c    सूरं॑ चित्स॒स्रुषी॒रिषः॑ ।।
   सूरं॑ चित्स॒स्रुषी॒रिषः॑ ।।
   सूर॑म् चित् स॒स्रुषीः इषः ।।
   सूरं चित् स॒स्रुषी॑र् इषः ।।

Verse: 6
Halfverse: a    पू॒र्वीभि॒र्हि द॑दाशि॒म श॒रद्भि॑र्मरुतो व॒यम् ।
   पू॒र्वीभि॒र्हि द॑दाशि॒म
   पू॒र्वीभिः हि द॑दाशि॒म
   पू॒र्वीभि॑र् हि द॑दाशि॒म

Halfverse: b    श॒रद्भि॑र्मरुतो व॒यम् ।
   श॒रद्भिः मरुतः व॒यम् ।
   श॒रद्भि॑र् मरुतो व॒यम् ।

Halfverse: c    अवो॑भिश्चर्षणी॒नाम् ।।
   अवो॑भिश्चर्षणी॒नाम् ।।
   अवो॑भिः चर्षणी॒नाम् ।।
   अवो॑भिश् चर्षणी॒नाअम् ।।

Verse: 7
Halfverse: a    सु॒भगः॒ स प्र॑यज्यवो॒ मरु॑तो अस्तु॒ मर्त्यः॑ ।
   सु॒भगः॒ स प्र॑यज्यवो
   सु॒भगः स प्र॑यज्यवः
   सु॒भगः स प्र॑यज्यवो

Halfverse: b    मरु॑तो अस्तु॒ मर्त्यः॑ ।
   मरु॑तः अस्तु मर्त्यः ।
   मरु॑तो अस्तु मर्ति॑यः ।

Halfverse: c    यस्य॒ प्रयां॑सि॒ पर्ष॑थ ।।
   यस्य॒ प्रयां॑सि॒ पर्ष॑थ ।।
   यस्य प्रयां॑सि पर्ष॑थ ।।
   यस्य प्रयां॑सि पर्ष॑थ ।।

Verse: 8
Halfverse: a    श॑शमा॒नस्य॑ वा नरः॒ स्वेद॑स्य सत्यशवसः ।
   श॑शमा॒नस्य॑ वा नरः
   शशमा॒नस्य वा नरः
   शशमा॒नस्य वा नरः

Halfverse: b    स्वेद॑स्य सत्यशवसः ।
   स्वेद॑स्य सत्यशवसः ।
   स्वेद॑स्य सत्यशवसः ।

Halfverse: c    वि॒दा काम॑स्य॒ वेन॑तः ।।
   वि॒दा काम॑स्य॒ वेन॑तः ।।
   वि॒द+ काम॑स्य वेन॑तः ।।
   वि॒दा काम॑स्य वेन॑तः ।।

Verse: 9
Halfverse: a    यू॒यं तत्स॑त्यशवस आ॒विष्क॑र्त महित्व॒ना ।
   यू॒यं तत्स॑त्यशवस
   यू॒यम् तत् सत्यशवसः
   यू॒यं तत् सत्यशवस

Halfverse: b    आ॒विष्क॑र्त महित्व॒ना ।
   आ॒विः क॑र्त महित्व॒ना ।
   आ॒विष् कर्त महित्व॒ना ।

Halfverse: c    विध्य॑ता वि॒द्युता॒ रक्षः॑ ।।
   विध्य॑ता वि॒द्युता॒ रक्षः॑ ।।
   विध्य॑त+ वि॒द्युता रक्षः ।।
   विध्य॑ता वि॒द्युता रक्षः ।।

Verse: 10
Halfverse: a    गूह॑ता॒ गुह्यं॒ तमो॒ वि या॑त॒ विश्व॑म॒त्रिण॑म् ।
   गूह॑ता॒ गुह्यं॒ तमो
   गूह॑त+ गुह्य॑म् तमः
   गूह॑ता गुहि॑यं तमो

Halfverse: b    वि या॑त॒ विश्व॑म॒त्रिण॑म् ।
   वि या॑त विश्व॑म् अ॒त्रिण॑म् ।
   वि या॑त विश्व॑म् अ॒त्रिण॑म् ।

Halfverse: c    ज्योति॑ष्कर्ता॒ यदु॒श्मसि॑ ।।
   ज्योति॑ष्कर्ता॒ यदु॒श्मसि॑ ।।
   ज्योतिः कर्त+ यत् उ॒श्मसि ।।
   ज्योति॑ष् कर्ता यद् उ॒श्मसि ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.