TITUS
Rg-Veda: Rg-Veda-Samhita
Part No. 250
Previous part

Hymn: 16_(250) 
Verse: 1 
Halfverse: a    अ॒यम॒ग्निः सु॒वीर्य॒स्येशे॑ म॒हः सौभ॑गस्य ।
   अ॒यम॒ग्निः सु॒वीर्य॑स्य
   अ॒यम् अ॒ग्निः सु॒वीर्य॑स्य
   अ॒यम् अ॒ग्निः सु॒वीर्य॑स्य

Halfverse: b     ईशे॑ म॒हः सौभ॑गस्य ।
   ईशे म॒हः सौभ॑गस्य ।
   ईशे म॒हः सौभ॑गस्य ।

Halfverse: c    रा॒य ई॑शे स्वप॒त्यस्य॒ गोम॑त॒ ईशे॑ वृत्र॒हथा॑नाम् ।।
   रा॒य ई॑शे स्वप॒त्यस्य॒ गोम॑त
   रा॒यः ई॑शे स्वप॒त्यस्य गोम॑तः
   रा॒य ई॑शे सुअप॒त्यस्य गोम॑त

Halfverse: d    ईशे॑ वृत्र॒हथा॑नाम् ।।
   ईशे वृत्र॒हथा॑नाम् ।।
   ईशे वृत्र॒हथा॑नाअम् ।।


Verse: 2 
Halfverse: a    इ॒मं न॑रो मरुतः सश्चता॒ वृधं॒ यस्मि॒न्रायः॒ शेवृ॑धासः ।
   इ॒मं न॑रो मरुतः सश्चता॒ वृधं
   इ॒मम् नरः मरुतः सश्चत+ वृध॑म्
   इ॒मं न॑रो मरुतः सश्चता वृधं

Halfverse: b    यस्मि॒न्रायः॒ शेवृ॑धासः ।
   यस्मि॑न् रायः शेवृ॑धासः ।
   यस्मि॑न् रायः शेवृ॑धासः ।

Halfverse: c    अ॒भि ये सन्ति॒ पृत॑नासु दू॒ढ्यो॑ वि॒श्वाहा॒ शत्रु॑माद॒भुः ।।
   अ॒भि ये सन्ति॒ पृत॑नासु दू॒ढ्यो
   अ॒भि ये सन्ति पृत॑नासु दू॒ढ्यः
   अ॒भि ये सन्ति पृत॑नासु दू॒ढियो

Halfverse: d    वि॒श्वाहा॒ शत्रु॑माद॒भुः ।।
   वि॒श्वाहा शत्रु॑म् आद॒भुः ।।
   वि॒श्वाहा शत्रु॑म् आद॒भुः ।।


Verse: 3 
Halfverse: a    स त्वं नो॑ रा॒यः शि॑शीहि॒ मीढ्वो॑ अग्ने सु॒वीर्य॑स्य ।
   स त्वं नो॑ रा॒यः शि॑शीहि
   स त्वम् नः रा॒यः शि॑शीहि
   स त्वं नो रा॒यः शि॑शीहि

Halfverse: b    मीढ्वो॑ अग्ने सु॒वीर्य॑स्य ।
   मीढ्वः अग्ने सु॒वीर्य॑स्य ।
   मीढ्वो अग्ने सु॒वीर्य॑स्य ।

Halfverse: c    तुवि॑द्युम्न॒ वर्षि॑ष्ठस्य प्र॒जाव॑तो ऽनमी॒वस्य॑ शु॒ष्मिणः॑ ।।
   तुवि॑द्युम्न॒ वर्षि॑ष्ठस्य प्र॒जाव॑तो
   तुवि॑द्युम्न वर्षि॑ष्ठस्य प्र॒जाव॑तः
   तुवि॑द्युम्न वर्षि॑ष्ठस्य प्र॒जाव॑तो

Halfverse: d    ऽनमी॒वस्य॑ शु॒ष्मिणः॑ ।।
   अ॑नमी॒वस्य शु॒ष्मिणः ।।
   अ॑नमी॒वस्य शु॒ष्मिणः ।।


Verse: 4 
Halfverse: a    चक्रि॒र्यो विश्वा॒ भुव॑ना॒भि सा॑स॒हिश्चक्रि॑र्दे॒वेष्वा दुवः॑ ।
   चक्रि॒र्यो विश्वा॒ भुव॑ना॒भि सा॑स॒हिश्
   चक्रिः यः विश्वा भुव॑ना अ॒भि सा॑स॒हिः
   चक्रि॑र् यो विश्वा भुव॑ना॒भि सा॑स॒हिश्

Halfverse: b    चक्रि॑र्दे॒वेष्वा दुवः॑ ।
   चक्रिः दे॒वेषु आ दुवः ।
   चक्रि॑र् दे॒वेषु आ दुवः ।

Halfverse: c    आ दे॒वेषु॒ यत॑त॒ आ सु॒वीर्य॒ आ शंस॑ उ॒त नृ॒णाम् ।।
   आ दे॒वेषु॒ यत॑त॒ आ सु॒वीर्य
   आ दे॒वेषु यत॑ते आ सु॒वीर्ये
   आ दे॒वेषु यत॑त आ सु॒वीरि॑य

Halfverse: d    आ शंस॑ उ॒त नृ॒णाम् ।।
   आ शंसे उ॒त नृ॒णाम् ।।
   आ शंस उ॒त नॄ॒णाअम् ।।


Verse: 5 
Halfverse: a    मा नो॑ अ॒ग्ने ऽम॑तये॒ मावीर॑तायै रीरधः ।
   मा नो॑ अ॒ग्ने ऽम॑तये
   मा नः अग्ने अम॑तये
   मा नो अग्ने अम॑तये

Halfverse: b    मावीर॑तायै रीरधः ।
   मा अ॒वीर॑तायै रीरधः ।
   मावीर॑तायै रीरधः ।

Halfverse: c    मागोता॑यै सहसस्पुत्र॒ मा नि॒दे ऽप॒ द्वेषां॒स्या कृ॑धि ।।
   मागोता॑यै सहसस्पुत्र॒ मा नि॒दे
   मा अ॒गोता॑यै सहसः पुत्र मा नि॒दे
   मागोता॑यै सहसस् पुत्र मा नि॑दे

Halfverse: d    ऽप॒ द्वेषां॒स्या कृ॑धि ।।
   अप द्वेषां॑सि आ कृ॑धि ।।
   अप द्वेषां॑सि आ कृ॑धि ।।


Verse: 6 
Halfverse: a    श॒ग्धि वाज॑स्य सुभग प्र॒जाव॒तो ऽग्ने॑ बृह॒तो अ॑ध्व॒रे ।
   श॒ग्धि वाज॑स्य सुभग प्र॒जाव॒तो
   श॒ग्धि वाज॑स्य सुभग प्र॒जाव॑तः
   श॒ग्धि वाज॑स्य सुभग प्र॒जाव॑तो

Halfverse: b    ऽग्ने बृह॒तो अ॑ध्व॒रे ।
   अग्ने बृह॒तः अ॑ध्व॒रे ।
   अग्ने बृह॒तो अ॑ध्व॒रे ।

Halfverse: c    सं रा॒या भूय॑सा सृज मयो॒भुना॒ तुवि॑द्युम्न॒ यश॑स्वता ।।
   सं रा॒या भूय॑सा सृज मयो॒भुना
   सम् ।!। रा॒या भूय॑सा सृज मयो॒भुना
   सं रा॒या भूय॑सा सृज मयो॒भुना

Halfverse: d    तुवि॑द्युम्न॒ यश॑स्वता ।।
   तुवि॑द्युम्न यश॑स्वता ।।
   तुवि॑द्युम्न यश॑स्वता ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.