TITUS
Rg-Veda: Rg-Veda-Samhita
Part No. 251
Previous part

Hymn: 17_(251) 
Verse: 1 
Halfverse: a    स॑मि॒ध्यमा॑नः प्रथ॒मानु॒ धर्मा॒ सम॒क्तुभि॑रज्यते वि॒श्ववा॑रः ।
   स॑मि॒ध्यमा॑नः प्रथ॒मानु॒ धर्मा
   समि॒ध्यमा॑नः प्रथ॒मा अनु धर्म+
   समि॒ध्यमा॑नः प्रथ॒मानु धर्मा

Halfverse: b    सम॒क्तुभि॑रज्यते वि॒श्ववा॑रः ।
   सम् अ॒क्तुभिः अज्यते वि॒श्ववा॑रः ।
   सम् अ॒क्तुभि॑र् अज्यते वि॒श्ववा॑रः ।

Halfverse: c    शो॒चिष्के॑शो घृ॒तनि॑र्णिक्पाव॒कः सु॑य॒ज्ञो अ॒ग्निर्य॒जथा॑य दे॒वान् ।।
   शो॒चिष्के॑शो घृ॒तनि॑र्णिक्पाव॒कः
   शो॒चिष्के॑शः घृ॒तनि॑र्णिक् पाव॒कः
   शो॒चिष्के॑शो घृ॒तनि॑र्णिक् पवा॒कः

Halfverse: d    सु॑य॒ज्ञो अ॒ग्निर्य॒जथा॑य दे॒वान् ।।
   सु॑य॒ज्ञः अ॒ग्निः य॒जथा॑य दे॒वान् ।।
   सु॑य॒ज्ञो अ॒ग्निर् य॒जथा॑य दे॒वान् ।।


Verse: 2 
Halfverse: a    यथाय॑जो हो॒त्रम॑ग्ने पृथि॒व्या यथा॑ दि॒वो जा॑तवेदश्चिकि॒त्वान् ।
   यथाय॑जो हो॒त्रम॑ग्ने पृथि॒व्या
   यथा अय॑जः हो॒त्रम् अग्ने पृथि॒व्याः
   यथाय॑जो हो॒त्रम् अग्ने पृथि॒व्या

Halfverse: b    यथा॑ दि॒वो जा॑तवेदश्चिकि॒त्वान् ।
   यथा दि॒वः जा॑तवेदः चिकि॒त्वान् ।
   यथा दि॒वो जा॑तवेदश् चिकि॒त्वान् ।

Halfverse: c    ए॒वानेन॑ ह॒विषा॑ यक्षि दे॒वान्म॑नु॒ष्वद्य॒ज्ञम्प्र ति॑रे॒मम॒द्य ।।
   ए॒वानेन॑ ह॒विषा॑ यक्षि दे॒वान्
   ए॒व अ॒नेन ह॒विषा यक्षि दे॒वान्
   ए॒वानेन ह॒विषा यक्षि दे॒वान्

Halfverse: d    मनु॒ष्वद्य॒ज्ञम्प्र ति॑रे॒मम॒द्य ।।
   म॑नु॒ष्वत् य॒ज्ञम् प्र ति॑र इ॒मम् अ॒द्य ।।
   म॑नु॒ष्वद् य॒ज्ञम् प्र ति॑रे॒मम् अ॒द्य ।।


Verse: 3 
Halfverse: a    त्रीण्यायूं॑षि॒ तव॑ जातवेदस्ति॒स्र आ॒जानी॑रु॒षस॑स्ते अग्ने ।
   त्रीण्यायूं॑षि॒ तव॑ जातवेदस्
   त्रीणि आयूं॑षि तव जातवेदः
   त्रीणि आयूं॑षि तव जातवेदस्

Halfverse: b    ति॒स्र आ॒जानी॑रु॒षस॑स्ते अग्ने ।
   ति॒स्रः आ॒जानीः उ॒षसः ते अग्ने ।
   ति॒स्र आ॒जानी॑र् उ॒षस॑स् ते अग्ने ।

Halfverse: c    ताभि॑र्दे॒वाना॒मवो॑ यक्षि वि॒द्वानथा॑ भव॒ यज॑मानाय॒ शं योः ।।
   ताभि॑र्दे॒वाना॒मवो॑ यक्षि वि॒द्वान्
   ताभिः दे॒वाना॑म् अवः यक्षि वि॒द्वान्
   ताभि॑र् दे॒वाना॑म् अवो यक्षि वि॒द्वान्

Halfverse: d    अथा॑ भव॒ यज॑मानाय॒ शं योः ।।
   अथ+ भव यज॑मानाय शम् योः ।।
   अथा भव यज॑मानाय शं योः ।।


Verse: 4 
Halfverse: a    अ॒ग्निं सु॑दी॒तिं सु॒दृशं॑ गृ॒णन्तो॑ नम॒स्याम॒स्त्वेड्यं॑ जातवेदः ।
   अ॒ग्निं सु॑दी॒तिं सु॒दृशं॑ गृ॒णन्तो
   अ॒ग्निम् सुदी॒तिम् सु॒दृश॑म् गृ॒णन्तः
   अ॒ग्निं सु॑दी॒तिं सु॒दृशं गृ॒णन्तो

Halfverse: b    नम॒स्याम॒स्त्वेड्यं॑ जातवेदः ।
   न॑म॒स्यामः त्वा ईड्य॑म् जातवेदः ।
   न॑म॒स्याम॑स् त्वेडि॑यं जातवेदः ।

Halfverse: c    त्वां दू॒तम॑र॒तिं ह॑व्य॒वाहं॑ दे॒वा अ॑कृण्वन्न॒मृत॑स्य॒ नाभि॑म् ।।
   त्वां दू॒तम॑र॒तिं ह॑व्य॒वाहं
   त्वाम् दू॒तम् अर॒तिम् हव्य॒वाह॑म्
   तु॒वां दू॒तम् अर॒तिं ह॑व्य॒वाहं

Halfverse: d    दे॒वा अ॑कृण्वन्न॒मृत॑स्य॒ नाभि॑म् ।।
   दे॒वाः अ॑कृण्वन् अ॒मृत॑स्य नाभि॑म् ।।
   दे॒वा अ॑कृण्वन्न् अ॒मृत॑स्य नाभि॑म् ।।


Verse: 5 
Halfverse: a    यस्त्वद्धोता॒ पूर्वो॑ अग्ने॒ यजी॑यान्द्वि॒ता च॒ सत्ता॑ स्व॒धया॑ च श॒म्भुः ।
   यस्त्वद्धोता॒ पूर्वो॑ अग्ने॒ यजी॑यान्
   यः त्वत् होता पूर्वः अग्ने यजी॑यान्
   यस् त्वद् धोता पूर्वो अग्ने यजी॑यान्

Halfverse: b    द्वि॒ता च॒ सत्ता॑ स्व॒धया॑ च श॒म्भुः ।
   द्वि॒ता च सत्ता स्व॒धया च श॒म्भुः ।
   द्वि॒ता च सत्ता स्व॒धया च श॒म्भुः ।

Halfverse: c    तस्यानु॒ धर्म॒ प्र य॑जा चिकि॒त्वो ऽथ॑ नो धा अध्व॒रं दे॒ववी॑तौ ।।
   तस्यानु॒ धर्म॒ प्र य॑जा चिकि॒त्वो
   तस्य अनु धर्म प्र य॑ज+ चिकित्वः
   तस्यानु धर्म प्र य॑जा चिकित्वो

Halfverse: d    ऽथ नो धा अध्व॒रं दे॒ववी॑तौ ।।
   अथ+ नः धाः अध्व॒रम् दे॒ववी॑तौ ।।
   अथ नो धा अध्व॒रं दे॒ववी॑तौ ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.