TITUS Texts: Flavius Iosephus, Antiquitates Iudaicae I-II

ARMAZI / GNC
Author: Flav.Ios.
Flavius Iosephus
Book: Ant.Iud.
Antiquitates Iudaicae (partes I-II)

On the basis of the edition
Ioseb Plaviosi,
Motxrobani iudaebrivisa ʒuelsiṭq̇uaobisani,
ṭ. I-II
kartuli targmanis ṭeksṭi gamosacemad moamzada, gamoḳvleva daurto
Nino Melikišvilma,
Tbilisi 1987-1988
Vol. I electronically prepared for the ARMAZI project by Beka Topuria,
Frankfurt a/M / Tbilisi, 1999-2002,
with further editing for the GNC project by Manana Bukia
under the direction of Irakli Garibashvili,
Tbilisi, 2016;
vol. II electronically prepared for the GNC project by Tina Laghidze and Ina Robakidze
under the direction of Irakli Garibashvili,
Tbilisi 2015;
TITUS version by J. Gippert,
Frankfurt a/M, 22.8.2010 / 2.5.2015 / 3.1.2017

Chapter: 1
Page: I-89
Line: 1 იოსიპოს წიგნი ჰურიისაჲ

Line: 8 იოსიპოჲს იუდაებრივისა დასაბამსიტყუაობისაჲ

Line: 9 წიგნი პირველი

Paragraph: 1
Line: 10       1) მნებებელთა აღწერად მოთხრობისათა არა ერთსა, არცა მასვე ვხედავ
Line: 11    ქმნილსა მიზეზსა მოსწრაფებისასა, არამედ მრავალთა და მრავლად ურთი\ერთსა
Line: 12    განყოფილთა. რამეთუ ვიეთნიმე მჩუენებელნი სიძნელისა სიტყუათასა
Line: 13    და მისგან მომნადირებელნი დიდებისა, ამას კერძოსა ზედა სწავლულებისასა
Line: 14    მიიმართეს, ხოლო სხუათა, მადლსა მიმნიჭებელთა მათთჳს, რომელთა ძლით
Line: 15    აღწერისა ქმნაჲ შემთხუეულ არს, მისდა მიმართ შრომაჲ და უზეშთაეს სუ\ლისა
Line: 16    მოითმინეს. ხოლო არიან, რომელნი იიძულნეს თჳთ მის საჭიროებისაგან
Line: 17    საქმეთასა, რომელთა ქმნილობასა თანა-დაემთხჳვნეს წერილსა მაუწყებელსა
Line: 18    მიცემად მათდა. ხოლო მრავალნი და სიდიდემან საჴმართა საქმეთა, უმეცრე\ბასა
Line: 19    შინა მდებარეთამან, მიუწოდნა მათ ძლითსა მოთხრობასა, გამოიღებენ
Line: 20    საზოგადოდ სარგებელად. ამათ პირველთქუმულთა მიზეზთა უკუანაჲსკნელნი
Line: 21    ორნი მეცა შემემთხჳვნეს, რამეთუ ჰრომთა მიმართ ბრძოლასა, ქმნილსა ჩუენ,
Line: 22    იუდელთაგან, და მას შინათა საქმეთა დასასრულსა, ვითარ იქმნა, გამოცდილე\ბით
Line: 23    მსწავლელი, ვიიძულე მითხრობად განმრყუნელთათჳს ჭეშმარიტებისათა
Line: 24    წერასა შინა.

Paragraph: 2
Line: 25       2) ხოლო ამას წინამდებარესა მოქმედებულსა ჴელ-ვჰყოფ, მეჭუელი ყო\ველთა
Line: 26    ელლინთა მიერ შერაცხვად ღირსად მოსწრაფებისა, რამეთუ ეგუ\ლების
Line: 27    შინაგან ქონებად ყოველსა ჩუენ მიერსა ძუელსიტყუაობასა, განწესე\ბულსა
Line: 28    მოქალაქობისასა, ებრაელებრივთა წერილთაგან გარდათარგმნილსა.
Line: 29    ოდესმე უკუე პირველადცა ვგონებდ უწყებად, რაჟამს ბრძოლასა აღვსწერდი,
Line: 30    ვიეთნი იყვნეს დასაბამითგან იუდელნი და რომელთა მჴუმეველნი ბედთანი,
Line: 31    თანად რომლისა სჯულისმდებელისა მიერ განწურთილნი კეთილმსახურებისა
Line: 32    მიერ და სხჳსა სათნოებითისა სწავლულებისა. და რაოდენთა უკუე ბრძოლა\თა
Line: 33    გრძელთა ჟამთა შინა მბრძოლნი, უკუანაჲსკნელ უნებლიეთ ჰრომთა დაე\მორჩილნეს.
Line: 34    გარნა ვინაჲთგან უზეშთაეს იყო სიტყჳსა ამის სიდიდე, თჳსგან
Line: 35    მისგან განმყოფელმან, თჳსთა თანა დასაწყისთა მისთა და დასასრულსა წერი\ლი
Line: 36    შევარიცხუე. ხოლო ჟამისა წარსრულობასა, რომელი უყუარს დიდთა
Line: 37    შეხებად მგონებელთა, მცონარებაჲ და მომდოვრებაჲ იქმნა ჩემდა, ესევითარსა
Line: 38    მიზეზსა გარდაღებად სხჳსა მიმართ ჩუენგან და უცხოოსა ენისაჲ ჩუეულებისა.
Page: I-91   Line: 1    ხოლო იყვნეს ვიეთნიმე, რომელნი სურვილითა მოთხრობისათა მისდა
Line: 2    მიმართ მაწუევდეს მე და უფროჲსდა ყოველთასა ეპაფროდიტოს, მამაკაცი,
Line: 3    ყოველსა ვიდრემე სახესა Page of ms.: 3r სწავ\\ლულებისასა შემყუარებელი. ხოლო უმეტეს
Line: 4     მოხარული გამოცდილებათა შინა საქმეთასა, ვითარ დიდთა ვიდრემე მიმთხუ\ეული
Line: 5     იგი საქმეთაჲ და ბადეთა მრავალსახეთაჲ, ხოლო ყოველთა შინა სა\კჳრველსა
Line: 6     მაჩუენებელი ბუნებისა კეთილისა ძალისა და წინააღრჩევასა სათ\ნოებისასა
Line: 7     შეუძრველსა. ამისი რწმუნებული საჴმარისა, გინა კეთილისა რაჲსვე
Line: 8     მოქმედებად შემძლებელთა თანმომხედველისაჲ და თავისა თჳსისაგან სირცხჳ\ლეული,
Line: 9     უკუეთუ ვგონო ხარებად მცონარებასა შინა უფროჲს, ვიდრე შრო\მასა
Line: 10     შინა კეთილთა მიმართ, უგულსმოდგინესად განვსძლიერდი. მერმე ამისი\ცა
Line: 11     თქუმულთა თანა გულისმსიტყუელი, არა ცუდად თანად ჩუენთა პირველ\მშობელთათჳს,
Line: 12     ვინაჲთგან ამათთჳს გარდაცემაჲ მენება და ელლინთათჳს,
Line: 13     ვინაჲთგან ვიეთმე მათგანნი ჩუენ მიერთა ცნობად მოსწრაფე-იქმნნეს.

Paragraph: 3
Line: 14        3) ვპოვე უკუე, რამეთუ პტოლემეოსთა მეორემან, უფროჲსდა უკუე მე\ფემან,
Line: 15     სწავლულებისათჳს და წიგნთა შეკრებისა მოსწრაფემან, უმეტეს შეი\ყუარა
Line: 16     სჯული ჩუენი და მის მიერ განწესებულებაჲ მოქალაქობისაჲ ელლინსა
Line: 17     ჴმასა ზედა გარდაღებად. ხოლო ჩუენ მიერთა მღდელთმთავართა არცა ერთისა
Line: 18     სათნოებითა მეორე, ელეაზაროს, პირველთქუმულსა მეფესა ესევითარისა სარ\გებელისაჲ
Line: 19     მიღებად არა ეშურვა, ნანდჳლ ნაცვალმცა თქუა, უკუეთუმცა არა
Line: 20     მამულებრივი იყო ჩუენდა არას კეთილთაგანისა ქონებაჲ, უთქუ არა განევ\ლტნენ
Line: 21     კაცთა, Page of ms.: 1r რომლისა გამო ჯეროვნად ვჰგონე მღდელთმთავრისა უკუე
Line: 22     მიმსგავსებაჲ დიდსულობისა, ხოლო მეფისა მრავალთა მსგავსად შერაცხვაჲ და
Line: 23     აწცა ყოფაჲ სწავლისმოყუარეთა, რამეთუ არცა იგი ესწრა ყოველსავე ძიე\ბად
Line: 24     წერილსა, არამედ მუხლნი იგი სჯულისანი მისცნეს წარვლინებულთა
Line: 25     ალექსანდრიად გამოთარგმანებისათჳს. ხოლო ბევრეულნი არიან უწყებულნი
Line: 26     სამღდელოთა წერილთა მიერ, ვითარ ხუთ ათასთა წელთა მოღებულობასა
Line: 27     მათ შინა მოთხრობისა. და ყოვლითურთნი არიან უჯერონი ჴდომანი და მრა\ვალნი
Line: 28     ბედნი ბრძოლათანი და მჴედართმყვანთა მჴნეკეთილობანი და მოქალა\ქობათა
Line: 29     წვალებანი. ხოლო ყოველივე, უფროჲსღა ამისგან ვინმე ისწაოს მო\თხრობისა,
Line: 30     მნებებელმან წიაღსლვად ამას, ვითარმედ ღმრთისა ვიდრემე ნება\სა
Line: 31     შედგომილთა და არა მკადრეთა კეთილად სჯულდებულთასა გარდასლვად,
Line: 32     ყოველივე წარემართების წიადად სარწმუნოებისა და პატივი კეთილბედობი\საჲ
Line: 33     წინამდებარე არს ღმრთისა მიერ. ხოლო რაჟამს განდგენ მათისა გამოწუ\ლილვითისა
Line: 34     ზედმოურნეობისაგან, უღონო იქმნებიან საღონონი და მიიქ\ცევის
Line: 35     განსაცდელთა მიმართ უკურნებელთა, რომელსაცა რასვე, ვითარ კე\თილისმოქმედნი,
Line: 36     მოსწრაფე იყვნენ. აწ უკუე მიმთხუეულთა წიგნთასა ვე\ვედრები
Line: 37     გონებასა ღმრთისადმი ქონებად და გამოცდად სჯულისმდებელსა
Line: 38     ჩუენსა, უკუეთუ ბუნებაჲ ღირსად მისა განიხილა და ძალსა მიანდვნა მარადის
Line: 39     ჯეროვანნი საქმენი, წმიდად დამმარხველმან მის მიერისა სიტყჳსამან ყოვლი\საგან
Line: 40     სხუათა მიერისა უშუერისა ზღაპარმეტყუელებისა. და თანად, სივრცესა
Line: 41     შინა ჟამთასა და სიძუელესა, მოცალებასა მქონებელმან მტყუართა მოგონებათასა,
Page: I-92   Line: 1     რამეთუ იქმნა უწინარეს წელთა ორ ათასთა, რაოდენ სიმრავლე საუკუ\ნოჲსა
Line: 2     არცამცა მოქმედნი მათ ღმერთთა შობასა, არცა მოქმედებათა კაცთასა,
Line: 3     გინა სჯულთა მოთხრობად მკადრე იქმნნეს. გამოწულილვითნი უკუე აღწერილ\თა
Line: 4     შინათანი წინწარსრულმან სიტყუამან თჳსისა წესისაებრ მოასწაოს, რამე\თუ
Line: 5     ესე ამის მოქმედებულისა მიერ ქმნად აღვთქჳ, არაჲს დამმეტებელმან, არცა
Line: 6     მომკლებელმან.

Paragraph: 4
Line: 7        4) ხოლო ვინაჲთგან ყოველნი სიბრძნისაგან სჯულისმდებელისა მოსესა
Line: 8     ჩუენნი შთამოკიდებულ არიან, საჭიროჲსა ჩემდა მცირედთა წინაწარ მისთჳს
Line: 9     თქუმაჲ, რაჲთა არავინ წარმკითხველადთაგანნი უღონოებდენ, სადაჲთ ჩუენდა
Line: 10     მქონებელი სიტყუაჲ სჯულთათჳს და მოქმედებათა აღწერასა, ესეოდენსა
Line: 11     ეზიარა ბუნებათმეტყუელებასა. უწყებულ-იყავნ უკუე, ვითარმედ ყოველთა
Line: 12     უსაჭიროესად შეჰრაცხა მან, მგულებელისაჲ ცხორებასაცა თჳსისა განგებად
Line: 13     კეთილად და სხუათა სჯულდებად, პირველად ბუნებასა ღმრთისასა განცდად
Line: 14     და საქმეთა მისთა გონებასა შინა განხილვაჲ და ესრეთ მიმსგავსებაჲ იგავსა
Line: 15     ყოველთა უმჯობესსა, რაოდენ შესაძლებელ და მოსწრაფებად შედგომად მისა.
Line: 16     რამეთუ არცაღა მის სჯულისმდებელისა იქმნეს გონებაჲ კეთილი, დაკლებუ\ლისა
Line: 17     ესევითარისაგან ხედვისა, არცა აღწერადთა მიერ სიტყუად სათნოებისა
Line: 18     არა სარგებელ-ექმნეს მიმღებელთა, უკუეთუ არა პირველად სხჳსა ყოვლისა
Line: 19     ისწაონ, ვითარმედ ყოველთა მამაჲ და მეუფედ მყოფი ღმერთი და ყოველთა
Line: 20     ზედახედველი შედგომილთა ვიდრემე მისთა მისცემს Page of ms.: 1v ცხო\რებასა,
Line: 21     ხოლო გარეგან სათნოებისა მავალთა შთააგდებს განსაცდელთა დიდ\თა.
Line: 22     ამის სწავლულებისა სწავლად მნებებელმან, მოსე, თჳსთა მოქალაქეთამან,
Line: 23     დადებასა სჯულისასა არა იგავთაგან და ურთიერთას მართალთაგან იწყო
Line: 24     მსგავსად სხუათა, არამედ ღმრთისა ზედა და ქუეყანისა შემზადებისა, გონე\ბათა
Line: 25     მათთა აღმყვანებელმან და მარწმუნებელმან, ვითარმედ ქუეყანის ზედა\თა
Line: 26     მოქმედებულთა ღმრთისათა უმჯობესნი ვართ კაცნი. რაჟამს კეთილმსახუ\რებისა
Line: 27     მიმართ აქუნდეს იგინი მსმენელად, ადვილად ყოველთათჳს არწმუ\ნებდა,
Line: 28     რამეთუ სხუანი სჯულისმდებელნი, ზდაპართა შედგომილნი, კაცობ\რივთა
Line: 29     ნაცოდებთა სირცხჳლსა ზედა გარდასდებდეს სიტყჳთ და მრავალსა
Line: 30     მიზეზსა ბოროტთა მისცემდეს, ხოლო ჩუენი სჯულისმდებელი, წმიდაჲ სათ\ნოებასა
Line: 31     მქონებელი ღმრთისა გამომაჩინებელი, მნებებელ იყო ჯეროვნად
Line: 32     ქონებად კაცთაცა მიერ და მოსწრაფეობად მისისა მიდებისათჳს. ხოლო არა
Line: 33     ესრეთ მბრძნობნი და მრწმუნებელნი, უსიტყუად განსაჯნა. ამის უკუე მიზე\ზისა
Line: 34     მიმართ გამოწულილვისა ქმნად ვევედრები წარმკითხველადთა, რამეთუ
Line: 35     ესრეთ განმხილველთა არა ეჩუენოს მათ არცა უსიტყოჲ, არცა სიდიდისა მიერ
Line: 36     ღმრთისა და კაცთმოყუარებისა მოუზავებელი. რამეთუ ყოველთა თანჴდად
Line: 37     აქუს დადებულებაჲ ბუნებისა ყოველთაჲსა, რომელთასა მერმე იგავეობასა
Line: 38     სჯულისმდებელისასა სიმარჯჳთ, ხოლო სხუათასა აღიყვანებთ თქუმულობასა
Line: 39     პატიოსნებით, ხოლო რაოდენთა მართლგანმარტებით თქუმაჲ ჯერ-იყო, ცხა\დად
Line: 40     გამომაჩინებელსა მისა. მგულებელთათჳს უკუე და მიზეზთა თითოეული\სათა
Line: 41     განხილვად, მრავალი იქმნას მოხილვაჲ და ყოვლად ბრძენი, რომელსა მე
Line: 42     ვიდრემე აწ უკუნ-ვაგდებ. ხოლო ღმრთისა მომცემელობასა ჩუენდა ჟამისასა,
Line: 43     ჴელვყო აღწერად შემდგომად ამის მოქმედებულისა. ხოლო მივიქცე აწ მო\თხრობისა
Page: I-93   Line: 1     მიმართ საქმეთაჲსა, მომჴსენებელი პირველად რომელთაჲ ქუეყა\ნის
Line: 2     შესაქმისათჳს თქუა მოჳსი. ხოლო ესენი სამღდელოთა წიგნთა შინა ვპო\ვენ
Line: 3     აღწერილად. ხოლო მოაქუს ესრეთ:

Section: 1
Line: 1 თ. 1

Paragraph: 1
Line: 4        1) დასაბამსა აღაგო ღმერთმან ცაჲ და ქუეყანაჲ. ხოლო ამისსა სახედ\ველად
Line: 5     არა მოსრულობასა, არამედ ღრმასა შინა ბნელსა დაფარულობასა, ხო\ლო
Line: 6     ზედა კერძო მისსა სულისა მსრბოლობასა, ნათლისა ქმნაჲ ბრძანა ღმერთ\მან.
Line: 7     და ქმნულობასა ამისსა, განმხილველმან ყოვლისა ნივთისამან, განყო ნა\თელი
Line: 8     და ბნელი და რომელსამე სახელს-დვა ღამედ, ხოლო სხუასა დღედ
Line: 9     უწოდა, მწუხრად თანად და განთიადად დასაბამსა ნათლისა და განსუენებასა
Line: 10     სახელისმდებელმან. და ესე ვიდრემე დღე პირველი. ხოლო მოჳსი ერთად
Line: 11     თქუა: "ხოლო მიზეზსა ვიდრემე შემძლებელ ვარ გარდმოცემად აწცა, ხოლო
Line: 12     ვინაჲთგან აღმითქუამს მიზეზმეტყუელებასა ყოველთასა თჳსად აღმწერელსა
Line: 13     მოცემაჲ, მაშინდლისად და მათთჳსსაცა თარგმანებასა მივაგდებ". ხოლო შემ\დგომად
Line: 14     ამისსა მეორესა დღეთასა ცაჲ ყოველთა ზედა დასდვა და მაშინ, მის\მან
Line: 15     სხუათაგან განმყოფელმან, თჳსგან აღირსა დაწესებად, თანად მყინვრისა
Line: 16     შემაყინებელმან მისდა და ნოტიოდ და ცუარებრივად მომჴელოვნებელმან
Line: 17     მისმან, სარგებელად ცუართაგან მოზავებულად ქუეყანისა. ხოლო მესამესა
Line: 18     დაადგინა ქუეყანაჲ, გარდამღუარველმან მისგან ზღუასა. ხოლო მასვე დღესა
Line: 19     შინა მეყუსეულად ნერგნი და თესლნი ქუეყანით აღმოვიდეს. ხოლო მეოთხე\სა
Line: 20     -- შეამკობს ცასა მზისა და მთოვარისა მიერ და სხუათა ვარსკულავთა,
Line: 21     ძრვათა და სრბათა Page of ms.: 2r მათდა, რომელთა მიერ ჟამთა მოქცეულო\ბანი
Line: 22     ცხადად მოისწავებოდინ. ხოლო მეხუთესა დღესა -- ცხოველნი, თანად
Line: 23     მცურვალნი და ჰაერისანი, რომელნიმე სიდრმესა შინა, ხოლო რომელნიმე ჰაე\რისა
Line: 24     შორის, განუტევნა, შემკრველმან მათმან ზიარებითა და შეყოფითა შო\ბისა
Line: 25     ძლით და თანააღორძინებად და განმრავლებად ბუნებასა მათსა. ხოლო
Line: 26     მეექუსესა დღესა მოქმედებს ოთხფერჴთა ნათესავსა, მამალსა და დედალსა,
Line: 27     შემქმნელი. ამასვე უკუე შინა და კაციცა აღზილა. და ქუეყანასა და ყოველთა
Line: 28     მათ შინასა ყოველთა ექუსთა შინა დღეთა იტყჳს მოსე ქმნილობასა, ხოლო
Line: 29     მეშჳდესა შინა -- განსუენებასა და დაცხრომისა მიდებასა საქმეთაგან, რომ\ლისათჳს
Line: 30     ჩუენცა მოცალებასა შრომათაგან მას დღესა შინა მივიღებთ, სახე\ლისმდებელნი
Line: 31     მისნი სავვატად. ხოლო მოასწავებს განსუენებასა ებრაელთა
Line: 32     ენისაებრ სახელი.

Paragraph: 2
Line: 33        2) და ბუნებათმეტყუელებად შემდგომად მეშჳდისა დღისა იწყო მოჳსი,
Line: 34     შექმნისათჳს კაცისა მეტყუელმან ესრეთ: აღზილა ღმერთმან კაცი, მიწასა ქუე\ყანისაგან
Line: 35     მიმღებელმან, და სამფშჳნველი შთაუდვა მას და სული. ხოლო კაცი
Line: 36     ესე ადამოდ იწოდა, ხოლო მოასწავებს ესე ებრაელთა ენისაებრ მეწამულსა,
Line: 37     ვინაჲთგან მეწამულისა ქუეყანისაგან აღზელილისა იქმნა, რამეთუ ესევითარ
Line: 38     ქალწული ქუეყანაჲ და მეწამული. ხოლო წარმოუდგინნა ღმერთმან ადამოს
Line: 39     ნათესაობითნი ცხოველნი, მამალნი და დედალნი, მჩუენებელმან. და ამათ სა\ხელნი
Line: 40     უწოდნა, რომელთა მიერ და აწცა იწოდებიან. ხოლო მხედველმან ადა\მოჲს
Page: I-94   Line: 1     არამქონებელისა ზიარებასა დედლისა მიერ და თანქცევასა, რამეთუ არ\ცაღა
Line: 2     იყო, განკჳრვებულსა სხუათა ცხოველთა ზედა, ესრეთ მქონებელთა,
Line: 3     ეძინა რაჲ მის, ერთისა გუერდისა მისისა გამომღებელმან, მისგან აღზილა დე\დაკაცი.
Line: 4     და ადამოს, მიყვანებული მისდა, იცნა მისგან ქმნილი. ხოლო ევეა
Line: 5     ებრაელთა მეტყუელებისაებრ იწოდების დედაკაცი. ხოლო სახელი მის დედა\კაცისაჲ
Line: 6     ევა იყო. ხოლო მოასწავებს ყოველთა ცხოველთა დედასა.

Paragraph: 3
Line: 7        3) ხოლო იტყჳს ღმრთისა მიერსა მტილისა დანერგვასა აღმოსავალით
Line: 8     კერძო, ყოვლითა ყუავილოვანსა ნერგითა. მათ თანა უკუე -- ყოფასა და
Line: 9     ნერგსაცა ცხორებისასა და სხუასა -- გონიერებისასა, რომლისა მიერ იცნო\ბებოდა,
Line: 10     რაჲ არს კეთილი და რაჲ არს ბოროტი. ამას უკუე სამოთხესა შინა
Line: 11     შემყვანებელმან ადამოჲს და დედაკაცისამან, უბრძანა ზედმოურნეობაჲ ნერგ\თაჲ.
Line: 12     ხოლო ირწყვების მტილი ესე ერთისა მდინარისა მიერ, გარემომდინარისა
Line: 13     ყოველსა ქუეყანასა მომრგულებით, რომელი ოთხთა კერძოთა მიმართ განი\პობვის:
Line: 14     და ფისონ ვიდრემე, მოასწავებს თანა სიმრავლესა სახელი, ჰინდოეთად
Line: 15     მიმავალი, შევალს პელაღონად, ელლინთა მიერ ღანგისად სახელდებული;
Line: 16     ხოლო ევფრატი და ტიღრისი მეწამულისა ზღჳსა მიმართ წარვლენ. ხოლო
Line: 17     იწოდების ევფრატი ვიდრემდე ფორა -- მოასწავებს უკუე მიდმოგანფენასა,
Line: 18     გინა ყუავილსა. ხოლო ტიღრისი -- დიღლათ, რომლისაგან ითქუმის შეიწრე\ბით
Line: 19     მახჳლი; ხოლო გიონ, ეგჳპტეს შინა მდინარე, ჩუენდა აღმოცენებასა მო\ასწავებს
Line: 20     აღმოსავლეთით, რომელსა ნილოსად ელლინნი სახელ-სდებენ.

Paragraph: 4
Line: 21        4) ხოლო ღმერთმან უკუე ადამოსს და დედაკაცსა Page of ms.: 2v სხუათა ვიდრემე
Line: 22     ნერგთაგან უბრძანა გემება, ხოლო ნერგისაგან გონიერებისა -- შორს ქონე\ბაჲ,
Line: 23     წინაწარმთქუმელმან შეხებულთათჳს მისდა წარსაწყმედელისა ქმნა მისგან.
Line: 24     ხოლო ჟამსა მას ერთჴმაობასა ყოველთა ცხოველთასა, გუელსა, თანმქცეველ\სა
Line: 25     ადამოჲს და დედაკაცისა, მოშურნეობით აქუნდა, რომელთა ზედა იგინი კე\თილბედნიერობად
Line: 26     საგონებელ იყვნეს, რწმუნებულნი ღმრთისა მცნებათანი.
Line: 27     ხოლო გულისმსიტყუელი განსაცდელად შთავრდომასა მათსა, ურჩქმნილთასა,
Line: 28     არწმუნებს ბოროტჩუეულებით დედაკაცსა გემებად ნერგისაგან გონიერებისა.
Line: 29     მას შინა ყოფად მეტყუელი კეთილისა და ბოროტისა მეცნიერებასა, რომლი\სა
Line: 30     მგემებელთა მათ სანატრელი და არაჲთ ნაკლულევანი საღმრთოჲსგან ცხო\რებაჲ
Line: 31     გარდავლონ. და ეკუეთების ესრეთ დედაკაცსა უგულებელს-ყოფად
Line: 32     მცნებასა ღმრთისასა. ხოლო მგემებელმან ნერგისამან და განმშუებელმან საჭ\მელსა
Line: 33     ზედა, ადამსცა არწმუნა ჴუმევაჲ მისი. და ცნეს მათ, განშიშულებულ\თა,
Line: 34     და სირცხჳლსა უსაფარველოდ მქონებელთა საფარველი მათთჳს მოიგო\ნეს,
Line: 35     რამეთუ ნერგი სიმახჳლისა და გონიერებისაჲ იყო. ფურცელთა მიერ
Line: 36     უკუე ლეღჳსათა თავნი თჳსნი დაფარნეს და, ამათნი წინასაკდემელთა მომდე\ბელნი,
Line: 37     უფროჲსდა ჰგონებდეს კეთილბედნიერობად მპოვნელნი, რაოდენთა\გან
Line: 38     წინაწარ დაკლებულ იყვნეს. ხოლო ღმერთი რაჲ მტილად მოვიდა, ადამოს,
Line: 39     პირველად ვიდრემე სიტყჳსგებად მისდამი მავალი, და მცნობელი უსამართლო\ებისა
Line: 40     თჳსისაჲ, განეშორებოდა. ხოლო ღმერთსა განაკჳრვებდა მოქმედებული
Line: 41     და იკითხვიდა მიზეზსა, რომლისათჳს, პირველად შუებული მის მიერითა მო\ახლეობითა,
Line: 42     აწ ივლტის და განეშორების. ხოლო მისსა არაჲს მეტყუელებასა
Line: 43     მეცნიერებისათჳს მისისა გარდასლვასა ღმრთისა ბრძანებისასა, "არამედ ჩემსა
Page: I-95   Line: 1     ვიდრემე, თქუა ღმერთმან, თნებულ იყო, რაჲთა ცხორებასა კეთილბედნიერსა
Line: 2     და ყოვლისა ბოროტისაგან უვნებსა სცხოვნდებოდით, არცა ერთსა ზრუნვასა
Line: 3     შინა განმლეველნი სულისანი, ხოლო ყოველნი თქუენდა მსთუად, რაოდენნი
Line: 4     განსუენებისა მიმართ და შუებისა არიან, ჩემისა განგებისაებრ მავალთა თჳი\ნიერ
Line: 5     ჭირისა და შრომისა თქუენისა, რომელთა მყოფობასა მსწრაფლ მოვი\დეს
Line: 6     თქუენდა სიბერე და ცხორებაჲ არა გრძელი გექმნეს თქუენ. ხოლო აწ
Line: 7     მცნებასა ჩემსა აგინე, ბრძანებათა ჩემთა ურჩქმნილმან, რამეთუ არა სათნოე\ბისა
Line: 8     გაქუს დუმილი, არამედ მეცნიერსა თჳსისა სიბოროტისასა". ხოლო ადა\მოს
Line: 9     შორს განჰჴდიდა ცოდვისაგან თავსა თჳსსა და ევედრებოდა ღმერთსა არა
Line: 10     განმწარებად მისთჳს, მიზეზმცემელი დედაკაცისაჲ ქმნილისათჳს და მის მიერ
Line: 11     ცთუნებული ცოდვად, მეტყუელი. ხოლო იგი შეასმენდა გუელსა. ხოლო
Line: 12     ღმერთმან, უდარეს დედაკაცებრივისა განზრახვისად ქმნილი იგი, ქუეშე ყო
Line: 13     სასჯელსა, მიწისა არღა მერმეცა არარას მისთაგანსა აღმოცენებად მათთჳს
Line: 14     მთქუმელმან, გარნა მშრომელთა და მუშაკობათა თანა ძჳრხილულთაჲ რო\მელთამე
Line: 15     მოცემაჲ, ხოლო სხუათა -- არა ღირსება. ხოლო ევა შობადთა მიერ და
Line: 16     შობისა ტკივილთა მიერ განსაჯა, ხოლო რომელთა მიერ იგი გუელმან აცთუნა,
Line: 17     მათ მიერ მბრკოლელმან განსაცდელთა შთააგდო ადამოს. ხოლო მიუღო გუ\ელსაცა
Line: 18     ჴმაჲ, განრისხებულმან ბოროტჩუეულებასა მისსა ზედა ადამოჲს მი\მართსა,
Line: 19     და წამალი შთადვა ენასა მისსა ქუეშე, Page of ms.: 3r გამომაჩინებელ\მან
Line: 20     კაცთამან და მამცნებელმან ძჳნად თავისა მოდებად წყლულებათა, ვითარ\ცა
Line: 21     მას შინა ბოროტისა კაცთა მიმართისა მდებარეობასა და აღსასრულისა ად\ვილად
Line: 22     მყოფადისა მბრძოლთათჳს. ხოლო ფერჴთაგან დამაკლებელმან მისმან,
Line: 23     ცურვად ქუეყანასა ზედა მისათრეველ-ყო იგი. და ღმერთმან ვიდრემე, ამათ\მან
Line: 24     მბრძანებელმან ვნებად მათდა, გარდაამკჳდრა ადამოს და ევა მტილისაგან
Line: 25     სხუასა ადგილსა.

This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 13.1.2017. No parts of this document may be republished in any form without prior permission by the copyright holder.