TITUS
Rg-Veda: Rg-Veda-Samhita
Part No. 289
Previous part

Hymn: 55_(289) 
Verse: 1 
Halfverse: a    उ॒षसः॒ पूर्वा॒ अध॒ यद्व्यू॒षुर्म॒हद्वि ज॑ज्ञे अ॒क्षर॑म्प॒दे गोः ।
   उ॒षसः॒ पूर्वा॒ अध॒ यद्व्यू॒षुर्
   उ॒षसः पूर्वाः अध यत् व्यू॒षुः
   उ॒षसः पूर्वा अध यद् विऊ॒षुर्

Halfverse: b    म॒हद्वि ज॑ज्ञे अ॒क्षर॑म्प॒दे गोः ।
   म॒हत् वि ज॑ज्ञे अ॒क्षर॑म् प॒दे गोः ।
   म॒हद् वि ज॑ज्ञे अ॒क्षर॑म् प॒दे गोः ।

Halfverse: c    व्र॒ता दे॒वाना॒मुप॒ नु प्र॒भूष॑न्म॒हद्दे॒वाना॑मसुर॒त्वमेक॑म् ।।
   व्र॒ता दे॒वाना॒मुप॒ नु प्र॒भूष॑न्
   व्र॒ता दे॒वाना॑म् उप नु प्र॒भूष॑न्
   व्र॒ता दे॒वाना॑म् उप नु प्र॒भूष॑न्

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 2 
Halfverse: a    मो षू णो॒ अत्र॑ जुहुरन्त दे॒वा मा पूर्वे॑ अग्ने पि॒तरः॑ पद॒ज्ञाः ।
   मो षू णो॒ अत्र॑ जुहुरन्त दे॒वा
   मा उ सु+ नः अत्र जुहुरन्त दे॒वाः
   मो षू णो अत्र जुहुरन्त दे॒वा

Halfverse: b    मा पूर्वे॑ अग्ने पि॒तरः॑ पद॒ज्ञाः ।
   मा पूर्वे अग्ने पि॒तरः पद॒ज्ञाः ।
   मा पूर्वे अग्ने पि॒तरः पद॒ज्ञाः ।

Halfverse: c    पु॑रा॒ण्योः सद्म॑नोः के॒तुर॒न्तर्म॒हद्दे॒वाना॑मसुर॒त्वमेक॑म् ।।
   पु॑रा॒ण्योः सद्म॑नोः के॒तुर॒न्तर्
   पुरा॒ण्योः सद्म॑नोः के॒तुः अ॒न्तर्
   पुराणि॒योः सद्म॑नोः के॒तुर् अ॒न्तर्

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 3 
Halfverse: a    वि मे॑ पुरु॒त्रा प॑तयन्ति॒ कामाः॒ शम्यछा॑ दीद्ये पू॒र्व्याणि॑ ।
   वि मे॑ पुरु॒त्रा प॑तयन्ति॒ कामाः
   वि मे पुरु॒त्रा प॑तयन्ति कामाः
   वि मे पुरु॒त्रा प॑तयन्ति कामाः

Halfverse: b    शम्यछा॑ दीद्ये पू॒र्व्याणि॑ ।
   शमि अछ+ दीद्ये पू॒र्व्याणि ।
   शमि अछा दीदिये पूर्वि॒याणि ।

Halfverse: c    समि॑ द्धेअ॒ग्नावृ॒तमिद्व॑देम म॒हद्दे॒वाना॑मसुर॒त्वमेक॑म् ।।
   समि॑द्धे अ॒ग्नावृ॒तमिद्व॑देम
   समि॑द्धे अ॒ग्नौ ऋ॒तम् इत् वदेम
   समि॑द्धे अ॒ग्नाव् ऋ॒तम् इद् वदेम

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 4 
Halfverse: a    स॑मा॒नो राजा॒ विभृ॑तः पुरु॒त्रा शये॑ श॒यासु॒ प्रयु॑तो॒ वनानु॑ ।
   स॑मा॒नो राजा॒ विभृ॑तः पुरु॒त्रा
   स॑मा॒नः राजा विभृ॑तः पुरु॒त्रा
   स॑मा॒नो राजा विभृ॑तः पुरु॒त्रा

Halfverse: b    शये॑ श॒यासु॒ प्रयु॑तो॒ वनानु॑ ।
   शये श॒यासु प्रयु॑तः वना अनु ।
   शये श॒यासु प्रयु॑तो वनानु ।

Halfverse: c    अ॒न्या व॒त्सम्भर॑ति॒ क्षेति॑ मा॒ता म॒हद्दे॒वाना॑मसुर॒त्वमेक॑म् ।।
   अ॒न्या व॒त्सम्भर॑ति॒ क्षेति॑ मा॒ता
   अ॒न्या व॒त्सम् भर॑ति क्षेति मा॒ता
   अ॒न्या व॒त्सम् भर॑ति क्षेति मा॒ता

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 5 
Halfverse: a    आ॒क्षित्पूर्वा॒स्वप॑रा अनू॒रुत्स॒द्यो जा॒तासु॒ तरु॑णीष्व॒न्तः ।
   आ॒क्षित्पूर्वा॒स्वप॑रा अनू॒रुत्
   आ॒क्षित् पूर्वा॑सु अप॑राः अनू॒रुत्
   आ॒क्षित् पूर्वा॑सु अप॑रा अनू॒रुत्

Halfverse: b    स॒द्यो जा॒तासु॒ तरु॑णीष्व॒न्तः ।
   स॒द्यः जा॒तासु तरु॑णीषु अ॒न्तर् ।
   स॒द्यो जा॒तासु तरु॑णीषु अ॒न्तः ।

Halfverse: c    अ॒न्तर्व॑तीः सुवते॒ अप्र॑वीता म॒हद्दे॒वाना॑मसुर॒त्वमेक॑म् ।।
   अ॒न्तर्व॑तीः सुवते॒ अप्र॑वीता
   अ॒न्तर्व॑तीः सुवते अप्र॑वीताः
   अ॒न्तर्व॑तीः सुवते अप्र॑वीता

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 6 
Halfverse: a    श॒युः प॒रस्ता॒दध॒ नु द्वि॑मा॒ताब॑न्ध॒नश्च॑रति व॒त्स एकः॑ ।
   श॒युः प॒रस्ता॒दध॒ नु द्वि॑मा॒ता
   श॒युः प॒रस्ता॑त् अध नु द्वि॑मा॒ता
   श॒युः प॒रस्ता॑द् अध नु द्वि॑मा॒ता

Halfverse: b     अ॑बन्ध॒नश्च॑रति व॒त्स एकः॑ ।
   अ॑बन्ध॒नः च॑रति व॒त्सः एकः ।
   अ॑बन्ध॒नश् चरति व॒त्स एकः ।

Halfverse: c    मि॒त्रस्य॒ ता वरु॑णस्य व्र॒तानि॑ म॒हद्दे॒वाना॑मसुर॒त्वमेक॑म् ।।
   मि॒त्रस्य॒ ता वरु॑णस्य व्र॒तानि
   मि॒त्रस्य ता वरु॑णस्य व्र॒तानि
   मि॒त्रस्य ता वरु॑णस्य व्र॒तानि

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 7 
Halfverse: a    द्वि॑मा॒ता होता॑ वि॒दथे॑षु स॒म्राळन्वग्रं॒ चर॑ति॒ क्षेति॑ बु॒ध्नः ।
   द्वि॑मा॒ता होता॑ वि॒दथे॑षु स॒म्राळ्
   द्विमा॒ता होता वि॒दथे॑षु स॒म्राट्
   द्विमा॒ता होता वि॒दथे॑षु स॒म्राळ्

Halfverse: b    अन्वग्रं॒ चर॑ति॒ क्षेति॑ बु॒ध्नः ।
   अनु अग्र॑म् चर॑ति क्षेति बु॒ध्नः ।
   अनु अग्रं चर॑ति क्षेति बु॒ध्नः ।

Halfverse: c    प्र रण्या॑नि रण्य॒वाचो॑ भरन्ते म॒हद्दे॒वाना॑मसुर॒त्वमेक॑म् ।।
   प्र रण्या॑नि रण्य॒वाचो॑ भरन्ते
   प्र रण्या॑नि रण्य॒वाचः भरन्ते
   प्र रण्या॑नि रण्य॒वाचो भरन्ते

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 8 
Halfverse: a    शूर॑स्येव॒ युध्य॑तो अन्त॒मस्य॑ प्रती॒चीनं॑ ददृशे॒ विश्व॑मा॒यत् ।
   शूर॑स्येव॒ युध्य॑तो अन्त॒मस्य
   शूर॑स्य इव युध्य॑तः अन्त॒मस्य
   शूर॑स्येव युध्य॑तो अन्त॒मस्य

Halfverse: b    प्रती॒चीनं॑ ददृशे॒ विश्व॑मा॒यत् ।
   प्र॑ती॒चीन॑म् ददृशे विश्व॑म् आ॒यत् ।
   प्र॑ती॒चीनं ददृशे विश्व॑म् आ॒यत् ।

Halfverse: c    अ॒न्तर्म॒तिश्च॑रति नि॒ष्षिधं॒ गोर्म॒हद्दे॒वाना॑मसुर॒त्वमेक॑म् ।।
   अ॒न्तर्म॒तिश्च॑रति नि॒ष्षिधं॒ गोर्
   अ॒न्तर् म॒तिः च॑रति नि॒ष्षिध॑म् गोः
   अ॒न्तर् म॒तिश् चरति नि॒ष्षिधं गोर्

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 9 
Halfverse: a    नि वे॑वेति पलि॒तो दू॒त आ॑स्व॒न्तर्म॒हांश्च॑रति रोच॒नेन॑ ।
   नि वे॑वेति पलि॒तो दू॒त आ॑स्व्
   नि वे॑वेति पलि॒तः दू॒तः आ॑सु
   नि वे॑वेति पलि॒तो दू॒त आ॑सु

Halfverse: b    अ॒न्तर्म॒हांश्च॑रति रोच॒नेन॑ ।
   अ॒न्तर् म॒हान् चरति रोच॒नेन ।
   अ॒न्तर् म॒हांश् चरति रोच॒नेन ।

Halfverse: c    वपूं॑षि॒ बिभ्र॑द॒भि नो॒ वि च॑ष्टे म॒हद्दे॒वाना॑मसुर॒त्वमेक॑म् ।।
   वपूं॑षि॒ बिभ्र॑द॒भि नो॒ वि च॑ष्टे
   वपूं॑षि बिभ्र॑त् अ॒भि नः वि च॑ष्टे
   वपूं॑षि बिभ्र॑द् अ॒भि नो वि च॑ष्टे

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 10 
Halfverse: a    विष्णु॑र्गो॒पाः प॑र॒मम्पा॑ति॒ पाथः॑ प्रि॒या धामा॑न्य॒मृता॒ दधा॑नः ।
   विष्णु॑र्गो॒पाः प॑र॒मम्पा॑ति॒ पाथः
   विष्णुः गो॒पाः प॑र॒मम् पाति पाथः
   विष्णु॑र् गो॒पाः प॑र॒मम् पाति पाथः

Halfverse: b    प्रि॒या धामा॑न्य॒मृता॒ दधा॑नः ।
   प्रि॒या धामा॑नि अ॒मृता दधा॑नः ।
   प्रि॒या धामा॑नि अ॒मृता दधा॑नः ।

Halfverse: c    अ॒ग्निष्टा विश्वा॒ भुव॑नानि वेद म॒हद्दे॒वाना॑मसुर॒त्वमेक॑म् ।।
   अ॒ग्निष्टा विश्वा॒ भुव॑नानि वेद
   अ॒ग्निः ता विश्वा भुव॑नानि वेद
   अ॒ग्निष् टा विश्वा भुव॑नानि वेद

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 11 
Halfverse: a    नाना॑ चक्राते य॒म्या॒ वपूं॑षि॒ तयो॑र॒न्यद्रोच॑ते कृ॒ष्णम॒न्यत् ।
   नाना॑ चक्राते य॒म्या॒ वपूं॑षि
   नाना चक्राते य॒म्या वपूं॑षि
   नाना चक्राते य॒मिया वपूं॑षि

Halfverse: b    तयो॑र॒न्यद्रोच॑ते कृ॒ष्णम॒न्यत् ।
   तयोः अ॒न्यत् रोच॑ते कृ॒ष्णम् अ॒न्यत् ।
   तयो॑र् अ॒न्यद् रोच॑ते कृ॒ष्णम् अ॒न्यत् ।

Halfverse: c    श्यावी॑ च॒ यदरु॑षी च॒ स्वसा॑रौ म॒हद्दे॒वाना॑मसुर॒त्वमेक॑म् ।।
   श्यावी॑ च॒ यदरु॑षी च॒ स्वसा॑रौ
   श्यावी च यत् अरु॑षी च स्वसा॑रौ
   श्यावी च यद् अरु॑षी च स्वसा॑रौ

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 12 
Halfverse: a    मा॒ता च॒ यत्र॑ दुहि॒ता च॑ धे॒नू स॑ब॒र्दुघे॑ धा॒पये॑ते समी॒ची ।
   मा॒ता च॒ यत्र॑ दुहि॒ता च॑ धे॒नू
   मा॒ता च यत्र दुहि॒ता च धे॒नू
   मा॒ता च यत्र दुहि॒ता च धे॒नू

Halfverse: b    स॑ब॒र्दुघे॑ धा॒पये॑ते समी॒ची ।
   स॑ब॒र्दुघे धा॒पये॑ते समी॒ची ।
   स॑ब॒र्दुघे धा॒पये॑ते समी॒ची ।

Halfverse: c    ऋ॒तस्य॒ ते सद॑सीळे अ॒न्तर्म॒हद्दे॒वाना॑मसुर॒त्वमेक॑म् ।।
   ऋ॒तस्य॒ ते सद॑सीळे अ॒न्तर्
   ऋ॒तस्य ते सद॑सि ईळे अ॒न्तर्
   ऋ॒तस्य ते सद॑सि ईळे अ॒न्तर्

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 13 
Halfverse: a    अ॒न्यस्या॑ व॒त्सं रि॑ह॒ती मि॑माय॒ कया॑ भु॒वा नि द॑धे धे॒नुरूधः॑ ।
   अ॒न्यस्या॑ व॒त्सं रि॑ह॒ती मि॑माय
   अ॒न्यस्याः व॒त्सम् रिह॒ती मि॑माय
   अ॒न्यस्या व॒त्सं रि॑ह॒ती मि॑माय

Halfverse: b    कया॑ भु॒वा नि द॑धे धे॒नुरूधः॑ ।
   कया भु॒वा नि द॑धे धे॒नुः ऊध॑र् ।
   कया भु॒वा नि द॑धे धे॒नुर् ऊधः ।

Halfverse: c    ऋ॒तस्य॒ सा पय॑सापिन्व॒तेळा॑ म॒हद्दे॒वाना॑मसुर॒त्वमेक॑म् ।।
   ऋ॒तस्य॒ सा पय॑सापिन्व॒तेळा
   ऋ॒तस्य सा पय॑सा अपिन्वत इळा
   ऋ॒तस्य सा पय॑सापिन्व॒तेळा

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 14 
Halfverse: a    पद्या॑ वस्ते पुरु॒रूपा॒ वपूं॑ष्यू॒र्ध्वा त॑स्थौ॒ त्र्यविं॒ रेरि॑हाणा ।
   पद्या॑ वस्ते पुरु॒रूपा॒ वपूं॑ष्य्
   पद्या वस्ते पुरु॒रूपा वपूं॑षि
   पद्या वस्ते पुरु॒रूपा वपूं॑षि

Halfverse: b    ऊ॒र्ध्वा त॑स्थौ॒ त्र्यविं॒ रेरि॑हाणा ।
   ऊ॒र्ध्वा त॑स्थौ त्र्यवि॑म् रेरि॑हाणा ।
   ऊ॒र्ध्वा त॑स्थौ त्रिअविं रेरि॑हाणा ।

Halfverse: c    ऋ॒तस्य॒ सद्म॒ वि च॑रामि वि॒द्वान्म॒हद्दे॒वाना॑मसुर॒त्वमेक॑म् ।।
   ऋ॒तस्य॒ सद्म॒ वि च॑रामि वि॒द्वान्
   ऋ॒तस्य सद्म वि च॑रामि वि॒द्वान्
   ऋ॒तस्य सद्म वि च॑रामि वि॒द्वान्

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 15 
Halfverse: a    प॒दे इ॑व॒ निहि॑ते द॒स्मे अ॒न्तस्तयो॑र॒न्यद्गुह्य॑मा॒विर॒न्यत् ।
   प॒दे इ॑व॒ निहि॑ते द॒स्मे अ॒न्तस्
   प॒दे इ॑व निहि॑ते द॒स्मे अ॒न्तर्
   प॒दे इ॑व निहि॑ते द॒स्मे अ॒न्तस्

Halfverse: b    तयो॑र॒न्यद्गुह्य॑मा॒विर॒न्यत् ।
   तयोः अ॒न्यत् गुह्य॑म् आ॒विः अ॒न्यत् ।
   तयो॑र् अ॒न्यद् गुहियम् आ॒विर् अ॒न्यत् ।

Halfverse: c    स॑ध्रीची॒ना प॒थ्या॒ सा विषू॑ची म॒हद्दे॒वाना॑मसुर॒त्वमेक॑म् ।।
   स॑ध्रीची॒ना प॒थ्या॒ सा विषू॑ची
   सध्रीची॒ना प॒थ्या सा विषू॑ची
   सध्रीची॒ना प॒थिया सा विषू॑ची

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 16 
Halfverse: a    आ धे॒नवो॑ धुनयन्ता॒मशि॑श्वीः सब॒र्दुघाः॑ शश॒या अप्र॑दुग्धाः ।
   आ धे॒नवो॑ धुनयन्ता॒मशि॑श्वीः
   आ धे॒नवः धुनयन्ताम् अशि॑श्वीः
   आ धे॒नवो धुनयन्ताम् अशि॑श्वीः

Halfverse: b    सब॒र्दुघाः॑ शश॒या अप्र॑दुग्धाः ।
   स॑ब॒र्दुघाः शश॒याः अप्र॑दुग्धाः ।
   स॑ब॒र्दुघाः शश॒या अप्र॑दुग्धाः ।

Halfverse: c    नव्या॑नव्या युव॒तयो॒ भव॑न्तीर्म॒हद्दे॒वाना॑मसुर॒त्वमेक॑म् ।।
   नव्या॑नव्या युव॒तयो॒ भव॑न्तीर्
   नव्या॑नव्याः युव॒तयः भव॑न्तीः
   नव्या॑नव्या युव॒तयो भव॑न्तीर्

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 17 
Halfverse: a    यद॒न्यासु॑ वृष॒भो रोर॑वीति॒ सो अ॒न्यस्मि॑न्यू॒थे नि द॑धाति॒ रेतः॑ ।
   यद॒न्यासु॑ वृष॒भो रोर॑वीति
   यत् अ॒न्यासु वृष॒भः रोर॑वीति
   यद् अ॒न्यासु वृष॒भो रोर॑वीति

Halfverse: b    सो अ॒न्यस्मि॑न्यू॒थे नि द॑धाति॒ रेतः॑ ।
   सः ।!। अ॒न्यस्मि॑न् यू॒थे नि द॑धाति रेतः ।
   सो ऽन्यस्मि॑न् % यू॒थे नि द॑धाति रेतः ।

Halfverse: c    स हि क्षपा॑वा॒न्स भगः॒ स राजा॑ म॒हद्दे॒वाना॑मसुर॒त्वमेक॑म् ।।
   स हि क्षपा॑वा॒न्स भगः॒ स राजा
   स हि क्षपा॑वान् स भगः स राजा
   स हि क्षपा॑वान् स भगः स राजा

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 18 
Halfverse: a    वी॒रस्य॒ नु स्वश्व्यं॑ जनासः॒ प्र नु वो॑चाम वि॒दुर॑स्य दे॒वाः ।
   वी॒रस्य॒ नु स्वश्व्यं॑ जनासः
   वी॒रस्य नु स्वश्व्य॑म् जनासः
   वी॒रस्य नु सुअश्वि॑यं जनासः

Halfverse: b    प्र नु वो॑चाम वि॒दुर॑स्य दे॒वाः ।
   प्र नु वो॑चाम वि॒दुः अ॑स्य दे॒वाः ।
   प्र नु वो॑चाम वि॒दुर् अस्य दे॒वाः ।

Halfverse: c    षो॒ऴा यु॒क्ताः पञ्च॑प॒ञ्चा व॑हन्ति म॒हद्दे॒वाना॑मसुर॒त्वमेक॑म् ।।
   षो॒ऴा यु॒क्ताः पञ्च॑प॒ञ्चा व॑हन्ति
   षो॒ऴा यु॒क्ताः पञ्च॑पञ्च आ व॑हन्ति
   षो॒ऴा यु॒क्ताः पञ्च॑प॒ञ्चा व॑हन्ति

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 19 
Halfverse: a    दे॒वस्त्वष्टा॑ सवि॒ता वि॒श्वरू॑पः पु॒पोष॑ प्र॒जाः पु॑रु॒धा ज॑जान ।
   दे॒वस्त्वष्टा॑ सवि॒ता वि॒श्वरू॑पः
   दे॒वः त्वष्टा सवि॒ता वि॒श्वरू॑पः
   दे॒वस् त्वष्टा सवि॒ता वि॒श्वरू॑पः

Halfverse: b    पु॒पोष॑ प्र॒जाः पु॑रु॒धा ज॑जान ।
   पु॒पोष प्र॒जाः पु॑रु॒धा ज॑जान ।
   पु॒पोष प्र॒जाः पु॑रु॒धा ज॑जान ।

Halfverse: c    इ॒मा च॒ विश्वा॒ भुव॑नान्यस्य म॒हद्दे॒वाना॑मसुर॒त्वमेक॑म् ।।
   इ॒मा च॒ विश्वा॒ भुव॑नान्यस्य
   इ॒मा च विश्वा भुव॑नानि अस्य
   इ॒मा च विश्वा भुव॑नानि अस्य

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 20 
Halfverse: a    म॒ही सऐ॑रच्च॒म्वा॑ समी॒ची उ॒भे ते अ॑स्य॒ वसु॑ना॒ न्यृ॑ष्टे ।
   म॒ही सऐ॑रच्च॒म्वा॑ समी॒ची
   म॒ही सम् ऐरत् च॒म्वा समी॒ची
   म॒ही सम् ऐरच् च॒मुवा समी॒ची

Halfverse: b    उ॒भे ते अ॑स्य॒ वसु॑ना॒ न्यृ॑ष्टे ।
   उ॒भे ते अ॑स्य वसु॑ना न्यृ॑ष्टे ।
   उ॒भे ते अ॑स्य वसु॑ना निऋष्टे ।

Halfverse: c    शृ॒ण्वे वी॒रो वि॒न्दमा॑नो॒ वसू॑नि म॒हद्दे॒वाना॑मसुर॒त्वमेक॑म् ।।
   शृ॒ण्वे वी॒रो वि॒न्दमा॑नो॒ वसू॑नि
   शृ॒ण्वे वी॒रः वि॒न्दमा॑नः वसू॑नि
   शृ॒ण्वे वी॒रो वि॒न्दमा॑नो वसू॑नि

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 21 
Halfverse: a    इ॒मां च॑ नः पृथि॒वीं वि॒श्वधा॑या॒ उप॑ क्षेति हि॒तमि॑त्रो॒ न राजा॑ ।
   इ॒मां च॑ नः पृथि॒वीं वि॒श्वधा॑या
   इ॒माम् च नः पृथि॒वीम् वि॒श्वधा॑याः
   इ॒मां च नः पृथि॒वीं वि॒श्वधा॑या

Halfverse: b    उप॑ क्षेति हि॒तमि॑त्रो॒ न राजा॑ ।
   उप क्षेति हि॒तमि॑त्रः न राजा ।
   उप क्षेति हि॒तमि॑त्रो न राजा ।

Halfverse: c    पु॑रः॒सदः॑ शर्म॒सदो॒ न वी॒रा म॒हद्दे॒वाना॑मसुर॒त्वमेक॑म् ।।
   पु॑रः॒सदः॑ शर्म॒सदो॒ न वी॒रा
   पु॑रः॒सदः शर्म॒सदः न वी॒राः
   पु॑रः॒सदः शर्म॒सदो न वी॒रा

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।


Verse: 22 
Halfverse: a    नि॒ष्षिध्व॑रीस्त॒ ओष॑धीरु॒तापो॑ र॒यिं त॑ इन्द्र पृथि॒वी बि॑भर्ति ।
   नि॒ष्षिध्व॑रीस्त॒ ओष॑धीरु॒तापो
   नि॒ष्षिध्व॑रीः ते ओष॑धीः उ॒त आपः
   नि॒ष्षिध्व॑रीस् त ओष॑धीर् उ॒तापो

Halfverse: b    र॒यिं त॑ इन्द्र पृथि॒वी बि॑भर्ति ।
   र॒यिम् ते इन्द्र पृथि॒वी बि॑भर्ति ।
   र॒यिं त इन्द्र पृथि॒वी बि॑भर्ति ।

Halfverse: c    सखा॑यस्ते वाम॒भाजः॑ स्याम म॒हद्दे॒वाना॑मसुर॒त्वमेक॑म् ।।
   सखा॑यस्ते वाम॒भाजः॑ स्याम
   सखा॑यः ते वाम॒भाजः स्याम
   सखा॑यस् ते वाम॒भाजः सियाम

Halfverse: d    म॒हद्दे॒वाना॑मसुर॒त्वमेक॑म् ।।
   म॒हत् दे॒वाना॑म् असुर॒त्वम् एक॑म् ।।
   म॒हद् दे॒वाना॑म् असुर॒त्वम् एक॑म् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.