TITUS
Flavius Iosephus, Antiquitates Iudaicae I-II
Part No. 109
Previous part

Section: 8  
Line: 39   თ. 8


Paragraph: 1  
Line: 40        1) ხოლო შემდგომად სალომონოჲს აღსრულებისა მიითუალა რაჲ მე\ფობაჲ
Line: 41     მისი ძემან როვოამოს, რომელი დედაკაცისაგან ამმანიტიდისა ქმნილ
Page: II-32   Line: 1     იყო მისდა, ნოომაჲსა სახელით მეყუსეულად წარმავლინებელთა ეგჳპტედ,
Line: 2     მთავართა ერისათა მოუწოდეს იეროვოამოსს. და მიიწია რაჲ მათდა მიმართ
Line: 3     სიკიმად ქალაქად, როვოამოსცა ამისსა მიმართ Page of ms.: 146v  მივიდა, რამეთუ თნებულ იყო,
Line: 4     რაჲთა მუნ შეკრებილთა ისრაილიტთა განაჩინონ იგი მეფედ. და მისრულნი
Line: 5     უკუე მისა მთავარნი ერისანი და იეროვოამოს ევედრებოდეს, მეტყუელნი,
Line: 6     რაჲთა მიუტეოს მათ რომლისა რაჲმე მსახურებისაგან და უსახიერეს იქმნეს
Line: 7     მამისა, რამეთუ მძიმესა უღელსა მის ქუეშე მოთმინეობდეს იგინი და ესენი\ცა
Line: 8     უმეტეს კეთილგონება იქმნენ მისა მიმართ და შეიყუარონ მისა მიმართ
Line: 9     მსახურებაჲ სიმშჳდისათჳს უფროჲს, ვიდრეღა შიშისა. ხოლო მან შემდგომად
Line: 10     სამთა დღეთა, ჰრქუა, მიუგოს მათ, რომელთათჳს ევედრებიან, საეჭუელ იქმნა
Line: 11     ვიდრემე მეყუსეულად არა მაშინვე წამისმყოფელი მათდა სახარულევანთაჲ,
Line: 12     რამეთუ მზა-ყოფად ევედრებოდეს სახიერებასა და კაცთმოყუარებასა და
Line: 13     ამას ახალ ქმნასა შინა. ხოლო საგონებელ იყო ეგრეთვე და განზრახვაჲ\ცა
Line: 14     და კეთილსა სასოებასა მქონებელ იყვნეს არა მეყუსეულად
Line: 15     უკუნთქუმი/სათჳს.

Paragraph: 1  
Line: 16        2) და მომწოდებელი მამისა მოყუარეთაჲ, განიზრახვიდა მათთჳს, რომ\ლისა
Line: 17     სიტყჳსგებისა ჯერ-არს ქმნაჲ მათდა მიმართ, ხოლო იგინი, ვითართაჲ
Line: 18     ჯერ-იყო მოყუარეთაგან და მეცნიერთა ბუნებასა სიმრავლისასა, განაზრახებ\დეს
Line: 19     მას სიყუარულით ზრახვასა ერისა მიმართ და ზოგადობით უფროჲსღა,
Line: 20     ვიდრე მეფობისა ძლით სიდიდით, რამეთუ ესრეთ იპყრას გული სიყუარუ\ლით,
Line: 21     ვინაჲთგან ქუეშდამორჩილებულნი ბუნებით მოყუარე არიან მშჳდსა და
Line: 22     მცირედღა თანასწორობასა მეფეთასა. ხოლო მან ესრეთ კეთილი და უმჯობე\სი
Line: 23     განზრახვაი გარე-მიაქცია, ნუუკუე ვიდრემე ყოვლისა მიმართ. ხოლო
Line: 24     უკუეთუ არა მაშინ მყოფისა ჟამისა მიმართ, რაჟამს ეგულებოდა მეფე-ქმნაჲ,
Line: 25     ვჰგონებ ღმრთისა მიმართ ქმნილობითა და უმჯობესსა დასჯითა მისგან. და
Line: 26     მომწოდებელი ყრმააკთა თანაღზრდილთაჲ და მოხუცებულთა განზრახვასა მეტყუელი
Line: 27     მათდა, რაჲ ჯერ-არს ყოფად, უბრძანებდა მათ სიტყუად, ხოლო
Line: 28     მათ, რამეთუ არცა სიჭაბუკე არცა ღმერთი უტევებდა განგონებად უმჯობეს\თა,
Line: 29     განაზრახეს სიტყჳსგებაჲ ერისა მიმართ, ვითარმედ უმცირესი თითი მისი
Line: 30     უმსხო მამისა წელთა არს და უკუეთუ ფრიად მრისხანესა მიემთხჳნეს მას,
Line: 31     მრავლად უფროჲსღა მისგან მიიღონ გამოცდილებაჲ სიძნელისაჲ და უკუეთუ საწერტელით
Line: 32     ასწავლიდა მათ იგი, ღრიაკალთა მიერ მომლოდე იყენენ მის\გან
Line: 33     ქმნასა ამისსა. ამათ ზედა მხიარულქმნილმან მეფემან და მეჭუელმან, ვი\თარმედ
Line: 34     ესე სიტყჳსგებაჲ შუენის ღირსებასა მთავრობისასა, ვითარ მოკრბა
Line: 35     სიმრავლე მსმენადი მესამესა დღეთასა და მხიარულ იყო ყოველი ერი და
Line: 36     მოსწრაფე სმენად, რასამე იტყჳს მეფე, ხოლო მეჭუელი რომელსამე და კაცთმყუარებისაცა,
Line: 37     ყრმააკთა განზრახვაი, დამტევებელმან მოყუარეთასა,
Line: 38     მიუგო მათ. და ესენი უკუე იქმნებოდეს განზრახვისაებრ ღმრთისა, რაჲთა მი\იღონ
Line: 39     მათ დასასრული, რომელნი იწინაწარმეტყუელნა აქიას.

Paragraph: 3  
Line: 40        3) ხოლო წყლულნი სიტყუათა მიერ, ვითარ საქმეთაგან, და ტკივნეულ\ნი
Line: 41     ვითარ გამოცდილებასა შინა თქუმულთასა ქმნილნი, განრისხნეს და დიდად
Page: II-33   Line: 1     მჴმობელთა ყოველთა თქუეს არღა მერმეცა არცა ერთისა ნათესვობისა ყო\ფაჲ
Line: 2     დავიდის მიმართ და მისგან მყოფთა მიერ დღითგან. ხოლო ტაძრისა მხო\ლოდ
Line: 3     მიტევებასა მისდა მეტყუელთა, რომელი პაპპამან მისმან შეჰმზადა,
Line: 4     დატევებაჲ აქადეს და ესრეთ მქონებელ იყვნეს სიმწარით და რისხვაჲ დაი\მარხეს,
Line: 5     ვიდრეღა ხარკთა ზედაჲცა მისი წარვლინებული ადორამოს, რაჲთა დაამშჳდნეს
Line: 6     მიმტევებელნი თქუმულთანი, ვითარმედ თავჴედობით ძნელ იყო
Line: 7     მათდა სიჭაბუკისა მიერ, ამათ სიტყუათა მიერ დააწყნარნეს, არა თავს-იდვეს,
Line: 8     არამედ, ქვათა მიერ მცემელთა მისთა, მოაკუდინეს. ამისი მხილველი როვო\ამოს
Line: 9     და თჳსად შემრაცხელი გუემულებასა ქვათაგან, რომელთა მიერ მსახური
Line: 10     მისსი მოუკუდინა სიმრავლემან, შეშინებული, ნუსადა საქმით მვნებელ იქმნეს
Line: 11     ბოროტსა, აღსრული მეყუსეულად ეტლსა ზედა, ივლტოდა იეროსოლჳმათად\მი.
Line: 12     და იუდაჲს ვიდრემე ტომმან და ვენიამიტისმან ჴელთდასხმულ-ყო იგი
Line: 13     მეფედ, ხოლო სხუამან სიმრავლემან, მიერ დღითგან დავიდის ყრმათაგან განდგომილმან,
Line: 14     იეროვოამოს განაჩინა უფალად საქმეთა. და როვოამოს უკუე, სალომონოჲს ყრმაჲ,
Line: 15     მოქმედი შესაკრებელისაჲ ორთა ნათესავთაგან, რომელნი
Line: 16     აქუნდეს მორჩილად, მოსწრაფე იყო, მიმყვანებელი მათგან მჴედრობასა რვა\თა
Line: 17     და ათთა ბევრთა რჩეულთასა განსლვად იეროვოამოსს ზედა და ერსა
Line: 18     მისსა, რაჲთა მბრძოლმან აიძულოს მონებაჲ მისი. ხოლო დაყენებული ღმრთი\საგან
Line: 19     წინაწარმეტყუელისა მიერ ქმნასა მჴედრობისასა, რამეთუ ეტყოდა --
Line: 20     "ესევითარად არა სამართალ არს ბრძოლაჲ თანმონათე Page of ms.: 147r  სვეთა მიმართ და ამათ
Line: 21     თანა ღმრთისა წინააღრჩევითა განდგომილქმნილობასა შინა სიმრავლისასა" --
Line: 22     არა განვიდა. ხოლო მოთხრობა-ვყო პირველად რაოდენნი იეროვოამოს, ის\რაჲლიტთა
Line: 23     მეფემან, იმოქმედნა. და შემდგომად ამათსა მქონებელნი როვოა\მოჲს
Line: 24     მიერ, ორთა ნათესავთა მეფისა ქმნილნი, ცხად-ვყვნეთ, რამეთუ ესრეთ
Line: 25     დაცვულ იქმნეს ვიდრე ყოვლისადმი კეთილგანწესებაჲ მოთხრობისაჲ.

Paragraph: 4  
Line: 26        4) იეროამოს უკუე, აღმაშენებელისა სამეფოჲსასა სიკიმას ქალაქსა შინა,
Line: 27     ამას შინა აქუნდა მქცეველობაჲ. და აღაშენა ქალაქიცა, ფანოილად წოდებუ\ლი.
Line: 28     ხოლო შემდგომად არა მრავლისა, ეგულებოდა რაჲ წარმოდგომაჲ დღე\სასწაულსა
Line: 29     მეკარვეობისასა, გულისმსიტყუველმან, ვითარმედ უკუეთუ უბრ\ძანოს
Line: 30     სიმრავლესა წარსრულსა თაყუანის-ცემაჲ ღმრთისაჲ იეროსოლჳმად, შემნანებელმან
Line: 31     სადმე და შეშინებულმან ნანდჳლ ტაძრისაგან ღმრთისა და მის
Line: 32     შინაჲსა მსახურებისა, დაუტევოს ვიდრემე იგი და შეუდგეს პირველსა მეფე\სა.
Line: 33     და ესე თუ იქმნეს, დაჭირვებულ იქმნეს იგი განჴუებად სულსა, მოიჴელოვ\ნა
Line: 34     რაჲვე ესევითარი:

Line: 35        ორთა ოქროჲსა დიაკეულთა მოქმედმან და აღმაშენებელმან ესეოდენთავე მცირეთა
Line: 36     ტაძართამან, ერთი ვიდრემე ვეთილის ქალაქსა შინა და სხუაჲ --
Line: 37     დანის შინა, ხოლო არს ესე მახლობელად წყაროთა მცირისა იორდანისათა,
Line: 38     აღჰმართნა დიაკეულნი თითოეულსა შინა ტაძართასა თქუმულთა ქალაქსა ში\ნაჲ.
Line: 39     და მომწოდებელმან ათთა ნათესავთამან, რომელთა ზედა მთავრობდა
Line: 40     იგი, ერისმეტყუელა ამათ სიტყუათა მოქმეღმან:

Line: 41        "მამაკაცნო ერთ ნათესავნო! ვჰგონებდ, ვითარმედ უწყით თქუენცა ესე,
Line: 42     რამეთუ ყოველსა ადგილსა აქუს ღმერთი და არა არს ერთი განჩინებული ად\გილი,
Page: II-34   Line: 1     რომელსა შინა იყოს, არამედ ყოველგან ესმის და მსახურთა ზედ-ხე\დავს.
Line: 2     რომლისათჳს არა მგულავს თქუენ, მოსწრაფებით წარსულთაჲ აწ თა-ყუანისცემისათჳს
Line: 3     იეროსოლჳმად, მტერთა ქალაქისა მიმართ, ესრეთ შორსა
Line: 4     გზასა. კაცმან შეჰმზადა ტაძარი, ხოლო შევქმნენ მეცა ორნი ოქროჲსა დია\კეულნი,
Line: 5     თანმოსახელენი ღმრთისანი, და ერთისა ვიდრემე ყოფაჲ ვეთილის
Line: 6     ქალაქსა შინა დავამტკიცე, ხოლო სხჳსა -- დანის, რაჲთა თქუენგანნი, მახლო\ბელად
Line: 7     ამათ ქალაქთასა მდებარენი, წარსრულნი მათდა მიმართ თაყუანის-ცემ\დენ
Line: 8     ღმერთსა. ხოლო განვაჩინნე თქუენდა მღვდელნიცა ვიეთმე თქუენგან და
Line: 9     ლევიტელნი, რაჲთა არა გაქუნდეს საჴმარებაჲ ლევიტიდოჲს ნათესვისაჲ და
Line: 10     აარონოჲს ძეთაჲ, არამედ მნებებელი თქუენგან მღდელ-ყოფისაჲ შესწირევ\დინ
Line: 11     ღმრთისა ჴბოსა და ვერძსა, რომელთა ქმნასა იტყჳან პირველისაცა
Line: 12     მღდელისა აარონოჲსგან".

Line: 13        ამათმან მეტყუელმან შეაცთუნა ერი და, მამულისა მსახურებისაგან გან\ყენებულნი,
Line: 14     ყვნა იგინი გარდამავალ სჯულთა. ესე დასაბამად ბოროტთა ექმ\ნა
Line: 15     ევრაელთა და ტყუეობასა შთავრდომა, ბრძოლისა მიერ პყრობელთა სხუა ნათესავთაგან,
Line: 16     არამედ ესენი ვიდრემე ადგილსა თჳსსა ცხდ-ვყვნეთ.

Paragraph: 5  
Line: 17        5) ხოლო წარმოდგა რაჲ დესასწაული თუესა შინა, და ამანცა, მნებე\ბელმან
Line: 18     აღსრულებად ამას ვეთილის შინა, ვითარ დღესასწაულობდეს ორნი
Line: 19     ტომნი იეროსოლჳმათა შინა, აღაშენნა ვიდრემე სამსხვერპლოჲ წინამე დია\კეულისა.
Line: 20     ხოლო თჳთ მღდელთმთავარქმნილი, აღვიდოდა ვომონსა ზედა
Line: 21     თჳსთა თანა მღდელთა. და ეგულებოდა რაჲ ზედმიღებაჲ მსხუერპლთაჲ და
Line: 22     ყოვლად დასაწუველთაჲ, სახედველად ყოვლისა ერისა მოიწია მისა მიმართ იეროსოლჳმათგან
Line: 23     წინაწარმეტყუელი, იადონ სახელით, ღმრთისა მიერ წარ-მოვლინებული, რომელმანცა,
Line: 24     დადგომილმან საშუვალ სიმრავლისა, სასმენე\ლად
Line: 25     მეფისა თქუნა ესენი, სამსხვერპლოჲსა მიმართ მყოფელმან
Line: 26     სიტყუათა/მან:

Line: 27        "ღმერთი წინაწარ-იტყჳს ქმნასა ვისსამე დავიდის ნათესვისაგან, იოსიას
Line: 28     სახელით, რომელმან შენ ზედა ამსხუერპლნეს ცრუნი მღდელნი, მას ჟამსა
Line: 29     შინა ქმნადნი და ძუალნი ამათ ერის მცთართა და შემაცთუნებეთა და
Line: 30     უღმრთოთანი შენ ზედა დაწუნეს. რაჲთა ვიდრემე უკუე ირწმუნონ ამათ
Line: 31     ამისი ესრეთ ქონებაჲ, სასწაული წინაწარ-უთხრა მათ ქმნად: განიპოს სამსხუ\ერპლოჲ
Line: 32     მეყუსეულად და ყოველი მას ზედაჲ ცმელი სამსხუერპლთაჲ ქუეყა\ნასა
Line: 33     ზედა დაითხიოს".

Line: 34        ესენი რაჲ თქუნა წინაწარმეტყუელმან, განრისხებულმან იეროვოამოს განჰმარტა
Line: 35     ჴელი, მბრძანებელმან პყრობისა მისისამან. ხოლო განმარტებული
Line: 36     ჴელი მეყუსეულად დაიჴსნა და არა შემძლებელ იყო თავად თჳსად მიღებად
Line: 37     ამას, არამედ დაბუშებულად და მკუდრად აქუნდა Page of ms.: 147v  შთამოკიდებული. განი\პო
Line: 38     და სამსხვერპლოჲცა და შთავარდა ყოველი მისგან, ვითარ წინაწარ-თქუა
Line: 39     წინაწარმეტყუელმან.

Line: 40        და ისწავა რაჲ ჭეშმარიტებაჲ კაცისაჲ და საღმრთოსა წინაწარმეცნიერე\ბასა
Line: 41     ქონებაჲ, ევედრა მას, რაჲთა მოქენე იქმნეს ღმრთისა და განაცხოველოს
Line: 42     მარჯუენე მისი. და იგი ვიდრემე ევედრა ამას მინიჭებად მისდა, ხოლო ჴელ\მან
Page: II-35   Line: 1     მიიღო კუალად გებაჲ ბუნებითი. მხიარულის მას ზედა ევედრებოდა წი-ნაწარმეტყუელსა
Line: 2     სერობად მისდა თანა. და იადონ უკუე თქუა არა თავსდე\ბად
Line: 3     შესვლასა მისა მიმართ, არცა გემებასა პურისა და წყლისასა მას ქალაქსა
Line: 4     შინა, რამეთუ ესე ღმერთმან უკუნ-თქუა მისდა, და გზასა, რომელსა მივიდა,
Line: 5     რაჲთა არა მის მიერ ქმნას უკუნ-ქცევაჲ, არამედ სხჳსა მიერ. და მას ზედა
Line: 6     ვიდრემე განკჳრვებელ იყო მეფე კრძალულებისათჳს, ხოლო თჳთ შიშსა შინა
Line: 7     გარდაცვალებასა მისგან საქმეთასა, პირველთქმულთა მიერ არაკთაჲსა გუ-ლისმსიტყუველი.




Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.