TITUS
White Yajur-Veda: Brhad-Aranyaka-Upanisad
Part No. 5
Previous part

Paragraph: 5    {= ŚBM 14.4.3.1-34}    {= ŚBK 16.3.5.1-23}
Verse: MK1 
Sentence: a    य॒त्सप्ता॒न्नानि मेध॒या
   य॒द् सप्त अ॒न्नानि मेध॒या

Sentence: b    त॒पसा॒जनयत्पितै
   त॒पसा अ॒जनयत् पिता

Sentence: c    कमस्य साधारणं,
   ए॒कम् अस्य साधारण॒म्

Sentence: d    द्वे॒ देवा॒नभाजयत्.
   द्वे देवा॒न् अभाजयत्

Sentence: e    त्री॒ण्यात्म॒ने ऽकुरुत,
   त्री॒णि आत्म॒ने अकुरुत

Sentence: f    पशु॒भ्य ए॒कं प्रा॒यच्छत्;
   पशु॒भ्यस् ए॒कम् प्रा॒यच्छत्

Sentence: g    त॒स्मिन्त्स॒र्वं प्र॒तिष्ठितं,
   त॒स्मिन् स॒र्वम् प्र॒तिष्ठितम्

Sentence: h    य॒च्च प्रा॒णिति य॒च्च न.
   य॒च्च प्रा॒णिति य॒च्च न

Sentence: i    क॒स्मात्ता॒नि न॒ क्षीयन्ते,
   क॒स्माद् ता॒नि न क्षीयन्ते

Sentence: j    ऽद्य॒मानानि सर्वदा.
   अद्य॒मानानि सर्वदा

Sentence: k    यो वै ताम॒क्षितिं वे॒द,
   य॒स् वै ता॒म् अ॒क्षितिम् वे॒द

Sentence: l    सो॒ ऽन्नमत्ति प्र॒तीकेन,
   स॒स् अ॒न्नम् अत्ति प्र॒तीकेन

Sentence: m    स॒ देवान॒पिगच्छति,
   स देवा॒न् अ॒पिगच्छति

Sentence: n    स॒ ऊऋजमु॒पजीवती॒ति श्लो॒काः.
   स॒स् ऊऋजम् उ॒पजीवति इ॒ति श्लो॒कास्

Verse: MK2 
Sentence: a    य॒त्सप्ता॒न्नानि मेध॒या त॒पसा॒जनयत्पिते॒ति,
   य॒द् सप्त अ॒न्नानि मेध॒या त॒पसा अ॒जनयत् पिता इ॒ति

Sentence: b          मेध॒या हि त॒पसा॒जनयत्पितै॒कमस्य साधारणमि॒तीद॒मे॒वास्य त॒त्साधारणम॒न्नं,
         मेध॒या हि त॒पसा अ॒जनयत् पिता ए॒कम् अस्य साधारण॒म् इ॒ति इद॒म् एव अस्य त॒द् साधारण॒म् अ॒न्नम्

Sentence: c          य॒दिद॒मद्य॒ते.
         य॒द् इद॒म् अद्य॒ते

Sentence: d    स य॒ एत॒दुपा॒स्ते,
   स य॒स् एत॒द् उपा॒स्ते

Sentence: e          न स॒ पाप्म॒नो व्या॒वर्तते;
         न स पाप्म॒नस् व्या॒वर्तते

Sentence: f       मिश्रँ॒ ह्येत॒त्.
      मिश्र॒म् हि एत॒द्

Verse: M3/K2 
Sentence: a    द्वे॒ देवा॒नभाजयदि॒ति,
   द्वे देवा॒न् अभाजयत् इ॒ति

Sentence: b          हुतं॒ च प्र॒हुतं च;
         हुत॒म् च प्र॒हुतम् च

Sentence: c       त॒स्माद्देवे॒भ्यो जु॒ह्वति च प्र॒ च जुह्वत्य्.
      त॒स्माद् देवे॒भ्यस् जु॒ह्वति च प्र च जुह्वति

Sentence: d    अ॒थो आहुर्:
   अ॒थ उ आहुर्

Sentence: e       दर्शपूर्णमासावि॒ति.
      दर्शपूर्णमासौ इ॒ति

Sentence: f    त॒स्मा॒न्नेष्टिया॒जुकः स्यात्.
   त॒स्माद् न इष्टिया॒जुकस् स्यात्

Verse: M4/K2 
Sentence: a    पशु॒भ्य ए॒कं प्रा॒यच्छदि॒ति,
   पशु॒भ्यस् ए॒कम् प्रा॒यच्छत् इ॒ति

Sentence: b          तत्प॒यः;
         त॒द् प॒यस्

Sentence: c       प॒यो॒ ह्येवा॒ग्रे मनु॒ष्याश्च पश॒वश्चोपजी॒वन्ति.
      प॒यस् हि एव अ॒ग्रे मनु॒ष्यास् च पश॒वस् च उपजी॒वन्ति

Sentence: d    त॒स्मात्कुमारं॒ जातं॒ घृतं॒ वैवा॒ग्रे प्रतिलेह॒यन्ति,
   त॒स्माद् कुमार॒म् जात॒म् घृत॒म् वा एव अ॒ग्रे प्रतिलेह॒यन्ति

Sentence: e          स्त॒नं वा॒नुधापयन्ति;
         स्त॒नम् वा अ॒नुधापयन्ति

Verse: M5/K2 
Sentence: a    अ॒थ वत्सं॒ जात॒माहुर्:
   अ॒थ वत्स॒म् जात॒म् आहुर्

Sentence: b       अ॒तृणाद इ॒ति.
      अ॒तृणादस् इ॒ति

Sentence: c    त॒स्मिन्त्स॒र्वं प्र॒तिष्ठितं,
   त॒स्मिन् स॒र्वम् प्र॒तिष्ठितम्

Sentence: d          य॒च्च प्रा॒णिति य॒च्च ने॒ति,
         य॒च्च प्रा॒णिति य॒च्च न इ॒ति

Sentence: e          प॒यसि॒ हीदँ स॒र्वं प्र॒तिष्ठितं,
         प॒यसि हि इद॒म् स॒र्वम् प्र॒तिष्ठितम्

Sentence: f          य॒च्च प्रा॒णिति य॒च्च न.
         य॒च्च प्रा॒णिति य॒च्च न

Verse: M6/K2 
Sentence: a    तद्य॒दिद॒माहुः:
   त॒द् य॒द् इद॒म् आहु॒र्

Sentence: b       संवत्सरं प॒यसा जु॒ह्वद॒प पुनर्मृत्युं॒ जयती॒ति,
      संवत्सर॒म् प॒यसा जु॒ह्वत् अ॒प पुनर्मृत्यु॒म् जयति इ॒ति

Sentence: c          न त॒था विद्याद्.
         न त॒था विद्यात्

Sentence: d    यद॒हरेव॒ जुहो॒ति,
   य॒द् अ॒हर् एव जुहो॒ति

Sentence: e          तद॒हः पुनर्मृत्युम॒पजयत्येवं॒ विद्वा॒न्त्;
         त॒द् अ॒हर् पुनर्मृत्यु॒म् अ॒पजयति एव॒म् विद्वा॒न्

Sentence: f       स॒र्वँ हि॒ देवे॒भ्यो ऽन्ना॒द्यं प्रय॒च्छति.
      स॒र्वम् हि देवे॒भ्यस् अन्ना॒द्यम् प्रय॒च्छति

Sentence: g    क॒स्मात्ता॒नि न॒ क्षीयन्ते ऽद्य॒मानानि स॒र्वदे॒ति.
   क॒स्माद् ता॒नि न क्षीयन्ते अद्य॒मानानि स॒र्वदा इ॒ति

Verse: M7/K2 
Sentence: a    पु॒रुषो वा अ॒क्षितिः,
   पु॒रुषस् वै अ॒क्षितिस्

Sentence: b          स॒ हीदम॒न्नं पु॒नःपुनर्जन॒यते.
         स हि इद॒म् अ॒न्नम् पु॒नःपुनर् जन॒यते

Sentence: c    यो वै ताम॒क्षितिं वेदे॒ति,
   य॒स् वै ता॒म् अ॒क्षितिम् वे॒द इ॒ति

Sentence: d          पु॒रुषो वा अ॒क्षितिः.
         पु॒रुषस् वै अ॒क्षितिस्

Sentence: e    स॒ हीदम॒न्नं धिया॒धिया जन॒यते क॒र्मभिर्;
   स हि इद॒म् अ॒न्नम् धिया॒धिया जन॒यते क॒र्मभिस्

Sentence: f       य॒द्धैतन्न॒ कुर्या॒त्,
      य॒द् ह एत॒द् न कुर्या॒त्

Sentence: g          क्षी॒येत ह.
         क्षी॒येत ह

Sentence: h    सो॒ ऽन्नमत्ति प्र॒तीकेने॒ति,
   स॒स् अ॒न्नम् अत्ति प्र॒तीकेन इ॒ति

Sentence: i          मु॒खं प्र॒तीकं,
         मु॒खम् प्र॒तीकम्

Sentence: j          मु॒खेने॒त्येत॒त्.
         मु॒खेन इ॒ति एत॒द्

Sentence: k    स॒ देवान॒पिगच्छति,
   स देवा॒न् अ॒पिगच्छति

Sentence: l          स ऊ॒र्जमु॒पजीवती॒ति प्रशँसा.
         स॒स् ऊ॒र्जम् उ॒पजीवति इ॒ति प्रशँसा

Verse: M8/K3 
Sentence: a    त्री॒ण्यात्म॒ने ऽकुरुते॒ति:
   त्री॒णि आत्म॒ने अकुरुत इ॒ति

Sentence: b       म॒नो वा॒चं प्राणं;
      म॒नस् वा॒चम् प्राण॒म्

Sentence: c       ता॒न्यात्म॒ने ऽकुरुतान्य॒त्रमना अभूवं,
      ता॒नि आत्म॒ने अकुरुत अन्य॒त्रमनास् अभूवम्

Sentence: d          नादर्शम्;
         न अदर्शम्

Sentence: e       अन्य॒त्रमना अभूवं,
      अन्य॒त्रमनास् अभूवम्

Sentence: f          नाश्रौषमि॒ति:
         न अश्रौषम् इ॒ति

Sentence: g       म॒नसा॒ ह्येव प॒श्यति,
      म॒नसा हि एव प॒श्यति

Sentence: h          म॒नसा शृणो॒ति.
         म॒नसा शृणो॒ति

Verse: M9/K3 
Sentence: a    का॒मः सङ्कल्पो॒ विचिकित्सा॒ श्रद्धा॒श्रद्धा धृ॒तिर॒धृतिर्ह्रीर्धीर्भीरि॒त्येतत्स॒र्वं म॒न एव.
   का॒मस् सङ्कल्प॒स् विचिकित्सा श्रद्धा अ॒श्रद्धा धृ॒तिस् अ॒धृतिस् ह्री॒स् धी॒स् भी॒स् इ॒ति एत॒द् स॒र्वम् म॒नस् एव

Sentence: b    त॒स्माद॒पि पृष्ठ॒त उ॒पस्पृष्टो म॒नसा वि॒जानाति.
   त॒स्माद् अ॒पि पृष्ठ॒तस् उ॒पस्पृष्टस् म॒नसा वि॒जानाति

Verse: M10/K3 
Sentence: a    यः क॒श्च श॒ब्दो,
   य॒स् क॒श्च श॒ब्दस्

Sentence: b          वा॒गेव॒ सैषा ह्य॒न्तं आ॒यत्तैषा हि न.
         वा॒क् एव सा एषा हि अ॒न्तम् आ॒यत्ता एषा हि न

Sentence: c    प्रा॒णो ऽपानो॒ व्यान॒ उदानः॒ समा॒नो ऽन इ॒त्येतत्स॒र्वं प्राण॒ ए॒वैतन्म॒यो वा॒ अय॒मात्मा:
   प्राण॒स् अपान॒स् व्यान॒स् उदान॒स् समान॒स् अन॒स् इ॒ति एत॒द् स॒र्वम् प्राण॒स् एव एतन्म॒यस् वै अय॒म् आत्मा

Sentence: d       वाङ्म॒यो,
      वाङ्म॒यस्

Sentence: e          मनोम॒यः,
         मनोम॒यस्

Sentence: f          प्राणम॒यः.
         प्राणम॒यस्

Verse: M11/K4 
Sentence: a    त्र॒यो लोका॒ एत॒ एव:
   त्र॒यस् लोका॒स् एते एव

Sentence: b       वा॒गे॒वायं॒ लोको,
      वा॒क् एव अय॒म् लोक॒स्

Sentence: c          म॒नो ऽन्तरिक्षलोकः,
         म॒नस् अन्तरिक्षलोक॒स्

Sentence: d          प्रा॒णो ऽसौ॒ लोकः.
         प्राण॒स् असौ लोक॒स्

Verse: M12/K5 
Sentence: a    त्र॒यो वे॒दा एत॒ एव:
   त्र॒यस् वे॒दास् एते एव

Sentence: b       वा॒गे॒वर्ग्वेदो,
      वा॒क् एव ऋग्वेद॒स्

Sentence: c          म॒नो यजुर्वेदः,
         म॒नस् यजुर्वेद॒स्

Sentence: d          प्राणः॒ सामवेदः.
         प्राण॒स् सामवेद॒स्

Verse: M13/K6 
Verse: MK1 
Sentence: a    देवा॒ पित॒रो मनु॒ष्या एत॒ एव: वा॒गेव॒ देवा, म॒नः पित॒रः, प्राणो॒ मानु॒ष्याः.
   देवा॒स् पित॒रस् मनु॒ष्यास् एते एव वा॒क् एव देवा॒स् म॒नस् पित॒रस् प्राण॒स् मानु॒ष्यास्

Verse: M14/K7 
Sentence: a    पिता॒ माता॒ प्र॒जैत॒ एव:
   पिता माता प्रजा एते एव

Sentence: b       म॒न एव॒ पिता,
      म॒नस् एव पिता

Sentence: c          वा॒ङ्माता,
         वा॒क् माता

Sentence: d          प्राणः॒ प्रजा.
         प्राण॒स् प्रजा

Verse: M15/K8 
Sentence: a    वि॒ज्ञातं विजिज्ञा॒स्यम॒विज्ञातमेत॒ एव:
   वि॒ज्ञातम् विजिज्ञा॒स्यम् अ॒विज्ञातम् एते एव

Sentence: b       यत्कि॒ञ्च वि॒ज्ञातं वाचस्त॒द्रूपं:
      य॒द् कि॒ञ्च वि॒ज्ञातम् वाच॒स् त॒द् रूप॒म्

Sentence: c       वाग्घि वि॒ज्ञाता,
      वा॒क् हि वि॒ज्ञाता

Sentence: d          वा॒गेनं त॒द्भू॒त्वावति.
         वा॒क् एनम् त॒द् भूत्वा अवति

Verse: M16/K9 
Sentence: a    यत्कि॒ञ्च विजिज्ञा॒स्यं म॒नसस्त॒द्रूपं:
   य॒द् कि॒ञ्च विजिज्ञा॒स्यम् म॒नसस् त॒द् रूप॒म्

Sentence: b       म॒नो हि॒ विजिज्ञा॒स्यं,
      म॒नस् हि विजिज्ञा॒स्यम्

Sentence: c          म॒न एनं त॒द्भू॒त्वावति.
         म॒नस् एनम् त॒द् भूत्वा अवति

Verse: M17/K10 
Sentence: a    यत्किञ्चा॒विज्ञातं प्राण॒स्य त॒द्रूपं:
   य॒द् कि॒ञ्च अ॒विज्ञातम् प्राण॒स्य त॒द् रूप॒म्

Sentence: b       प्राणो ह्य॒विज्ञातः,
      प्राण॒स् हि अ॒विज्ञातस्

Sentence: c          प्राण॒ एनं त॒द्भू॒त्वावति.
         प्राण॒स् एनम् त॒द् भूत्वा अवति

Verse: M18/K11 
Sentence: a    त॒स्यै वाचः॒ पृथिवी श॒रीरं,
   त॒स्यै वाच॒स् पृथिवी श॒रीरम्

Sentence: b          ज्यो॒ती रूप॒मय॒मग्नि॒स्.
         ज्यो॒तिस् रूप॒म् अय॒म् अग्नि॒स्

Sentence: c    तद्या॒वत्येव वा॒क्,
   त॒द् या॒वती एव वा॒क्

Sentence: d          ता॒वती पृथिवी,
         ता॒वती पृथिवी

Sentence: e          ता॒वानय॒मग्निः.
         ता॒वान् अय॒म् अग्नि॒स्

Verse: M19/K12 
Sentence: a    अ॒थैत॒स्य म॒नसो द्यौः श॒रीरं,
   अ॒थ एत॒स्य म॒नसस् द्यौ॒स् श॒रीरम्

Sentence: b          ज्यो॒ती रूप॒मसा॒वादित्य॒स्.
         ज्यो॒तिस् रूप॒म् असौ आदित्य॒स्

Sentence: c    तद्या॒वदेव म॒नस्ता॒वती द्यौ॒स्,
   त॒द् या॒वत् एव म॒नस् ता॒वती द्यौ॒स्

Sentence: d          ता॒वानसा॒वादित्य॒स्.
         ता॒वान् असौ आदित्य॒स्

Sentence: e    तौ॒ मिथुनँ स॒मैतां.
   तौ मिथुन॒म् स॒मैताम्

Sentence: f    त॒तः प्रा॒णो ऽजायत.
   त॒तस् प्राण॒स् अजायत

Sentence: g    स इ॒न्द्रः,
   स॒स् इ॒न्द्रस्

Sentence: h          स॒ ए॒षो ऽसपत्नो.
         स॒स् एष॒स् असपत्न॒स्

Sentence: i    द्विती॒यो वै॒ सप॒त्नो.
   द्विती॒यस् वै सप॒त्नस्

Sentence: j    नास्य सप॒त्नो भवति,
   न अस्य सप॒त्नस् भवति

Sentence: k          य॒ एवं वे॒द.
         य॒स् एव॒म् वे॒द

Verse: M20/K13 
Sentence: a    अ॒थैत॒स्य प्राणस्या॒पः श॒रीरं,
   अ॒थ एत॒स्य प्राण॒स्य आ॒पस् श॒रीरम्

Sentence: b          ज्यो॒ती रूप॒मसौ॒ चन्द्र॒स्.
         ज्यो॒तिस् रूप॒म् असौ चन्द्र॒स्

Sentence: c    तद्या॒वानेव॒ प्राण॒स्,
   त॒द् या॒वान् एव प्राण॒स्

Sentence: d          ता॒वत्य आ॒पस्,
         ता॒वत्यस् आ॒पस्

Sentence: e          ता॒वानसौ॒ चन्द्रः.
         ता॒वान् असौ चन्द्र॒स्

Verse: M21/K13 
Sentence: a    त॒ एते स॒र्व एव॒ समाः,
   ते एते स॒र्वे एव समा॒स्

Sentence: b          स॒र्वे ऽनन्ताः.
         स॒र्वे अनन्ता॒स्

Sentence: c    स यो॒ हैतान॒न्तवत उपास्ते,
   स य॒स् ह एता॒न् अ॒न्तवतस् उपा॒स्ते

Sentence: d          ऽन्तवन्तँ स॒ लोकं॒ जयत्य्;
         अ॒न्तवन्तम् स लोक॒म् जयति

Sentence: e       अ॒थ यो॒ हैता॒ननन्ता॒नुपा॒स्ते,
      अ॒थ य॒स् ह एता॒न् अनन्ता॒न् उपा॒स्ते

Sentence: f          ऽनन्तँ स॒ लोकं॒ जयति.
         अनन्त॒म् स लोक॒म् जयति

Verse: M22/K14 
Sentence: a    स॒ एष॒ संवत्सरः॒ प्रजा॒पतिष्षो॒डशकलस्.
   स॒स् एष संवत्सर॒स् प्रजा॒पतिस् षो॒डशकलस्

Sentence: b    त॒स्य रा॒त्रय एव प॒ञ्चदश कला;
   त॒स्य रा॒त्रयस् एव प॒ञ्चदश कला॒स्

Sentence: c       ध्रु॒वै॒वास्य षोडशी॒ कला.
      ध्रुवा एव अस्य षोडशी कला

Sentence: d    स रा॒त्रिभिरेवा॒ च पूर्यते,
   स रा॒त्रिभिस् एव आ च पूर्यते

Sentence: e          ऽप च क्षीयते.
         अ॒प च क्षीयते

Sentence: f    सो ऽमावा॒स्याँ रा॒त्रिमेत॒या षोडश्या॒ कल॒या स॒र्वमिदं॒ प्राणभृ॒दनुप्रवि॒श्य,
   स॒स् अमावा॒स्याम् रा॒त्रिम् एत॒या षोडश्या कल॒या स॒र्वम् इद॒म् प्राणभृ॒त् अनुप्रवि॒श्य

Sentence: g          त॒तः प्रात॒र्जायते.
         त॒तस् प्रात॒र् जायते

Sentence: h    त॒स्मादेताँ रा॒त्रिं प्राणभृ॒तः प्राणं न वि॒च्छिन्द्याद॒पि कृकलास॒स्यैत॒स्या एव॒ देव॒ताया अ॒पचित्यै.
   त॒स्माद् एता॒म् रा॒त्रिम् प्राणभृ॒तस् प्राण॒म् न वि॒च्छिन्द्यात् अ॒पि कृकलास॒स्य एत॒स्यास् एव देव॒तायास् अ॒पचित्यै

Verse: M23/K15 
Sentence: a    यो वै स॒ संवत्सरः॒ प्रजा॒पतिष्षो॒डशकालो,
   य॒स् वै स संवत्सर॒स् प्रजा॒पतिस् षो॒डशकालस्

Sentence: b          ऽय॒मेव स॒ यो ऽय॒मेवंवित्पु॒रुषस्.
         अय॒म् एव स य॒स् अय॒म् एवंवि॒द् पु॒रुषस्

Sentence: c    त॒स्य वित्त॒मेव प॒ञ्चदश कला:
   त॒स्य वित्त॒म् एव प॒ञ्चदश कला॒स्

Sentence: d       आ॒त्मै॒वास्य षोडशी॒ कला.
      आत्मा एव अस्य षोडशी कला

Sentence: e    स॒ वित्ते॒नैवा॒ च पूर्यते,
   स वित्ते॒न एव आ च पूर्यते

Sentence: f          ऽप च क्षीयते.
         अ॒प च क्षीयते

Sentence: g    त॒देतन्न॒भ्यं य॒दय॒मात्मा,
   त॒द् एत॒द् न॒भ्यम् य॒द् अय॒म् आत्मा

Sentence: h          प्रधि॒र्वित्तं.
         प्रधि॒स् वित्त॒म्

Sentence: i    त॒स्माद्य॒दि अ॒पि सर्वज्यानिं जी॒यत,
   त॒स्माद् य॒दि अ॒पि सर्वज्यानि॒म् जी॒यते

Sentence: j          आत्म॒ना चेज्जी॒वति,
         आत्म॒ना चे॒द् जी॒वति

Sentence: k          प्रधि॒नागादि॒त्याहुः.
         प्रधि॒ना अगात् इ॒ति आहुर्

Verse: M24/K16 
Sentence: a    अ॒थ त्र॒यो वाव॒ लोका:
   अ॒थ त्र॒यस् वाव लोका॒स्

Sentence: b       मनुष्यलोकः,
      मनुष्यलोक॒स्

Sentence: c          पितृलोको,
         पितृलोक॒स्

Sentence: d          देवलोक इ॒ति.
         देवलोक॒स् इ॒ति

Sentence: e    सो ऽयं॒ मनुष्यलोकः॒ पुत्रे॒णैव ज॒य्यो,
   स॒स् अय॒म् मनुष्यलोक॒स् पुत्रे॒ण एव ज॒य्यस्

Sentence: f          नान्ये॒न क॒र्मणा;
         न अन्ये॒न क॒र्मणा

Sentence: g       क॒र्मणा पितृलोको;
      क॒र्मणा पितृलोक॒स्

Sentence: h       विद्य॒या देवलोको.
      विद्य॒या देवलोक॒स्

Sentence: i    देवलोको वै॒ लोका॒नाँ श्रे॒ष्ठस्;
   देवलोक॒स् वै लोका॒नाम् श्रे॒ष्ठस्

Sentence: j       त॒स्माद्विद्यां प्र॒शँसन्ति.
      त॒स्माद् विद्या॒म् प्र॒शँसन्ति

Verse: M25/K17 
Sentence: a    अथा॒तः सम्प्र॒त्तिर्.
   अ॒थ अ॒तस् सम्प्र॒त्तिस्

Sentence: b    यदा॒ प्रैष्यन्म॒न्यते,
   यदा प्रैष्य॒न् म॒न्यते

Sentence: c          ऽथ पुत्र॒माह:
         अ॒थ पुत्र॒म् आह

Sentence: d       त्वं ब्र॒ह्म,
      त्व॒म् ब्र॒ह्म

Sentence: e          त्वं॒ यज्ञ॒स्,
         त्व॒म् यज्ञ॒स्

Sentence: f          त्वं॒ लोक इ॒ति.
         त्व॒म् लोक॒स् इ॒ति

Sentence: g    स॒ पुत्रः प्र॒त्याहाहं ब्र॒ह्माहं॒ य॒ज्ञो,
   स पुत्र॒स् प्र॒त्याह अह॒म् ब्र॒ह्म अह॒म् यज्ञ॒स्

Sentence: h          ऽह॒म्लोक इ॒ति.
         अह॒म् लोक॒स् इ॒ति

Verse: M26/K17 
Sentence: a    यद्वै किञ्चा॒नूक्तं,
   य॒द् वै कि॒ञ्च अ॒नूक्तम्

Sentence: b          त॒स्य स॒र्वस्य ब्रह्मे॒त्येक॒ता.
         त॒स्य स॒र्वस्य ब्र॒ह्म इ॒ति एक॒ता

Sentence: c    ये वै के॒च यज्ञा॒स्,
   ये वै के॒च यज्ञा॒स्

Sentence: d          ते॒षाँ स॒र्वेषां यज्ञ इ॒त्येक॒ता.
         ते॒षाम् स॒र्वेषाम् यज्ञ॒स् इ॒ति एक॒ता

Sentence: e    ये वै के॒च लोका॒स्,
   ये वै के॒च लोका॒स्

Sentence: f          ते॒षाँ स॒र्वेषां लोक इ॒त्येक॒तैता॒वद्वा॒ इदँ स॒र्वं:
         ते॒षाम् स॒र्वेषाम् लोक॒स् इ॒ति एक॒ता एता॒वत् वै इद॒म् स॒र्वम्

Sentence: g       एत॒न्मा स॒र्वँ स॒न्नय॒मितो॒ भुनजदि॒ति.
      एत॒द् मा स॒र्वम् स॒न् अय॒म् इत॒स् भुनजत् इ॒ति

Sentence: h    त॒स्मात्पुत्रम॒नुशिष्टं लो॒क्यमाहुस्,
   त॒स्माद् पुत्र॒म् अ॒नुशिष्टम् लो॒क्यम् आहुर्

Sentence: i          त॒स्मादेनम॒नुशासति.
         त॒स्माद् एनम् अ॒नुशासति

Sentence: j    स॒ य॒दैवंवि॒दस्मा॒ल्लोकात्प्रै॒त्य्,
   स यदा एवंवि॒द् अस्मा॒द् लोका॒द् प्रै॒ति

Sentence: k          अ॒थैभि॒रेव॒ प्राणैः॒ सह॒ पुत्रमा॒विशति.
         अ॒थ एभि॒स् एव प्राणै॒स् सह पुत्र॒म् आ॒विशति

Sentence: l    स य॒द्यने॒न कि॒ञ्चिदक्ष्णया॒ कृतं भ॒वति,
   स य॒दि अने॒न कि॒ञ्चिद् अक्ष्णया कृत॒म् भ॒वति

Sentence: m          त॒स्मादेनँ स॒र्वस्मात्पुत्रो॒ मुञ्चति.
         त॒स्माद् एनम् स॒र्वस्माद् पुत्र॒स् मुञ्चति

Sentence: n    त॒स्मात्पुत्रो ना॒म.
   त॒स्माद् पुत्र॒स् ना॒म

Sentence: o    स॒ पुत्रे॒णै॒वास्मिल्लोके प्र॒तितिष्ठत्य्,
   स पुत्रे॒णा एव अस्मिन् लोके प्र॒तितिष्ठति

Sentence: p          अ॒थैनमेते॒ देवाः॒ प्राणा॒ अमृ॒ता आ॒विशन्ति.
         अ॒थ एनम् एते देवा॒स् प्राणा॒स् अमृ॒तास् आ॒विशन्ति

Verse: M27/K18 
Sentence: a    पृथिव्यै॒ चैनमग्ने॒श्च दै॒वी वागा॒विशति.
   पृथिव्यै च एनम् अग्ने॒स् च दै॒वी वा॒क् आ॒विशति

Sentence: b    सा वै दै॒वी वाग्य॒या,
   सा वै दै॒वी वा॒क् य॒या

Sentence: c          य॒द्यदेव व॒दति,
         य॒द्यद् एव व॒दति

Sentence: d          त॒त्तद्भवति.
         त॒त्तद् भवति

Verse: M28/K19 
Sentence: a    दिव॒श्चैनमादित्या॒च्च दै॒वं म॒न आ॒विशति.
   दिव॒स् च एनम् आदित्या॒द् च दै॒वम् म॒नस् आ॒विशति

Sentence: b    तद्वै दै॒वं म॒नो ये॒नान॒न्द्येव भ॒वत्य्,
   त॒द् वै दै॒वम् म॒नस् ये॒न आनन्दी एव भ॒वति

Sentence: c          अ॒थो न॒ शोचति.
         अ॒थ उ न शोचति

Verse: M29/K20 
Sentence: a    अद्भ्य॒श्चैनं चन्द्र॒मसश्च दै॒वः प्राण आ॒विशति.
   अद्भ्य॒स् च एनम् चन्द्र॒मसस् च दै॒वस् प्राण॒स् आ॒विशति

Sentence: b    स वै दै॒वः प्राणो यः॒ संच॒रँश्चा॒संचरँश्च न व्य॒थते,
   स वै दै॒वस् प्राण॒स् य॒स् संच॒रन् च अ॒संचरन् च न व्य॒थते

Sentence: c          ऽथो न रि॒ष्यति.
         अ॒थ उ न रि॒ष्यति

Sentence: d    स॒ एष॒ एवंवित्स॒र्वेषां भूता॒नामात्मा॒ भवति.
   स॒स् एष एवंवि॒द् स॒र्वेषाम् भूता॒नाम् आत्मा भवति

Sentence: e    य॒थैषा॒ देव॒तैवँ स.
   य॒था एषा देव॒ता एव॒म् स

Sentence: f    य॒थैतां॒ देव॒ताँ स॒र्वाणि भूतान्य॒वन्त्य्,
   य॒था एता॒म् देव॒ताम् स॒र्वाणि भूता॒नि अ॒वन्ति

Sentence: g          एवँ॒ हैवंवि॒दँ स॒र्वाणि भूता॒न्यवन्ति.
         एव॒म् ह एवंवि॒दम् स॒र्वाणि भूता॒नि अवन्ति

Sentence: h    य॒दु कि॒ञ्चेमाः॒ प्रजाः शो॒चन्त्य्,
   य॒द् उ कि॒ञ्च इमा॒स् प्रजा॒स् शो॒चन्ति

Sentence: i          अ॒मै॒वासां त॒द्भवति,
         अमा एव आसाम् त॒द् भवति

Sentence: j          पु॒ण्यमे॒वामुं॒ गच्छति,
         पु॒ण्यम् एव अमु॒म् गच्छति

Sentence: k          न॒ ह वै॒ देवा॒न्पापं॒ गच्छति.
         न ह वै देवा॒न् पाप॒म् गच्छति

Verse: M30/K21 
Sentence: a    अथा॒तो व्रतमीमाँसा.
   अ॒थ अ॒तस् व्रतमीमाँसा

Sentence: b    प्रजा॒पतिर्ह क॒र्माणि ससृजे.
   प्रजा॒पतिस् ह क॒र्माणि ससृजे

Sentence: c    ता॒नि सृष्टा॒न्य॒न्यो ऽन्ये॒नास्पर्धन्त:
   ता॒नि सृष्टा॒नि अन्य॒स् अन्ये॒न अस्पर्धन्त

Sentence: d       वदिष्या॒म्ये॒वाहमि॒ति वा॒ग्दध्रे;
      वदिष्या॒मि एव अह॒म् इ॒ति वा॒क् दध्रे

Sentence: e       द्रक्ष्या॒म्यहमि॒ति च॒क्षुः;
      द्रक्ष्या॒मि अह॒म् इ॒ति च॒क्षुस्

Sentence: f       श्रोष्या॒म्यहमि॒ति श्रो॒त्रम्;
      श्रोष्या॒मि अह॒म् इ॒ति श्रो॒त्रम्

Sentence: g       एव॒मन्या॒नि क॒र्माणि यथाकर्म॒म्.
      एव॒म् अन्या॒नि क॒र्माणि यथाकर्म॒म्

Verse: M31/K21 
Sentence: a    ता॒नि मृत्युः श्र॒मो भूत्वो॒पयेमे,
   ता॒नि मृत्यु॒स् श्र॒मस् भूत्वा उ॒पयेमे

Sentence: b          ता॒न्याप्नोत्;
         ता॒नि आप्नोत्

Sentence: c       ता॒न्याप्त्वा॒ मृत्युर॒वारुन्द्ध.
      ता॒नि आप्त्वा मृत्यु॒र् अ॒वारुन्द्ध

Sentence: d    त॒स्माच्छ्रा॒म्यत्येव वा॒क्,
   त॒स्माद् श्रा॒म्यति एव वा॒क्

Sentence: e          श्रा॒म्यति च॒क्षुः,
         श्रा॒म्यति च॒क्षुस्

Sentence: f          श्रा॒म्यति श्रो॒त्रम्.
         श्रा॒म्यति श्रो॒त्रम्

Sentence: g    अ॒थेम॒मेव॒ नाप्नोद्,
   अ॒थ इम॒म् एव न आप्नोत्

Sentence: h          यो ऽयं॒ मध्यमः॒ प्राणः.
         य॒स् अय॒म् मध्यम॒स् प्राण॒स्

Verse: M32/K21 
Sentence: a    ता॒नि ज्ञा॒तुं दध्रिरे:
   ता॒नि ज्ञा॒तुम् दध्रिरे

Sentence: b       ऽयं वै॒ नः श्रे॒ष्ठो यः॒ संच॒रंश्चा॒संचरंश्च न व्य॒थते,
      अय॒म् वै नस् श्रे॒ष्ठस् य॒स् संच॒रन् च अ॒संचरन् च न व्य॒थते

Sentence: c          ऽथो न रि॒ष्यति.
         अ॒थ उ न रि॒ष्यति

Sentence: d    ह॒न्तास्यैव स॒र्वे रूपं भ॒वामे॒ति.
   ह॒न्त अस्य एव स॒र्वे रूप॒म् भ॒वाम इ॒ति

Sentence: e    त॒ एत॒स्यैव स॒र्वे रूप॒मभवन्स्.
   ते एत॒स्य एव स॒र्वे रूप॒म् अभवन्

Sentence: f    त॒स्मादेत॒ एतेना॒ख्यायन्ते प्राणा इ॒ति.
   त॒स्माद् एते एते॒न आ॒ख्यायन्ते प्राणा॒स् इ॒ति

Sentence: g    ते॒न ह वाव तत्कु॒लमा॒चक्षते,
   ते॒न ह वाव त॒द् कु॒लम् आ॒चक्षते

Sentence: h          य॒स्मिन्कु॒ले भ॒वति य॒ एवं वे॒द.
         य॒स्मिन् कु॒ले भ॒वति य॒स् एव॒म् वे॒द

Sentence: i    य॒ उ हैवंवि॒दा स्प॒र्धतेK add. ऽनुशुष्यत्य्,
   य॒स् उ ह एवंवि॒दा स्प॒र्धते K add. अनुशुष्यति

Sentence: j          अनुशु॒ष्य है॒वान्ततो॒ म्रियत.
         अनुशु॒ष्य ह एव अन्तत॒स् म्रियते

Sentence: k    इ॒त्यध्यात्म॒म्.
   इ॒ति अध्यात्म॒म्

Verse: M33/K22 
Sentence: a    अ॒थाधिदेवतं:
   अ॒थ अधिदेवत॒म्

Sentence: b       ज्वलिष्या॒म्ये॒वाहमि॒त्यग्नि॒र्दध्रे;
      ज्वलिष्या॒मि एव अह॒म् इ॒ति अग्नि॒स् दध्रे

Sentence: c       तप्स्या॒म्यहमि॒त्यादित्यो;
      तप्स्या॒मि अह॒म् इ॒ति आदित्य॒स्

Sentence: d       भास्या॒म्यहमि॒ति चन्द्र॒मा;
      भास्या॒मि अह॒म् इ॒ति चन्द्र॒मास्

Sentence: e       एव॒मन्या॒ देव॒ता यथादेवतँ.
      एव॒म् अन्या॒स् देव॒तास् यथादेवत॒म्

Sentence: f    स य॒थैषां॒ प्राणा॒नां मध्यमः॒ प्राण,
   स य॒था एषा॒म् प्राणा॒नाम् मध्यम॒स् प्राण॒स्

Sentence: g          एव॒मेता॒सां देव॒तानां वायु॒र्.
         एव॒म् एता॒साम् देव॒तानाम् वायु॒स्

Sentence: h    म्लो॒चन्ति॒ ह्यन्या॒ देव॒ता,
   म्लो॒चन्ति हि अन्या॒स् देव॒तास्

Sentence: i          न॒ वायुः.
         न वायु॒स्

Sentence: j    सैषा॒नस्तमिता देव॒ता य॒द्वायुः.
   सा एषा अ॒नस्तमिता देव॒ता य॒द् वायु॒स्

Verse: M34/K23 
Sentence: a    अ॒थैष श्लो॒को भवति:
   अ॒थ एष श्लो॒कस् भवति

Sentence: b    य॒तश्चोदे॒ति सूर्यो,
   य॒तस् च उदे॒ति सू॒र्यस्

Sentence: c    ऽस्तं य॒त्र च ग॒च्छती॒ति
   अ॒स्तम् य॒त्र च ग॒च्छति इ॒ति

Sentence: d    प्राणाद्वा॒ एष उ॒देति,
   प्राणा॒द् वै एष उ॒देति

Sentence: e          प्राणे॒ ऽस्तमेति
         प्राणे अ॒स्तम् एति

Sentence: f    तं॒ देवा॒श्चक्रिरे ध॒र्मँ,
   त॒म् देवा॒स् चक्रिरे ध॒र्मम्

Sentence: g    स॒ ए॒वाद्य,
   स॒स् एव अद्य

Sentence: h          स॒ उ श्व इ॒ति.
         स॒स् उ श्व॒स् इ॒ति

Sentence: i    यद्वा॒ ए॒ते ऽमुर्ह्य॒ध्रियन्त,
   य॒द् वै एते अमु॒र्हि अ॒ध्रियन्त

Sentence: j          त॒देवा॒प्यद्य॒ कुर्वन्ति.
         त॒द् एव अ॒पि अद्य कुर्वन्ति

Sentence: k    त॒स्मादे॒कमेव॒ व्रतं॒ चरेत्.
   त॒स्माद् ए॒कम् एव व्रत॒म् चरेत्

Sentence: l    प्रा॒ण्याच्चै॒वापान्या॒च्च:
   प्रा॒ण्याद् च एव अपान्या॒द् च

Sentence: m       ने॒न्मा पाप्मा॒ मृत्यु॒राप्नवदि॒ति.
      ने॒द् मा पाप्मा मृत्यु॒स् आप्नवत् इ॒ति

Sentence: n    य॒द्यु च॒रेत्,
   य॒दि उ च॒रेत्

Sentence: o          स॒मापिपयिषेत्.
         स॒मापिपयिषेत्

Sentence: p    ते॒नो एत॒स्यै देव॒तायै सा॒युज्यँ सलोक॒तां जयति,
   ते॒न उ एत॒स्यै देव॒तायै सा॒युज्यम् सलोक॒ताम् जयति

Sentence: q          य॒ एवं वे॒द.
         य॒स् एव॒म् वे॒द

Next part


This text is part of the TITUS edition of White Yajur-Veda: Brhad-Aranyaka-Upanisad.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.