TITUS
Rg-Veda: Rg-Veda-Samhita
Part No. 252
Previous part

Hymn: 18_(252) 
Verse: 1 
Halfverse: a    भवा॑ नो अग्ने सु॒मना॒ उपे॑तौ॒ सखे॑व॒ सख्ये॑ पि॒तरे॑व सा॒धुः ।
   भवा॑ नो अग्ने सु॒मना॒ उपे॑तौ
   भव+ नः अग्ने सु॒मनाः उपे॑तौ
   भवा नो अग्ने सु॒मना उपे॑तौ

Halfverse: b    सखे॑व॒ सख्ये॑ पि॒तरे॑व सा॒धुः ।
   सखा इव सख्ये पि॒तरा इव सा॒धुः ।
   सखे॑व सख्ये पि॒तरे॑व सा॒धुः ।

Halfverse: c    पु॑रु॒द्रुहो॒ हि क्षि॒तयो॒ जना॑ना॒म्प्रति॑ प्रती॒चीर्द॑हता॒दरा॑तीः ।।
   पु॑रु॒द्रुहो॒ हि क्षि॒तयो॒ जना॑नाम्
   पुरु॒द्रुहः हि क्षि॒तयः जना॑नाम्
   पुरु॒द्रुहो हि क्षि॒तयो जना॑नाम्

Halfverse: d    प्रति॑ प्रती॒चीर्द॑हता॒दरा॑तीः ।।
   प्रति प्रती॒चीः द॑हतात् अरा॑तीः ।।
   प्रति प्रती॒चीर् दहताद् अरा॑तीः ।।


Verse: 2 
Halfverse: a    तपो॒ ष्व॑ग्ने॒ अन्त॑राँ अ॒मित्रा॒न्तपा॒ शंस॒मर॑रुषः॒ पर॑स्य ।
   तपो॒ ष्व॑ग्ने॒ अन्त॑राँ अ॒मित्रा॑न्
   तप उ सु अ॑ग्ने अन्त॑रान् अ॒मित्रा॑न्
   तपो षु अ॑ग्ने अन्त॑राँ अ॒मित्रा॑न्

Halfverse: b    तपा॒ शंस॒मर॑रुषः॒ पर॑स्य ।
   तप+ शंस॑म् अर॑रुषः पर॑स्य ।
   तपा शंस॑म् अर॑रुषः पर॑स्य ।

Halfverse: c    तपो॑ वसो चिकिता॒नो अ॒चित्ता॒न्वि ते॑ तिष्ठन्ताम॒जरा॑ अ॒यासः॑ ।।
   तपो॑ वसो चिकिता॒नो अ॒चित्ता॑न्
   तप उ वसो चिकिता॒नः अ॒चित्ता॑न्
   तपो वसो चिकिता॒नो अ॒चित्ता॑न्

Halfverse: d    वि ते॑ तिष्ठन्ताम॒जरा॑ अ॒यासः॑ ।।
   वि ते तिष्ठन्ताम् अ॒जराः अ॒यासः ।।
   वि ते तिष्ठन्ताम् अ॒जरा अ॒यासः ।।


Verse: 3 
Halfverse: a    इ॒ध्मेना॑ग्न इ॒छमा॑नो घृ॒तेन॑ जु॒होमि॑ ह॒व्यं तर॑से॒ बला॑य ।
   इ॒ध्मेना॑ग्न इ॒छमा॑नो घृ॒तेन
   इ॒ध्मेन अग्ने इ॒छमा॑नः घृ॒तेन
   इ॒ध्मेना॑ग्न इ॒छमा॑नो घृ॒तेन

Halfverse: b    जु॒होमि॑ ह॒व्यं तर॑से॒ बला॑य ।
   जु॒होमि ह॒व्यम् तर॑से बला॑य ।
   जु॒होमि ह॒व्यं तर॑से बला॑य ।

Halfverse: c    याव॒दीशे॒ ब्रह्म॑णा॒ वन्द॑मान इ॒मां धियं॑ शत॒सेया॑य दे॒वीम् ।।
   याव॒दीशे॒ ब्रह्म॑णा॒ वन्द॑मान
   याव॑त् ईशे ब्रह्म॑णा वन्द॑मानः
   याव॑द् ईशे ब्रह्म॑णा वन्द॑मान

Halfverse: d    इ॒मां धियं॑ शत॒सेया॑य दे॒वीम् ।।
   इ॒माम् धिय॑म् शत॒सेया॑य दे॒वीम् ।।
   इ॒मां धियं शत॒सेया॑य दे॒वीम् ।।


Verse: 4 
Halfverse: a    उच्छो॒चिषा॑ सहसस्पुत्र स्तु॒तो बृ॒हद्वयः॑ शशमा॒नेषु॑ धेहि ।
   उच्छो॒चिषा॑ सहसस्पुत्र स्तु॒तो
   उत् शो॒चिषा सहसः पुत्र स्तु॒तः
   उच् छो॒चिषा सहसस् पुत्र स्तु॒तो

Halfverse: b    बृ॒हद्वयः॑ शशमा॒नेषु॑ धेहि ।
   बृ॒हत् वयः शशमा॒नेषु धेहि ।
   बृ॒हद् वयः शशमा॒नेषु धेहि ।

Halfverse: c    रे॒वद॑ग्ने वि॒श्वामि॑त्रेषु॒ शं योर्म॑र्मृ॒ज्मा ते॑ त॒न्व॒म्भूरि॒ कृत्वः॑ ।।
   रे॒वद॑ग्ने वि॒श्वामि॑त्रेषु॒ शं योर्
   रे॒वत् अग्ने वि॒श्वामि॑त्रेषु शम् योः
   रे॒वद् अग्ने वि॒श्वामि॑त्रेषु शं योर्

Halfverse: d    मर्मृ॒ज्मा ते॑ त॒न्व॒म्भूरि॒ कृत्वः॑ ।।
   म॑र्मृ॒ज्म+ ते त॒न्व॑म् भूरि कृत्वः ।।
   म॑र्मृ॒ज्मा ते त॒नुव॑म् भूरि कृत्वः ।।


Verse: 5 
Halfverse: a    कृ॒धि रत्नं॑ सुसनित॒र्धना॑नां॒ स घेद॑ग्ने भवसि॒ यत्समि॑द्धः ।
   कृ॒धि रत्नं॑ सुसनित॒र्धना॑नां
   कृ॒धि रत्न॑म् सुसनितर् धना॑नाम्
   कृ॒धि रत्नं सुसनितर् धना॑नां

Halfverse: b    स घेद॑ग्ने भवसि॒ यत्समि॑द्धः ।
   स घ इत् अग्ने भवसि यत् समि॑द्धः ।
   स घेद् अग्ने भवसि यत् समि॑द्धः ।

Halfverse: c    स्तो॒तुर्दु॑रो॒णे सु॒भग॑स्य रे॒वत्सृ॒प्रा क॒रस्ना॑ दधिषे॒ वपूं॑षि ।।
   स्तो॒तुर्दु॑रो॒णे सु॒भग॑स्य रे॒वत्
   स्तो॒तुः दु॑रो॒णे सु॒भग॑स्य रे॒वत्
   स्तो॒तुर् दुरो॒णे सु॒भग॑स्य रे॒वत्

Halfverse: d    सृ॒प्रा क॒रस्ना॑ दधिषे॒ वपूं॑षि ।।
   सृ॒प्रा क॒रस्ना दधिषे वपूं॑षि ।।
   सृ॒प्रा क॒रस्ना दधिषे वपूं॑षि ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.