TITUS
Rg-Veda: Rg-Veda-Samhita
Part No. 253
Previous part

Hymn: 19_(253) 
Verse: 1 
Halfverse: a    अ॒ग्निं होता॑र॒म्प्र वृ॑णे मि॒येधे॒ गृत्सं॑ क॒विं वि॑श्व॒विद॒ममू॑रम् ।
   अ॒ग्निं होता॑र॒म्प्र वृ॑णे मि॒येधे
   अ॒ग्निम् होता॑रम् प्र वृ॑णे मि॒येधे
   अ॒ग्निं होता॑रम् प्र वृ॑णे मि॒येधे

Halfverse: b    गृत्सं॑ क॒विं वि॑श्व॒विद॒ममू॑रम् ।
   गृत्स॑म् क॒विम् विश्व॒विद॑म् अमू॑रम् ।
   गृत्सं क॒विं वि॑श्व॒विद॑म् अमू॑रम् ।

Halfverse: c    स नो॑ यक्षद्दे॒वता॑ता॒ यजी॑यान्रा॒ये वाजा॑य वनते म॒घानि॑ ।।
   स नो॑ यक्षद्दे॒वता॑ता॒ यजी॑यान्
   स नः यक्षत् दे॒वता॑ता यजी॑यान्
   स नो यक्षद् दे॒वता॑ता यजी॑यान्

Halfverse: d    रा॒ये वाजा॑य वनते म॒घानि॑ ।।
   रा॒ये वाजा॑य वनते म॒घानि ।।
   रा॒ये वाजा॑य वनते म॒घानि ।।


Verse: 2 
Halfverse: a    प्र ते॑ अग्ने ह॒विष्म॑तीमिय॒र्म्यछा॑ सुद्यु॒म्नां रा॒तिनीं॑ घृ॒ताची॑म् ।
   प्र ते॑ अग्ने ह॒विष्म॑तीमियर्म्य्
   प्र ते अग्ने ह॒विष्म॑तीम् इयर्मि
   प्र ते अग्ने ह॒विष्म॑तीम् इयर्मि

Halfverse: b    अछा॑ सुद्यु॒म्नां रा॒तिनीं॑ घृ॒ताची॑म् ।
   अछ+ सुद्यु॒म्नाम् रा॒तिनी॑म् घृ॒ताची॑म् ।
   अछा सुद्यु॒म्नां रा॒तिनीं घृ॒ताची॑म् ।

Halfverse: c    प्र॑दक्षि॒णिद्दे॒वता॑तिमुरा॒णः सं रा॒तिभि॒र्वसु॑भिर्य॒ज्ञम॑श्रेत् ।।
   प्र॑दक्षि॒णिद्दे॒वता॑तिमुरा॒णः
   प्र॑दक्षि॒णित् दे॒वता॑तिम् उरा॒णः
   प्र॑दक्षि॒णिद् दे॒वता॑तिम् उरा॒णः

Halfverse: d    सं रा॒तिभि॒र्वसु॑भिर्य॒ज्ञम॑श्रेत् ।।
   सम् रा॒तिभिः वसु॑भिः य॒ज्ञम् अश्रेत् ।।
   सं रा॒तिभि॑र् वसु॑भिर् य॒ज्ञम् अश्रेत् ।।


Verse: 3 
Halfverse: a    स तेजी॑यसा॒ मन॑सा॒ त्वोत॑ उ॒त शि॑क्ष स्वप॒त्यस्य॑ शि॒क्षोः ।
   स तेजी॑यसा॒ मन॑सा॒ त्वोत
   स तेजी॑यसा मन॑सा त्वोतः
   स तेजी॑यसा मन॑सा तु॒वोत

Halfverse: b    उ॒त शि॑क्ष स्वप॒त्यस्य॑ शि॒क्षोः ।
   उ॒त शि॑क्ष स्वप॒त्यस्य शि॒क्षोः ।
   उ॒त शि॑क्ष सुअप॒त्यस्य शि॒क्षोः ।

Halfverse: c    अग्ने॑ रा॒यो नृत॑मस्य॒ प्रभू॑तौ भू॒याम॑ ते सुष्टु॒तय॑श्च॒ वस्वः॑ ।।
   अग्ने॑ रा॒यो नृत॑मस्य॒ प्रभू॑तौ
   अग्ने रा॒यः नृत॑मस्य प्रभू॑तौ
   अग्ने रा॒यो नृत॑मस्य प्रभू॑तौ

Halfverse: d    भू॒याम॑ ते सुष्टु॒तय॑श्च॒ वस्वः॑ ।।
   भू॒याम ते सुष्टु॒तयः च वस्वः ।।
   भू॒याम ते सुष्टु॒तय॑श् च वस्वः ।।


Verse: 4 
Halfverse: a    भूरी॑णि॒ हि त्वे द॑धि॒रे अनी॒काग्ने॑ दे॒वस्य॒ यज्य॑वो॒ जना॑सः ।
   भूरी॑णि॒ हि त्वे द॑धि॒रे अनी॑का
   भूरी॑णि हि त्वे द॑धि॒रे अनी॑का
   भूरी॑णि हि त्वे द॑धि॒रे अनी॑का

Halfverse: b     अग्ने॑ दे॒वस्य॒ यज्य॑वो॒ जना॑सः ।
   अग्ने दे॒वस्य यज्य॑वः जना॑सः ।
   अग्ने दे॒वस्य यज्य॑वो जना॑सः ।

Halfverse: c    स आ व॑ह दे॒वता॑तिं यविष्ठ॒ शर्धो॒ यद॒द्य दि॒व्यं यजा॑सि ।।
   स आ व॑ह दे॒वता॑तिं यविष्ठ
   सः ।!। आ व॑ह दे॒वता॑तिम् यविष्ठ
   स आ व॑ह दे॒वता॑तिं यविष्ठ

Halfverse: d    शर्धो॒ यद॒द्य दि॒व्यं यजा॑सि ।।
   शर्धः यत् अ॒द्य दि॒व्यम् यजा॑सि ।।
   शर्धो यद् अ॒द्य दि॑वि॒यं यजा॑सि ।।


Verse: 5 
Halfverse: a    यत्त्वा॒ होता॑रम॒नज॑न्मि॒येधे॑ निषा॒दय॑न्तो य॒जथा॑य दे॒वाः ।
   यत्त्वा॒ होता॑रम॒नज॑न्मि॒येधे
   यत् त्वा होता॑रम् अ॒नज॑न् मि॒येधे
   यत् त्वा होता॑रम् अ॒नज॑न् मि॒येधे

Halfverse: b    निषा॒दय॑न्तो य॒जथा॑य दे॒वाः ।
   नि॑षा॒दय॑न्तः य॒जथा॑य दे॒वाः ।
   नि॑षा॒दय॑न्तो य॒जथा॑य दे॒वाः ।

Halfverse: c    स त्वं नो॑ अग्ने ऽवि॒तेह बो॒ध्यधि॒ श्रवां॑सि धेहि नस्त॒नूषु॑ ।।
   स त्वं नो॑ अग्ने ऽवि॒तेह बो॑ध्य्
   स त्वम् नः अग्ने अवि॒ता इ॒ह बो॑धि
   स त्वं नो अग्ने अवि॒तेह बो॑धि

Halfverse: d    अधि॒ श्रवां॑सि धेहि नस्त॒नूषु॑ ।।
   अधि श्रवां॑सि धेहि नः त॒नूषु ।।
   अधि श्रवां॑सि धेहि नस् त॒नूषु ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.