TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 780

Hymn: 57_(769)
Verse: 1
Halfverse: a    प्र ते॒ धारा॑ अस॒श्चतो॑ दि॒वो न य॑न्ति वृ॒ष्टयः॑ ।
   प्र ते॒ धारा॑ अस॒श्चतो
   प्र ते धाराः अस॒श्चतः
   प्र ते धारा अस॒श्चतो

Halfverse: b    दि॒वो न य॑न्ति वृ॒ष्टयः॑ ।
   दि॒वः न य॑न्ति वृ॒ष्टयः ।
   दि॒वो न य॑न्ति वृ॒ष्टयः ।

Halfverse: c    अछा॒ वाजं॑ सह॒स्रिण॑म् ।।
   अछा॒ वाजं॑ सह॒स्रिण॑म् ।।
   अछ+ वाज॑म् सह॒स्रिण॑म् ।।
   अछा वाजं सह॒स्रिण॑म् ।।

Verse: 2
Halfverse: a    अ॒भि प्रि॒याणि॒ काव्या॒ विश्वा॒ चक्षा॑णो अर्षति ।
   अ॒भि प्रि॒याणि॒ काव्या
   अ॒भि प्रि॒याणि काव्या
   अ॒भि प्रि॒याणि कावि॑या

Halfverse: b    विश्वा॒ चक्षा॑णो अर्षति ।
   विश्वा चक्षा॑णः अर्षति ।
   विश्वा चक्षा॑णो अर्षति ।

Halfverse: c    हरि॑स्तुञ्जा॒न आयु॑धा ।।
   हरि॑स्तुञ्जा॒न आयु॑धा ।।
   हरिः तुञ्जा॒नः आयु॑धा ।।
   हरि॑स् तुञ्जा॒न आयु॑धा ।।

Verse: 3
Halfverse: a    स म॑र्मृजा॒न आ॒युभि॒रिभो॒ राजे॑व सुव्र॒तः ।
   स म॑र्मृजा॒न आ॒युभि॑र्
   स म॑र्मृजा॒नः आ॒युभिः
   स म॑र्मृजा॒न आ॒युभि॑र्

Halfverse: b    इभो॒ राजे॑व सुव्र॒तः ।
   इभः राजा इव सुव्र॒तः ।
   इभो राजे॑व सुव्र॒तः ।

Halfverse: c    श्ये॒नो न वंसु॑ षीदति ।।
   श्ये॒नो न वंसु॑ षीदति ।।
   श्ये॒नः न वंसु सीदति ।।
   श्ये॒नो न वंसु षीदति ।।

Verse: 4
Halfverse: a    स नो॒ विश्वा॑ दि॒वो वसू॒तो पृ॑थि॒व्या अधि॑ ।
   स नो॒ विश्वा॑ दि॒वो वसु
   स नः विश्वा दि॒वः वसु
   स नो विश्वा दि॒वो वसु

Halfverse: b     ॑उ॒तो पृ॑थि॒व्या अधि॑ ।
   उ॒त उ पृथि॒व्याः अधि ।
   उ॒तो पृ॑थिवि॒या अधि ।

Halfverse: c    पु॑ना॒न इ॑न्द॒वा भ॑र ।।
   पु॑ना॒न इ॑न्द॒वा भ॑र ।।
   पु॑ना॒नः इ॑न्दो आ भ॑र ।।
   पु॑ना॒न इ॑न्दव् आ भ॑र ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.