TITUS
Vita Pancratii Tauromensis
Part No. 17
Previous part

Section: (16)  
Line of ed.: 1       ხოლო რაჟამს ესე ყოველი აღასრულა წმიდამან მოციქულ\მან,
Line of ed.: 2    ყო ლოცვაჲ და გარდამოვიდა გოდლისა მისგან და ჰრქუა ბაგ\რატს:
Line of ed.: 3    ჟამი არს აწ წარსლვად ჩუენდა გზასა ჩუენსა, ვინაჲცა უფალ\მან
Line of ed.: 4    მიმიძღუეს, ხოლო ნეტარმან ბაგრატ დადგა გოლდოსა მას შინა
Line of ed.: 5    თჳსაგან წინაშე პატიოსნისა და ცხოველს მყოფელისა ჯვარისა და
Line of ed.: 6    ხატისა უფლისა ჩუენისა იესჳ ქრისტესისა, ილოცვიდა ცრემლით
Line of ed.: 7    და იტყოდა: იესჳ ქრისტე, რომელი მოხუედ წყალობით მოძიებად
Line of ed.: 8    ნათესავსა კაცთასა, ნუ უგულბელს მყოფ მე, რამეთუ გლახაკ და
Line of ed.: 9    დავრდომილ ვარ, მოიხილე სიმდაბლესა ზედა ჩემსა, რამეთუ შენ\და
Line of ed.: 10    მოვილტვი ყოვლად ძლიერისა და სახიერისა ღვთისა; და აღას\რულა
Line of ed.: 11    რაჲ ლოცვაჲ, გამოვიდა გოდოლისა მისგან და მივიდა სამარ\ხოსა
Line of ed.: 12    მამისა და დედისა თჳსისასა, დადგა მას ზედა და თქუა ცრემ\ლით:
Line of ed.: 13    აჰა ესერა, მამაო კეთილო და შენ, დედაო ჩემო ტკბილო,
Line of ed.: 14    სწავლისა და ბრძანებისა ებრ თქუენისა, წარვალ შვილი ესე თქვე\ნი
Line of ed.: 15    შემდგომად ქრისტესა შეწევნითა მისითა, ევედრენით უკუე ქრის\ტესა
Line of ed.: 16    ღმერთსა ცხორებისა თჳს ჩემისა და ამბორს უყო სამარხსა
Line of ed.: 17    მას და გამოვიდა მიერ და შევიდა სახლსა, რომელსა შინა მონანი
Line of ed.: 18    მისნი იყვნეს და პოვნა ყოველნი მძინარენი, რამეთუ ღამე იყო; და
Line of ed.: 19    ვითარ იხილეს იგი, ყოველნი ზე აღდგეს და დაუტევა მათ მშვი\დობაჲ
Line of ed.: 20    და მოიკითხა, ხოლო იგინი მოეხჳნეს მას და მწარითა ცრემ\ლითა
Line of ed.: 21    გოდებდეს და იტყოდეს: ვაჲ ჩუენდა; უფალო ჩუენო, რემე\თუ
Line of ed.: 22    ობოლნი და უუფლონი დავშთებით, ოდესმე უკუე ვიხილოთ
Line of ed.: 23    პირი შენი. ცრემლოდა ნეტარი ბაგრატცა და ჰრქუა: ნუ მწუხარე
Line of ed.: 24    ხართ, ძმანო, რამეთუ დაღაცათუ ჴორცითა განგეშორები, არამედ
Line of ed.: 25    სულითა თქვენთანა ვარ და ესრეთ მოიკითხნა იგინი და განვიდა
Line of ed.: 26    და მრქუა მე: შვილო ევაგრე, შემომიდეგ მე, რამათუ მე ხოლო
Line of ed.: 27    წარმიყვანს მის თანა სახლეულთა მისთაგან.

Next part


This text is part of the TITUS edition of Vita Pancratii Tauromensis.

Copyright TITUS Project, Frankfurt a/M, 21.8.2015. No parts of this document may be republished in any form without prior permission by the copyright holder.